السطور الفاضية!

[moheltohamy]

تقدروا تقولوا ده إختبار لينا... إحنا بناخد بالنا من أساليب كتابة بعضنا ف المنتدى ، ولا لأ؟

فيه سؤال محيّرني من زماااااااااااان...

ليه بعض الأعضاء بيسيبو سطور فاضية كتيييييير في وسط كتاباتهم؟!

يعني هوه سطر واحد

وبعده صفحة فاضية!

حد خد باله زيي كده؟

ولاّ أنا بس اللي قوي الملاحظة؟

وسريع البديهة!

ويا ترى الموضوع ده بيفرق معاكم؟

ولاّ مش أوي؟

أتمنى أسمع تعليقاتكم.

بالمناسبة صحيح...

(الموضوع هزار كله بيننا وبين بعض)

:happy:

تم تعديل 6 نوفمبر 2008 بواسطة Salwa

[Salwa]

برافو ياد. محمد التهامى ...

على فكرة برضه سبق ل (( تقريبا كان )) اخونا عصام .او ابو محمد ..(( مش فاكرة دلوقت )) ..وتعجب من ان احدى العضوات تفعل نفس الشئ ..!!

ربما كان هذا حتى تعطى او يعطى اهمية لما يكتب ....يعنى بدل ما يضع علامة تعجب او استفهام ...!!!؟؟؟

يضع مساحات كثيرة بيضاء ..

كل واحد يستنتج اللى عاوزين نقوله ومش بنقوله ..

منطق خطأ ..

على ما اعتقد ...

ظاهرة تستحق الدراسة او التأمل ..

ملاحظاتك قوية ....دى حقيقى ومفيهاش هزار

سلام

[لولا]

والله يا تهامى يا خويا كأنك بتقول اللى فى دماغى :blink:

ومكنتش فاهمه ايه سبب الكتابه بالطريقه دى اللى بتخلى الكلام

مش مترابط وبتشتت الإنتباه وتضعف شكل الحوار .

اعتقد حتى الكتابه ليها شكل معين ممكن يكون مريح للقارئ عن شكل تانى

يعنى لو فتحت (جرنال ) ولقيت مقال فيه مكتوب بالشكل دا حيكون احساسك ايه؟؟

حتابعه بشغف وتسلسل ولا حتفضل كل سطر بسأل نفسك نفس السؤال

ايه الحكمه بس من اسلوب الكتابه دا ؟؟ :unsure:

ايه الحكمه بدل ما اقول الكلمتين بتوعى فى خمس سطور اخليهم فى صفحه كامله ؟؟ :happy:

أنا عن نفسي اكيد لا حظت الموضوع دا واكيد بحس انه اسلوب كتابى مش مريح

ولا مقبول بحيث يخلينى اتابع المكتوب بعمق وهدوء وتسلسل بسيط ومترابط .

عموما اتمنى انى اقدر افهم من خلال الموضوع دا ايه الحكمه من اسلوب اكتب سطر

وخلى خمسه فاضين واكتب سطر وخلى عشره فاضيين اللى اول مره اشوفه فى حياتى

كان هنا فى المنتدى :sad:

تحياتى لك د. تهامى

[ايهاب سالم]

أنا أؤيد الأسطر الفاضيه في مشاركات زميله واحده فقط

أنا أعتقد أنها تعطي القارئ مساحه زمنيه للإندهاش و الحوقله بين كل جمله و الأخرى

أصل ممكن القارئ يجيله إستبحس من الهنتريش المحلق بالأجنحه اللي بتكتبه

تم تعديل 6 نوفمبر 2008 بواسطة ايهاب سالم

[Scorpion]

مع احترامي الشديد للمعترضين علي طريقة كتابة مماثلة .. و لكن اعتقد انها من صميم الحرية الشخصية للتعبير التي نستخدمها جميعآ في كتاباتنا .. فلكل واحد منا اسلوبه .. انا مثلآ اضع النقاط بين جملة و أخري ... و هناك من يكتب كل جملة في سطر واحد ... و هناك من يصفها في منتصف الصفحة ... و هناك من يلونها بجميع الوان الطيف ... فلكل منا اسلوبه ... فلماذا توقفنا فقط علي المساحات الخالية ...

اعتقد انه من الأفضل ان نتفرغ الي محتوي السطور و ليس الي طريقة عرضها ..

شيئآ آخر لفت انتباهي و هو الخاص بمداخلة الفاضل ايهاب سالم .. فلقد جانبك التوفيق تمامآ في ابداء اعتراضك و دخلت به هكذا في دائرة الشخصنة الواضحة حتي و ان لم تذكر الإسم ...و أعتقد اننا ارقي كثيرآ من هذا الأسلوب الجارح .

من منا بلا خطيئة فليرمي الحجر .....

[مشمش]

ربما يثير هذا الموضوع اهتمام الافاضل ممن علقوا علي السطور!

يتحدث هذا الموضوع عن تقبل الاخر! و بالرغم من انه يتحدث في المقام الاول عن الشق الديني, الا انه من الممكن ان يصب ايضاً في تقبل الاخر الشخص, الانسان!

و من المفترض ان السطور هي ما يعكس الشخصية في مثل هذا المنتدي!

و من المثير للتأمل ان كثير من الافاضل القوا بدلوهم في الموضوعين!!!

[moheltohamy]

الأفاضل/ سكوربيون ، مشمش

الموضوع لا له دعوة بشق ديني ولا بتقبّل الآخر...

والآخر ده أنا باحترمه وباسعد برؤية مداخلاته دوماً.

ممكن أفهم ما مدلول إنعكاس الشخصية على ترك 5-6 سطور فاضية بين كل سطر والتاني؟!

عموماً ، الموضوع أساسه المداعبة ، وليس السخرية أبداً أبداً!

هيه بس حاجة مش مفهومة ، ومش قادر أفهم إيه المغزى من وراها... هل هو الشكل الجمالي ، ولاّ المساحات البيضا اللي بتريح العين ، ولا إيه الفكرة من وراها؟!

وف النهاية... إنتا حر يا سيدي تسيب 20 سطر حتى في كل مداخلة ليك... وتيجي ف الآخر ع الاسكرول بتاع الماوس بتاعتي! :happy:

[أبو محمد]

أنا كنت باستغرب فى الأول .. وبعدين فلسفت الموضوع عشان أبطل استغراب .. وبعد الفلسفة لقيت إن الأمر ممكن يكون عادى .. من الممكن أن من يكتب بهذه الطريقة أو بطريقة أخرى تبدو غريبة ، يكون بيكتب على application وبعدين ينقل ما كتبه فى صفحة الرد فتخرج الكتابة بهذه الطريقة أو تلك ..

أنا شخصيا كنت باعمل كده أول ما اشتركت فى محاورات المصريين وقبل ما اشترك فى خدمة ال DSL .. كنت بانقل المداخلة اللى عاوز أرد عليها إلى صفحة من صفحات ال Word وبعدين أفصل النت (عشان أم محمد ترغى زى ما هى عاوزة) .. وبعدين أنتهز أقرب فرصة يكون التليفون فاضى وأعمل Dial up تانى واروح لاطع الرد وخارج جرى ولا كأنى عملت حاجة .. :lol:

[لولا]

حسنا .. عندما شاركت فى هذا الموضوع كنت متأكده تماما انه ابعد ما يكون

عن التقليل من شأن الآخرين لأن د. تهامى من الشخصيات الراقيه التى تنأى بنفسها

عن ذلك .

إستغربت فقط من إسباغ صبغه تقبل الآخر على هذا الموضوع .

لأننى وجدته أكثر بساطه من شعارات الحريه الشخصيه وتقبل الآخر وكل واحد حر

لأن حق الحريه لمن يفعل ذلك أصلا لا يناقش هنا ومكفول له وللجميع . ولكن فقط التعبير عن مدى

ما تعكسه طريقه الكتابه المتفرقه بشكل مبالغ جدا جدا على ذهن القارى المتابع

وتتركه فى نفسه من تأثيرات على وزن جديه الكلام او حتى وجود رساله مقصوده

من ترك السطور فارغه لإيصال معنى ما .

ولذا سألت عندما تفتح كتاب ..مقاله..صحيفه ..وتجد اى موضوع مسطور بهذه

الطريقه كيف سيكون انعكاس ذلك على متابعتك او حالتك الذهنيه .. بالنسبه لى

الموضوع مؤثر ..اجد السطور المتتاليه تعكس حالة من تنظيم الأفكار وتسلسلها

يصل لى بسهوله كقارئه لأى موضوع ايا كان مصدره جريده ، كتاب ، منتدى.

وحيث ان الصفحات هنا فى المحاورات تطرح عليها مواضيع مميزه جدا وقيمه

فقد اسقطت عليها هذه المقارنه ... فاين تقبل الآخر فى الموضوع ؟؟!!

هل لو قال احدهم متابعتى لمقاله يفترض ان تكتب فى عمود صغير محدد فتم

تفريق عباراتها وسطورها لتحتل صفحه فى جريده أنه يشعر بالتشتت وعدم

التركيز أو الإحساس بقيمه الطرح الذى تمت بعثره محتوياته سيكون رافض للآخر؟؟!!

نفس المقارنه لنسقطها على مداخله تم ادراجها فى موضوع مهم جدا فى قسم

يناقش قضايا سياسه دوليه ونقاشات جاده..الموضوع ثرى جدا..الأراء متتاليه

فى تسلسل جميل يعكس اراء مختلفه ثريه وفجأه تجد فى النصف مداخله

تحتاج لقرائتها كامله ان تحرك (الماوس) نزولا بشكل مستمر لتصل للسطر الذى

يلى كل سطر بعشره اسطر .. هل هذه الظاهره لا تستحق التأمل والتساءل

ترى لماذا تطرح المداخله بهذا الشكل المبالغ فيه جدا فى الفراغات بين سطوره؟

سؤال بسيط جدا حتى افهم .. ما الحكمه من طرح المداخله بهذا الشكل ؟؟

ارجوا ان لا يكون فى السؤال ما يوحى بتهمه عدم تقبل الآخر :blink: :lol:

اما الاخر الذى اتحدث عنه هنا وبدون ذكر اسماء هو/هى فرد من اسره المحاوات

له كل الإحترام وفائق الحب والسؤال والملاحظه مطروحه من باب أننا هنا (أسرة المحاورات).

تحياتى واحترامى للجميع .

لولا

تم تعديل 6 نوفمبر 2008 بواسطة لولا

[مشمش]

سيدتي الفاضلة,

حسنا .. عندما شاركت فى هذا الموضوع كنت متأكده تماما انه ابعد ما يكون

عن التقليل من شأن الآخرين لأن د. تهامى من الشخصيات الراقيه التى تنأى بنفسها

عن ذلك .

لسنا بصدد, و لا يصح, مناقشة نوايا الأخرين. العبرة بالأفعال و نتائجها. و الضرر يا سيدتي او التقليل من شأن الاخرين – فى رأيي الخاص – قد حدث بالفعل في مداخلتين تم حذفهما من قبل الإدارة. قد اكون مخطئاٌ و الحذف لأسباب أخري.

و لكن بالتأكيد فتح موضوع لمناقشة و التصويت علي مظهر او طابع شخصى و لو بغرض الدعابة, يفتح الباب الخلفي للتقليل!

لأننى وجدته أكثر بساطه من شعارات الحريه الشخصيه وتقبل الآخر وكل واحد حر

لأن حق الحريه لمن يفعل ذلك أصلا لا يناقش هنا ومكفول له وللجميع . ولكن فقط التعبير عن مدى

ما تعكسه طريقه الكتابه المتفرقه بشكل مبالغ جدا جدا على ذهن القارى المتابع

وتتركه فى نفسه من تأثيرات على وزن جديه الكلام او حتى وجود رساله مقصوده

من ترك السطور فارغه لإيصال معنى ما .

بدون شعارات و مناقشة الحريات و الحقوق.

مجرد انتقاد طابع شخصى بصورة علنية و دعوة الجميع للمشاركة في النقد يمثل تقييداً و ضغطاً علي الأخر ليتغير و يصبح اكثر اتساقاً مع ما نألف.

ماذا يحدث اذا ما اتفقت الأغلبية علي انها لا ترحب بهذا الطابع؟ ما هي الخيارات المتاحة؟

عدم التغيير و البقاء, مع الاحساس ان الطابع او الاسلوب غير مرحب بهم؟ (ثقافة الانعزال)

عدم التغيير و الرحيل؟

التغيير ليصبح مثل الجميع؟

و هذا هو تعريف عدم تقبل الأخر.

ولذا سألت عندما تفتح كتاب ..مقاله..صحيفه ..وتجد اى موضوع مسطور بهذه

الطريقه كيف سيكون انعكاس ذلك على متابعتك او حالتك الذهنيه .. بالنسبه لى

الموضوع مؤثر ..اجد السطور المتتاليه تعكس حالة من تنظيم الأفكار وتسلسلها

يصل لى بسهوله كقارئه لأى موضوع ايا كان مصدره جريده ، كتاب ، منتدى.

وحيث ان الصفحات هنا فى المحاورات تطرح عليها مواضيع مميزه جدا وقيمه

فقد اسقطت عليها هذه المقارنه ... فاين تقبل الآخر فى الموضوع ؟؟!!

هل لو قال احدهم متابعتى لمقاله يفترض ان تكتب فى عمود صغير محدد فتم

تفريق عباراتها وسطورها لتحتل صفحه فى جريده أنه يشعر بالتشتت وعدم

التركيز أو الإحساس بقيمه الطرح الذى تمت بعثره محتوياته سيكون رافض للآخر؟؟!!

نفس المقارنه لنسقطها على مداخله تم ادراجها فى موضوع مهم جدا فى قسم

يناقش قضايا سياسه دوليه ونقاشات جاده..الموضوع ثرى جدا..الأراء متتاليه

فى تسلسل جميل يعكس اراء مختلفه ثريه وفجأه تجد فى النصف مداخله

تحتاج لقرائتها كامله ان تحرك (الماوس) نزولا بشكل مستمر لتصل للسطر الذى

يلى كل سطر بعشره اسطر .. هل هذه الظاهره لا تستحق التأمل والتساءل

ترى لماذا تطرح المداخله بهذا الشكل المبالغ فيه جدا فى الفراغات بين سطوره؟

اعتقد انه ليس من العدل ان نطلب من كل المشاركين التوضيح و البيان بنفس المستوي او بمستوى الكتب و الجرائد!

يوجد الكثير من الافاضل هنا مستواهم ثقافة و لغة يتعدي ما في هذه المطبوعات, او انا متأكد من ان جميع مداخلاتي بها اخطاء فادحة, هل يصح مناقشة اخطائى تلك علانية من قبل من لديهم العلم؟ حيث ان اخطائي النحوية تثير حفيظتهم و تمنعهم من متابعة الموضوع بسلاسة؟

سؤال بسيط جدا حتى افهم .. ما الحكمه من طرح المداخله بهذا الشكل ؟؟

ارجوا ان لا يكون فى السؤال ما يوحى بتهمه عدم تقبل الآخر :blink: :lol:

اما الاخر الذى اتحدث عنه هنا وبدون ذكر اسماء هو/هى فرد من اسره المحاوات

له كل الإحترام وفائق الحب والسؤال والملاحظه مطروحه من باب أننا هنا (أسرة المحاورات).

لي صديق حميم عبقري و من المع من صادفت في مجاله, نظراً لظروف صحية يتعامل مع الشاشة و لوحة المفاتيح بطريقة خاصة, و يستعمل خطوطاً كبيرة متباعدة.

يخسر كثيراً من يركز علي اسلوبه.

و أخيراً اذا كنت فعلاً تريدين الاجابة عن سؤال حول الحكمة من تصرف ما, اعتقد انه من الاصوب سؤال الشخص نفسه و ليس علانية ( و بتصويت)

[فنان محتار]

كنت مرة سمعت عالم كراسات قال كلمة حكمة ..

ان الواحد اللى بيكتب الكلمة كبيرة واخدة مساحة دا فقط بيعبر عن الكرم الزايد والبحبحة والرحرحة والمزاج العالى ..

والعكس طبعا اللى بكتب فى السطر يجى اربعين كلمة دا شخص بخيييييييل جلدة وخايف على الكراسة ..

ومن خلال خبرتى اقدر اقول ان كل مساحة فاضية تعتبر قضية كيف احل هذه المساحة الفاضية وافهم ما مدلولها وما يختفى خلفها ..

اما عندى انا فكل مساحة فاضية تتحدنى لكى اناقش عليها موضوع او ارسم لوحة او فقط انظر اليها واضع فيها علامة .. علامة استفهام ..

بيشوى

[لولا]

سيدتي الفاضلة,

حسنا .. عندما شاركت فى هذا الموضوع كنت متأكده تماما انه ابعد ما يكون

عن التقليل من شأن الآخرين لأن د. تهامى من الشخصيات الراقيه التى تنأى بنفسها

عن ذلك .

لسنا بصدد, و لا يصح, مناقشة نوايا الأخرين. العبرة بالأفعال و نتائجها. و الضرر يا سيدتي او التقليل من شأن الاخرين – فى رأيي الخاص – قد حدث بالفعل في مداخلتين تم حذفهما من قبل الإدارة. قد اكون مخطئاٌ و الحذف لأسباب أخري.

و لكن بالتأكيد فتح موضوع لمناقشة و التصويت علي مظهر او طابع شخصى و لو بغرض الدعابة, يفتح الباب الخلفي للتقليل!

لأننى وجدته أكثر بساطه من شعارات الحريه الشخصيه وتقبل الآخر وكل واحد حر

لأن حق الحريه لمن يفعل ذلك أصلا لا يناقش هنا ومكفول له وللجميع . ولكن فقط التعبير عن مدى

ما تعكسه طريقه الكتابه المتفرقه بشكل مبالغ جدا جدا على ذهن القارى المتابع

وتتركه فى نفسه من تأثيرات على وزن جديه الكلام او حتى وجود رساله مقصوده

من ترك السطور فارغه لإيصال معنى ما .

بدون شعارات و مناقشة الحريات و الحقوق.

مجرد انتقاد طابع شخصى بصورة علنية و دعوة الجميع للمشاركة في النقد يمثل تقييداً و ضغطاً علي الأخر ليتغير و يصبح اكثر اتساقاً مع ما نألف.

ماذا يحدث اذا ما اتفقت الأغلبية علي انها لا ترحب بهذا الطابع؟ ما هي الخيارات المتاحة؟

عدم التغيير و البقاء, مع الاحساس ان الطابع او الاسلوب غير مرحب بهم؟ (ثقافة الانعزال)

عدم التغيير و الرحيل؟

التغيير ليصبح مثل الجميع؟

و هذا هو تعريف عدم تقبل الأخر.

ولذا سألت عندما تفتح كتاب ..مقاله..صحيفه ..وتجد اى موضوع مسطور بهذه

الطريقه كيف سيكون انعكاس ذلك على متابعتك او حالتك الذهنيه .. بالنسبه لى

الموضوع مؤثر ..اجد السطور المتتاليه تعكس حالة من تنظيم الأفكار وتسلسلها

يصل لى بسهوله كقارئه لأى موضوع ايا كان مصدره جريده ، كتاب ، منتدى.

وحيث ان الصفحات هنا فى المحاورات تطرح عليها مواضيع مميزه جدا وقيمه

فقد اسقطت عليها هذه المقارنه ... فاين تقبل الآخر فى الموضوع ؟؟!!

هل لو قال احدهم متابعتى لمقاله يفترض ان تكتب فى عمود صغير محدد فتم

تفريق عباراتها وسطورها لتحتل صفحه فى جريده أنه يشعر بالتشتت وعدم

التركيز أو الإحساس بقيمه الطرح الذى تمت بعثره محتوياته سيكون رافض للآخر؟؟!!

نفس المقارنه لنسقطها على مداخله تم ادراجها فى موضوع مهم جدا فى قسم

يناقش قضايا سياسه دوليه ونقاشات جاده..الموضوع ثرى جدا..الأراء متتاليه

فى تسلسل جميل يعكس اراء مختلفه ثريه وفجأه تجد فى النصف مداخله

تحتاج لقرائتها كامله ان تحرك (الماوس) نزولا بشكل مستمر لتصل للسطر الذى

يلى كل سطر بعشره اسطر .. هل هذه الظاهره لا تستحق التأمل والتساءل

ترى لماذا تطرح المداخله بهذا الشكل المبالغ فيه جدا فى الفراغات بين سطوره؟

اعتقد انه ليس من العدل ان نطلب من كل المشاركين التوضيح و البيان بنفس المستوي او بمستوى الكتب و الجرائد!

يوجد الكثير من الافاضل هنا مستواهم ثقافة و لغة يتعدي ما في هذه المطبوعات, او انا متأكد من ان جميع مداخلاتي بها اخطاء فادحة, هل يصح مناقشة اخطائى تلك علانية من قبل من لديهم العلم؟ حيث ان اخطائي النحوية تثير حفيظتهم و تمنعهم من متابعة الموضوع بسلاسة؟

سؤال بسيط جدا حتى افهم .. ما الحكمه من طرح المداخله بهذا الشكل ؟؟

ارجوا ان لا يكون فى السؤال ما يوحى بتهمه عدم تقبل الآخر :blink: :lol:

اما الاخر الذى اتحدث عنه هنا وبدون ذكر اسماء هو/هى فرد من اسره المحاوات

له كل الإحترام وفائق الحب والسؤال والملاحظه مطروحه من باب أننا هنا (أسرة المحاورات).

لي صديق حميم عبقري و من المع من صادفت في مجاله, نظراً لظروف صحية يتعامل مع الشاشة و لوحة المفاتيح بطريقة خاصة, و يستعمل خطوطاً كبيرة متباعدة.

يخسر كثيراً من يركز علي اسلوبه.

و أخيراً اذا كنت فعلاً تريدين الاجابة عن سؤال حول الحكمة من تصرف ما, اعتقد انه من الاصوب سؤال الشخص نفسه و ليس علانية ( و بتصويت)

مازلت لا ارى الموضوع فى الثوب الذى تجده عليه .. ولكن كلامك والحق يقال

اعطانى مساحه اوسع للرؤيه من وجه نظر مختلفه حتما تمثل وجهة نظرك

احد زوايا الرؤيه فيها والتى اجدنى من مجمل مشاركاتك _ فى مواضيع مختلفه_مهتمه دوما لما يرد فيها.

عبرت عن رأيك بوجهة نظرك تماما كما مثلت وجهه نظرى ووجهه نظر اخرون على نفس

الصفحة وجهات نظر تعكس رؤيه كل فرد من زاويه وبفكر مختلف عن الآخر.

اقتباساتك لكلامى للرد على كل جزء ورد فيى مداخلتى اجدها غريبه ولكن للتوضيح فقط كامل مداخلتى

لم تكن للرد عليك استاذى الفاضل وعندما بدأت بالكلام الذى اقتبسته كمدخل للرد على

كنت اريد ان اوضح _فى السطور التى اقتبستها_رفضى التام لأى مداخلات حدثت على هذه الصفحات كان فيها ما يمثل تعدى على الغير.

وأجد تعليقك هذا عن الأبواب الخلفيه التى استغلها البعض فى الموضوع لا يخصنى انا ..ربما كان

من الأفضل ان يكون هذا التوضيح للفاضل د. تهامى صاحب الموضوع. وان كان لى راى فيما قلت

غير انى اجد ان من غير المجدى الرد على مالا يخصنى من تعليقك .

تحياتى لك ..اما سؤالك الأخير فأظنك تقصد ربما توجيهه لصاحب الموضوع (د. تهامى)

الذى فتحه لمشاركات عامه تطلب هذا التصويت حول نقطه معينه وليس لى

كمشاركه فى موضوع الطرح .

لولا

تم تعديل 7 نوفمبر 2008 بواسطة لولا

[عصام أبوالفتح]

زمان واحنا فى المدرسة كان الشكل اللائق للكتابة هو انك تكتب سطر وتسيب التانى فاضى ..وكان اللى يلزق كل السطور فى بعضها نتهمه بالبخل .

فى دراسات نفسيه ايدت الكلام ده .. شكل الكتابة وتزويقها بيبين قد ايه الواحد بيحس بضغط كلماته وتاثيرها .. وبهذا المعتى تصبخ الاسطر الكثيرة بين الكلام تعبر عن عدة اشياء .. ربما عن الكرم المبالغ فيه.... او الحاجة لفصل زمنى للتفكير ..او الارتياح الشديد اثناء الكتابة .. وربما كانت رد فعل عكسى عن الاحساس بعكس ذلك .. وقد يكون مجرد اعتياد لاعصاب اليد على الكتابة بشكل معين على الكيبورد .. كما اعتادت اعصابى على ترك النقطتين السابقتين .

وبعدين متنسوش ان السطور الفاضية هنا ببلاش ..

تحياتى الى صاحب كل كلمة صادقة سواء على السطور او من بينها :lol:

ملحوظة : قبل ما اعمل اضافة رد لاحظت توارد خواطرى مع الاخ فنان ...فتحية اخرى له :blink:

[فنان محتار]

تحية للاخ عصام ابو الفتح ..

ولاحظ ان الجماعة هيمسكوا فى بعض وبيتهموا بعض بعدم تقبل الاخر والاخر قاعد على جنب يتفرج ..

يا جماعة دى شوية سطور فاضية يعنى مش بتاعة حد ممكن كل واحد فيكم ياخد حتة من غير ما تمسكوا فى بعض احنا جايين نهدى النفوس ..

بدون اقتباس او خناق كل واحد هنا باهديله ... :lol:

[مشمش]

مازلت لا ارى الموضوع فى الثوب الذى تجده عليه .. ولكن كلامك والحق يقال

اعطانى مساحه اوسع للرؤيه من وجه نظر مختلفه حتما تمثل وجهة نظرك

احد زوايا الرؤيه فيها والتى اجدنى من مجمل مشاركاتك _ فى مواضيع مختلفه_مهتمه دوما لما يرد فيها.

عبرت عن رأيك بوجهة نظرك تماما كما مثلت وجهه نظرى ووجهه نظر اخرون على نفس

الصفحة وجهات نظر تعكس رؤيه كل فرد من زاويه وبفكر مختلف عن الآخر.

اقتباساتك لكلامى للرد على كل جزء ورد فيى مداخلتى اجدها غريبه ولكن للتوضيح فقط كامل مداخلتى

لم تكن للرد عليك استاذى الفاضل وعندما بدأت بالكلام الذى اقتبسته كمدخل للرد على

كنت اريد ان اوضح _فى السطور التى اقتبستها_رفضى التام لأى مداخلات حدثت على هذه الصفحات كان فيها ما يمثل تعدى على الغير.

وأجد تعليقك هذا عن الأبواب الخلفيه التى استغلها البعض فى الموضوع لا يخصنى انا ..ربما كان

من الأفضل ان يكون هذا التوضيح للفاضل د. تهامى صاحب الموضوع. وان كان لى راى فيما قلت

غير انى اجد ان من غير المجدى الرد على مالا يخصنى من تعليقك .

تحياتى لك ..اما سؤالك الأخير فأظنك تقصد ربما توجيهه لصاحب الموضوع (د. تهامى)

الذى فتحه لمشاركات عامه تطلب هذا التصويت حول نقطه معينه وليس لى

كمشاركه فى موضوع الطرح .

لولا

سيدتي الفاضلة,

شكراً لكي علي سعة صدرك, و تقبلك للرأي الأخر (و هي عملة نادرة الان).

بعد ان قرأت تعليق للفاضل /فنان محتار تبين لي ان الناظر للموضوع قد يري فيه نوعاً من الخصومة و هو قطعاً ليس كذلك!!!

ربما بدت اجاباتي مقتضبه و بدون مقدمات, فمعذرة لذلك, ظروف العمل لا تسمح لي سوى بدقائق.

ثانياً, اقتبست من مداخلتك لأنى رأيت رأياً يعتد به (و اختلف معه) و يمثل (كما تفضلت) العديد من الاراء فى الموضوع, اى كان في سياق الحوار بين المشتركين في الموضوع. لم يكن انتصاراً لكلمه او رداً برد!

ما اوردته, لم يكن عتاباً او حساباً, ليكون منه جزء خاص بالفاضل دكتور/تهامي و جزء اخر, انا فقط اسردت و اقع, حقيقة, حدث, لم اوجه اصابع و القي بلوم.

عامة لا احب ان ازج بشخصي في النقاش او ان اعلل ما كتبت, و لكن اذا و جب اعتذار, تحتم ان يكون شخصياً, فمعذرة الي كل من شارك في الموضوع و احس ان ردي يحمل في طياته هجوماً, بالتأكيد لم يكن كذلك.

و الي الفاضل / فنان محتار, محدش هيمسك في حد ان شاء الله :lol:

[Alshiekh]

موضوع الاسطر الفاضية موضوع قديم قوى ، ويمكن من بدايات المحتورات ، وكان يستخدم للتشويق عند سرد قصة او موقف ضاحك او ماشابه ذلك.

أما عندما يتعلق الامر بمناقشة جادة فهو يعنى فى رأيى أحد احتمالين

الاول أن الكاتب ليس لديه القدرة الكافية على التعبير عما يريد ان يطرحه ، ولايريد ان يبدو موضوعه قصيرا ، وهذا هو الارجح بالنسبة لى

الثانى ان الكاتب يريد ان يقول للقارئ " طول بالك شوية ، الفكرة جاية فى السطر اللى بعد العشر سطور الفاضيين "

عموما الموضوع احنا بنتناقش فيه لمجرد الدردشة والمزاح ، أما لو عايزين تعرفوا الحقيقة ، فاعتقد ان صاحب الاسطر الفاضية هو افضل من يمكنه شرح الاسباب.

[لولا]

عامة لا احب ان ازج بشخصي في النقاش او ان اعلل ما كتبت, و لكن اذا و جب اعتذار, تحتم ان يكون شخصياً, فمعذرة الي كل من شارك في الموضوع و احس ان ردي يحمل في طياته هجوماً, بالتأكيد لم يكن كذلك.

المسألة لا تستحق هذا يا اخى ..بل انت والحق يقال _ وقد قلتها لك سابقا_طرحت زاويه اخرى للحكم على مسأله بسيطه جدا ان شاء الله لا يكون فيها ازعاج لأحد ولكن حتى هذه المسائل الشديده البساطه التى قد تبدأ بمزحه سليمة النيه بمكن ان تفضى الا درس جميل ..درس نتعلمه من كل شيئ فى حياتنا عندما نقرر

ان نستغل كل الفرص للتعلم ..لسماع الآخر.

اطمح وبصدق ان لا اكون فى المقام الأول قد ازعجت انا ايضا احدا من الزملاء صدقنى مشاعر الأسره الواحده التى يحسها غالبيه من هنا هى التى تجعل حسن النيه مقدمه فى اطروحات خفيفه كهذه لمداعبة الطرف الآخر والتى ستكون مشاركته بنفس الروح فى الموضوع فيها حقا مقدار كبير من المشاعر الجميله.

ربما لحظتها سأطرح ما طرحت فى صيغة توسل بدل من استفسار فأقول :

ارجوكى يا زميلتى العزيزة صاحبة الروح الطيبه التى لا تخفى على احد ان تكتبى سطر وتتركى ثلاثه فقط

فاضيين :) ..بلاش عشره خمشطعشر سطر mfb:

ارجوكى ..ارجوكى ..ارجوكى :lol:

انى اغرق اغرق اغرق .. ( كوبليه فى اغنيه تمت اضافته لإحداث توازن توافقى موسيقى مع المقطع اللى قبله smk: ).

وعشان اثبت حسن نيتى اهو يا استاذ مشمش خد منى دى

محبتش اطول عليك مشوار النزول اكتر من كده عشان تلاقى الورده mfb: :blink:

والناس اللى بنتكلم عنها ..اللى بالى بالك ;)

ليكم منى دى

تعمدت احطها بعد تلات سطور عشان بس متتعبوش فى المشوار wst::

تحياتى

لولا

[جويرية]

بعتذر عن تأخري في الرد

أما عن سبب السطور الفاضية

انا كنت فاكرة أن ده تنسيق كويس عشان يبقي كلامي واضح ، أتاري الموضوع فيه مشكلة جامدة جدا :lol:

بعتذر عن الرد علي كل مداخلة علي حدة

وبعتذر عن أستكمال الردود في بعض موضوعاتي

تحياتي الي جميع الأخوة و الأخوات

[لولا]

بعتذر عن تأخري في الرد

أما عن سبب السطور الفاضية

انا كنت فاكرة أن ده تنسيق كويس عشان يبقي كلامي واضح ، أتاري الموضوع فيه مشكلة جامدة جدا mfb:

بعتذر عن الرد علي كل مداخلة علي حدة

وبعتذر عن أستكمال الردود في بعض موضوعاتي

تحياتي الي جميع الأخوة و الأخوات

والله يا جوجو انت عسل ... mfb: وملكة الطيبه هنا..

وبصى يا ستى متهيألى احنا خلاص اتعودنا على اسلوبك كده فى الكتابه..

يعنى منقدرش نتخيل ندخل صفحه نلاقيتك كاتبه الكلام ورا بعض.... wst::

بس يا ريت لو تقللى الفراااااااااااااااااااااااااااااااااااااااااااااااااااغ شويه صغيرين اوى :lol:

ودا مراعاة لظروف صوابعنا اللى بتورم وهى بتدوس على السكرول بتاع الماوس

وتفضل نازله نازله نازله نازله نازله نازله نازله فى رحله للتنقيب عن السطر اللى بعد كل سطر :)

عموما يا جوجو الموضوع كل هزار ..اكتبى براحتك يا ستى ..بس لو قللت الفرغااااااااااااات

شويه حنعرف انك بتعزينا بجد :blink:

لولا.

[~Heba~]

و الله انا اتمنى اتمنى اتمنى ان الكل يعمل زى جويرية و خاصة اعضاء بعينهم زى لولا كده بتكتب كلام كتير انما مفيش حد عاقل يسيبه من غير ما يقراه

و لانها مش بتسيب اسطر فاضية و لا بتكبر الخط فأنا بتعب جدا فى قراية كلامها

اما محمد تهامى فهو مش بيسيب اسطر فاضية انما بيكبر خطه و دى حاجة حلوة برضو اشكره عليها

كمان جلاكسى بتسيب نقط و دى احلى حاجة فى كتابتها

يعينى يا جماعة دى فى مصلحة القارئ اولا و اخيرا

و خدوا بالكم فيه ناس نظرها ضعيف و ناس الشاشة بتاعتها صغيرة و بتستخدم دقة عالية عشان الصفحة تبقى مظبوطة زى حالاتى كده فبالتالى بيريحنى جدا لما الاقى عضو مكبر خطه او سايب مسافات او كاتب نقط بين الكلام

دا غير انى لى سابقة مع ضعف النظر و عملت عملية الليزك