رسوم رخصه السواقه اصبحت 400 ريال +فلوس المدرسه

[ozoozo]

رحت اعمل الرخصه امبارح وكنت عارف ان الرسوم 75 ريال لكن فوجئت انها 400 ريال زاءد 100 ريال مدرسه لو مستوي ا و 435 لو اي مستوي تاني وعملت الكلام ده في مرور دله بجده

للاسف المدرب ادني ب في تحديد المستوي يعني خمس ايام مدرسه ومش عارف ليه رغم اني معايا رخصه مصريه من اكتر من 3 سنين وكنت بسوق زي الجن في مصر كل اللي عملته ان الفرمله مكانتش هاديه اول مره قالي اقف لكن بسيطه يعني ما لبسش في الازاز لكنها فرمله عاديه خالص وده عشان مش متعود علي حساسيه فرامل العربيه اللي ركبتها وحسيت انه متعنت معايا وفي ناس قالتلي عادي بيعملو كده عشان ادفع فلوس المدرسه فهل الكلام ده صح ولا هابتلككو ساعت الامتحان ونبقي عاملين زي رخصه دبي

[بركة]

السلام عليكم

كل الغير سعوديين تقريبا لازم يدخلو المدرسةوخلاص

عادي جدا ربنا معاك

وشكرا على اهتمامك بموضوعنا

ربنا يفرجها علينا وعلى الجميع

[ozoozo]

شكرا اختي الكريمه وانا مقدر ردك رغم ظروفك وربنا ينصركم ويوفقكم انشاء الله واعلمي ان الرزق كالموت لا فرار منه

[aboueyad alex]

أرجو من أخى الكريم التواصل على الميل

muhammed_hussein1980 عى الياهو أو الهوت

وحمدلله على السلامة

[ahmedkamal]

لا متقلقش لو بتسوق كويس يبقى خلاص الناس مش بتلكك زي ماتتصور دبي رخصتها اصعب والكويت كمان

، انما السعوديه لو بتسوق كويس هتعدي يمكن عدم التعود ع حساسيه العربيه يعني مثلا انا امتحنت ف الرياض ع نيسان سيدريك فكانت عاديه انما زميلي امتحن ع كامري كانت حساسه جدا وانا ف مصر كان معايا اتوماتيك ، انما السواقه ف مصر زي ما انت عارف مولد غير بره مصر فمش مقياس وماتحطش ف دماغك الامتحان بيكون عادي والناس متسامحه او خلينا نقول انت وحظك انما صدقني مش استقصاد خالص

[عصام أبوالفتح]

المصريين واخدين سمعة هايلة فى السواقة

فلازم يحطولك اقل مدة لو انت كويس كمان .. بس يطمن انك عارف الاشارات والقواعد الاساسية للسواقة الصح مش سواقة مصر .

الناس دى مش ناقصها لوس

[حازم نجاح حمزه]

بص يا سيدي انا رخصتي عملتها من مرور دله الخبر

انا ما كان معايا رخصه مصريه

اما روحت اقدم الورق

قوللي انت مش معك رخصه مصريه

لازم تتدخل مدرسه

دخلت المدرسه

وخلتني فيها اسبوع لحد ما امتحنت

طبعا كله عارف امتحان الخصوصي ازاي

انت تاخذ لفه بالسياره في الميدان وبعدين ترجع بظهرك تلبك السياره

وطبعا رسوم المدرسه 435

وبعد ما تنجح

ميدان واشارات

بيقولك تعالي استلم ملفك الساعه 2.30 في يوم الاختبار

وبعد كده تروح البنك تسدد 400 ريال

تاني

وتاخذ ايصال التسديد والملف بتاعك وتروح الصبح المدرسه وتروح علي اداره تسجيل الحاسب الالي

هتعطيك رقم واما تجي الدور عليك

هيطلب منك ملفك وايصال تسديد البنك وتاخذ الرخصه وانت واقف

اما بالنسبه اللي معاه رخصه مصريه

فهو طبعا بيقدم ورقه المعروف

ومعاه صوره من الرخصه المصريه

والموظف بيطلع علي الاصل ويرجعلك

ويطلعك وصل ب100 ريال وواسمه خصوصي فوري

بيتجي انت تاني يوم بتروح تحضر حصه اشارات ويجي المدرس اللي بيشرح الاشارات يلم الوصل منكم وياخذكم علي الميدان ووشرح كيفيه الاختبار ويقولك تعالي بكره الساعه 6 صباحا امتحن

وتتمتحن ميدان واشارات

ونفس الاجراءت التي سبق شرحها بعد ما تنجح

هتسلم ملفك الساعه 2.30وتسدد 400 ريال في البنك

وتجي تاني يوم تخلص

والرخصه بقت دلوقت 10 سنوات مش خمسه

انا سمعت ناس بتقول انها في الرياض لسه خمسه مش عارف هل الكلام ده صحيح اما لا

بس انا رخصتي طلعت ب10 سنوات

عموما

الاوراق المطلوبه معروفه

خطاب من الكفيل بموافقته علي عمل رخصه وعليه ختم الغرفه التجاريه

صوره من جواز السفر

صوره من الاقامه

كشف للعين وتحليل دم

4 صور شخصيه

لو معك رخصه مصريه جهز 100 ريال واعرف بعد يومين هتسدد تاني 400 ريال لو نجحت

لو مش معك رخصه مصريه جهز 435 ريال واعرف ان داخل مدرسه واقل شي اسبوع لحد ما تطلع الرخصه

اتمني ان اكون افاتكم

لو مش معك جهز 435 ريال واعرف انك داخل مدرسه اقل شي اسبوع لحد ما تطلع الرخصه