رجاء المساعدة وخاصة سي السيد

[شريف حمدي]

السلام عليكم

ارجوكم يا جماعة

انا حصلت علي التاشيرة السفر للسعودية من السفارة وانا اللي احضرت الفيزا وليس المكتب يعني المكتب له اتعاب تقديم الورق فقط للسفارة

وانا اعرف ان اتعاب المكتب 550 جنية في المتوسط

انا خريج كلية التربية النوعية قسم تكنولوجيا التعليم

العقد مكتوب فه فني الكترونيات

المهم انا اخدت التاشيرة يوم 29 اكتوبر

وطبعا الجواز في الشركة

لما طلبت منهم اخده واعطيهم الاتعاب طلبوا مني مبلغ 3500 جنية(ثلاثة الاف جنية وخمسمائة) بدعوي انهم خلصوا التاشيرة استثناء من السفارة

وانا ليس معي هذا المبلغ اطلاقا

اعمل اية عشان احصل علي الجواز عشان اسافر

انا طبعا متزوج وكنت موظف (مدرس) وفي أجازة الوقت عشان السفر و3 شهور مفيش مرتب طبعا

ولازم اسافر واسيب لاولادي فلوس وزوجتي

واحجز الطيران

طيب اجيب الفلوس دي كلها منين

واية العمل الوقت

وانا لم اتفق معه علي شئ من البداية اطلاقا بالعكس الكفيل كان في مصر هنا وهو اللي اخدني علي المكتب ده

اتصلت بالكفيل وقلت له علي الوضع ده

قال لي حاول معاهم تاني ده نظام سرقة

اية الحل ولا كدة الجواز راح خلاص

ومش هاخده تاني

انا معايا لغاية الف جنية ممكن اعظيهم للمكتب

اكتر من كدة لا

اعمل اية

ارجوكم حد يساعدني

تم تعديل 4 نوفمبر 2008 بواسطة شريف حمدي

[عصام أبوالفتح]

بلغ البوليس عن امتناعهم اعطائك جواز سفرك وابتزازك ماليا بدون اتفاق مسبق وحاول تجيب اثبات من السفارة السعودية انهم راجعوهم بجواز سفرك .. وطبعا انت لم تاخد اثبات انهم استلموا الجواز .. لكن ورقة السفارة هاتفيدك .. ومعندهمش اثبات انك اخدته تانى .

وابعتلهم صور المحضر و اثبات صدور التاشيرة .. عشان يعرفوا انك بتتحرك قانونى وهاتجيب حقك

وبلغهم بالحرف كده .. انهم يدولك جواز سفرك وتدفع حق مشوارهم للسفارة بما يرضى الله ,, يا اما تقفلهم الشركة

الناس دى معظمها بيشتغل غير قانونى وبيخافوا من سيرته .

[بندق أفندى]

اثبات انهم راجعو السفارة بالجواز بسيط لأنه كفيلك مؤكد عامل لهم توكيل بتخليص التأشيرة دى بالتحديد .. وممكن يرسلك صورة منها لأنه أنت ليس لك الحق فى مراجعة السفارة بنفسك ..

لو عندك حد له هيبه خده معاك وحاول معاهم على هذا الأساس .. اذا لم يفلح عليك بالشرطة بس ستف أوراقك كويس عشان ما يحرقوش الجواز .. السفارة مش هتديك ورقة عشان أصلا هم مش فاضيين خصوصا انه موسم حج ..

كفيلك وشهادته والتوكيل هى اللى هتثبت .. انهم أخدو جوازك .. طبعا ممكن الغباء يركبهم ويقطعو الجواز عشان التنصل من انهم أخدوه .. بس حتى دى ممكن تعمل محضر فى الشرطة وتستخرج جواز جديد وتراجع السفارة تانى وتاخد ختم للتأشيرة مرة أخرى ..

[شريف حمدي]

اثبات انهم راجعو السفارة بالجواز بسيط لأنه كفيلك مؤكد عامل لهم توكيل بتخليص التأشيرة دى بالتحديد .. وممكن يرسلك صورة منها لأنه أنت ليس لك الحق فى مراجعة السفارة بنفسك ..

لو عندك حد له هيبه خده معاك وحاول معاهم على هذا الأساس .. اذا لم يفلح عليك بالشرطة بس ستف أوراقك كويس عشان ما يحرقوش الجواز .. السفارة مش هتديك ورقة عشان أصلا هم مش فاضيين خصوصا انه موسم حج ..

كفيلك وشهادته والتوكيل هى اللى هتثبت .. انهم أخدو جوازك .. طبعا ممكن الغباء يركبهم ويقطعو الجواز عشان التنصل من انهم أخدوه .. بس حتى دى ممكن تعمل محضر فى الشرطة وتستخرج جواز جديد وتراجع السفارة تانى وتاخد ختم للتأشيرة مرة أخرى ..

شكرا يا بندق افندي علي الرد

من ناحية التاشيرة والجواز انا ممكن احصل علي صور مرسلة علي الفاكس من صورة الجواز وهو عليه التاشيرة

يعني عندي صورة من التاشيرة وهي علي الجواز

ومعايا رقم النت مطبوع من خلال الشركة وبه كل البيانات

والتأشيرة خرجت من السفارة بتاريخ 29/10 الموافق الاربعاء

السؤال المهم الوقت

لو انا طلعت جواز جديد مثلا

هروح اعمل التحاليل تاني ؟؟؟

واشوف مكتب عليه الوكالة من جديد؟

وتدخل السفارة مرة أخري وانتظر حتي تخرج التأشيرة مرة أخري ؟؟؟؟

تم تعديل 4 نوفمبر 2008 بواسطة شريف حمدي

[شريف حمدي]

بلغ البوليس عن امتناعهم اعطائك جواز سفرك وابتزازك ماليا بدون اتفاق مسبق وحاول تجيب اثبات من السفارة السعودية انهم راجعوهم بجواز سفرك .. وطبعا انت لم تاخد اثبات انهم استلموا الجواز .. لكن ورقة السفارة هاتفيدك .. ومعندهمش اثبات انك اخدته تانى .

وابعتلهم صور المحضر و اثبات صدور التاشيرة .. عشان يعرفوا انك بتتحرك قانونى وهاتجيب حقك

وبلغهم بالحرف كده .. انهم يدولك جواز سفرك وتدفع حق مشوارهم للسفارة بما يرضى الله ,, يا اما تقفلهم الشركة

الناس دى معظمها بيشتغل غير قانونى وبيخافوا من سيرته .

متشكر جدا يا عصام علي الرد

بس لي سؤال مهم

هو فعلا فيه حاجة اسمها استثناء من السفارة

[بندق أفندى]

هو فعلا فيه حاجة اسمها استثناء من السفارة

دول نصابين كعادة كتير من المصريين فى التعامل مع المسافرين للخارج .. حسب معلوماتى اللائحة المنظمة لعملهم تعطيهم الحق فى 3% من راتب السنة الأولى فقط

ومفيش حاجة اسمها استثناء .. ليكى تأشيرة وتحاليلك سليمك هتسافر ما لكش خلاص .. والا لو كان صادق كان على الأقل قالك فيه مشكلة كذا وكلمة استثناء دى تجميل لمحاولة السرقة .. وانه بيحاول يقول انه دفع رشوة فى السفارة .. اطلب منه ورقة بده واشتكيه فى السفارة انه بيقول انه بيدفع رشاوى فيها

[se_ Elsyed]

يا راجل إذا كنت محتاس وإنت في بلدك .. يبقى هاتعمل إيه لما تسافر ؟

أقسم بالله لو أنا وحصل معايا الموقف ده لأروح قدام المكتب وأصور لهم قتيل هناك .. وأقلب الدنيا من شرطة لوزارة القوى العاملة اللي تابع لها كل تلك المكاتب وكمان أشتكي للسفارة .. وكمان ما تنساش تتصل بكل الجرانين وتبعت لهم مشكلتك ... وكمان هناك برامج التوك شو زي العاشرة مساءً و 90 دقيقة .. وأروح وزارة الداخلية ....

إتحرك وما تنتظرش سي السيد اللي بره مصر حالياً يساعدك ...

[eng hoss]

هددهم بأبلاغ وزيره القوى العامله لو الجواز مجلكش وهى هتقوم بالواجب واسهل حاجه عندها

أنها بتشمع المكاتب النصابه

[عاشق الترحال]

بالضبط يا ريس زي ما سي السيد قالك

بس هناك إضافة أنت لو رحت شرطة السياحة أو المباحث العامة أو النيابة العامة أو أمن الدولة ومتخفش من موضوع أمن الدوله ده لأنهم هيتحركوا على طول وهي هتعلقهم وتقفل لهم المكتب وميقدروش يلعبوا مع بتوع أمن الدولة ولا يولعوا في الباسبور ولا الكلام ده

اتحرك بسرعه ومتسبش حقك ولو تقدر تساومهم عالمبلغ أو تنيمهم بالحداقه لحد متبلغ الحكومة يبقى كويس علشان ميخدوش احتياطاتهم ربنا يوفقك وييسر لك أمرك

**وياريت بلاش موضوع (( أتوسل إليك )) ده إتوسل لربنا أحسن

والسلام عليكم ورحمة الله وبركاته

[elshafey]

هو فعلا فيه حاجة اسمها استثناء من السفارة

دول نصابين كعادة كتير من المصريين فى التعامل مع المسافرين للخارج .. حسب معلوماتى اللائحة المنظمة لعملهم تعطيهم الحق فى 3% من راتب السنة الأولى فقط

ومفيش حاجة اسمها استثناء .. ليكى تأشيرة وتحاليلك سليمك هتسافر ما لكش خلاص .. والا لو كان صادق كان على الأقل قالك فيه مشكلة كذا وكلمة استثناء دى تجميل لمحاولة السرقة .. وانه بيحاول يقول انه دفع رشوة فى السفارة .. اطلب منه ورقة بده واشتكيه فى السفارة انه بيقول انه بيدفع رشاوى فيها

النسبة 2% بس حسب القانون

ممكن تروح القوي العاملة وتشوف المفتشين اللي بيفتشوا علي المكاتب دي

[شريف حمدي]

يا راجل إذا كنت محتاس وإنت في بلدك .. يبقى هاتعمل إيه لما تسافر ؟

أقسم بالله لو أنا وحصل معايا الموقف ده لأروح قدام المكتب وأصور لهم قتيل هناك .. وأقلب الدنيا من شرطة لوزارة القوى العاملة اللي تابع لها كل تلك المكاتب وكمان أشتكي للسفارة .. وكمان ما تنساش تتصل بكل الجرانين وتبعت لهم مشكلتك ... وكمان هناك برامج التوك شو زي العاشرة مساءً و 90 دقيقة .. وأروح وزارة الداخلية ....

إتحرك وما تنتظرش سي السيد اللي بره مصر حالياً يساعدك ...

متشكر جدا يا سي السيد علي التوضيح وانا ممكن اعمل اكتر من كدة بكتير

بس الوقت لو انا مثلا ذهبت إلي وزارة القوي العاملة وقلت لهم الكلام ده

وصاحب الشركة انكر انه اصلا أخد جوازي

او الجوازمش موجود الوقت في الشركة

طبعا ممكن يقولوا لصاحب الشركة فين جواز الراجل ده

ممكن يقول

لم اخذ هذا الجواز ولم اتسملة وليس معي ما يثبت انه اخده بالفعل

في الحالة دي اعمل اية ؟؟؟؟

[شريف حمدي]

بالضبط يا ريس زي ما سي السيد قالك

بس هناك إضافة أنت لو رحت شرطة السياحة أو المباحث العامة أو النيابة العامة أو أمن الدولة ومتخفش من موضوع أمن الدوله ده لأنهم هيتحركوا على طول وهي هتعلقهم وتقفل لهم المكتب وميقدروش يلعبوا مع بتوع أمن الدولة ولا يولعوا في الباسبور ولا الكلام ده

اتحرك بسرعه ومتسبش حقك ولو تقدر تساومهم عالمبلغ أو تنيمهم بالحداقه لحد متبلغ الحكومة يبقى كويس علشان ميخدوش احتياطاتهم ربنا يوفقك وييسر لك أمرك

**وياريت بلاش موضوع (( أتوسل إليك )) ده إتوسل لربنا أحسن

والسلام عليكم ورحمة الله وبركاته

واية للي يمنع انهم يولعوا في الباسبور او يخفوة مثلا

طبعا الجواز خرج من السفارة بتاريخ 29-10-2008

بس المشكلة ان الجواز معاهم وكل اللي معايا الوقت ورقه مكتوب عليها رقم النت مطبوعة عندهم في الشركة

[عاشق الترحال]

السلام عليكم ورحمة الله وبركاته

أخى الفاضل

لو أخدت بالك أنا قلتلك ماطل معاهم وساومهم وقلهم أنك هتدفع بس بتجهز المبلغ وممكن حضرتك تفهم الشرطة بالموضوع ده وتخوفك من أنهم يحرقوا الباسبور وممكن تحت إشراف النيابه يرشدوك لطريقه تثبت أن الجواز في حوزتهم والطرق كتير والحكومة مش هتغلب وعلى فكره موضوع الباسبور ده مبيتساهلوش فيه وأظن اللي فقد جواز سفره قبل كده أكيد عارف الإجراءات شكلها ايه علشان يستخرج جواز جديد وبيستدعوه في أمن الدوله للإستفسار عن كيفية فقدة فكل اللي عليك أنك تماطلهم وتبلغ الشرطه وخليهم يحسوا أنك هتدفع لهم.

وشكراَ