هل تستعين المانيا بعلماء الحزب الوطنى

[achnaton]

[size="5"]

بسم الله الرحمن الرحيم

كان فيه زمان اغنيه لطيفة لا اذكر منها سوى المقطع الاول " دلونى يا صبايا " .. ولان النهاردة السبت .. ومفيش زائرين .. الحكومة المنزلية أستلمتى .. وفى المكتب حبستنى .. ووضعت امامى كام جريدة من جرائد نهاية الاسبوع .. ودى عادة مليانه بنشرات الاعلانات .. واعلنت قرارات الحظر التام والتزام غرفة المكتب وممنوع الاقتراب من باب الغرفة .. لانها ستقوم بالتنظيف الاسبوعى للبيت كله .. فكرتنى بالتشريفات اياها وغلق الشوارع وايقاف حركة المرور .. ما اعرفش بتتفرج دى على القناة الفضائية المصرية من ورايا .. وخاصة فى المناسبات ؟؟!! ولأنى مسالم الى حد ما .. ارتضيت بالمقسوم .. وتناسيت ان فى البيت غرف اخرى ورفعت راية الاستسلام ووضعت همى فى الجرائد .. ومن اول عنوان فى الجريدة .. راح فكرى تماما للحبيبة العزيزة .. حبى الازلى ... الموجوده تحت جلدى .. ومش حقولكم عليها انتم بالطبع حتعرفوها ..

العنوان كان بيقول .. شركة فورد تطالب الحكومة بكام مليار دعم بعد توقف المبيعات وكبر حجم الخسائر .. اما مرسيدس .. فقرارتها كانت دبل .. عاوزة قرض حكومى كام مليار .. واعلنت انها ستغلق المصانع لمدة اربعة اسابيع من نصف ديسمبر الى نصف يناير .. اما البنوك فحدث ولا حرج .. الكل متعور .. والجرح كبير .. والكسور كثيرة وعاوزه مسامير .. لتثبت نفسها فى الاسواق .. بعنى عاوزة قروض من الحكومه بالمليارات

ولولا ان النهارده السبت ومكاتب الحكومة قافلة كنت طلبت وزارة المالية او الاقتصاد الالمانى ونصحتهم بالاستعانه بكباتن الحزن الوطنى الذين تمكنوا - حسب بيانتهم فى موتمرهم السنوى - من تجنيب المحروسة غوائل المشكلة المالية العالمية .. ولا اود رفع ضغط الدم عندكم .. فمن عانى منه ومن توابعه لا يتمناه لاحبائة او حتى اعدائه .. ولذلك لن اسوق اليكم النماذج العديدة التى تعانى منها الدول الكبيرة التى يبلغ الترن اوفر بتاع شركة واحده قد ميزانية الحبيبة المحروسة فى عهد المماليك الجدد .. شركة سياحة واحده اعلنت فى يوليو الماضى ان الترن اوفر بتاعها فى العام المالى 2007-2008 حوالى 52 مليار يورو .. ونسيبنا من تصريحات الوزراء هنا .. والخبراء الاقتصايون ونمسك فى نشرة دعاية السوبر ماركت الكبير الذى اقيم فى جواره .. بيوزعوا النشرة دى على بيوت الحى يوم السبت صباحا وتسرى الاسعار بداية من اول الاسبوع القادم .. واعطيكم نماذج للأسعار .. الاسبوع الجاى فجايز يكون بين الاخوة الاعضاء من ينقله للسادة الوزراء عندنا اصحاب التصرحات المفبركة ..

المياه المعدنية تخفيض 38%

المارجارينا ( الذبدة الصناعى ) تخفيض 36%

كيلوا اللحم من 3،99 يوروا للكيلو الى 2،99 يورو

صابون الغسيل برسيل تخفيض 15%

السمك الماكريل الطازة تخفيض 14%

اللحم المفروم تخفيض 30%

المرتدلا تخفيض 35%

لتر اللبن كامل الدسم 55سنت لكثافة انتاج الفلاحين

السياحة هبطت الاسعار بشكل ملف للأنظار وبداية ب 120 يورو تقضى اسبوع فى اى دولة اوربية .. تذكرة الطيران الداخلية تعرضها الآن احد شركات الشارتر ب 19 يورو من عاصمه الى اخرى او من اى بلد فى المانيا الى اى بلد فى اوربا ..!!

واود ان اشير ان اجر الساعة للعامل فى آ مصنع فى المتوسط 8 يورو .. آى حوالى 2،5 كيلو لحمه ..

ووالله ما سمعنا من وزير او خفير ان الاسعار الحكومة شاطرة خفضتها .. هو احنا عندنا فى المانيا وزراء خرس ..؟؟

ونفسى اعرف عنوان معهد التصريحات الوزارية الوردية .. عشان ابعته هدية للمستشارة الالمانية تحجز لوزرائها كام كورس .. لعل وعسى يرضى عن حزبها الالمان .. وينتخبوا اعضائه فى الانتحابات القادمة .

ونكمل الحديث فى المداخلة الجاية

تم تعديل 8 نوفمبر 2008 بواسطة achnaton

[Sherief AbdelWahab]

قالولي الأساتذة في الكلية إن الأسعار لا يمكن تنخفض..

يمكن يكونوا درسوا في كلية غير الكلية اللي تخرج فيها جهابذة الحزبوطني..

خلص الكلام