قرينة الرئيس تبدأ حركة نسوية للسلام

[الطفشان]

قرينة الرئيس تبدأ حركة نسوية للسلام

تضم زوجات رؤساء و ملوك (الاردن، ايرلندا، غانا)

و تصر ان الحركة غير مقصورة على قرينات الرؤساء و الملوك!

الوصلة من أ ف ب الفرنسية

(يا ترى احدى زوجات القذافي في الحركة؟)

[Lancelot]

give me a break

أسف إن الرد بالإنجليزي .. لكن الكلمة طلعت في دماغي أول لما قرأت العنوان ...

[optimistic]

الحاجة ام جعضيض صاحبة كشك السجاير تحت البيت عايزة تشارك

و معاها بابور جاز بنهاوي معتبر لزوم التسوية

[achnaton]

قرينة الرئيس تبدأ حركة نسوية للسلام

تضم زوجات رؤساء و ملوك (الاردن، ايرلندا، غانا)

و تصر ان الحركة غير مقصورة على قرينات الرؤساء و الملوك!

الوصلة من أ ف ب الفرنسية

(يا ترى احدى زوجات القذافي في الحركة؟)

والله يا أخى أنت بتفتح مواضيع .. بترفع ضغط الدم .. وبتفكرنى بجواب كتبته قارئة لجريدة العربى توصف حال منطقة الساحل لمدة يومين قبل زيارة الهانم لافتتاح التجديدات فى مستشفى العيون .. واحنا هنا قعدنا نحسب تحركات واقامة المحافظ ووزير الصحة بالذات قبل الزيارة بأيام .. ثم تحركات السيد رئيس وزارة الخراب وشلة الوزراء المرافقة والجيش الهائل من الأمن وعلى رأسهم السيد الوزير ونوابه .. ولطعت المخبرين والعساكر على طول الطريق مستعرضين قفاهم للموكب .. وكل دى طبعا من مرتب مين ؟؟.. تبقى جدع لو قلت لى .. الهيصة دى من مرتب مين ؟؟.. وايه المناسبة ؟؟ يعنى ليه .؟؟. وما تقولش زى عبد الوهاب من غير ليه .. أنا اذكر من سنه تقريبا أقترحت إعطاء الأستاذة سوزان ثابت ( معرفش أخذت الدكتوراه ولا لسه ) وضعا دستوريا فى الدولة بأنتخابها نائبة للرئيس .. وطبعا .. المجلس إياه موافق ويبصم بالعشرة ..عشان الدولة وخزينتها تتحمل مصروفاتها بشكل قانونى .. الخوف بقى إنها ما ترضاش .. يطلع واحد من أصحاب الألسنة الطويلة ويقدم استجواب لغراب الخراب رئيس وزارة الكساد عن الوضع الدستورى للهانم .. بعد أن وصل المجلس فعلا استجوابا عن الوضع الدستورى لنجل الرئيس وبأى صفه يجرى مباحاثات مع الأمريكان وعلى حساب مين سفرة الدائم مع الشماشرجية من مجلس الوزراء والمستشارين بتوع الوالد الى امريكا لبحث العلاقات المصرية الأمريكية .. ولما نشوف نتيجة الأستجواب إيه ..

وآخرتها إيه .. دا الوزرا يابا بيسترشدوا الوقت بخبراتها .. أنسيت أن الصحفى الهمام صاحب الكباسين انعم عليها فى جرايد "الست والدته " { احسان عبد القدوس معملهاش لما ورث روزا } بلقب " أم المصريين " فينك يا حاجة صفية ( أمى برضه اسمها صفية ) تغطينى وتصوتى .. وانا طبعا بأهمس ودنها وبقول لها .. مافيش فايده ياصفية !!!

اخناتون المنيا الحزنان .. المرضان من زمان ..

[الطفشان]

معلش يا اخ اخناتون

انا ما قصدتش ازعلك

بس اشمعنى انا اللي ضغطي يعلى؟ (وش واحد قاسم السماوي)

اما بالنسبة لاسئلتك فكلها وجيهة و في محلها

يعني ايه صفتها، وقت الوزراء، مرتباتهم، الامن، الخ

و الاجابة بسيطة جدا

لو الناس اللي بتحكم دي مستمدة شرعية وجودها من اختيار و رضا الشعب عنها

كانت عملت للشعب و فلوسه حساب

لكن طالما انهم فئة مستبدة اصبحت الطبقة الحاكمة

فهم مش عاملين للشعب و لا مساءلته اي حساب

بس خلاص

[الأفوكاتو]

موتوا بغيظكم,

نحن ننبح

و قافلة الفساد تسير........... بسرعــــــــــة!!!

[Mohd Hafez]

لا أعلم لماذا كلما دخلت هذا الباب .. شعرت بضيق في التنفس ..ورغبة شديدة للغثيان ..ودوخة.. مع شعور جامح لتكسير المونتير .. ورمي الكمبيوتر في صفيحة الزبالة.

كل يوم تغرق مصر كدولة وشعبا في مستنقع كبير وعميق و لزج

أسمه الفساد والمحسوبية والتخلف والضياع ..

لا أعلم هل الشعب المصري بالداخل حاسس بالمصيبة إللي معيشنا فيها مبارك وعائلته .. أم أننا مزودنها أكثر من الازم ..

[مصرى]

على رأى عمنا عبدالرحمن الكواكبى

قال : كلمة حق وصيحة فى واد .. إن ذهبت اليوم مع الريح .. فغداً تذهب بالأوتاد ..

نشرت جريدة العربى فى عددها الأخير أن عادل عيد المحامى وعضو مجلس الشعب تقدم بطلب إحاطة فى مجلس الشعب عن المركز الدستورى لجمال مبارك نجل الرئيس والصفة التى يتحرك بها ويجرى مباحثات رسمية مع مسئولين أمريكيين ومصدر تمويل مصروفات سفر الأخ جمال والوفد المرافق له ..

وطبعا الطلب لازال فى مكتب الدكتور سرور رئيس سيد قراره ..

[الطفشان]

لا أعلم هل الشعب المصري بالداخل حاسس بالمصيبة إللي معيشنا فيها مبارك وعائلته .. أم أننا مزودنها أكثر من الازم

لا هم حاسين، و لا احنا مزودينها

الشعب مغيب تماما

اما بمزاجه (مكبر دماغه، و العيال، و عايزين نعيش)

او غصب عنه (معتقل، الخ)

احنا عاملين زي العاقل في وسط مجانين (حيقولوا عليهم مجانين!)

او زي "نيو" ما فاق و شاف الدنيا بعد ما بلع الحبة الحمرا في فيلم الماتريكس الاول

و صدم من الكبسولات اللي فيها البني ادمين و المكن عاملهم زي الغنم

نشرت جريدة العربى فى عددها الأخير أن عادل عيد المحامى وعضو مجلس الشعب تقدم بطلب إحاطة فى مجلس الشعب عن المركز الدستورى لجمال مبارك نجل الرئيس والصفة التى يتحرك بها ويجرى مباحثات رسمية مع مسئولين أمريكيين ومصدر تمويل مصروفات سفر الأخ جمال والوفد المرافق له ..

هذا الرجل (عادل عيد طبعا) من الشرفاء القلائل

و للاسف ليس هناك الكثير مثله

لو كان، لتغير الحال

و لكنه يد واحدة، فكيف تصفق؟

[مصرى]

هذا الرجل (عادل عيد طبعا) من الشرفاء القلائل  

و للاسف ليس هناك الكثير مثله  

لو كان، لتغير الحال  

و لكنه يد واحدة، فكيف تصفق؟

وفى ندوة عقدتها نقابة الصحفيين الأسبوع الماضى تحدث الدكتور عوض المر الرئيس السابق للمحكمة الدستورية العليا واصفا النظام فى مصر بأنه مستبد يسعى لحماية أركانه ويهدر كرامة المصريين ..

ونفس المعنى وفى ذات الندوة تكلم الدكتور يحيى الجمل خبير القانون الدولى وأحد رجال مفاوضات طابا

عدد الرجال الشجعان يتزايد .. وهذا يبعث على الأمل .. كما أن هؤلاء جميعهم يعدون شخصيات قومية .. ولا يمكن حسابهم على تيار معين أو حزب سياسى معارض .. وهذه ظاهرة جديدة على الساحة المصرية وأعتقد أن الحكومة لازالت حائرة فى كيفية التعامل معها .. فقد إعتادت الحكومة على مجابهة أصوات المعارضة من داخل تيارات دينية أو سياسية توجه اليها سهام النقد والتشهير .. ولكن من يتصدون للمعارضة الآن شخصيات قومية وتعد رموزا وطنية ..

[achnaton]

وفى ندوة عقدتها نقابة الصحفيين الأسبوع الماضى تحدث الدكتور عوض المر الرئيس السابق للمحكمة الدستورية العليا واصفا النظام فى مصر بأنه مستبد يسعى لحماية أركانه ويهدر كرامة المصريين ..

ونفس المعنى وفى ذات الندوة تكلم الدكتور يحيى الجمل خبير القانون الدولى وأحد رجال مفاوضات طابا

عدد الرجال الشجعان يتزايد .. وهذا يبعث على الأمل .. كما أن هؤلاء جميعهم يعدون شخصيات قومية .. ولا يمكن حسابهم على تيار معين أو حزب سياسى معارض .. وهذه ظاهرة جديدة على الساحة المصرية وأعتقد أن الحكومة لازالت حائرة فى كيفية التعامل معها .. فقد إعتادت الحكومة على مجابهة أصوات المعارضة من داخل تيارات دينية أو سياسية توجه اليها سهام النقد والتشهير .. ولكن من يتصدون للمعارضة الآن شخصيات قومية وتعد رموزا وطنية ..

اخينا الفاضل الطفشان .. عارف من زمان .. أن فيه وسيلة جديدة لوداع الأصدقاء .. والبعد عن " الغوغاء " .. والخلق الغوغائى .. والتصرف الغوائى .. علم كان بيدرسة الدكتور أمير بقطر عميد كلية التربية فى الجامعة الأمريكية قبل وبعد " الحركة الغوغائية " التى اطلقنا عليه ظلما " الثورة العسكرية " اللى فلت عيارها فور قيامها .. ولن أطيل .. لأن تلامذة " الحركة الغوغائية " كتير ومن اوائل الدفعات .. هؤلاء الذين أمسكوا بأبواق النفاق .. وقادوا مواكب " غسيل مخ الشعب " وتشجيع دهان الهواء بالديكو الوردى .. فأثمرت غراب الخراب إياه ..

وهذه الوسيلة الجديدة التى أرسى قواعدها الراجل " الشريف " وجند كل أجهزة الإعلام ليبشروا الشعب أن كل شئ تمام ..

ولن نجد افضل من الوسيلة الجديدة .. لأننا أصبحنا جميعا أو معظمنا على الحديدة .. هذه الوسيلة التى يطالبنا ويزينها لنا إعلام سمسم وأقرانه بأشراف " الشريف " الطاهر .. هى :

الإنتحار كمدا !!! واللى عاوز ينتحر يشترك معاكم فى هذا الموضوع

اخناتون المنيا .. الحزنان .. والمرضان من زمان [/size

[Spider]

قرينة الرئيس تبدأ حركة نسوية للسلام

صحيح

ما يجيبها ألا نسوانها