عاش جمال مبارك " مُفجر ثورة التطوير "

[se_ Elsyed]

أيوه كده .. كام سنة دلوقت وآبية جمال معانا وإحنا لسه مقصرين في حقه ومش لاقيين له لقب

فليه يبقى عندنا الرئيس الملهم .... أنظر الكتاب الصفحة السودا بتاعت عبد الناصر

والرئيس المؤمن .... نفس الكتاب الصفحة اللي لونها كاروهات ومقلم ابيض في إسود

وصاحب أول ضربة جوية .. فتحت باب للحرامية .. أنظر باقي صفحات الكتاب الكُحلي الغامق

فلازم نكمل السلسلة بالرئيس المُفجر اللي هاينسفنا بإذن الله لو فضلنا ساكتين ..

واهم عمالين يبرطعوا في مؤتمر الحزب وماحدش من الشعب أصحاب البلد بيقولهم إنتو بتعملوا إيه

الحزب الوطني يبدأ مؤتمره بهجوم حاد علي المعارضة وعز يصف جمال مبارك بأنه.«مفجّر ثورة التطوير»

كتب محمود محمد وعماد فؤاد وهشام عمر عبدالحليم ٢/ ١١/ ٢٠٠٨

تصوير- محمد عبدالغني

في الوقت الذي اتفق فيه قيادات الحزب الوطني في الهجوم الحاد علي أحزاب المعارضة، بشكل غير مسبوق، بدا المهندس أحمد عز، أمين التنظيم، أكثرهم حدة وعنفاً خلال كلمته في افتتاح المؤتمر السنوي الخامس للحزب الوطني.

نفي عز، بحضوره المكثف ودوره اللافت في إدارة جلسات المؤتمر، كل ما تردد قبل المؤتمر عن تقليص دوره وتراجع علاقته بجمال مبارك، الأمين المساعد وأمين السياسات، الذي حرص «عز» علي تحيته في ختام كلمته قائلاً: «أشكر جمال.. مفجر ثورة التطوير والتحديث».

وبدأ صفوت الشريف، الأمين العام، الهجوم في كلمته الافتتاحية، داعياً الأحزاب لإعلاء قيم الديمقراطية، ووضع نهاية لما سماه «العبث السياسي والمزايدة بقيم الحرية والتجاوز باسم الديمقراطية».

ووصف د. زكريا عزمي، الأمين العام المساعد لشؤون التنظيم والعضوية والمالية والإدارية، من يهاجمون الحزب الوطني بأنهم لا يعرفون حجم إنجازاته، ولا يعرفون أن عدد أعضائه اقترب من ٣ ملايين عضو. لو الاحزاب بتقاس بعدد أعضاءه يا عزمي بيك .ز كان حزب البعث أكتسح العالم أو الحزب النازي أعضاءه طلعوا القمر .... والـ 3 مليون قفا دول اللي بتتكلم عنهم 99.9 % من المنتفعين الجُهلاء اللي بتلموا من كل واحد فيهم 5 جنيهات وصورة بطاقة وتطلعوا له عضوية .. وبتروحوا تصوتوا في أي إنتخابات بدلاً منه حتى بعد ما يموت .... فمش على بابا الكلام ده يا صديق ممدوح إسماعيل

ووجه أحمد عز إشارات واضحة وحادة إلي جماعة الإخوان المسلمين، وقال إن المعارضة تحاول أن تصورنا بأننا حزب الدولة، وأننا حزب سلطوي، لأنها منزعجة من التطور الهائل في الحزب الوطني ـ علي حد قوله. وقال: «أفهم أن هذا الوصف ينطبق علي تنظيمات أخري غير شرعية تتحرك بأمر من (مرشد عام) يعطي لنفسه حق التسمية والعزل».

وأضاف: «أقول لهم إن الحزب الوطني حزب شعبي وجماهيري». وصعد عز من لهجته، منتقداً فشل الآخرين وتفككهم، قاصداً أحزاب المعارضة. ودعا أعضاء الحزب إلي الدفاع عنه ورد الهجوم عليه، وتوعد المعارضة قائلاً: «سنهاجم ضعف الآخرين وتفككهم.. سنهاجمهم ونحن مرتكزون علي مكامن قوتنا».

علي الجانب الآخر، نظم نشطاء «٦ أبريل» و«كفاية» و«فيس بوك» وقفة احتجاجية أمام نقابة الصحفيين، بالتزامن مع المؤتمر، ورددوا هتافات مناهضة للحزب الوطني، بمشاركة عدد من أهالي الدويقة.

الاخ أسامه سرايا - صفرا - بقى له فترة بيروج في مقاله بتاع يوم الجثمعة للرئيس القائد جمال مبارك وبيدي له وش ورنيش وقال بالحرف الواحد إن الناس في مصر لم يعدوا ينظروا لجمال مبارك على إنه إبن الرئيس .. لوكن ينظروا له على إنه شخص صاحب فكر ومجدد.

أنا بأعترف يا جماعة إني ما بقتش أبص له على إنه إبن الرئيس .. ولكن بانظر له على إنه إبن ...............

مصر ( ضحكت عليكو wst:: )

اما لهذا النفاق من حد ؟

[Tafshan]

ارجو من الاداره اتخاذ اللازم تجاه العضو س س لما تحمله مداخلته من اسقاطات غير مقبوله ...

ابن مصر يا س ... امال انا و انت و اللى سامعينا نبقى ايه ... لقيط ؟ wst::

يا س كبر ال G .. خلاص الموضوع خلص .. خلى الرجل يسترزق و يعمله قرشين ..و ربنا يوفق باقى ال 80 مليون و يلاقوا عقد عمل بره و نسيب ابن ابيه بقعد على تلها ..

[aimen]

عالم ولاد ستين ........ ( كل يضع ما يناسبه )

نفسى افهم اعالم دى ما عندهاش دم نهائى

[somebody]

أرجو أن تتم المناقشة ((بموضوعية )) أكثر من ذلك

الجميع يريدون مصلحة مصر

تم تعديل 2 نوفمبر 2008 بواسطة somebody

[الباشمهندس ياسر]

طب ماتصلوش بعادل امام ليه علشان يجى يظبط الاداء ويعمله كام افييه ع الموضوع

عموما

الماتش متباع يا جماعه

[iloveegypt]

يعيش جمال المطور المجدد المنفتح المستكشف اكسبللور 2008

[somebody]

b]يا إخواننا

أنا عاوزة الناس تفكر بحيادية و عدل قبل ما تقول أي حاجة

تم تعديل 3 نوفمبر 2008 بواسطة somebody

[se_ Elsyed]

b]يا إخواننا

أنا عاوزة الناس تفكر بحيادية و عدل قبل ما تقول أي حاجة

أية حيادية تقصدين ؟

ياريت كلامك ما يبقاش مقتضب وتكلمينا بالتفصيل عن الحيادية المطلوية .

[redwany]

مع احترانى للجميع

انا تابعت معظم جلسات الحزب الوطنى على قناة المحور وبالفعل كان ابداع فنى رائع سيناريوا مكتوب بدقه اخراج رائع ممثلين فى غاية الروعة ومافيش حد فيهم بيخرج عن النص تحس وانت بتتفرج عليهم انك بتتفرج على حقيقة مش فيلم مكتوب وبيدربوا عليه من كذا شهر وتعجبت للافكار العظيمة التى جاءت فى الفيلم والله افكارهم حلوة جدا ومقنعه بس لو يطبقوها فى الحقيقه والله نبقى بلد اوربى

ارجوا من الساده اعضاء الحزب الوطنى تطبيق الفيلم الذى قاموا بتمثيله بمنتهى الروعه ولو يطبقوا حتى لو بعض مشاهده فى الحقيقه

والى اللقاء فى العرض القادم

[Sherief AbdelWahab]

أتفق معك.. المؤتمر بحيادية تامة كان أشبه بسوق عكاظ معرض كلامي مبتذل وسخيف..

ما هي قيمة أن يقول رئيس الوزراء لأعضاء الحزبوطني مثلاً: "لابد من تطوير التعليم" كما لو كان هؤلاء صانعي سياسات وليسوا متفرجين عليها ، وحتى وإن أعطوا فيها دوراً فهذا الدور هامشي وغير مناسب .. وكان من الأولى أن يناقش هو مع صناع السياسات داخل ما يسمى بالحزبوطني كيف يتم تطوير التعليم لا أن يخرج علينا بعبارة تشبه في سخافتها عبارة "مقدار التعليم"..

أضم صوتي طبعاً لسين سين..

خلص الكلام

[somebody]

طيب ليه مانديهومش فرصة مش يمكن يكونوا بيتكلموا جد

تم تعديل 15 نوفمبر 2008 بواسطة somebody

[se_ Elsyed]

طيب ليه مانديهومش فرصة مش يمكن يكونوا بيتكلموا جد

حضرتك إحنا نديله فُرثة لما نكون في معمل تجارب

إنما دي بلد وشعب وناس عايشة ... فلا مجال للتجارب لإننا إتهرينا تجارب منه ومن أبوه ...

[mffaswan]

أتفق معك.. المؤتمر بحيادية تامة كان أشبه بسوق عكاظ معرض كلامي مبتذل وسخيف..

ما هي قيمة أن يقول رئيس الوزراء لأعضاء الحزبوطني مثلاً: "لابد من تطوير التعليم" كما لو كان هؤلاء صانعي سياسات وليسوا متفرجين عليها ، وحتى وإن أعطوا فيها دوراً فهذا الدور هامشي وغير مناسب .. وكان من الأولى أن يناقش هو مع صناع السياسات داخل ما يسمى بالحزبوطني كيف يتم تطوير التعليم لا أن يخرج علينا بعبارة تشبه في سخافتها عبارة "مقدار التعليم"..

أضم صوتي طبعاً لسين سين..

خلص الكلام

أخي الكريم ..

أعتقد إنه ليس من السليم أن ننتقد الطريق الخاطئ دون أن نبين الطريق الصحيح و إلا فلا داعي للنقد من أصله!!

يعني حضرتك بتقول يعني ايه تطوير التعليم .. هو كلام عايم و خلاص .. أنا أحب أن أقول لك إن تطوير التعليم أو الصحة أو الاسكان أو أي وزارة أخرى .. يتطلب وجود ناس خبراء لديهم المعرفة الكافية و الوافية لعمل هذا التطوير المطلوب .. و طبعاً قيادات الحزبوطني كما تسميه حضرتك .. لا تفقه عن الفاصوليا شيء .. و أنا معك .. لكن ما الحل ..

الحل أن تقوم حضرتك و حضرتي و كل الحضرات اللي نازلين شتم و سب في خلق الله على الفاضي بواجبهم نحو بلدهم .. و يشاركوا في الحزبوطني ده .. و اللي بيفهم فينا يقول رأيه .. و ده عمل حسن .. و إن الله لا يضيع أجر من أحسن عملاً .. يعني اعمل اللي يمليه عليك ضميرك .. مش عاجبك الحزبوطني .. روح حزب صفري تاني غيره .. و اعمل برضه اللي يمليه عليه ضميرك .. أو أعمل اللي انت تحس من خلاله بإنك قمت بواجبك تجاه بلدك اللي علمتك ببلاش و سكنتك ببلاش .. و قارن اسعار الخدمات و السلع في مصر بغيرها من دول الخليج و أنت تعرف .. شارك مجتمعياً .. أعمل خير يا سيدي .. أعمل أي حاجة .. طبعاً الكلام موجه ليا قبل ما يكون ليك و لغيرك .. لإني مش بستثني حد من المسئولية .. كلنا مسئوليين عن بلدنا .. و الحزبوطني ده بيحكمها .. يبقى يا نقف جمبه .. يإما نهاجمه و ننقده بشكل عملي .. مش مجرد كلام و شتيمة ع الفاضي ..

يإما كده .. يإما كل واحد يخلي لسانه في بقه .. و يكف عن شتيمة خلق الله .. لإن الكلام بدون فعل .. مجرد سفسطة .. و السفسطائيين .. أسوء خلق على الأرض .. لإنهم بيجيبوا الدنيا لورا ..

ملحوظة .. أنا لا أنتمي للحزب الوطني .. و لا أؤيد ولا أعارض أي حزب ..

و برضه .. خلص الكلام !

[se_ Elsyed]

ملحوظة .. أنا لا أنتمي للحزب الوطني .. و لا أؤيد ولا أعارض أي حزب ..

انت صدمتني يا بيه بعد الجُملة دي لإن في بداية كلامك افتكرت كادر من كوادر الحزب الوطني

لكن انت اعلنت بنفسك انك لا تنتمي للحزب الوطني او غيره

إذاً هل انت توفقك على تصرفات الحزب الوطني ؟

فإذا كان نعم يبقى قول لنا ليه

وإذا كان لأ يبقى عملت ايه عشان تصلح البلد

[الطيار المصرى]

عارف يا جنرال أبو الأسيان....كان واحد جامد من اقربائي عاصر الملك فاروق تقريبا و مر بالعصور الرعب التلاتة بتوع مصر....

فسر موضوع جمال مبارك في وش الناس اللي قالوا الكلام الحمصي بتاع انه شبعان و متربي علي السياسة و الكلام الغريب ده...

فسره هذه الرجل بطريقة موضوعية للغاية.....قال ان جمال مبارك ماسك امانة السياسات من حوالي 5 سنين.....

و هما الخمس سنين اللي دخلت فيهم مصر منعطف حاد في كل المجالات....كان فين الحاج جيمي.....

عشان بس موضوع الفرصة اللي احنا المفروض نديهالهم....بقالنا 27 سنة بنديهم في فرص....كتير

يعني انا مشمفتش ريس و محرضتش غير لمبارك الجامد....ده ان تقريبا شفته في حياتي أكتر ما شفت ابوا و أمي....

لكن يا عمنا سين سين.....جمال مبارك هيبقي رئيس ممتاز.....يكفي انك تقعد تسمعه و هو بيتكلم و الله العظيم ماهتعرف تطلع بجملة مفيدة من كلامه....و هو ده الرئيس الممتاز....

[د هشام ابراهيم]

[عبقرينو]

الاخوة والاخوات

ان يهتف المستفيدون من الفساد بحياة اونكل جمال فدة شيء متوقع

اما ان يقتنع البعض بانة وصل بمجهودة وانجازاتة ويجب علينا استغلال مواهبة الفتاكة واعطائة فرثة تانية فاسمحولي اني اندهش اذبهلالا واذبهل اندهاشا

اذ صدق فينا قول الشاعر الجاهلي "ابن المزنوق"

"يا زانئني و جنبك فاضى ازنئوني كمان و أنا راضي "

[حرفوش]

الزملاء الأعزاء,

تنشر فى المحاورات آراء مؤيدة, و معارضة, و مستكرة, و مستهبلة, فى أمور عديدة, و منها موضوع " جمال مبارك" و هذه ظاهرة جيدة, فلكل مواطن الحق فى التعبير عن أرائه بصراحة, و شفافية.

و كثير منا لا يحبون جمال مبارك, لأسباب متعددة,

1-منها أنه إبن الرئيس

2- أنه صغير السن نسبيا

3- أن الحزب أعطاه صلاحيات لا تتنتسب مع خبرته و مؤهلاته

4- أن الحكومة تعامله كأنه عضو فى الحكومة, و ليس فقط عضوا فى الحزب الحاكم.

5- أن الوزراء ينافقونه, و يجاملونه إحتسابا لمركز و سلطان والده.

6- أنه يعيش فى برج عاجى, و لا يحتك بالمواطن المطحون, و بالتالى لليس لديه دراية بمشاعر الأغلبية المطحونة.

قد يكون جمال مبارك شخصية ظريفة, فهو متعلم, , و يفهم فى السياسة( إبن الوز عوام), تعلم فى الجامعة الأمريكية, و يفكر بالعقلية الأمريكية.

و قد يكون جمال مبارك مرشحا ممتازا للمحليات, أو لمجلس الشعب لو تم اختياره ديمقراطيا, فى انتخاب نزيه.

و لكن , الإعتقاد أن مؤهلات جمال المبارك الحالية تعطيه الحق فى نقلة صاروخية لكى يصبح رئيسا للجمهورية بدون المرور بالفلتر الديمقراطى( أى خلال انتخابات ديمقراطية نزيهة), فهذا هو ما يجعله غير مقبولا من أغلبية المواطنين.

الخلاصة, قد يكون جمال مبارك " خامة سياسية جيدة " يمكن الإستفادة منها فى مجال العمل السياسى, أو الإقتصادى, أو الإجتماعى, و لكن المعطيات المذكورة عاليه( فى البنوند 1 إلى 6) تجعله أسوأ مرشح لرئاسة الدولة.

أى أنه لو رسح نفسه للرئاسة مثل أوباما, و تم اختياره شعبيا, فى انتخابات حرة ديمقراطية, سأكون أول من يرفع له القبعة, و لكنه لو نجح فى انتخابات تتم فى ظل النظام الحالى, فإنى أقول للحكومة بأعلى صوتى:

إلعبــــــــــــــــــــــــــــوا غــــــــــــــــــــــــيرها

[somebody]

واعطائة فرصة تانية

أخي الفاضل أنا كنت بتكلم عن الحزب نفسه مش عن شخص معين

تم تعديل 2 ديسمبر 2008 بواسطة somebody

[Mohamed Fayek]

الأخ / سين سين

كل عام وأنت طيب

أسألك سؤال وترد بصراهة ..... مين فى رأيك من المرشحين أمام الرئيس مبارك يصلح لرئاسة مصر ؟

أبو طربوش ... ولا المدهول على عينة ...ولا العبيط .... ولا المزور

أعتقد إن الأصلح لقيادة مصر جمال مبارك علشان هو الوريث لوالده والمفروض نفرح جدا عارف ليه ؟ لأنه مش حيكون فيه توريث بعد جمال ............. الراجل مالوش فى الخلفة ولا حتى طفل الأنابيب وبعد موت جمال مافيش توريث

بس آه ياخوفى ألا تحكمنا ماما خديجة وتخلينا ننام من الظهر ...

أين أنت ياصلاح الدين ؟؟