بعد اذن المشرفين عاوز اقول نصيحه

[midozz]

السلام عليكم ورحمه الله وبركاته

انا عاوز اقول نصيحه للناس اللي جايلهم عقود عمل زي حالاتي بعد اذن الاخوه المشرفين

1- ما تستعجلش في قراءه العقد واقراه بند بند بتمهل

2- ياريت كمان قبل العقد ما يجيلك تنزل قانون العمل السعودي من المنتدي وتفهمه لانه حيفتح عيونك علي حاجات كتير

3- دقق قوي في بند حالات انهاء العقد لو موجوده في العقد لان القانون السعودي يوجد به ماده خاصه بكده واي بند يتحط في العقد وغير موجود في القانون اسال فيه الناس اللي عندهم خبره لانه ممكن يكون باطل زي ما حصل معايا

4- ما تتسرعش وتقبل اي عقد والسلام وفاوض علي البنود الغير قانونيه قبل السفر لانه لو صاحب العمل طبق البنود دي حتروح تشتكيه في مكتب العمل وقواضي وقصه ممكن تطول فالاحسن انك تضبط عقدك من الاول

5- كمان يجب التدقيق في عدد ساعات العمل لان القانون بيقول 48 ساعه في الاسبوع ( 6 ايام مثلا *8 ساعات) والزياده عن كده الساعه بساعه ونص والجمعه اجازه

مثلا انا اكتشفت في العقد بتاعي ان الراتب اللي اتفقت عليه مع الشركه مكتوب في العقد انه

يشمل عدد 10 ساعات عمل فعليه في اليوم يعني انا كده اشتغل كل يوم ساعتين ببلاش

6-فتره الاختبار في القانون السعودي 3 شهور وممكن تتمد 3 شهور كمان بس لو انت الشركه غيرت من وظيفتك بس في اطار نفس التخصص انا بقه عقدي مكتوب الاختبار 6 شهور في نفس الوظيفه وده موش صح وعلي فكره خلال فتره الاختبار صاحب العمل من حقه يمشيك لو انت لم تثبت كفائه علشان كده مدتها مهمه

7- لو انت مرتبك في مصر صغير لو حديث التخرج او عازب ومركزك موش كبير في شغلك ممكن تخاطر وتسافر لو بعض البنود دي موجوده وموش عارف تغيرها مع الشركه لكن لو انت مرتبك عالي ومكفيك ومتجوز ووراك اسره ليه تخاطر

نصيحتي للجميع محدش يتسرع ويمضي ويفرح بالسفر الا لما يفهم عقده بيقول ايه ويحسبها كويس

واسف علي الاطاله

[شاب مصري]

شكرا