الحسد من منا لم ينكوى بنارة

[ام بلال]

الأخ الفاضل زهيري ، بصراحة ما جربتش أحسد عشان أقولك

[MZohairy]

الأخ الفاضل زهيري ، بصراحة ما جربتش أحسد عشان أقولك

يبقى كلامي صح

اذا كنتي بتحذري الناس من حاجه انتي مش عارفه بتتعمل ازاي و كلنا مش عارفينها يبقى المفهوم الحالي لمعنى و ماهية الحسد غير سليم 100%

[ايهاب سالم]

السلام عليكم و رحمه الله و بركاته

احب ان اضيف مشاركه و خاصه اني سمعت من الاستاذ الفاضل مبروك عطيه ان شر الحسد المذكور في القران هو ان يتمني الانسان زوال النعمه من يدك فيقوم بتخريبه بيده مثلما ذكر الاخ الفاضل ان قابيك حسد اخيه فقتله اي اتبعه بفعل مادي ضار

و اذا واحد بصلي و بطني وجعتني اعرف ازاي ....... و امثله كثيره

الله يفتح عليك

هو كده بالضبط

الحسد = تمني زوال النعمه

و الله لم يقول "ومن حسد حاسد إذا حسد" بل قال "ومن شر حاسد إذا حسد"

الشر فعل و ليس تمني

الإنسان يستعيذ بالله من شر الحاسد .. أي فعله الضار المتعمد و ليس أمنياته

[عصام أبوالفتح]

كل شئ له سبب علمى يا حورية

وانا اختلف مع اخى ايهاب ,, لان الحسد نوع من انواع الطاقة السلبية الغير محددة ولم يتم قياسها ويندرج تحت علوم الميتافيزيقا وهى اشياء لا يمكن قياسها

الحسد فعل فى نفسه لانه تحريك للطاقة السلبية الكامنه بالنفس فى وجه المحسود .. زى ما قالت الفاضلة ام بلال صاروخ قر قر وده جه تعبير استاذ دكتور فى مستشفى عالمى لما شاف حالتى لما تعبت من فترة .. قالى بالضبط كده .. مفيش سبب علمى .. عملنا كل اللى يتعمل عشان نعرف السبب ومفيش غير انه صاروخ ارض ارض من عين احدهم

والتزامى بالرقية الشرعية والاذكار لعب دور فى بث طاقة ايجابية هائلة بنفسى جعلتنى اتعافى بسرعة ادهشت الجميع والحمد لله من قبل ومن بعد .

[الباشمهندس ياسر]

تفسيره بالطريقه دي يا ياسر حيخلق نوع رهيب من السلوك التواكلي و السلبي في المجتمع

يعني لو ماذاكرتش و سقط في الإمتحان يبقى حد حسدني مش بسبب عدم المذاكره

لو ماكلتش كويس و خدت بالي من صحتي كما يجب و اصبت بمرض يبقى فلانه حسدتني مش بسبب الإهمال في صحتي

لو ماكنتش بعامل جوزي بما يرضي الله و طهقته في حياته و راح اتجوز عليا يبقى من عين الجيران الوحشه مش بسبب خيبتي القويه

و لو ولو ولو.........

لازم يكون فيه تعريف اقيم من كده للحسد بصراحه عشان منخليش المجتمع الإسلامي يعلق اخطاؤه على شماعه عملاقه اسمها الحسد و العين

يا عمنا

انا عمرى ما اقصد مسألة التواكل دى ابدا والله

انما فعلا الحسد ده كارثة يعنى تبقى لسه مغير العربية وواحد بقولك ايه ده انت غيرت العربية

و تقوله ايوه يا عم غيرتها عندك مانع

يقول قايلك تعيش وتغير

توصل اول الشارع تقوم مخبوطة فى الدوران

طب ده كلام يعنى لا على سرعة ولا الدنيا واقفة ولا حاجة

تبقى لسه فاتح المادة ايام الكلية وتخش تجيب درجة عالية فى الكويز

يقولولك اومال لو مكنتش لسه فاتح الكتاب كنت عملت ايه

تبص تلاقى نفسك مش قادر تبص فى الكتاب بعدها لمدة اسبوع

و من ده وقيس يا معلم

طب مرة و كنت ساعتها بشتغل فى مصنع فى اكتوبر لقيت الواد الصنايعى مش قادر يرفع الاسطمبة

قلتله اخص ع الرجالة حتة اسطمبة مش قادر ترفعها

قالى تقيلة يا هندسة

رحت خابط البالطو و رحت رافعها

الواد شهق فى وشى قعدت بعدها اسبوع مش عارف احرك دراعى

عموما ربنا يسترها على جميع من خلق

[لولا]

لان الحسد نوع من انواع الطاقة السلبية الغير محددة ولم يتم قياسها ويندرج تحت علوم الميتافيزيقا وهى اشياء لا يمكن قياسها

الحسد فعل فى نفسه لانه تحريك للطاقة السلبية الكامنه بالنفس فى وجه المحسود ..

فعلا هذه حقيقه اعرفها منذ الصغر ..ان الحسد عباره عن طاقه كامنه تمتلكها بعض النفوس.

لا يستوعب هذه الحقيقه سوى من اصابته عين حاسد ..حفظ الله الجميع من نفوسهم..

لو رجعنا للقرآن وللسنه سنجد الأحاديث التى توضح ان المسلم يجب ان يحصن نفسه بشكل

يومى ويقرأ الأذكار وهى بإذن الله تعالى بقدره الله ستبعد عنه هذه الطاقه السلبيه ولو رجعنا

للدرسات التى اجريت على الجزيئات والخلايا المختلفه التى تغيرت اشكالها بعد قراءة القرآن

عليها لفهمنا أن القرآن حتى بالتفسير العلمى يقوم بضخ طاقه ايجابيه للخلايا تساعدها

حتما فى مواجهه الطاقه السلبيه التى قد تتعرض لها فى يومها .

لولا

[MZohairy]

محدش عايز ياخدني على قد عقلي و يرد عليا :)

اذا كان له اسباب علميه و تم تفسيرها بالطاقه او ماشابه

هل ممكن توظيفه و الإستفاده منه؟ :unsure:

هل من الممكن استخدامه ضد اعداء الدين و الوطن؟

[عصام أبوالفتح]

هل ممكن توظيفه و الإستفاده منه؟ :)

هل من الممكن استخدامه ضد اعداء الدين و الوطن؟

عزيزى زهيرى

الروس أول ناس فكروا فى الموضوع ده وعملوا تجارب سرية على القدرات العقلية الفائقة كالتخاطر وتحريك الاشياء عن بعد ، واللى شاف حلقة د / مصطفى محمود عن الموضوع ده عمره ما نسيها .. واللى قرأ ما وراء الطبيعة اوشاهد فيلم x-men بجزئيه .. هايكون عنده فكره عن المفهوم اللى انت عايز توصله

استغلال القدرات العقلية فى التحكم بالاعداء وايذائهم

الحقيقة ان كل ما وصلوا اليه هو اثبات المبدأ لكن استخدامه لم يحدث لان النتائج ضعيفة جدا والذى يتم التحكم فيه فعلا واستغلاله هو الشخص ذو القدرات الفائقة

بالنسبة للحسد وهو زى ماقلت طاقة سلبية لا يمكن بناء امة به او محاربه الاعداء باستخدامه ,, لانه طاقة هدم وليس بناء .. عندما خرج سيدنا محمد لغزوة تبوك عزل المنافقين ولم يخرجوا معه وصرح القرأن انهم لو خرجوا مازادوهم الا خبالا .. يعنى الحاسد والحقود والمنافق سواء .. طاقة سلبية للمجتمع .. والانسان اما طاقة ايجابية او سلبية ..فليس لديهم اى طاقة ايجابيه لحماية الدين او محاربة الاعداء .. فالاعداء فى نظرهم هم من ولدت هذه الطاقة بسببهم.. ولان اصحاب هذه الطاقة ليس لديهم مبدأ أو عقيدة تحميهم من النفاق او الحقد.. بلغة الطاقة ملهمش نظام تأريض كما يحدث مع الاجهزة الكهربائية والمبانى .