الحسد من منا لم ينكوى بنارة

[ذهبية]

لقد ذكر الحسد فى كتاب الله و سنة رسولة و حذرنا الله من الحسد و الحاسدين

من منا لم يمر بموقف او حادثة وكان الحسد لة يد العليا بعد قضاء الله و قدرة

موقف مررت بية لا تنساها قولت فيها لنفسك بعدها انا اتحسدت

كم موقف كانت تسير بك الامور مجراها الطبيعى و فجاة توقف كل شىء بدون مبرر او تفسير

ادعو الاخوة الاعضاء ان يكتب كل واحد قصة او موقف لا ينساها طوال عمرة كان الحسد بطل فيها

اسمحولى ان ابدا بنفسى

كانت لى صديقة دراسة تشاركنا فى كل شىء حتى فى زمن خطوبتنا و زواجنا و كلنا كننا نتنتظر ان يمن الله علينا بنعمة الامومة فى نفس الوقت و شاء القدر انى اسبقها

لما علمت بالخبر خاصمتنى و لم ترد ان ترد على مكالمتى و كنت دائمة الاتصال و اسال لماذا البعد و عدم السؤال؟؟؟

حتى ردت عليا رد لم انساها طوال حياتى قالت كيف اتصل بيكى وانتى حامل فى شهر ونصف تقريبا انتى عندك فرح وانا عندى ماتم و حزن ؟؟؟وقع عليا ردها كالصاعقة لم اعرف ان ارد و ذهبيت الى الطبيب للكشف اذا بية يقول لى لقد توقف الجنين عن النمو بدون تفسير بعد ماكان يسير فى خطاها الطبيعية توقف فجاة نموة عند شهر و نص بدون اى تفسير طبى و استغراب من الطبيب بعد كانت الامور طبيعية

طبعا هذا قضاء الله و قدرة و الحمد الله بعد سنتين رزقنى الله بابنىو احمد الله كثيرا على هذا العطاء اتمنى ان يحمية الله من كل سوء لكن ما نسيت هذا الموقف ما حييت

اتمنى ان اسمع منكم يا اصدقائى تجاربكم

[MZohairy]

أؤمن بوجود شيئ ما اسمه الحسد لذكره في القرآن

و لكني لم اقتنع ابدا بالتفسيرات المصاحبه له لإعطاؤه معناه الحالي المتعارف عليه

الموضوع به الكثير من الخرافات و الموروثات و لو بعدناها عن المعنى الموروث لربما ظهر مفهوم اوضح للحسد

[جويرية]

أنا برضه ضد تخوين الناس

يعني زي ما بيقولوا خير ن تعمل شرا تلقي

يعني واحدة انا بمدحها و اقولها الله شقتك حلوة او لبسك حلو تتهمني بالحسد

و بعدين لو اللي قدامي قال ( اللهم بارك ) خلاص الدعاء بالبركة بيشيل الحسد

في ناس بتقول ان كلمة ( ما شاء الله لا قوة إلا بالله ) هيا اللي بتشيل الحسد و هيا اللي بتطمن اللي قدامي اني مش بحسده

و الكلام ده مش صحيح ، الصحيح ان الدعاء بالبركة هوه اللي بيمنع الحسد

و الله اعلم

[جويرية]

صحيح و الخرزة الزرقا و الخمسة و خميسة و الحاجات اللي الناس بتعلقها دي كلها ملهاش لازمة

في دعاء بس تحصين من الحسد و الواحد يقرا المعوذتين بس هوه ده اللي بيحمي من الحسد

[MZohairy]

ممكن تعرفوني ازاي الواحد يقدر يحسد حد بشكل واضح و بسيط؟

يعني لو انا مثلا عايز احسد رئيسة وزراء اسرائيل الحلوه دي

أحسدها ازاي بحيث اصيبها في مقتل؟ wst::

[جويرية]

وفيه قصة أحب احكيها عن الحسد بما أني في اجازة من الشغل ومش ورايا حاجة

كان فيه واحد هوه واخوة ليهم ميراث من أبوهم و بعدين واحد منهم ضيع الفلوسس اللي ورثها عن أبوة و بعدين بقي كل شوية يطلب فلوس من أخوة و يضيعها برضه ، و بعدين في مرة أخوة قالله لأ خلاص انا مش حديللك فلوس تاني

المهم فكر في حيلة ، قال خلاص أنا حجيب واحد عشان يحسد أخويا عشان يبقي معهوش حاجة زيي

قالولوه أن فيه راجل عجوز بيحسد ، فراح دور عليه عشان يحسد أخوة

المهم أن أخوة الثروة بتاعته كانت عبارة عن جمال كتير

فراح خد الراجل العجوز اللي عايزه يحسد أخوه و الراجل ده كان نظره ضعف شوية

فراح الراجل العجوز قال للأخ فين الجمال اللي عايز تحسدها

قاله أهي الجمال البعيدة دي بتاعت أخويا

الراجل العجوز قال ه يااااااااه أنت شايف الجمال البعيدة خالص اللي هناك دي

فراح بصره في ساعتها

و الراجل حسده هوه بدل ما يحسد أخوة

و توتة توتة خلصت الحدوتة

و نستفيد من القصة دي

أن من فحر - مش حفر - حفرة لأخيه وقع فيه

[se_ Elsyed]

جويريه ... أنا بحسدك على قدرتك في أستخدام المسافات بين الجُمل وبعضها .. وبصراحة بأحس إن روحي هاتطلع من حلقومي على ما بأوصل لاخر الجُملة ...

--------------------------------------------------

في إعتقادي إن الحسد ما هو إلا تأثير لشخص ذو شخصية قوية على أخر ضعيف الإيمان أو أضعف منه شخصية ..

بدليل إن لو ناس من اللي عندهم قدرة على الحسد دول موجودين بالفعل .... كان زمانهم شغالين بالريموت كنترول ..

يعني نأجر أربعة منهم ونقعدهم في فندق 5 نجوم واكلين شاربين نايمين عشان نوفر لهم كل سُبل الراحة ... عشان في الأخر يعملوا لنا أحلى شغل ويحسدوا إسرائيل وأمريكا وكل اعداء البشرية ....

والحسد لا يُغير قدر مكتوب ... ولكن برضوا رأيي الشخصي إنه إختبار من ربنا عشان يورينا ويكشف لنا من هم يتمنون زوال النعمة من الأخرين ...

زُهيري أنا بأحسدك على إعجابك برئيسة وزراء إسرائيل ..

بس خدها من أخوك / السيد سين سين .. رئيس قطاع العمليات في المخابرات العامة المصرية " بلاش إستر .. قصدي بلاش ليفني يا زُهيري "

وهابقى أقول لك ليه في ودنك عشان دي اعراض صهاينة يا عم وملناش دعوى بيها ..

[MZohairy]

زُهيري أنا بأحسدك على إعجابك برئيسة وزراء إسرائيل ..

بس خدها من أخوك / السيد سين سين .. رئيس قطاع العمليات في المخابرات العامة المصرية " بلاش إستر .. قصدي بلاش ليفني يا زُهيري "

وهابقى أقول لك ليه في ودنك عشان دي اعراض صهاينة يا عم وملناش دعوى بيها ..

قول وحياة ابوك :sad:

عموما لو ملقتنيش انا قاعد بالليل على قهوة استانبيلوس

بوكيرتوف أدون سين سين :closedeyes:

[Diab]

عذرا يا شباب اثبات ان الحسد موجود وبيصيب الناس احيانا في مقتل كتيرة جدا وفي واقعنا وليس لها علاقة لا بالتخاريف ولا احلام اليقظة

الحسد موجود نعم

بيأذي ؟ نعم

هل في امثلة ؟

عاوزة مجلدات عشان تتحكي

أما حكاية ان لو التأثير موجود كان زمان بوش بيولع أو اسرائيل في البحر فأعتقد ان ربنا له حكمة في الناس دي ميكونش ليها نتيجة مباشرة زي ما بيحصل لرجل الشارع العادي

وهنروح بعيد ليه

ما يمكن يكون مثلا اللي فيه شارون دلوقت يا أما من دعاء مظلوم أو حد حسده

مش عارف ليه الناس بتكابر علي حاجة مبصوم عليها بالعشرة

ملاحظة هامة

لا احنا موجودين في احراش افريقيا ولا من جمهورية شوبنجو بتاعة موبينيل عشان اول ما نتكلم عن الحاجات دي نلاقي الناس تقول لا دي عادات وموروثات خاطئة

[Alrefaey]

الحسد من وجهة نظرى هو مرض نفسى

عدم شعور بالرضا والقناعة بما قسمة الله للشخص الحسود

فهو مهما اوتى من اموال او جاه او ذرية دائما بيراودة شعور بأنه اقل من غيرة وان مابيد غيرة افضل مما فى يدة ويطمع فيه ويتمناه

وغالبا تجد الشخص الحسود عندة شعور بالحرمان والنقص قد يكون تعرض فى حياته الى محن او مصائب جعلته يحقد او يحسد غيرة

وفيه ناس بتحسد بس ما يتعلق بالنقطه المحرومه منها يعنى واحد لم يرزقه الله بزرية تجده يحسد زميله اللى عنده اولاد ,اخر ماعندة اموال تجده يحسد اخوة اللى عندة

واحد جاهل امى يحسد جارة المتعلم

وطبعا تلك النمازج هى نمازج مريضة ايمانها بالله وبقدرة ضعيف ندعو الله انه يهديهم ويكفينا شرهم

[الباشمهندس ياسر]

ممكن تعرفوني ازاي الواحد يقدر يحسد حد بشكل واضح و بسيط؟

يعني لو انا مثلا عايز احسد رئيسة وزراء اسرائيل الحلوه دي

أحسدها ازاي بحيث اصيبها في مقتل؟ :closedeyes:

يا راجل عايش فى عمان و بتسأل ع الحسد

ده حتى الشباب العمانى لما يفقشوا على بعض يقولوا

انت عمانى حاسد

عموما ربنا يكفيك و يكفينا شر الحسد

و لو ينفع اضيف

الدكتور بتاعى و انا فى الكلية قال بالحرف الواحد

ان فيه ناس نجمها خفيف والحسد بيأثر فيها بسهولة

انتهى كلامه

حاولت افهم يعنى ايه نجمه اصلا محصلش ولغاية دلوقتى نفسى افهمها

هو لكل واحد فينا نجم و ايه الدليل ع الكلام ده؟؟؟؟

و بمناسبة الحسد فأنا اتعرضتله اكتر من مرة

و ربنا يسترها على الناس كلها

[MZohairy]

ممكن تعرفوني ازاي الواحد يقدر يحسد حد بشكل واضح و بسيط؟

يعني لو انا مثلا عايز احسد رئيسة وزراء اسرائيل الحلوه دي

أحسدها ازاي بحيث اصيبها في مقتل؟ :)

يا راجل عايش فى عمان و بتسأل ع الحسد

ده حتى الشباب العمانى لما يفقشوا على بعض يقولوا

انت عمانى حاسد

عموما ربنا يكفيك و يكفينا شر الحسد

و لو ينفع اضيف

الدكتور بتاعى و انا فى الكلية قال بالحرف الواحد

ان فيه ناس نجمها خفيف والحسد بيأثر فيها بسهولة

انتهى كلامه

حاولت افهم يعنى ايه نجمه اصلا محصلش ولغاية دلوقتى نفسى افهمها

هو لكل واحد فينا نجم و ايه الدليل ع الكلام ده؟؟؟؟

و بمناسبة الحسد فأنا اتعرضتله اكتر من مرة

و ربنا يسترها على الناس كلها

تفسيره بالطريقه دي يا ياسر حيخلق نوع رهيب من السلوك التواكلي و السلبي في المجتمع

يعني لو ماذاكرتش و سقط في الإمتحان يبقى حد حسدني مش بسبب عدم المذاكره

لو ماكلتش كويس و خدت بالي من صحتي كما يجب و اصبت بمرض يبقى فلانه حسدتني مش بسبب الإهمال في صحتي

لو ماكنتش بعامل جوزي بما يرضي الله و طهقته في حياته و راح اتجوز عليا يبقى من عين الجيران الوحشه مش بسبب خيبتي القويه

و لو ولو ولو.........

لازم يكون فيه تعريف اقيم من كده للحسد بصراحه عشان منخليش المجتمع الإسلامي يعلق اخطاؤه على شماعه عملاقه اسمها الحسد و العين

[ايهاب سالم]

لازم يكون فيه تعريف اقيم من كده للحسد بصراحه عشان منخليش المجتمع الإسلامي يعلق اخطاؤه على شماعه عملاقه اسمها الحسد و العين

و متنساش السحر كمان

[ايهاب سالم]

عندي حدوته حقيقيه فيها عبره

مره و احد كان يعتقد في نفسه أنه ربما يكون حاسد ... أو بتعبير الخليجيين .. عينه حاره (سخنه يعني)

و لم يكن متأكد من ذلك

كان هذا يؤلمه نفسيا ... لإعتقاده انه ربما يأذي ناس أبرياء أو حتى أهله أو أقاربه بدون قصد

في يوم كان هذا الشخص بيقلب التلفزيون و جد مباراه في كرة القدم بين فريقين شهيرين .... قعد يتفرج .. لفت نظره لاعب مشهور حريف جدا ... عمل كذا لعبه مبهره في المباراه

قال في باله .. يا واد يا لعيب ... ايه الحرفنه دي

بعدها مباشرة أصيب اللاعب في لعبه مشتركه و خرج من الملعب على نقاله

أسقط في يد الرجل

هذا دليل قاطع ... لا يمكن أن تكون مصادفه بهذا الشكل

جلس يكمل المباراه

بعد قليل ... علم الرجل من تعليق المعلق على المباراه أنها قديمه و مسجله و ليست على الهواء

قال يااااه

أنا كمان بأقدر أحسد في الماضي

هذه قصه حقيقيه

و إلى هذا الحد من الممكن أن تتمكن الخرافه من العقول

تم تعديل 3 نوفمبر 2008 بواسطة ايهاب سالم

[عصام أبوالفتح]

الذى لا يؤمن بوجود الحسد والسحر .. لن يهتم بالأذكار والتحصين اليومى لنفسه واولاده وحتى للجماد الذى يخصه منهما .

الحسد اول جريمة انسانية .. وسبق القتل .. قابيل حسد هابيل اولا .. ثم قتله .. فطوعت له نفسه قتل أخيه فقتله ..

الحقد يعقبه سخط ثم حسد .. وهو لا يتولد الا من صغار النفوس ضعافها الذين لا يملكون من وسائل الايذاء شيئا الا شرر أعينهم .

والوقاية منه بالاذكار والزكاة والصدقة والعلم الذى ينفع الناس .

تجاربى عديدة ومفجعة لا ارى داعى لذكرها.

اللهم احفظنى من بين يدى ومن خلفى وعن يمينى وعن شمالى ومن فوقى واعوذ بعظمتك ان أغتال من تحتى .

أعوذ بكلمات الله التامات من شر ما خلق .

أعيذ نفسى وأعيذ اهلى وما أملك بكلمات الله التامة من كل شيطان وهامة ومن كل عين لامة .

تم تعديل 3 نوفمبر 2008 بواسطة عصام أبوالفتح

[MZohairy]

ممكن تعرفوني ازاي الواحد يقدر يحسد حد بشكل واضح و بسيط؟

يعني لو انا مثلا عايز احسد رئيسة وزراء اسرائيل الحلوه دي

أحسدها ازاي بحيث اصيبها في مقتل؟

هي طبعا وجهات نظر يا جماعه

بس لو حد قدر يجاوبني على سؤالي أعلاه بشكل عملي أكون له من الشاكرين

[ام بلال]

أقول كلمتين قبل ما حد يدخل يقول :

الرجعية ، التخلف ، الجمود ...................الخ

ورد الحسد في القرآن :

" ومن شر حاسد إذا حسد"

وفي الحديث :

" إن العين حق ، تدخل الرجل القبر وتدخل الجمل القدر"

هناك فرق بين الحسد بمعنى تمني زوال النعمة عن شخص حقدا عليه ، وبين أن ترى شيئا يعجبك فتنسى أن تبارك له ، الأولى سبحان

الله تقع من أشخاص حقودين لم يروا النعمة التي أعطاها لهم الله ، ومهما أغناهم الله من فضله جعل الله فقرهم بين عينيهم ، لأن همهم

الدنيا صبح مساء ، انشغلوا بما في أيدي الناس فاستحقروا ما في أيديهم .

طبعا هؤلاء مش هيحسدوك هؤلاء هيعطوك صاروخ قر قر ، وربنا يستر عليك ، ولا يحفظ منه إلا الأذكار التي جاءت عن النبي الهادي ، ومنها:

- أذكار الصباح والمساء وكثيييرر للأسف مقصر فيها

- آية الكرسي ، والمعوذات ، وسورة البقرة التي قال فيها الرسول الكريم :

" أخذها بركة وتركها حسرة ، ولا يستطيعها البطلة " البطلة هم السحرة

يسن إذا رأيت شيئا يعجبك في مالك وولدك وأهلك ، أن تقول بالدعاء الذي جاء في سورة الكهف "

" ماشاء الله لا قوة إلا بالله " ما فيش مانع تدعي لنفسك ولأولادك بالبركة وترقيهم

يسن أن تدعوا لأخوك المسلم بالبركة ، بقولك " ربنا يبارك لك " ، " اللهم بارك" ، " ربنا يحفظلك مالك"

خلوا بالكم ماشاء الله تبارك الله ليس دعاء بالبركة وإنما :

تبارك الله يعني تعالى الله وتنزه عن كل نقص ، والمطلوب هو أن تدعو لأخوك المسلم بالبركة هناك فرق

ورد في الحديث الصحيح ، أن صحابيا قال لصحابي آخر " ما أجمل جلدك " فسقط الصحابي الممدوح بهذا الكلام مغشيا عليه ، فحكى

الصحابة للرسول ما جرى ، فقال الرسول بما معناه " من رأى شيئا في أخيه ما يعجبه فليدعوا له بالبركة ، فإن العين حق "

ودعا عليه السلام بإناء وطلب من المادح أن يتوضأ وأخذ ماء وضوءه وصبوه فوق المغشي عليه ، فقام ليس فيه بأس سبحان الله .

السحر أخي الفاضل إيهاب موجود ومحسوس أثره ، ولا أعلم إذا كنت رأيت شريط يعرض مهارات بعض السحرة وكانوا أمريكان بيمشوا في

الهواء بمساعدة الجن . وهذه بعض ألاعيب الجن على بني البشر ، و هدفهم الأساسي إيذاء الناس

آية السحر موجودة في سورة البقرة ، والتي توضح أنهم يفرقون بين المرء وزوجه ، ولكن كل شيء بأمر الله وبقدر وإبتلاء من الله ، وثبت في

السنة الصحيحة تعرض النبي للسحر وفيها أنزل الله المعوذتان .

نحن لا دخل لنا بطريقة علاج البعض للسحر مثل الخرزة، الزرقاء والعين، والشبشب الصغير ، وتعليق الآيات فذلك لن يدفع شيء النافع

والضار هو الله وهو الحافظ من كل شيء

[MZohairy]

ما تحاولي تجاوبي على اخوكي الصغير يا أم بلال

[ام بلال]

استدراك :

هل كلمة اللهم صلي على النبي ، والله أكبر في عين الحسود ، وخمسة وخميسة ، تقي في موضع الحسد ،

بما إن الحسد والعين شيء غيبي، بالتالي لسنا نحن من يقرر ما الذي يقي، فربنا أخبرنا عن طريق الرسول كيفية الوقاية منه ، وقد ذكرتها من قبل.

بعض الناس شماعته في كل مصيبة الحسد والعين ، وسبحان الله لا يحاول أن يعمل فكره وتجد أصابع الإتهام في أي مشكلة تشير لسوء تصرفه وعدم رشده وتحكيم عقله في الأمور ، ربنا ينير بصيريتنا .

المؤمن كيس فطن وليس كيس قطن ، يعني الواحد يراعي نفسيات الناس ، لا تذهب لشخص أبتلي في ولده تتباهى أمامه بولدك ، لا تذهبي للإنسانة أبتليت بسوء المعشر من زوجها تتباهي ، بأفضال زوجك أمامها ،

يعني أظن ان المثل :

" داري على شمعتك تقيد صح " ولكل مقام مقال .

وشكرا ، دمتم بحول الله سالمين

[adrianocrespo]

السلام عليكم و رحمه الله و بركاته

احب ان اضيف مشاركه و خاصه اني سمعت من الاستاذ الفاضل مبروك عطيه ان شر الحسد المذكور في القران هو ان يتمني الانسان زوال النعمه من يدك فيقوم بتخريبه بيده مثلما ذكر الاخ الفاضل ان قابيك حسد اخيه فقتله اي اتبعه بفعل مادي ضار

و اذا واحد بصلي و بطني وجعتني اعرف ازاي ....... و امثله كثيره

و اضم صوتي لاستاذ زهيري .......... كيف يحسد شخص معين ؟ يعني انا لو بحسد انسان يقوم ربنا يستجيب لي مثلا و يضره و لا الحكايه ايه