ارجو المساعدة بشدة من الاخوة بالامارات

[adelemam]

السلام عليكم و رحمة الله وبركاته

ارجو المعزرة لكنى لا اعلم عن الاجراءات

عرضت شركة فى ابو ظبى عملا وتريد فحوصات؟فهل لابد بعض المستشفيات معينة للفحوصات؟

وطلبوا تصديق السفارة على اصل الباكلوريوس؟

كيف زلك؟ بالزهاب للسفارة بعد توثيقها بالخارجيه ولا ..........

ارجو المعزرة لكنى ارجو شرحا للخطوات

وجزاكم الله خيرا

[مسلم]

وعليكم السلام ورحمة الله وبركاته

معرفش موضوع الفحوصات لكن بالنسبة لشهادة البكالوريوس تاخدها موثقة من الكلية وتروح بيها الخارجية اللي في جامعة الدول يختمهالك وبعدين روح الملحق الثقافي التابع لسفارة الإمارات أعتقد في شارع شهاب, مش فاكر بالضبط لكن هو مش بعيد عن الخارجية يمكن تحتاج تصديق من هناك ويمكن يقوللك روح على طول على السفارة, تروح السفارة, هي قريبة من جامعة القاهرة وحديقة الحيوان أظن سفارة السعودية كمان هناك وبنك NSGB, تديها للسفارة هيحطوا عليها طابع ب100 درهم وتاخدها بعد يومين على ما أفتكر أو ممكن تدفع أكتر وتاخدها مستعجل

بالتوفيق

[elshafey]

بالنسبة للتوثيق:

1 - روح الجامعة ووقع من أمين الجامعة ( تقريبا 5 جنيه) وبتاخدها خلال ساعة

2 - روح مكتب الخارجية اللي في نفس المحافظة التابعة ليها الجامعة (11 جنيه للمستند الواحد) وبتاخدها في ساعتها حسب الزحمة

3 - بعد كده الملحقية الثقافية الامارتية في شارع شهاب (بدون مقابل) وبتاخدها في نفس اليوم الساعة 1.30 وماتحاولش تطلب تاخدها قبل كدة لأنها لازم تقعد لغاية الساعة 1.30 ولأنهم غلسين كمان (وخصوصا اللي اسمه تامراللي بيستلم ويسلم الورق)

4 - تروح السفارة علي الكورنيش ناحية جنينة الحيوانات (هتلاقي تاكسيات واقفة بره بتستني الناس اللي رايحة السفارة وخلي بالك مستغلين) خلي بالك اخر ميعاد تسلم فيه الورق في السفارة الساعة 11.30 وبتدفع 162.5 جنيه وتاخدها تاني يوم أو بتدفع تقريبا 256 جنية (مش فاكر بالظبط) وتسلمها في نفس اليوم وعلي فكرة الناس في السفارة محترمين جدا ومش غلسين زي بتوع الملحقية الثقافية

أما بالنسبة للكشف فمش عارف بصراحة أنا شخصيا هعمل الكشف في دبي

أرجو أن اكون قد أفدتك

تحياتي

[adelemam]

الف الف شكر

جزاكم الله خير الجزاء

على فكرة انا اشعر الان بسعادة لا توصف على الاهتمام والردود

والله يوفقنا جمعيا لما يحبه ويرضاه

شكرااااااااااااااااااااااااااااااااااااااااااااااااااااااااااااا