a m ghazi بتاريخ: 3 نوفمبر 2008 تقديم بلاغ مشاركة بتاريخ: 3 نوفمبر 2008 (معدل) دي اول مره اكتب في المحاورات وبقالي قترة بلف في المحاورات وخصوصا قسم الابتسام بس فيه حاجه غريبه مش عارف ليه عندي احساس بالالفه مع الناس اللي موجودين هنا وكاني اعرفهم من سنين اسيبكم بقى مع الموضوع ومش هوصيكم علي الردود أنا a m ghazi عازب ومقيم في الخليج (ده مش إعلان عروسه في ناس متكلمين علي ) ودا يوم من الأيام السعيدة اللي بتعدي عليا هنا (أل يعني الواد شاف يوم عدل من ساعة ما جه ) مش قادر أوصف لكم سعادتي مع بداية كل يوم ازاي (كداااااااب) بصحي كل يوم أخد دش والبس وأروح شغلي (علي فكره الشغل مش بعيد لان الشغل والسكن في نفس العمارة في نفس الدور) افتح المكتب وارش ميه أدامه عشان النفس اشغل الكمبيوتر ونقعد بقي نشوف إيه أخبار البشر ونشوف إيه الجديد في المحاورات وفي عز ما الواحد مستكنيس والدماغ في الجون ألاقي التليفون بيرن تررررن تررررررررررن ترررررررررررررررررن صبحنا وصبح الملك لله خير فيه إيه علي الصبح (غالبا مبيبقاش خير) بس يلا هنعمل إيه لازم نرد انا :سلامو عليكو الزبون :هلا انا :هلا بيك يا خوي الزبون :والله انا كان ودي اكتتب عندكو في المساهمه الجديده (أصل أنا شغال في البورصه والاستيراد والتصدير والعقار ومحدش يسالني ازي) انا :مساهمة ايه يا حجي الزبون :مساهمه عجمان انا :اه دي انتهت يا حج الزبون :يعني ما يصلح تسوي لي اكتتاب انا :لا والله دي انتهت بقالها شهر الزبون :بس انا ابي اكتتب انا :بقولك يا حجي انتهت من شهر (هيجنني عليه علي الصبح ده ولا ايه ) الزبون :طيب اشلون اكتتبتو للناس وش هو المطلوب انا :المطلوب كذا كذا وعمولة المكتب كذا وليك كذا وعليك كذا (طبعا ده كله حرق جاز علي الفاضي) الزبون :لا والله يا خوك ما تسادي وش ربحنا حنا لما تاخدو انتو ها الكثر انا :والله يا حجي هو ده النظام الزبون :لالا ما يصلح سلام عليكم انا :وعليكو (انا ناقص) انتهت المكالمه الحمد لله بس بعد ايه بعد ما جالي الضغط والسكر وكل المستخبي نرجع تاني للكمبيوتر ويادوب الواحد هيستكنيس طبعا انتو عارفين ايه اللي حصل التليفون (الله يحرقه) تررررن ترررررررررن ترررررررررررررررن واحد تاني عايز الشيك بتاعه (مشكله) نخلص منه نلاقي واحد تالت بس المره دي مش عايز الشيك بتاعه (بردو مشكله) دلوقتي بقي الحمد لله الدوام الصباحي خلص الساعه بقت اتناشر والضهر بيدن اقوم جري اقفل المكتب واروح السكن كدا نبقي وصلنا لمرحله العذاب التانيه (اصلهم يجي تمناشر مرحله انتو لسه شوفتو حاجه) الهدوم اللي لبسناها الصبح نقلعها تاني نلبس هدوم المطبخ ادخل المطبخ وانا في دماغي اني ولا ام علي في زمانها عايزين نعمل الغدا نعمل ايه نعمل ايه بس لقيتها بعد ساعه ونص من الرزع والخبط وصلنا للنتيجه اللي مش مطلوبه طبق سلطه وطبق هوت دوج ايه هننهب الحمد لله كلنا وشربنا وحمدنا ربنا ننام بقي لسه فيه الدوام المسائي (اصل العذاب قصدي الدوام هنا علي فترتين) اشوف الساعه الاقيها تلاته والدوام الساعه اربعه نعمل ايه بس يلا والله منا نايم (يلا بجمله العذاب) اقوم اشوف الغساله (يلا بقي أي مصلحه) ندخل نشوف الغساله نقعد ساعه نغسل وننشر واجارك الله يا مسلم من يوم الغسيل (بيبقي يوم 76 ساعه) خلاص بقي الساعه بقت اربعه الا ربع نرجع تاني نقلع الهدوم ونلبس الهدوم ونروح الشغل نفتح ونرش ميه ونشغل الكمبيوتر ونشوف اخبار البشر ومش عرف ايه وزي ما انتو عارفين التليفون (ربنا ياخده ويريحني منه ) تررررن ترررررررررن تررررررررررررن ونرجع نعيد الفيلم من الاول وتليفون يسلم تليفون يسلم زبون يسلم زبون لحد ملاقي نفسي مش شايف ادامي الحمد لله الساعه بقت عشره خلص الدوام ياااااااااه دا الواحد جاع يبقي عايزين نتعشي طيب نعمل ايه لسه هندخل المطبخ تاني ونكركب ونكسر وفي الاخر سلطه وهوت دوج لا قديمه قديمه حتى مرقعه ننزل نروح اي مطعم ناكل اي حاجه وبعد ما اخلص اكل اكتشف خير اللهم اجلعه خير اني بردو اتعشيت هوت دوج بس من غير سلطه بقي المره دي يلا هنعمل ايه نروح بقي نروح ولاول مره هستكنيس براحتي ادخل غرفتي اغير هدومي اخبط دش بارد نهدي الاعصاب ونروش الجمجمه ادخل غرفتي واقفل بالمفتاح اقعد ادام الكمبيوتر بتاعي وبدون تلفونات ولا اي قلق فتحنا الكمبيوتر ولسه بستكنيس هه ما انتو عارفين لالا مش التليفون دا الموبايل المره دي اعمل ايه اكسره يعني وارتاح منه يطلع المدير بتاعي (الله يحرقك بجاز يا سباعي ) اصل بسلامته مجاش النهارده (ال يعني جه امبارح ) مدير بقي مين قده بيتصل بيا عايز يعرف ايه اخبار الشغل (كالعاده هي يعني عادته ولا هيشتريها) انا :هلا بالشيخ (برفع من روحه المعدنيه) المدير :هلا يا حمودي (عادي يعني بيدلعني ) انا :تدلل يا بعد عمري (يلا جبر الخواطر علي الله) المدير:وينك فيه انا :في السكن يا طويل العمر (يعني هكون فين يعني بعد الهده دي) المدير:علمني وش صار اليوم (اه ما هو فاضي بقي نايم طول النهار ولسه صاحي مش لاقي حاجه تسليه) انا : ولا حاجه كله تمام (ما انا عايز اخلص بردو) المدير:ولا حاجه زين انا :الحمد لله تامر باي حاجه (خلصني بقي) المدير :وايه اخبار تسليم الشيكات وشركه الامارات وشركه قطر والعملاء والاستمارات وشحنه الحديد وشحنه اليوريا وصفقه الاسمنت وطلبيه الفراخ المجمده (كل ده طبعا علي دماغي هو مدير بس ) انا:كله تمام (ابوس ايدك ارحمني) المدير:لكلكلكلكلكلكلكلكلكلكلكلكلكلكلكلك انا :والله المدير :لكلكلكلكلكلكلكلكلكلكلكلكلكلكلكلكلك انا :طيب كويس المدير:لكلكلكلكلكلكلكلكلكلكلكلكلكلكلكلكلكلكلكلك انا :الصبح ان شاء الله ساعه ونص مكالمه لما ببقي مش قادر احط التليفون علي ودني وتقريبا انه بيتكلم ببلاش مش زينا يعني يقعد يلك ويرغي واللي يعيده يزيده اعمل ايه بس اقتله واستريح منه خلصنا من المدير الحمد لله ابص الاقي الساعه بقت خماشر يدوب انام علشان عندي بكره يوم احلا من اليوم تخيلو انتو بقي مدي سعادتي وهنايا كل الايام زي بعضها بالشكل ده لأ وايه في ايام احلا من كده بكتير كمان بس بعدين بقي ويلا فلسوع تم تعديل 3 نوفمبر 2008 بواسطة a m ghazi إن لم تكن ذئبا أكلتك الذئاب رابط هذا التعليق شارك المزيد من خيارات المشاركة
ELSHAMY بتاريخ: 3 نوفمبر 2008 تقديم بلاغ مشاركة بتاريخ: 3 نوفمبر 2008 الله يعينك... عبرة و عظة... كلمنا عن الجانب المشرق من القصة....اذا كان فيها جانب مشرق... تسجيل متابعة.. كن كما قال رسول الله صلى الله عليه وسلم : ان لله عبادا أختصهم بقضاء حوائج الناس حببهم في الخير وحبب الخير اليهم انهم الامنون من عذاب الله يوم القيامة ) رابط هذا التعليق شارك المزيد من خيارات المشاركة
se_ Elsyed بتاريخ: 3 نوفمبر 2008 تقديم بلاغ مشاركة بتاريخ: 3 نوفمبر 2008 طب ما تبيع العدة وتستريح والباب اللي يجيلك منه الريح إخلعه وأستريح الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
dongol بتاريخ: 3 نوفمبر 2008 تقديم بلاغ مشاركة بتاريخ: 3 نوفمبر 2008 هي عدد الايام دي كده ما بتبطلش رن فين ايام عدد زمان لما كانت بترن مره واحده في الشهر ده طبعا علشان ما كانش حد عنده تليفون ربي ان لم يكن بك علي غضب............. فلا أبالي غير أن عافيتك هي أوسع لي رابط هذا التعليق شارك المزيد من خيارات المشاركة
a m ghazi بتاريخ: 3 نوفمبر 2008 كاتب الموضوع تقديم بلاغ مشاركة بتاريخ: 3 نوفمبر 2008 (معدل) الله يعينك...عبرة و عظة... كلمنا عن الجانب المشرق من القصة....اذا كان فيها جانب مشرق... تسجيل متابعة.. الجانب المشرق :rolleyes: ودا يبقي ازاي يعني ;) طب ما تبيع العدة وتستريح والباب اللي يجيلك منه الريح إخلعه وأستريح والله ياريت لكن الاستراتيجيات الحاليه تتضارب مع المرحله التيكتيكيه الراهنه و المستقبليه هي عدد الايام دي كده ما بتبطلش رن فين ايام عدد زمان لما كانت بترن مره واحده في الشهر ده طبعا علشان ما كانش حد عنده تليفون يااااااااااااااااااااااه كانت ايام ولا الموبايل اللي كنا بنركب له اظهار الايام الحلوه مبتجيش تاني وبتعدي في ثواني كل الشكر للاخوه الافاضل اللي شرفوني بالزياره تم تعديل 3 نوفمبر 2008 بواسطة a m ghazi إن لم تكن ذئبا أكلتك الذئاب رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان