السعودية....... لية؟

[drmado]

انا نفسى بجد اعرف لية؟؟ اشمعنا السعودية كلنا بندور عليها وعايزيين نشتغل فيها مع ان فى بلاد عربية واجنبية كتير

[drmado]

بجد نفسى اعرف راى اخوانى فالمنتدى لية السعودية ؟؟ هل لان فيها الكعبة الشريفة ولا علشان بنستسهل ومش بندور كويس ؟؟؟؟

[drmado]

ولا علشان لينا اقارب كتير جدا واصدقاء سافروا السعودية؟؟ ولا هى مجرد مرحلة علشان حاجة احسن فالطريق بعد كدة

[drmado]

كلنا عارفين ان اكتر ساعات العمل واكتر دوام دايما بيكون فالسعودية ودائما وابدا الكفيل بيبقى متحكم فينا كليا ومع ذلك السعودية هى الخيار الاول لمعظم المصريين اللى بيفكروا فالسفر

[drmado]

انا هتكلم الاول عن اسباب سفرى انا صيدلى مصرى اتخرجت زى كل الشباب و منشرح وكلى تفائل ههه وقولت بقى صيدلى وكل المجالات امامى دعاية ومصانع وصيدليات ومستشفيات وتحاليل بس انا ااشر بس بس للاسف طبعا الواقع اصعب من كدة كتير والواحد دايما مستعجل ونفسوا يبقى فى احسن مكان من اول يوم يعنى يشتغل اى حاجة انشالة مديــــــــــــــــــــــــــــــــــر او رئيس مجلس ادارة على اقل تقدير وللاسف علشان تححق طموحك فى مصر مستحيل بدون واسطة او مساعدة بابا بس هو الواحد اتخرج ودرس واتعلم علشان بابا يفضل يصرف علية حتى بعد التخرج والمشكلة الاكبر بقى لما تكون عايش ميسور وتبتدى تعتمد على نفسك مهما كان مصروفك قليل هتلاقى مرتبك اقل منة ههههههههههههههه اية الحل السفر ثم السفر طيب على فين؟؟؟؟؟ وهو فية غيرها؟ اية هى؟ السعودية طبعا ولا معادلة ولا ولا مذاكرة بلاش كلام فاضى صيدلية ونام فيها واقبض اخر الشهر وكمان ياعم الحياة رخيصة مقارنة باى بلد خليجى اخر يعنى هات من الاخر وافتح الاهرام ويوم الجمعة اول اعلان ابعت وارشق واول طيارة وسافر طيب على كام ؟؟؟كام ساعة ولا كام مرتب مش مه المهم اسافـــــــــــــــــــــــــــــــــــــر

[drmado]

فين الردود؟؟؟؟؟؟؟؟

[seomar]

فين الردود؟؟؟؟؟؟؟؟

انا معاك ان السعودية مش احسن بلد لكن هى الدولة الوحيدة اللى بدور على المصريين واعلاناتها مالية الجرايد في حين دولة زي الامارات مفيش اي اعلانات عمل عندها وكلها اجتهادات لكن مش نعنى كدة انك لا تتحرى عن المكان اللى تروحوه وتشوف ظروف العمل تناسبك ولا ومتتعاملش انك مش لاقى تكفي قوت يومك وان طاقة القدر هتتفتح في الغربة وكفاينا بهدلة لانفسنا وتذكر دائما قول النبي صلى الله عليه و سلم (من بات امنا في سربه معافى في بدنه عنده قوت يومه فكانما حيزت له الدنيا باسرها)

[madzoro]

السعودية من اول الدول الخليجية اللي بدأت في النهضة ..... و سحبت عمالة كتير من دول كتير

و كان في اعتماد كبير على العمالة المصرية و تقريبا على ان اكبر نسبة من المصريين العاملين بالخارج موجودة بالسعودية ممكن تقول نص العاملين بالخارج موجوديين في السعودية و النص التاني في بقية الدول غربية و شرقية

فا لو اعطبرنا ان العمالة دي بتساعد في انها تستقدم اقاربها و معارفها هتلاقي ان نسبة السعودية بتزيد ( نسبة و تناسب )

و قوانين العمل و قوانين التاشيرات من المؤثرات في انخفاض العمالة المصرية و غيرها اللي في السعودية

بالاضافة ان اعلاناتها في الجرايد المصرية منتشرة بصورة كبيرة

مساحة السعودية الضخمة

طبعا وجود الحرمين الشريفين له تاثير كبير ( والدي من سنة 77 في السعودية و اقبلها كان جايلوه عقود عمل في الكويت و عمان واختار انه يجي السعودية على اساس انه يشتغل سنة واحدة و يعتمر و يحج و يرجع تاني بس اهه الفترة امتدت ل 32 سنة هههههههههههه ..... و فيه غيره كتير )

تحياتي

[أسد]

ببساطة ..

السعودية هي أكبر دولة خليجية ..

مساحتها .. أكبر بكثير من كل دول الخليج مجتمعة ..

عدد السكان .. أيضاً أكبر بكثير من كل دول الخليج مع بعض ...

فرص العمل بها أكثر بكثير من كل الدول العربية الأخرى ...

السعودية دولة كبرى بها مشروعات وأعمال متنوعة في كل المجالات .. تشييد وبناء .. اتصالات .. بنوك .. أموال .. تجارة .. صناعة .. الخ ..

لهذا فهي السوق الأكبر للعمل في الخليج ..

لا توجد أسباب منطقية أو عملية أخرى ..

الباقي مكملات لتلك الإجابة فقط ..

[osmel33]

بس يا اخوانا السعودية زى ما ليها عليها بمعنى انها دلوقت ما بقيتش من الدول المرغوب الحياة فيها بسبب التعسف الموجود وبسبب مشاكلهم كل شوية مع المصريين هو يمكن بس زى ما تقال فى المداخلات انها الدولة اللى اعلاناتها موجودة كتير فى الجرائد أنا واحد من الناس عيشت سنين طويلة من صغرى فيها تحديداً فى خميس مشيط بأبها لكن لما كبرت وفكرت اسافر عمرى مافكرت فيها لأن للأسف اللى الواحد عرفه من الحاجات اللى بتحصل هناك واللى بنسمعه حالياً من جلد وسجن ده أكبر دليل على انها بلد فيها حلجات غلط ويمكن لولا الأماكن المقدسة ورعاية الله عز وجل لها كانت خربت من زمان وربنا يهديهم يا ..... على المصريين اللى فى السعودية

[ahmedkamal]

هو لان السعوديه كبيره ففيه وظائف اكتر مثلا الطب اكتر دوله مطلوب فيها اطباء هي السعوديه ومساحتها الكبيره ساهمت ف كده واعلاناتها كتير جدا انما الامارات نادرا لما تلاقي لها اعلان معتمده ع التوظيف من جواها بل بالعكس انا زمايلي بيروحوا الامارات بتاشيره زياره وممكن يشتغل او لا ، انا كنت عايش ف الكويت صدقوني الكويت كانت طبعا مفتوحه عن السعوديه بس كان فيه تكبر ف التعامل يكرهك ف عيشتك فمرضيتش ان اكمل فيها بعد ما اكبر واشتغل ، السعوديه ميزتها انك تقدر تبدأ فيها وتتجوز وتعيش مش مهم نوع العيشه ايه انما تقدر تبدا عكس قطر والامارات الايجارات مولعه والكويت برده غليت ايجاراتها السعوديه غليت عن زمان بس مازالت ارخص دول الخليج صحيح هي اقل الدول ف زياده المرتبات طبعا لان انت مربوط بقوانين العمل اللي ده تعتبر اكبر مشكله هناك ، وبالنسبه للمشاكل مع المصريين ، السعوديه الاكتر مش لان السعوديين وحشين لا بس العدد كبير وطبيعة المهن كتير وكلكعه القوانين كتير هل يعني شوفنا مشاكل فيز ف الامارات زي السعوديه ومشاكل مع الكفيل زي السعوديه ، ومن الاخر طب مانفس الكفيل ده موجود مع اللبناني اشمعنا مشاكله معانا ياجماعه احنا اتهضم حقنا ف بلدنا ولو تلاحظوا ان فيه كتير مننا يعتبر الجيل الثاني يعني اهله كانوا ف الخليج واحنا بنكمل ، مصر فيها شغل كويس ومرتبات كويسه وهفترض انك كنت محظوظ ف مكان من دول ، تعالى شوف الفوضى والرشاوي ده بيخلي اي حد يعاملنا كده وكمان احنا بنضر بعض كتير ، ياريت المنتدى ده يكون بدايه لحل نقطه اننا بنعض بعض نفسي يبقى فيه يوم نبقى زي الهنود والفلبينيين ما بيشيلوا بعض ومقفلين ع شغل ليهم بس

[عاشق الترحال]

"رب اجعل هذا بلدا آمنا وارزق أهله من الثمرات من آمن منهم بالله واليوم الآخر" (126)

*سبحان الله البلد دي فيها خير ربنا فاتحه عليهم من فضله ولو بحثت هتلاقى أن فرص العمل فيها كتير وفي جميع المجالات وحتى لو مكنتش هتشتغل في مجالك هتلاقي مجالات تانيه مناسبه .

*تاني حاجه أننا في بلدنا مش لاقين فرص مناسبه للعمل وبناء عليه فإن أى فرصة ولو كانت غير مناسبه ولكنها أفضل بشويه من بلدنا هتبقى بالنسبه لكثير مننا مناسبه.

*أنا عن نفسي مكنتش عاوز آجي السعوديه ولكن مشيئة ربنا واللى مقعدني فيها إلى الآن أنى مش هعرف أعيش في مصر وبيني وبينكم كفاية أن الواحد لما بيروح الحرم المكي عند الكعبه والحرم النبوي بيحس براحه نفسيه ومشاعر دينيه بالإضافة للحج والعمره ربنا يكتبهم لنا مرات عديده ويتقبلها مننا ومنكم.

*الحياه في السعودية تتناسب قياسيا مع المرتبات اللي بناخدها كمصريين فبالتالي هتعيش عيشه كويسه فيها حتى ولو كانت مش زي الأول يعني مش هتلاقي فيها اللي كان موجود من عشرين سنه مثلا بس أهي العيشه فيها أحسن من مصر من ناحية الحياه الكريمه وتوافر فرص العمل.

*ولو كانت ليا بعض الأعتراضات والتحفظات على بعض المعاملات من بعض الأشخاص السعوديين تجاه المصريين ولكن الحق يقال الغالبيه العظمي على الأقل اللي أنا قابلتهم بيحبوا المصريين . بس للأسف قله منا بتشوه صورتنا أمام مختلف الجنسيات في الغربه عموما وليس في السعوديه وحدها .

أتفق في الرأي مع الأخ أحمد كمال أننا ياريت نبطل نعض في بعضنا ونكون زي البنغلاديش والهنود والباكستان مبيخافوا على بعض و ايد واحده.

وشكرا

[drmado]

انا معاك ان السعودية مش احسن بلد لكن هى الدولة الوحيدة اللى بدور على المصريين واعلاناتها مالية الجرايد في حين دولة زي الامارات مفيش اي اعلانات عمل عندها وكلها اجتهادات لكن مش نعنى كدة انك لا تتحرى عن المكان اللى تروحوه وتشوف ظروف العمل تناسبك ولا ومتتعاملش انك مش لاقى تكفي قوت يومك وان طاقة القدر هتتفتح في الغربة وكفاينا بهدلة لانفسنا وتذكر دائما قول النبي صلى الله عليه و سلم (من بات امنا في سربه معافى في بدنه عنده قوت يومه فكانما حيزت له الدنيا باسرها)

اخى العزيز seomar اولا شكرا لردك واهتمامك و بالنسبة للحديث الشريف باشكرك علية جدا ولكن الطموح دة حق مشروع لكل مسلم ويجب على كل مسلم ان يكون عندة طموح علشان يفيد نفسة والمجتمع

ثانيا السعودية مش احسن بلد ولا اوحش بلد احنا هنا بنحاول نعرف اسباب انجزاب المصريين للسعودية بالات عن باقى دول الخليج

ثالثا اتفق جدا معاك ان من اكتر الاسباب هى وجود اعلانات كتير وطلب كتير ووظايف كتير فالسعودية بس اكيد فى اسباب تانية....و شكرا مرة اخرى

[drmado]

فين الردود؟؟؟؟؟؟؟؟

انا معاك ان السعودية مش احسن بلد لكن هى الدولة الوحيدة اللى بدور على المصريين واعلاناتها مالية الجرايد في حين دولة زي الامارات مفيش اي اعلانات عمل عندها وكلها اجتهادات لكن مش نعنى كدة انك لا تتحرى عن المكان اللى تروحوه وتشوف ظروف العمل تناسبك ولا ومتتعاملش انك مش لاقى تكفي قوت يومك وان طاقة القدر هتتفتح في الغربة وكفاينا بهدلة لانفسنا وتذكر دائما قول النبي صلى الله عليه و سلم (من بات امنا في سربه معافى في بدنه عنده قوت يومه فكانما حيزت له الدنيا باسرها)

اخى الكريم شكرا لردك واهتمامك واتفق معاك ان الاعلانات وتوافر الفرص من اهم اسباب اهتمام المصريين بالسفر للسعودية اكتر من باقى دول الخليج

[الرويناء]

السلام عليكم بالنسبه لينا احنا تجربتنا مختلفه و اعتقد اننا ممكن نجاوب بشكل افضل لاننا عشنا فى السعوديه وسيبنها ورحنا الامارات وعايزين نرجع تانى

بالنسبه للسعوديه اول حاجه بنفضلها علشانها طبعا الحج والعمره والزياره ربنا يكتبها لنا مرات ومرات ويتقبلهم منا انا شاء الله ديه ميزه كبيره جدا فى اى وقت تلاقى نفسك مشتاق مضايق الدنيا قرفاك تطلع على اى حمله تحجز عمره او زياره الاسعار تبدأ من 100 ريال الى 500 برى واضه 500 كمان لو طيران وتغسل همومك كلها وطبعا ديه بتكون اصعب واغلى فى اى بلد تانى ومحتاج تصريح وتأشيره وايضا نستطيع عمل زياره للوالد والوالده لعمل الحج والعمره

2_تكاليف المعيشه ارخص بكتير من نواحى كتير واهمها السكن احنا كنا سكنين فى ستودو فى كمبوند كان 23 الف فى السنه فى قلب الرياض وفيه كل المميزات اللى تخطر على البال لغايه باص تسوق للنساء 6 مرات اسبوعيا لو حبيت اسكن فى استوديو عادى مش كموند هيتكلف حوالى 60 الف على الاقل وايضا الاكل والمدارس فيها كل المستويات

3_ طبعا لزياده اعداد المصريين هناك فلدينا اصحاب كتير ومعارف واقارب هناك ديه اسبابنا بس برضه الامارات اكثر تقدما وفيها اماكن اكتر للفسح والاستمتاع وطبعا اوجه اكتر للصرف والواحد علشان يعمل سيفينج هيحس انه محروم من حاجات كتير