اذهب إلى المحتوى
محاورات المصريين

ماستر سين master scene

optimistic

بواسطة optimistic
في الفنون

 مشاركة

Recommended Posts

White heart عضو جديد

White heart

بتاريخ:
بتاريخ:

الراحلين "تحية كاريوكا"، "حسن فايق"، "زينات صدقى" (الشهيرة بكتاكيتو بنى!!) و "الخواجة بيجو"!!

دار بينهم هذا السيناريو فى فيلم "الست نواعم":

(خ.ب)- العوافى...

(ح.ف)- الله يعافيك...و حضرتك بتشتغل ايه؟

(خ.ب)- أفندم؟

(ح.ف)- بتشتغل ايييييييييه؟

(خ.ب)- أشتغل ... من بقك لباب السما..و هو الواحد لامؤخذة لازم يشتغل...ازيك يا ستى؟؟

(ت.ك)- عندك كام سنه؟

(خ.ب)- كتير ياختى بس اللى يعد...اةةةةةةة العدد ف-اللمون، ماتعرفيش ياختى فين كوبرى اللمون؟

(ز.ص)- الله ... احنا بنسألك عن عمرك داهية تقصف عمرك!!

(خ.ب)- يا رب ياختى يارب

(ت.ك)- انت عارف انت جاى هنا عشان اية .. عشان تعمل محلل..

(خ.ب)- و مالة ياختى أحلل..انا موش دكتور ...دة بأدور على عروسة تهنينى و دلعنى طول العمر!!

(ز.ص)- الله..ايه رأيك ياختى ف-المصيبة دى؟!

(خ.ب)- انت بتسأليها هى؟ هو العريس اللى بيتاخد رأية و اللا العروسة...اما و الله أخر زمن..طب مش متجوز!!!

(ت.ك)- يا غب يا خويا يا غب!!!

icon_lol.gificon_lol.gificon_lol.gificon_lol.gificon_lol.gificon_lol.gificon_lol.gificon_lol.gificon_lol.gif

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك
  • بعد 3 شهور...
  • الردود 101
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

crossfield عضو جديد

crossfield

بتاريخ:
بتاريخ:

شوف الموضوع نايم من امته يا أوبتمستك

و مع ذلك و لا يهمك

؛احنا نفتحه تانى بعون الله.

فيلم "نهر الحب) لما فاتن حمامة راحت مع أخوها(عمر الحريرى)

علشان يقولوا لطاهر باشا (زكى رستم) انها عايزة تتطلق منه و يفضل يبرق بعينيه و كأنه بيدبر لها مصيبة و فعلاًَ.و بعدين لما تقع فى الفخ و يلقط لها شوية صور مع عمر الشريف علشان يمسكها عليها ويقولها"أنا لو طلقتك أبقى باشجع الزنا؛باكافئ الخطيئة..."كان فظيييييييييييع زكى رستم. الله يرحمه.

فيلم توت توت لما نبيلة عبيد كانت أم معتوهة و ابنها لسه رضيع و عمال يعيط و هى مش عارفة تعمل له ايه و عمالة تبص له و هى حاسة انه هيموت منها -سبحان الله احساس الأم حتى لو مش انسانة طبيعية؛ و فى الآخر لما مسكت سعيد صالح و نزلت فيه ضرب ...كانت رائعة برضو.

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

فيلم ايام السادات فيه لقطات كتير جميله

يتهيالى يمكن اعتبار الفيلم بالكامل ماستر سين

لكن اما كان اعلان الفيلم يذاع لفت نظرى اداء احمد زكى وهو يتحدث عن الفتنه الطائفيه فى مصر

وطريقة لوى شفتيه وهو يلخص الموضوع فى ان جاره القت مياه قذره على غسيل جاره اخرى و تحول الموضوع الى فتنه طائفيه

طريقة ادائه و تحريك شفتيه فى هذه اللقطه كانت تلفت نظرى يمكن لانى حسيت ان ممكن فعلا السادات يكون بيتكلم بهذه الطريقه كى يبدى قرفه و ضيقه

وكمان اى فيلم من افلام حرب اكتوبر مشهد العبور فيها بيهز المشاعر جدا وكذلك مشهد رفع العلم .. خصوصا لو اقترن مع الاغانى الوطنيه .. موضوع جميل اوى :)

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Cleo عضو جديد

Cleo

بتاريخ:
بتاريخ:

الماستر سين بتاع فيلم الفتوة..... لما زكى رستم حبس فريد شوقى فى التلاجة....

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Cleo عضو جديد

Cleo

بتاريخ:
بتاريخ:

الماسترسين بتاع فيلم ريا و سكينة....

لما نجمة إبراهيم و زوزو حمدى الحكيم جابو الضحية و علمولها حفلة ترقص فيها و نجمة إبراهيم راحت تبل المنديل فى صينية القلل و هى بتبرق بعينيها.... (أيووووووووووه... إحنا هانعزموكى فى بيتك يا شابة...!!!)

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
crossfield عضو جديد

crossfield

بتاريخ:
بتاريخ:

و فى فيلم جرى الوحوش لما كان محمود عبد العزيز بيتكلم مع الدكتور-حسين فهمى-قبل العملية و هو خايف"بس وحياة أبوك يا شيخ متحفش فى التورلوب"

و لما محمود عبد العزيز اتجنن فى آخر الفيلم و نزل يشحت "تورلوب".فيلم جميل فعلاً.ياااااااااااااافت .

و فى فيلم ...مش فاكرة اسمه

لما فريد شوقى كان بيغنى فى الأفراح و صوته وحش و وقف واحد قصير وكل علامات القرف و الاحساس بالاضطهاد باينة على وشه و قعد يصرخ"ده اييييييييييييه القرف ده؟" فراح فريد مديله على قفاه و استمر فى الغنا"طاب و الله زمان زمان و الله".

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
و فى فيلم ...مش فاكرة اسمه 

لما فريد شوقى كان بيغنى فى الأفراح و صوته وحش و وقف واحد قصير وكل علامات القرف و الاحساس بالاضطهاد باينة على وشه و قعد يصرخ"ده اييييييييييييه القرف ده؟" فراح فريد مديله على قفاه و استمر فى الغنا"طاب و الله زمان زمان و الله".

بدايه ونهايه :)

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Cleo عضو جديد

Cleo

بتاريخ:
بتاريخ:
و فى فيلم جرى الوحوش لما كان محمود عبد العزيز بيتكلم مع الدكتور-حسين فهمى-قبل العملية و هو خايف"بس وحياة أبوك يا شيخ متحفش فى التورلوب"

و لما محمود عبد العزيز اتجنن فى آخر الفيلم و نزل يشحت "تورلوب".فيلم جميل فعلاً.ياااااااااااااافت .

و فى فيلم ...مش فاكرة اسمه 

لما فريد شوقى كان بيغنى فى الأفراح و صوته وحش و وقف واحد قصير وكل علامات القرف و الاحساس بالاضطهاد باينة على وشه و قعد يصرخ"ده اييييييييييييه القرف ده؟" فراح فريد مديله على قفاه و استمر فى الغنا"طاب و الله زمان زمان و الله".

يخرب عقلك يا كروس.!!!!!!!!!!! يا بنتى إحنا الظاهر العشرة اللى بيننا "نضحت" علينا....!!!!

تصدقى أنا داخلة النهاردة مخصوص عشان أتكلم عن فيلم جرى الوحوش و المشهد بتاع محمود عبد العزيز....!!!!!!!

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
عادل أبوزيد Rising Star

عادل أبوزيد

بتاريخ:
بتاريخ:

موضوع شيق فعلا

غلى ما أذكر فيلم الزوجة الثانية وشيخ البلد يقنع الزوج المنكسر بالتوقيع أظن على طلاقه من زوجته و هو يقل له "إمضى يا عبعال"

و أذكر أن الفاضلة كليو لإستخدمت هذا التعبير من مدة طويلة جدا و لصق بذاكرتى من وقتها و كثيرا ما أردت أن أستخدمه كرد على بعض المداخلات الغاضبة

مواطنين لا متفرجين


رابط هذا التعليق
شارك
KWA عضو جديد

KWA

بتاريخ:
بتاريخ:

فيلم بدايه و نهايه....مشهد الأخير لما عمر الشريف خرج من قسم البوليس بعد ما استلم اخته و الصمت و تعبيرات الوجه بعد ما القت بنفسها في النيل منتحره و نظرات وتعبيرات وجه عمر الشريف .....قمه في الأداء.....

Egypt is my home , USA is my life.

رابط هذا التعليق
شارك
Cleo عضو جديد

Cleo

بتاريخ:
بتاريخ:
فيلم بدايه و نهايه....مشهد الأخير لما عمر الشريف خرج من قسم البوليس بعد ما استلم اخته و الصمت و تعبيرات الوجه بعد ما القت بنفسها في النيل منتحره و نظرات وتعبيرات وجه عمر الشريف .....قمه في الأداء.....

KWA

ده اضطهاد منك إنت و كروس...!!!!!!!!! إنغ كنت لسه هاكتب عن المشهد ده بالذات.!!!!!!!!! (وش البنت بتاعت إعلان كولجيت "كنت هاقووووووووووووولها")

طيب ملحوقة....

مشهد تانى من نفس الفيلم...

بعد لما سناء جميل اكتشفت إن صلاح منصور اللى غرر بيها هايتجوز واحدة تانية... راحتله تتخانق معاه و تلومه و تطالبه إنه يتجوزها...

قام هزأها و طردها و قالها إنه مايتجوزش واحد فرطت فى شرفها....

فعرفت ساعتها إنه اتكتب عليها تعيش منبوذة لأن مش ممكن حد يرضى يتجوزها بعد كدة و إن مصيرها بعد كدة إنها تعيش فتاة ليل "للبيع"....

منظر سناء جميل و هى خارجة من دكان صلاح منصور و مصدومة... و بتاع الروبابكيا بيردد فى الخلفية "أى حاجة قديمة للبيع .... جزمة قديمة للبيع..."

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Cleo عضو جديد

Cleo

بتاريخ:
بتاريخ:

ماستر سين فيلم "لا تسألنى من أنا"

يسرا تكتشف إنها ليست ابنة مديحة يسرى... و تصرخ و تولول "أنا بنت حرام... أنا بنت حرام" و تكاد تجن...

تقوم شادية الرائعة الجميلة دايما تقولها "إنتى مش بنت حرام... إنتى بنتى"

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Cleo عضو جديد

Cleo

بتاريخ:
بتاريخ:

لا تسألنى من أنا" تانى...

أبناء شادية عرفوا إن يسرا أختهم... و قعدوا زعلانين من أمهم شادية و مش مدينها وش لأنها فرطت فى بنتها و باعتها لمديحة يسرى و هى بيبى...

شادية تصرخ فيهم "أنا بعت بنتى عشان ولادى كلهم"...!!!!!!!!!

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

يا ولاد الأيه .. مش حد يقول أن فيه موضوع حلو زي ده فى الشارع اللي ورا ... وسايبيني عمال أحرق فى دمي في السياسة .... خدوا عندوكوا ده انا هاهريكوا أفلام ..... قطيعة ماحدش بياكلها بالساهل ...

- ماستر سين : فيلم الأرض ... محمد أفندي رايح يقدم العريضة اللي ماضي عليها الفلاحين للباشا في القصر بتاعه ... والباشا كان واقف قريب من العربية اللي بتنزل عفش جديد للقصر ... وكان محمد أفندي إداله العريضة وماشي والعمال بينزلوا حاجة فيها قزاز فالباشا قال للعامل ... حاسب يا حمار .. راح محمد أفندي باصص له وبيحسبوا بينده عليه .... لقطه طريفة جداً .

- فيلم العار ... حسين فهمي ماكنش راضي يسمع كلام نور الشريف ويشرب اللبن قبل ما ينام ... فراح نور الشريف قايل له " أنا الصبي اللي يخسع معايا ما فيش غير رصاص مسدسي وفي قلبه "

- مشهد تاني في نفس الفيلم لما نور الشريف حجز نصيب روقه حتى بعد ما ماتت فحسين فهمي بيسأله أنت حجزتلها نصيب ليه فراح نور الشريف قايل له " حقها ولا مش حقها "

- فيلم القاهرة تلاتين : والد ووالدة محجوب عبد الدايم رايحين يزوروه والباشا احمد وظهر كان مع مراته فى الأوضة وفي نفس الوقت جت مرات الباشا وراحت هاجمه على الأوضه وهي طالعه قالت لحمدي أحمد "وانت أيه ..... كمساري ؟ " .

- اللص والبوبيهات : البوليس محاصر سعيد مهران فى مكان عامل زي القلعة ومش راضي يسلم نفسه .. راحوا جابولوه شادية " نور " علشان تقنعه

البوليس : سعيد مهران سلم نفسك مافيش فايدة من المقاومة المكان كله ماصر.

نور : سلم نفسك يا سعيد .. حرام عليك يا سعيد

سعيد : أيـــــــه اللي جابك يا نـــــــــــــور ....أيـــــــه اللي جابك يا نـــــــــــــور .... رؤؤوف علوان هو السبب يا نور ....

- فيه لقطة في نفس الفيلم ظريفه جداً وسعيد علوان بعد ماطلع من السجن راح يطلب مساعدة من أستاذة رؤوف علوان راح مديله 10 جنيه بس ، راح سعيد مهران قايل في سره ... 10 جنية يا أستاذ تبقى أنت زبوني النهاردة .

- ماستر سين أخير : في فيلم " أحنا بتوع الاتوبيس " تأليف وأخراج الفنان العبقري مخرج الروائع س س : لما إبن مصر الموظف البسيط يقع على أرضية الأتوبيس وتتفشفش منه البطيخه والمخرج بنلاقيه يعمل كلوس أب على البطيخه وهي بتتفشفش وبعدين كلوس آب تاني على وش الموظف وهو بيعيط لإنهيار أحلامه ... فهنا المخرج ربط بين البطيخة وبين أحلام الموظف ....

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
ماستر سين أخير : في فيلم " أحنا بتوع الاتوبيس " تأليف وأخراج الفنان العبقري مخرج الروائع س س : لما إبن مصر الموظف البسيط يقع على أرضية الأتوبيس وتتفشفش منه البطيخه والمخرج بنلاقيه يعمل كلوس أب على البطيخه وهي بتتفشفش وبعدين كلوس آب تاني على وش الموظف وهو بيعيط لإنهيار أحلامه ... فهنا المخرج ربط بين البطيخة وبين أحلام الموظف ....

المشهد ده مقتبس من غنوة حكيم إس . إس السلام عليكو icon_twisted.gif وكانت بردو البطيخه بتقع من الاتوبيس icon_wink.gif

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
ماستر سين أخير : في فيلم " أحنا بتوع الاتوبيس " تأليف وأخراج الفنان العبقري مخرج الروائع س س : لما إبن مصر الموظف البسيط يقع على أرضية الأتوبيس وتتفشفش منه البطيخه والمخرج بنلاقيه يعمل كلوس أب على البطيخه وهي بتتفشفش وبعدين كلوس آب تاني على وش الموظف وهو بيعيط لإنهيار أحلامه ... فهنا المخرج ربط بين البطيخة وبين أحلام الموظف ....

المشهد ده مقتبس من غنوة حكيم إس . إس السلام عليكو icon_twisted.gif وكانت بردو البطيخه بتقع من الاتوبيس icon_wink.gif

عقلي الباطن بيقولي ... فيروز حطاك فى دماغها وهاتشتغلك فى البلو يا س س .... وبعدين وبعدين .. هانشوفلها حل إن شاء الله .. إخبارية بسيطة لبتوع القلم السياسي ويخلص الموضوع ..

والله مش ذنبي يا ست فيروز ... طب ماهو فى كل الأفلام المصرية البطل لازم يتجوز البطلة فى الأخر ... حدش قالهم حاجة ..

وحتى الأفلام الهندي ..البطلة تبقى عميه طول الفيلم وتيجي فى أخره تتخبط فى الترابزين بتاع السلم وتفتح ... ماتكلمتيش ليه حضرتك وأبديتي إعتراضك ..

لكن ارجع وأقول معليش .. هي كده الكحكة فى أيد اليتيم عجبه ... إظاهر عليه هالم عدتي وأروح لهوليود او لسيما شبرا بالاس هناك الناس اللي بتقدر الفن والمفنيين.

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
عقلي الباطن بيقولي ... فيروز حطاك فى دماغها وهاتشتغلك فى البلو يا س س ....

لا كان عندى امل تكتشفنى بس و اطلع فى فيلمك القادم .. "الفتاه و الحنطور" اللى هتكمل بيه ثلاثية الاتوبيس- الميكروباظ - الحنطور

وبعدين وبعدين .. هانشوفلها حل إن شاء الله .. إخبارية بسيطة لبتوع القلم السياسي ويخلص الموضوع ..

آخ .. دول زملاتك بتوع قسم الضرب الاحمر صح؟ icon_sad.gif

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Cleo عضو جديد

Cleo

بتاريخ:
بتاريخ:

ماستر سين فيلم الكرنك:

محمد صبحى (حلمى) فى المعتقل تنشب مشاده بينه و بين أحد حراس المعتقل... فينهال عليه الحراس بالشوم فوق رأسه يحطمونها... فى نفس الوقت يعرض المخرج لقطات لطيارات العدو و هى "تضرب" سيناء و تحطم (حلم) كل المصريين فى الحرية

و كأنما يريد المخرج أن يقول أن من هزمنا فى 67 ليس العدو و لكن حكامنا....

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Sharkiah عضو جديد

Sharkiah

بتاريخ:
بتاريخ:

أول مره أشوف الموضوع الشيق ده ، رغم إنى لست متابع جيد للأفلام إلا إن هناك مشهد أثر فى بشده ومازلت كلما أراه أستمتع به وبفلسفته وبمغزاه وبالفكره التى يؤصلها ، مشهد الختام لفيلم حبيب الروح والحوار بين يوسف وهبى وأنور وجدى كل يحاول إستماله ليلى مراد لطريقه ويوسف وهبى يحقر من قيمه الزواج ويغريها بالمجد الذى ينتظرها لو طرحت الزواج جانبا وتفرغت لعملها كفانه وأنها ليست ملكا لنفسها بل ملكا لفنها وجمهورها وأنور وجدى يحذرها بأن هذا هو طريق هلاكها ولو طاوعت يوسف وهبى فسيأتى عليها اليوم الذى تنحسر عنها الأضواء وينصرف عنها الجمهور وستتلفت لتجد أن الجميع إنفضوا من حولها وأصبحت وحيده وذهبوا هم ليعيدوا الكره مع واحده جديده ، وطوال الحوار فى هذا المشهد لم تنبس ليلى مراد ببنت شفه ثم خرجت من الحجره وظن الجميع أنها ذاهبه لتستعد للغناء وتهلل وجه يوسف وهبى تعبيرا عن إنتصاره ، ولكن فوجئ الجميع بأنها إختارت زوجها وبيتها وحياتها الزوجيه ، وكانت قمه الروعه فى رأيى هى الكلمات الساخره التى سخر بها أنور وجدى من يوسف وهبى عندما إنعقد وجهه بالدهشه ، بون سوار ياأستاذ ماتنساش تبقى تسلم لى على الفن والمجد بتوعك

بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم

رابط هذا التعليق
شارك
optimistic عضو جديد

optimistic

بتاريخ:
  • كاتب الموضوع
بتاريخ:

ازيكو يا جماعة

انا كنت فاكر انكم نسيتو الموضوع ده

الفضل يرجع لكروسايتنا في اعادة فتحه

ماستر سين فيلم المنسي

و عادل امام شايف(في الحلم) دينا جاية تتمخطر على شريط القطار

و الرعب اللي في وشه و هو بيقول قل اعوذ برب الفلق

أمل صغير

يناطح العماليق

يفتح يده و ينثر بذورا

و فرح شروق

هل سبيقى

هل سيعيش

هل سيطيق

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • حسين امبابي
      7
      اول مرة استفيد من النت بفيزا ماستر كارد وحساب بنكي جاتني من امريكا بالبريد !!!
      بسم الله الرحمن الرحيم الموضوع حقيقي عن تجربة شخصيــــــــــــة دا شكل الفيزا الامريكي اللي هتوصل لحضرتك الي البيت بدون ما تدفع ولا جنيه واحد مميزات هذه البطاقة * مقبولة في اي ATM في مصر عليه شعار Master Card * بامكانك تعبئتها من حسابك فـــ paypal - فيزا كارد - ماستر كارد - الخ * عمولتها قليلة نوعا رسومها 29$ فقط ولا يتم خصمهم الا كل سنة * دعمها لجميع الدول العربية فهي تدعم أكثر من 210 بلد حول العالم ! * لا ي

      بواسطة حسين امبابي
      كُتب

×
×
  • أضف...