نصائحكم : سفر للسعودية

[شاب مصري]

انا متفق معاك يا استاذ / قديم

اول مرة اسمع عن شركة تسأل موظف انت عاوز كام ؟

المفروض ان في هيكل رواتب يسري على الجميع

ويقولو للموظ هنعطيك راتب كذا

وهو يقبل او يرفض

لكن تسأله هو عاوز كام دا لو كان نادي هيجيب لاعب مميز وعاوز يغريه او خبير اجنبي

لكن مع دي اول مرة اسمعها مع شركة

يعني واحد يقول عاوز الف وواحد يقول عاوز 5 وواحد يقول عاوز 7

كدا ما ينفعش

حاول توصل لموظفين في الشركة وتعرف مرتبات الناس االي زيك كام

واطلب انك تكون زي مرتبهم

ربنا يوفقك .

[قديم]

اول مرة اسمع عن شركة تسأل موظف انت عاوز كام ؟

المفروض ان في هيكل رواتب يسري على الجميع

عزيزي الشاب المصري

غالبا فيه هيكل وفيه حد ادني واعلي للاجــور . ولكن البعض يسال عايز كام . لو طلب اقل من المبلغ حسب اجور الشركه اما ترفع له ويقولو لا احنا نعطيك اكثــر . لكسب الموظف .و اغراءه . او يعطوه المرتب الي طلبـه ويكونو وفرو بقناعه موظف المستقبل

لكن لو طلب اعلى من سقف المرتبات المعتبره لديهم يمكن يا يفاوضوه لتخفيض المرتب او يرفضوه لان طموحاته اعلى من امكانياتهم . ويصعب التعامل معاه مستقبلا ...

عموما التفاوض فن

الاخ الكريم فعلا اجاد التعامل معاه سال عن سقف المرتبات وطلب زيهم . وكدا اعتقد الشركه قبلت طلبــه ما لم يكن هناك منافس له . لانه قبل العمل والمرتب بقناعــه تامه .

تقبل تحياتي وتقديري

[ابو حودة]

متزوج وهتيجي لوحدك ده فيه ظلم لك ولها وهتصرف مرتبك تليفونات ممكن تكون حاسس ان الموضوع سهل وانت لسة بعيد بس زي ما كل الجماعة قالوا انت بس اللي تقدر تحدد اذا كان مناسب لك ولا لا على العموم انا كنت قلت قبل كده ان في حدود الخبرة المحدودة بتاعتك ( سنتين ) مش هتلاقي اماكن كتير تديك اكتر من كده بس لازم تعرف حاجة ان بعض الناس وهي في مصر بتقول طيب نسافر وبعدين نشوف حاجة تانية الكلام ده مش هينفع خالص

لازم تقرر ينفع ولا لا مع ملاحظة انك هيبقى عندك مصاريف هنا وهناك

[أبو حميد المسافر]

والله يا جماعة انا متشكر جدا جدا

وجزاكم الله خيرا

كل منكم ابدي رأيه من واقع تجربته

وهذا افادني جدا

انا من الاول وانا مصلي استخارة

ولو اتصلوا هسأل على كل عفريت دلتوني عليه

والأخ اللى مستغرب اني هبعت 500 ريال فقط لزوجتي اقوله

ده كده نعيييييييييييييييييييييم ومية فل وعشرة

انا عايش انا وهي والنونو ب 700 ج فى الشهر بس

وشر البلية ما يضحك

الغريب فى الموضوع اني كنت مقدم ورقي فى الهيئة المصرية العامة للبترول السنة اللى فاتت

واتصلوا امبارح قال ايه : مقابلة بعد كام يوم

مع العلم ان مرتباتها اول سنتين تلاتة تعبانة جدا جدا جدا

400 وانت طالع هههههههههه يعني لازم تشتغل شغلانة تانية بالليل

بس طبعا هي المستقبل لو نفعت

عموما انتوا رأيكم ايه فى الافتكاسة الجديدة دي بتاعة هيئة البترول

سفر للسعودية ولا الهيئة العامة للبترول ؟

[أبو حميد المسافر]

للرفع