سؤال للمغتربين فى الخليج و بالاخص قطر............

[الصقر المصرى]

انا مهندس مصرى عندى23 سنة و جاتلى فرصة شغل فى قطر على راتب 4000 ريال قطرى و اقامة و مواصلات عليهم و اجازة سنوية شهر مدفوعة الاجر..(هشتغل فى مجالى طبعا ) و بالنسبة للاقامة انا هقعد مع مهندسين فى شقة بس فى غرفة لوحدى و مكيفة طبعا . انا عايز اعرف رايك فى العرض دة بكل صراحة لانى متردد اوى .. مع العلم انى شغال فى مصر بالف و ستمائة جنية شهريا

[osmel33]

انا مهندس مصرى عندى23 سنة و جاتلى فرصة شغل فى قطر على راتب 4000 ريال قطرى و اقامة و مواصلات عليهم و اجازة سنوية شهر مدفوعة الاجر..(هشتغل فى مجالى طبعا ) و بالنسبة للاقامة انا هقعد مع مهندسين فى شقة بس فى غرفة لوحدى و مكيفة طبعا . انا عايز اعرف رايك فى العرض دة بكل صراحة لانى متردد اوى .. مع العلم انى شغال فى مصر بالف و ستمائة جنية شهريا

الأخ الكريم الصقر المصري إذا كنت بحثت شوية فى المنتدى هاتلاقى ردود كتيرة على الموضوع ده ويمكن أنا رديت على ناس كتير فى المسألة دى بس نقول تانى أولاً الراتب ضعيف جداً جداً جداً ، وهاسألك على حاجات (على فكرة أنا ظابط نفسى دلوقت ان الكلام ده أنا قولته قبل كده بس يلا مش مشكلة عشان خاطرك انت بس)

1- الراتب ضعيف زى ماقولنا ولازم يزيد (قولى انت مهندس أيه ؟ عشان أعرف أقيم)

2- واضح عليك انك مش متجوز أيه الوضع لو أجوزت هايدوك بدل سكن ولا لأ

3- أيه موضوع السيارة هاتجيب سيارة ولا لأ (هن الإنتقالات صعبة بدونها)

[الصقر المصرى]

بص يا باشا انا مهندس كهرباء و طبعا فى بدل سكن بس انا مش هخدو لانى هسكن تبع الشركة(شقة بها زملاء مهندسين و كل فى غرفة منفصلة ) دى حاجة ..الحاجة التانية فى مواصلات من و الى الشركة (اتوبيس الشركة ) و بعدين بينى و بينك (",) المهندس الى بعتلى قالى: متبصش للفلوس اول و تانى سنة حاول تدى و تكتسب الخبرة و تثبت نفسك كمهندس و متقلقش انت متوصى عليك توصية كويسة . و المهندس دة معرفة و هو معايا هناك زى اخويا الكبير و ماسك منصب فى الشركة . انا بس حبيت اوضحلك الصورة كاملة عشان عاوز رايك بصفتك مغترب . و يا ريت كل الناس تقوا رايها بردة

[meeeedoooo]

بصراحه توكل على الله وانت لسه سنك صغير وممكن تثبت نفسك وسنتين او تلاته وباذن الله تعرف تلاقي شغل بعد ماتكون اخدت خبره في قطر

[osmel33]

بص يا باشا انا مهندس كهرباء و طبعا فى بدل سكن بس انا مش هخدو لانى هسكن تبع الشركة(شقة بها زملاء مهندسين و كل فى غرفة منفصلة ) دى حاجة ..الحاجة التانية فى مواصلات من و الى الشركة (اتوبيس الشركة ) و بعدين بينى و بينك (",) المهندس الى بعتلى قالى: متبصش للفلوس اول و تانى سنة حاول تدى و تكتسب الخبرة و تثبت نفسك كمهندس و متقلقش انت متوصى عليك توصية كويسة . و المهندس دة معرفة و هو معايا هناك زى اخويا الكبير و ماسك منصب فى الشركة . انا بس حبيت اوضحلك الصورة كاملة عشان عاوز رايك بصفتك مغترب . و يا ريت كل الناس تقوا رايها بردة

بص يا هندسة أنا عايزك تلفلك لفة كده على التوبيك بتاع محاوارات المصريين ((بقطر)) وياريت كل الصفحات وبخاصة آخر صفحة وبعدها قرر هاتعمل أيه وأخيراً بالتوفيق

[osmel33]

بص يا باشا انا مهندس كهرباء و طبعا فى بدل سكن بس انا مش هخدو لانى هسكن تبع الشركة(شقة بها زملاء مهندسين و كل فى غرفة منفصلة ) دى حاجة ..الحاجة التانية فى مواصلات من و الى الشركة (اتوبيس الشركة ) و بعدين بينى و بينك (",) المهندس الى بعتلى قالى: متبصش للفلوس اول و تانى سنة حاول تدى و تكتسب الخبرة و تثبت نفسك كمهندس و متقلقش انت متوصى عليك توصية كويسة . و المهندس دة معرفة و هو معايا هناك زى اخويا الكبير و ماسك منصب فى الشركة . انا بس حبيت اوضحلك الصورة كاملة عشان عاوز رايك بصفتك مغترب . و يا ريت كل الناس تقوا رايها بردة

بص يا هندسة أنا عايزك تلفلك لفة كده على التوبيك بتاع محاوارات المصريين ((بقطر)) وياريت كل الصفحات وبخاصة آخر صفحة وبعدها قرر هاتعمل أيه وأخيراً بالتوفيق

[الصقر المصرى]

يا بشمهندس انا عايز رايك انت بتقول الراتب ضعيف بس فى نفس الوقت انا معنديش اى خبرة و كمان انا لسة عندى 23 سنة يعنى مش كبير بصراحة انا متردد و كمان انا شغال هنا فى مجال السافتى يعنى فى قطر هيبقى فى مجالى كمهندس كهرباء

[osmel33]

بص يا عم صقر احنا دايما لما بننصح حد فى السفر فبننصح من الحاجات اللى بنشوفها وكمان علشان بيبقى فيه شوية حاجات لازم نراعيها زى مثلاُ المعيشة والإنتقالات بغض النظر عن خبرتك الشخصية ، وللأسف احنا اتعلمنا انك لو بدأت صغير فى مكان فبيبقى صعب أنهم يكبروك بس أنا حاسس انك مرتاح للسفرية دى لو مرتاحلها خلاص اتوكل على الله بس نصيحة أخيرة حاول أنك تعرف أيه آلية زيادة الراتب وبدل السكن لو هاتسكن لوحدك علشان حتى يكون عندك بارقة أمل ان هايحصل تغيير وأخيراً (اللى هى بقى آخر حاجة) أتمنى لك التوفيق