ارجو النصيحه في عقد العمل ده

[عمر الجميل]

السلام عليكم اخواني الاعزاء ارجو النصيحه في عقد عمل موجه اليا باحد توكيلات مؤسسة عبداللطيف جميل بأبها بالعسير بسبت العلي :

انا حاصل علي بكالوريوس تجارة 2006 لكن الوظيفه اللي هاروحها بائع بفيزة عامل الراتب 1500 ريال مع زيادة من 300 الي500 ريال في خلال اشهر الاختبار التلاته الاولي والسكن اعلي المعارض والدوام 8 ساعات علي فترتين والخميس نصف يوم والجمعة اجازة مع توافر كل بنود العمل الطبيعية بالمملكة من تأمين طبي وتذاكر سفر وامكانية الاستقدام (والسكن العائلي حسب ما اثبت كفائتي في العمل ) والعقد بسنتين مع العلم بانني حاليا اعزب وعمري 25 سنة

ارجو النصح والافادة وبارك الله لكم

[se_ Elsyed]

عبد اللطيف جميل .. وأبها .... و 1500 ريال

والله يا عم ومن غير زعل .. لما بنعرض 1500 ريال على عامل دلوقت بيروح باصص لنا شزراً وبيبقى ناقص يمد إيده علينا ويسيبنا ويمشي ...

المرتب قليل جداً مع غلاء المعيشة الفظيع بتاع اليومين دول

[melhamy]

:)

لا تفعل ذلك ....... نداء للأخ اللى عايز يجى على 1500 ريال ..... العقد فيه خازوق قاتل .... لاتشرب هذا الدواء .....

نداء للأخوة المصريين خريجى دفعة عام 2006 وما بعدها ..... لاتقبلوا عقود مشابهة .... صاحب العمل كذاب و الأسباب هى كالتالى :

1- راتب اساسى 1500 ريال ده معناه يا أخى الكريم انك يادوب تقدر تاكل وتشرب ( كيلو اللحمة 32 ريال ... كيس المعكرونة 5 ريال ..... ماء الشرب بفلوس ...... الهواء اللى بتتنفسه المكيف عايز فريون و تنظيف 50 ريال .... تركيب الدش و شراء تلفزيون 14 بوصة 350 ريال ...... المكالمات الدولية لو افترضنا انك مش ناوى تحب و تتحب شهرياً 200 ريال ) المرتب ده يادوب تقدر ........ احم احم ماعلينا .

2- صاحب العمل جايبك على مهنة (عامل) على رأى عمدة المصريين / سى السيد ( لو مسكت الكهرباء بإيدك ) لازم تدفع 1000 ريال علشان تغير مهنة غير مصاريف تصديقك للشهادات و ترسل خطاب للقنصلية مصدق غرفة وخارجية بطلب الشركة لتصديق شهاداتك ....

تعتقد و احد بالمنظر ده هيدفع لك فلوس تغير المهنة من الشركة طيب بلاش وهيدفع لك أستقدام 2000 ريال من الشركة طيب بلاش و هتجيب منين يا مسكين فلوس سكن عائلى ده انت لو سكنت فى كوبايه بلاستيك ايجار سنوى لن يقل عن 10.000 ريال هل الكفيل هيدفع لك كل الكلام ده ....

العقد باين من عنوانة و الراجل نصــــــــــــــــــــــــاب و أنا هتحاسب أمام الله على الكلام ده .... العقد فية نصب و هتدخل فى حورارات و قلة ادب و تهديد بالهروب و البهدلة و يمسك عليك الراتب و تيجى يخصم عليك ثمن التاشيرة 2000 ريال اللى انت جاى عليها ..... و ثمن الأقامة 750 ريال

3- أوعى يجى على حسابك سواء طيران أو بر هو مسؤول عن كده ... مع إنى حاسس أنه طلب منك كده ولما تيجى هيحاسبك أو يقولك الرجعة عليه ....

بلاش العقد ده ابعد عنة و عموماً أستخير ربك وعسى الله أن يقضى أمراً كان مفعولا

[Melhakim]

و الله يا باشا زى ما الناس اتفضلت وقالت انا شايف برضه ان راتب 1500 ريال قليل جدا لأن الحد الادنى من مصاريف الاكل والشرب وكروت الموبيل حوالى 1000 ريال ده غير المصاريف اللى ممكن تطلعلك فى الشهر وتكون مش عامل حسابها

استخير ربنا سبحانه وتعالى واستشير كويس جدا قبل ما تيجى إلا لو ليك شغل ثاب فى مصر ممكن تاخد اجازه منه وتيجى تجرب

[hgalal]

كلام استاذ Melhamy صحيح الشقة الصغيرة بحوالي ١٢ الف ريال في السنة لو وجدتها اصلاً. وخصوصاً المهنة عامل في العقد ودة بقى مابيرضوش يعملوا لية استقدام اصلاً.

يبدو ان هذا العقد فية misdirection جامد اوي. ال اية سيتكفل باإستقدام طب اذاي و مهنة عامل مالهاش استقدام اصلاً.

تمنى ان تجد عقدا غيرة ان شاء الله في القريب العاجل وربنا يوفقق.

[iloveegypt]

السلام عليكم اخواني الاعزاء ارجو النصيحه في عقد عمل موجه اليا باحد توكيلات مؤسسة عبداللطيف جميل بأبها بالعسير بسبت العلي :

انا حاصل علي بكالوريوس تجارة 2006 لكن الوظيفه اللي هاروحها بائع بفيزة عامل الراتب 1500 ريال مع زيادة من 300 الي500 ريال في خلال اشهر الاختبار التلاته الاولي والسكن اعلي المعارض والدوام 8 ساعات علي فترتين والخميس نصف يوم والجمعة اجازة مع توافر كل بنود العمل الطبيعية بالمملكة من تأمين طبي وتذاكر سفر وامكانية الاستقدام (والسكن العائلي حسب ما اثبت كفائتي في العمل ) والعقد بسنتين مع العلم بانني حاليا اعزب وعمري 25 سنة

ارجو النصح والافادة وبارك الله لكم

انت متاكد انك هتبيع سيارات تويوتا ب 1500 ريال ده نصب علنى

من فترة نزل اعلان مندوب مبيعات سيارات جاكور

المرتب الاساسى 9000 ريال ده غير العمولات

لو كان المرتب 3000 يبقى معقول للك كعازب فقط اما المتزوج فلا

[se_ Elsyed]

قبل ما أنسى .. الأخ صاحب المعرض بينصب على حِس عبد اللطيف جميل ..ز وهل كل من عنده معرض وحط عربيتين كورولا .. بقى خلاص وكيل لعبد اللطيف جميل ؟ وإيه ياخويا المندوب اللي بيتعامل في بيع عربيات بملايين ده وفي أخر كل شهر يترمي له 1500 ملطوش على الأرض عشان يوطي يجيبهم ؟

[loayali]

العقد زباله انا نت سنه اتعرض عليا نفس العقد بس 1200 ريال

وكانت عمولة المكتب 3500 جنيه فقط

وكان ال ايه طالب تقدير جيد//

لا توافق اصلا تشتغل عامل او بائع

[eng hoss]

الى كل الأخوه المصريين بموافقتكم على مثل هذه العقود تقليل من قيمتكم وقيمة المصريين

أقل راتب لتترك بلدك هو 4000 ريال والا 500 جنيه فى بلدك أفضل

اللهم بلغت اللهم فأشهد