عقد عمل فى سلطنة عمان ب 500 ريال عمانى

[فوزى فوزى]

بسم الله الرحمن الرحيم

الاخوة الاعزاء اعضاء المنتدى هل عقد عمل لوظيفة صحفى فى سلطنة عمان ب 500 ريال عمانى مع توفير تذاكر الطيران فقط عقد

جيد علما بأن السكن والأنتقالات داخل عمان عليا ووعد صاحب العمل بزيادة الراتب عند تجديد العقد اذا اثبت كفاءة فى العمل

برجاء الرد

هل هذا الراتب مناسب ام لا لشخص بمفرده دون اسرة هل يكفى دفع ايجار سكن و مواصلات و شراء طعام وهل يمكن الادخار منه

وبرجاء ذكر امثلة لتكاليف المعيشة فى مسقط العاصمة العمانية ( ايجار غرفة - مواصلات - طعام )

مع ذكر أمثلة لرواتب الصحفيين المصريين ذوى الخبرة فى سلطنة عمان أن أمكن :)

أسف للأطالة

جزاكم الله خيرا

تم تعديل 3 نوفمبر 2008 بواسطة فوزى فوزى

[MZohairy]

بسم الله الرحمن الرحيم

الاخوة الاعزاء اعضاء المنتدى هل عقد عمل لوظيفة صحفى فى سلطنة عمان ب 500 ريال عمانى مع توفير تذاكر الطيران فقط عقد

جيد علما بأن السكن والأنتقالات داخل عمان عليا ووعد صاحب العمل بزيادة الراتب عند تجديد العقد اذا اثبت كفاءة فى العمل

برجاء الرد

هل هذا الراتب مناسب ام لا لشخص بمفرده دون اسرة هل يكفى دفع ايجار سكن و مواصلات و شراء طعام وهل يمكن الادخار منه

وبرجاء ذكر امثلة لتكاليف المعيشة فى مسقط العاصمة العمانية ( ايجار غرفة - مواصلات - طعام )

مع ذكر أمثلة لرواتب الصحفيين المصريين ذوى الخبرة فى سلطنة عمان أن أمكن :)

أسف للأطالة

جزاكم الله خيرا

500 ريال عماني فين في مسقط؟

عموما المبلغ متهيألي مش ولابد ابدا الا اذا كنت حديث التخرج

معتقدش ابدا و بأي حال من الأحوال ممكن تلاقي سكن محترم بأقل من 200 ريال في الشهر ده غير الكهربا و المياه شهريا

ده غير مواصلاتك و اللي بتعتمد على مدى بعدك او قربك بين بيتك و شغلك و ما اذا كان شغلك شيفت واحد او اتنين ..فخلينا نقول 100 مواصلات

حتاكل و تشرب و تتكلم في التليفون و تتعالج لا قدر الله بكام؟؟؟

و بعد كده حتحوش كام؟

و السؤال المهم هل انت خريج جديد؟ و السؤال الأهم بتاخد كام في مصر حاليا عشان تروح عمان على 500 ريال عماني؟

[فوزى فوزى]

شكرا اخى العزيز

بالنسبة للعمل سيكون بأذن الله شيفت واح حتى الثانية والنصف ظهرا

السكن احتاج غرفة ستوديو وليست شقة لاننى بمفردى

انا لست خريج جديد بل عندى خبرة 10 سنوات ولكن هل هناك فعلا زيادة عند تجديد العقد

علما

بأننى اجريت مقابلة مع منتدب جريدة اماراتية منذ 4 شهور واقتنع ايضا بكفائتى وحدد وقتها راتب 6 الاف درهم قد تزيد الى 7 الاف درهم

بعد مراجعة رئيس مجلس الادارة مع توفير السكن واعطانى رقم الموبايل الخاص به فى الامارات وظننت ان العقد سوف يصل خلال

اسبوعين كما قال لكن طالت المدة وحتى الان لم يرسل العقد اتصلت به منذ شهر واخبرنى ان اوراقى معروضة على الادارة انا

واخرين وبانتظار قرار رئيس مجلس الادارة وهو سبب التأخر لأنه مسافر اغلب الوقت خارج الأمارات فظننت اننى رفضت فقال لا

فسألت احد اصدقائى قال لى لو رفض هيقولها لى بصراحة دون مماطلة لكنها مسألة وقت ولكن معقول 4شهور بانتظار قرار ام هذا

طبيعى فى الخليج

فما رأيك اعاود الاتصالات بمنتدب الجريدة الاماراتية ذات الراتب الاعلى والسكن ام الجريدة العمانية من منطلق ان العرض منذ ايام

وشكرا لك :)

جزاك الله خيرا

[MZohairy]

والله انا شايف ان العرض بالنسبه لسنك و لخبرتك هو عرض سيئ على كل الأحوال

ان لم يكن سيئ جدا

و موضوع الزياده ده متعلقش عليه امال كبيره لأنه ممكن يحصل و ممكن ميحصلش و لو حصل ممكن تكون الزياده 10% مثلا مما لا يغير من الأمر شيئ ابدا

[MZohairy]

نبتدي نقول العرض معقول لو العرض عباره عن 500 اساسي مع توفير السكن و المواصلات

[فوزى فوزى]

شكرا لك اخى

طيب بالنسبة لعرض الجريدة الاماراتية اتصل تانى ولا الموضوع خلاص

شكرا جزاك الله خيرا :)

[amh]

أنا مع رأي الأخ الزهيري

فهناك مصاريف لابد منها ولايمكن تخفيضها مثل مصاريف السكن وهى لا تقل عن 200 ريال أو أكثر كما ذكر بالإضافة إلى الأكل من حوالى 100 ريال منوسط بالإضافة الى الكهرباء والماء حوالي 30 ريال بالإضافة إلى المواصلات والتي تختلف على حسب قرب وبعد السكن من الشغل فمثلا 50 ريال إذا استخدمت المواصلات العادية بالإضافة إلى اتصالاتك الدولية للإطمئنان على أهلك حوالى 10 أو 20 ريال ولم نحسب مصاريف العلاج يعني ممكن توقر حوالي 100 ريال إن لم تكن مسرفا يعني حوالى 1300 جنية مصري وأسأل الله لك التوفيق

[فوزى فوزى]

شكرا لك اخى

طيب بالنسبة لعرض الجريدة الاماراتية اتصل تانى ولا الموضوع خلاص الاتفاق كان من 4شهور

بالنسبة للجريدة العمانية 500 ريال بدون سكن او مواصلات ممكن يتوفر مبلغ للأدخار والريال العمانى يساوى 14 جنيه

مصر

شكرا جزاك الله خيرا :)

[MZohairy]

شكرا لك اخى

طيب بالنسبة لعرض الجريدة الاماراتية اتصل تانى ولا الموضوع خلاص

شكرا جزاك الله خيرا

والله انا شايف ان الاتصال بصاحب العمل اللي عملك الانترفيو بعد الانتر فيو مش في مصلحة الموظف ابدااااااا

بيكون صوره عند صاحب العمل ان الراجل مدلوق و محتاج و مزنوق فبيرخص سعره بدون شك

و في نفس الوقت هو لو عايزك أكيد حيتصل بيك و لو مش عايزك برضه أكيد مش حيتصل بيك

يبقى ايه فايدة اتصالك بيه؟؟؟

[دكتور مصري]

شكرا لك اخى

طيب بالنسبة لعرض الجريدة الاماراتية اتصل تانى ولا الموضوع خلاص الاتفاق كان من 4شهور

بالنسبة للجريدة العمانية 500 ريال بدون سكن او مواصلات ممكن يتوفر مبلغ للأدخار والريال العمانى يساوى 14 جنيه

مصر

شكرا جزاك الله خيرا :rolleyes:

لا تتصل بالجريدة الاماراتية قبل ان يتصلوا هم بك

اما العرض العماني فيجب رفضه تماما

لكن المهم ايضا هل انت تحصل على راتب معقول في مصر ام ماذا

من الممكن ان يكون راتبك في مصر دافعا للسفر بهذا المقابل

[elshafey]

شكرا اخى العزيز

بالنسبة للعمل سيكون بأذن الله شيفت واح حتى الثانية والنصف ظهرا

السكن احتاج غرفة ستوديو وليست شقة لاننى بمفردى

انا لست خريج جديد بل عندى خبرة 10 سنوات ولكن هل هناك فعلا زيادة عند تجديد العقد

علما

بأننى اجريت مقابلة مع منتدب جريدة اماراتية منذ 4 شهور واقتنع ايضا بكفائتى وحدد وقتها راتب 6 الاف درهم قد تزيد الى 7 الاف درهم

بعد مراجعة رئيس مجلس الادارة مع توفير السكن واعطانى رقم الموبايل الخاص به فى الامارات وظننت ان العقد سوف يصل خلال

اسبوعين كما قال لكن طالت المدة وحتى الان لم يرسل العقد اتصلت به منذ شهر واخبرنى ان اوراقى معروضة على الادارة انا

واخرين وبانتظار قرار رئيس مجلس الادارة وهو سبب التأخر لأنه مسافر اغلب الوقت خارج الأمارات فظننت اننى رفضت فقال لا

فسألت احد اصدقائى قال لى لو رفض هيقولها لى بصراحة دون مماطلة لكنها مسألة وقت ولكن معقول 4شهور بانتظار قرار ام هذا

طبيعى فى الخليج

فما رأيك اعاود الاتصالات بمنتدب الجريدة الاماراتية ذات الراتب الاعلى والسكن ام الجريدة العمانية من منطلق ان العرض منذ ايام

وشكرا لك

جزاك الله خيرا

اخي العزيز اصبر شوية انا كنت منتظر التأشيرة (مش العقد) من بوم 1/8/2008 ولسه طالعة النهاردة

ااعتقد ان موظفين الحكومة يومهم بـ 3 سنسن يعني انيل مننا بشوية فاصبر

وبعدين واضح من كلام الاخوة انك هتصرف المرتب (500 ريال) سكن واكل ومواصلات

ف ما تستعجلش وإصبر

تحياتي

[الباشمهندس ياسر]

ايه يا زهيرى ما شاء الله عليك

طب سيبنا نشاركك فى حسنة ولا اتنين

عموما

يا استاذ فوزى العرض ده مينفعش بأى شكل من الاشكال و خصوصا على سنين خبراتك

و ما شاء الله الاخوة ما قصروش معاك بحاجة

[عصام أبوالفتح]

الحد الادنى لقبول عرض عمل خارج مصر = متوسط الراتب لنفس الوظيفة فى مصر × 2 -3

ضعفين او ثلاثة دى ترجع للشخص ومدى ارتباطه بمصر .. كل ما كان طقهان هيقبل بالاقل اكتر

لا اعتقد ان رواتب الصحفيين متوسطها فى مصر 2500 ج لعشر سنوات خبرة .. بالتالى الاخ فوزى هو اللى يقرر بناء على وضعه بمصر

اذا كانت تكلفة المعيشة للعازب فى السعودية 500-1000 ريال سعودى او 50-100 ريال عمانى بالكتير

فالتكلفة فى عمان زيها تقريبا .. الباقى سواء سكن او انتقالات .. الحكاية كلها ستوديو وعربية يوزد .. يعنى طالما مفيش اسرة يبقى الموضوع محتاج تفكير .

وطبعا سلسلة الردود اللى شفتها حلقة من مسلسل ( متجوش ) بطولة المغتربين والمغلوبين على امرهم بمصر .

تم تعديل 4 نوفمبر 2008 بواسطة عصام أبوالفتح

[MZohairy]

وطبعا سلسلة الردود اللى شفتها حلقة من مسلسل ( متجوش ) بطولة المغتربين والمغلوبين على امرهم بمصر .

ماهو مش معقول كمان يا أخ عصام واحد عنده خبره 10 سنين و ييجي على عقد قيمته الإجماليه 500 ريال حيضيع منهم في السكن لوحده حوالي 50% ده غير أكله و مصروفه و تليفوناته و علاجه و مواصلاته و الله اعلم عنده كمان مصروف لأسرته في مصر ولا لأ و نقوله بعد ده كله ...ده عرض رائع اوعى تضيعه من ايدك!!!!!!!

احنا بنقول الواقع هنا من خلال خبرتنا في البلد و هو حر القرار بتاعه

انما تعالى و كله تمام و الله ينور ده كلام ميرضيش ربنا

تحياتي

[عصام أبوالفتح]

انت عايز تفهمنى ان العازب تكلفة سكنه فى عمان تعادل 25 الف ريال سعودى ؟!!!

ده معدل افضل سكن لاسرة فى السعودية

عمان والبحرين دول فقيرة ونايمة لو قورنت بباقى دول الخليج فهل المعيشة بها غالية للدرجة دى

[se_ Elsyed]

الحد الادنى لقبول عرض عمل خارج مصر = متوسط الراتب لنفس الوظيفة فى مصر × 2 -3

ضعفين او ثلاثة دى ترجع للشخص ومدى ارتباطه بمصر .. كل ما كان طقهان هيقبل بالاقل اكتر

لا اعتقد ان رواتب الصحفيين متوسطها فى مصر 2500 ج لعشر سنوات خبرة .. بالتالى الاخ فوزى هو اللى يقرر بناء على وضعه بمصر

اذا كانت تكلفة المعيشة للعازب فى السعودية 500-1000 ريال سعودى او 50-100 ريال عمانى بالكتير

فالتكلفة فى عمان زيها تقريبا .. الباقى سواء سكن او انتقالات .. الحكاية كلها ستوديو وعربية يوزد .. يعنى طالما مفيش اسرة يبقى الموضوع محتاج تفكير .

وطبعا سلسلة الردود اللى شفتها حلقة من مسلسل ( متجوش ) بطولة المغتربين والمغلوبين على امرهم بمصر .

ردودك بقت عنيفة قوي يا عصام .. مش عارف ليه ومش لاقي سبب !!!!!!!!!!! ..

وبعدين يا ريس إنت جبت المعادلة دي منين ؟

الحد الادنى لقبول عرض عمل خارج مصر = متوسط الراتب لنفس الوظيفة فى مصر × 2 -3

يعني يا باشمهندس لو واحد بياخد 1500 ج .. وجاله عرض بما يعادل 4500 ج ... يعني 3000 ريال ... من غير لا سكن ولا مواصلات ولا دياولو ... ينفع يقبله للسفر إلى السعودية في ظروف غلاء المعيشة دي ؟

أعتقد إن قبول أي عرض لسفر للخليج لا علاقة له بمرتب أو مزايا مصر .. اللهم إلا لو كان أقل منه او مساويه وفي الحالة دي يبقى من الجنون إن الواحد يقبل يسافر

وطبعاً لو أعلى .. يبقى نرجع لتكلفة المعيشة في البلد اللي الواحد مسافر لها ونحسبها صح .. عشان نعيشها صح

[MZohairy]

انت عايز تفهمنى ان العازب تكلفة سكنه فى عمان تعادل 25 الف ريال سعودى ؟!!!

ده معدل افضل سكن لاسرة فى السعودية

عمان والبحرين دول فقيرة ونايمة لو قورنت بباقى دول الخليج فهل المعيشة بها غالية للدرجة دى

السكن في عمان و في مسقط بالتحديد اصبح من ابشع الأمور اولا في كيفية ايجاده و بعد ذلك في ان تجده مناسبا لدخلك و امكانياتك

مسقط في طريقها لتقترب من اسعار السكن في دبي و نقدر نقول انها حاليا تعادل 60 الى 70 % من الأسعار لشقق مماثله بدبي

و بأكدلك انك مستحيل تسكن في حته معقوله و محترمه الى حد ما بمسقط كسكن فردي بأقل من 200 ريال شهريا و تكون محظوظ لو لقيتها!!

مسقط مشكلتها هي ان الجبال محوطاها بشكل كبير و المساحات الصالحه للبناء مش كتير و المباني اللي موجوده مش مناسبه ابدا لعدد الوافدين

و بالتالي المعروض اقل كثيرا من المطلوب و بناء عليه بيرتفع السعر بشكل جنوني ...ده اذا قدرت تلاقي حاجه مناسبه اصلا

[MZohairy]

http://www.omania2.net/avb/forumdisplay.php?f=78

ده موقع سبلة عمان قسم عقارات مسقط الإيجار و البيع

حيفيدكم جدا

[عصام أبوالفتح]

اخى العزيز س س .. اول حاجة متتضايقش من ردودى الله يخليك .. وسع صدرك يا رجال :)

انا صراحتى احيانا بتاخد شكل اندفاعى او هجومى لكن غرضها فى النهاية المصلحة

بالنسبة للموضوع .. كل واحد له اهدافه .. اخوانا اللى راحوا كندا بيقولك تحويش مفيش .. وكانوا بيحوشوا فى الخليج .. لان تكلفة المعيشة كبيرة جدا هناك

ممكن تكون تكاليف المعيشة اضعاف تكاليفها فى مصر لكن طالما الواحد هايعيش مرتاح البال ويعلم ولاده بتلاقيه مبسوط ومش عايز يشوف مصر تانى

برضو هو اللى يخدد وضعه لكن على فرض ان مرتبه فى مصر 1500 زى ما قلت فده مبلغ تافه دلوقتى لو حسبت ايجار جديد 500 ح ومية وكهرباء وتليفون وبلاوى مصر التانية 500 وصرايب 20 % أدى 300 ويتبقى فلوس السجاير وعيش حاف .

نفس الشخص ده لو جه ب 3000 ريال سعودى هايسكن ب 1000 شهريا و مصروفه كله 1000 وهايحوش 1000 ريال اللى هى 1500 ج .. كامل دخله فى مصر

وانا دخلت الموقع اللى ذكره الاخ العزيز زهيرى ولاقيت سكن للموظفات شيرنج ب 50 ريال عمانى

وفيه واحد عارض غرف بحمام داخل فيلا ب 150 مع المية والكهرباء

يعنى اللى يدور يلاقى

الموضوع ده وكلامكم اخوانى الاعزاء عن الحد الادنى جعلنى ابحث فى الموضوع ووجدت مقارنة بين الوضع المعيشى لدول الخليج وافردت لها هذا الموضوع التالى

مقارنة للوضع المعيشي العام بين دول الخليج

[MZohairy]

وانا دخلت الموقع اللى ذكره الاخ العزيز زهيرى ولاقيت سكن للموظفات شيرنج ب 50 ريال عمانى

وفيه واحد عارض غرف بحمام داخل فيلا ب 150 مع المية والكهرباء

يعنى اللى يدور يلاقى

و ممكن تلاقي ارخص يا عصام :)

بس فين؟

فين؟

في مناطق ما انزل الله بها من سلطان و بيعيش فيها كل 8 هنود في غرفه واحده و ما شابه و من الصعب جدا تلاقي عربي او حتى عماني في الشارع

كله هنود و مناطق تعيسه جدا و بعيده جدا عن الأماكن الحيويه او المحترمه

الأسعار اللي انا قلتها دي هي الأسعار المعقوله للي عايز يحترم نفسه و ميهينهاش

غير كده ممكن واحد يقعد في الشارع ببلاش و مش ضروري سكن خالص

تحياتي