تعالوا نكون إيجابيين مرة في حياتنا (يارب), موضوع للإيجابيين فقط

[elshafey]

الاخوة الأعزاء الموجودين بالخارج وبالداخل

ايه رأيكم نجرب نبقي إيجابيين ....... مانبقاش سلبيين

ايه رأيكم نعمل حملة مراسلات لوزارة القوي العامل والهجرة المصري للقضاء علي النصابين والعابثين بحلم السفر للخارج

تعالوا نتفق علي صيغة رسالة نبعتها كلنا وبدون استثناء لوزيرة القوي العاملة والهجرة نطالب فيها بحملة تفتيش واسعة علي شركات التوظيف والسفريات عشان نعرف الكويس من الوحش ...... عشان محدش يتنصب عليه تاني وعشان نقضي علي كل قذر تسول له نفسه بالنصب علي الغلابة والمطحونين

انا عارف ان كل الرسايل دي ممكن يواجهها طناش وتعتيم للفساد الموجود في السادة المفتشين اللي بيتظبطوا من المكاتب دي............

بس علي الاقل نكون حاولنا ...... نبقي ايجابيين مرة في حياتنا

ويمكن ننجح في الموضوع ده ونبقا عملنا حاجة

وأرجوكم بلاش كلام وبس زي عادة العرب .....

عايزين ننفذ .... عايزين ننفذ .....عايزين ننفذ .....عايزين ننفذ .....عايزين ننفذ .....عايزين ننفذ .....

وممكن ندعم الموضوع ده بجروب علي الفيس بوك عشان نوسع الموضوع شويتين

وانا جبت عناوين الاتصال

دي لينك صفحة الاتصال في موقع وزارة القوي العاملة والهجرة :

http://www.mome.gov.eg/f_contactus.htm

وده e-mail مكتب الوزيرة :

minoffice@mome.gov.eg

وده الموقع الشخصي للوزيرة:

http://www.manpower.gov.eg/aishaabdelhady/

وده رقم فاكس مكتبها :

فاكس سكرتارية مكتب السيدة الوزيرة 22618019

وأبوس ايدكم بلاش كلام وبس ........... خلونا ننفذ بعد ما نتفق علي صيغة

تحياتي

تم تعديل 5 نوفمبر 2008 بواسطة amelshafey

[elshafey]

52 مشاهدة وولا رد ............

ونعم اليجابية :happy: :unsure: :blink: :sad: :sad:

[abdulmuttaleb]

فكرتك جيدة من حيث المبدأ

ولكن شخصيا أميل لتشجيع من تعرض لنصب أو احتيال أن يتجه بشكواه للسلطات الرسمية

وقد أتقبل منه أن ينشر الواقعة هنا على مسؤوليته الشخصية، ويبقى الأمر حادثا لا يمكن تعميمه إلا في ضوء تحقيقات رسمية تتوصل للإدانة من عدمها

أنا شخصيا لا أستطيع إرسال فاكس بقائمة على الانترنت لشركات توصف بأنها نصابة، لأنني ببساطة لم أتعامل معها

لكن إذا عرفت شخصا تعرض لنصب فأنا أشجعه على الشكوى لدى القسم والقوى العاملة، بل وأنشر الواقعة هنا كما حدثت معي

في النهاية في عالم الانترنت لا تستطيع أن تبني قرارات على ما ينشر فيها إلا بالنسبة لي لو كان صادرا عن عضو مثل Se_ElSayed أو mzohairy أو إيهاب سالم أنا أستطيع من خلال متابعتي لهم أن أميل للأخذ بآراءههم في قضايا مطروحة، وذلك لسابق خبرتهم ومعرفتي بهم من خلال تتبعي للمواضيع المختلفة، أما ما سوى ذلك فلا أملك أبني حكما باتهام أو وصم مكتب أو جهة بالنصب والاحتيال لكلام مرسل.

وجهة نظر والله أعلم،

[فنان محتار]

باختصار جامد جدا جدا جدا جدا

( وجه محبط حزين ) مفيش فايدة ( وجه معلق بيتمخنق )

[elshafey]

فكرتك جيدة من حيث المبدأ

ولكن شخصيا أميل لتشجيع من تعرض لنصب أو احتيال أن يتجه بشكواه للسلطات الرسمية

وقد أتقبل منه أن ينشر الواقعة هنا على مسؤوليته الشخصية، ويبقى الأمر حادثا لا يمكن تعميمه إلا في ضوء تحقيقات رسمية تتوصل للإدانة من عدمها

أنا شخصيا لا أستطيع إرسال فاكس بقائمة على الانترنت لشركات توصف بأنها نصابة، لأنني ببساطة لم أتعامل معها

لكن إذا عرفت شخصا تعرض لنصب فأنا أشجعه على الشكوى لدى القسم والقوى العاملة، بل وأنشر الواقعة هنا كما حدثت معي

في النهاية في عالم الانترنت لا تستطيع أن تبني قرارات على ما ينشر فيها إلا بالنسبة لي لو كان صادرا عن عضو مثل Se_ElSayed أو mzohairy أو إيهاب سالم أنا أستطيع من خلال متابعتي لهم أن أميل للأخذ بآراءههم في قضايا مطروحة، وذلك لسابق خبرتهم ومعرفتي بهم من خلال تتبعي للمواضيع المختلفة، أما ما سوى ذلك فلا أملك أبني حكما باتهام أو وصم مكتب أو جهة بالنصب والاحتيال لكلام مرسل.

وجهة نظر والله أعلم،

الاخ العزيز/ abdulmuttaleb

أولا اشكرك لمشاركتنا برأيك

فكرتي هي لعمل حملات تفتيش واسعة علي كل الشركات أو علي الشركات الصغيرة الغير مشهورة-مع العلم أن هناك شركات صغبرة وغير مشهورة محترمة جدا- فهناك شركات معروفة بالاسم ولا غبار عليها

وايضا للمطالبة بمزيد من الرقابة علي جميع الشركات للحد من النصب وتشديد القوانين والاجراءات واعتقد ان الوزارة تعلم من السليم ومن غير السليم

وأؤيدك في انه يجب علي الاخوة الذين تم النصب عليهم هم أولي بفعل ذلك ولكن الفكرة اساسا في لفت نظر الوزارة الغافلة عن النصابين وتجار التأشيرات

وسأروي لك تجربة صغيرة لي

ذهبت الي شركة صغبرة في الاسكندرية نشرت اعلان في الاهرام (إعلان 5 سطور) وبعد المقابلات تم قبولي في الوظيفة

فقامت موظفة من شركة السفريات بالاتصال بي وإخباري بقبولي في الوظيفة واخبرتني بأن احضر 1000 جنيه تحت الحساب فسألتها 1000 جنيه ليه فردت مصاريف الأشيرة وخلافه مع العلم بأن الشركة التي سأعمل بها اخبروني بأنهم سيستخرجوا التأشيرة بمعرفتهم وعلي حسابهم وانهم قاموا بمحاسبة شركة السفريات علي العمولة

فما كان مني إلا ان ذهبت لإدارة القوي العاملة بالاسكندرية لأعرف ما يجب علي دفعه وعرفت من المفتشين هناك أنه لا يحق لهم بأكثر من 2% من راتب أول عام

وعندما واجهت الشركة بذلك أخبروني بأنهم لن يأخذوا اكثر من ذلك حسب القانون

ولا ادري هل اخبروني بذلك لأني سألت أم هم فعلوا ذلك من نفسهم

أحكي لكم هذه القصة لأن موضوع ال 2% محدش كتير يعرف عنه بس انا سألت عشان مايتنصبش علي

في ناس لا بتسأل ولا بتعمل اي حاجة بتدفع وخلاص فيجب علي الوزارة أن تقوم بعمل نشرات لأن الناس مابتشمش علي ضهر ايدها ودي حاجة ممكن نطلبها منهم (نشرات توعية بالحقوق والواجبات)

نسيت اقول حاجة مهمة جدا قالها مفتش القوي العاملة ليا قاللي بالنص:

(القانوني 2% بس لو طلبوا اكتر لازم تدفع لأن العقد معاهم وممكن يقلشوك)

شفت المسئولين بيقولوا ايه؟؟؟؟؟؟

وأنا فعلا مستني رأي سي السيد لأن رأيه مهم جدا جدا

عموما خلينا نسيب المناقشة مفتوحة لحد ما نوصل لرأي نتفق عليه

تحياتي

تم تعديل 6 نوفمبر 2008 بواسطة amelshafey

[عصام أبوالفتح]

الاخ amelshafey

الحقيقة انا شايف ان الشخص الايجابى مش هو اللى يقف فى مظاهرة ويهتف ولا ينضم لجروب ويبعت ايميلات .. بل ان هذا الشخص عادة يكون دمية فى خيوط كثيرة لم ينظر الى اين تنتهى يوماً ..

الشخص الايجابى فى وجهة نظرى بعد عدة تجارب هو من يسعى لحقه حتى لو مات دونه .. سيكون للموت طعماً لذيذاً .

ولان الكثير من الناس يفضلون المشى فى طرق ملتوية اثناء عملية السفر .. تغيير مهنة - شهادات - ورق طبى - وغيره .. لذا نمت المكاتب التى تسهل هذه الطرق .. الحاجة ام الاختراع .. واذا تغيرت القاعدة الى ان الكثيريين يفضلون التعامل بصدق ونزاهة ومصداقية .. ستحد المكاتب تتبع نفس النهج .

واذا كنت من القلة حالياً فاتبت عملية النصب قانونياً .. وكن مستعدا للحصول على حقك لاخر نفس .. وتأكد انك هاتاخده

[elshafey]

الاخ amelshafey

الحقيقة انا شايف ان الشخص الايجابى مش هو اللى يقف فى مظاهرة ويهتف ولا ينضم لجروب ويبعت ايميلات .. بل ان هذا الشخص عادة يكون دمية فى خيوط كثيرة لم ينظر الى اين تنتهى يوماً ..

الشخص الايجابى فى وجهة نظرى بعد عدة تجارب هو من يسعى لحقه حتى لو مات دونه .. سيكون للموت طعماً لذيذاً .

ولان الكثير من الناس يفضلون المشى فى طرق ملتوية اثناء عملية السفر .. تغيير مهنة - شهادات - ورق طبى - وغيره .. لذا نمت المكاتب التى تسهل هذه الطرق .. الحاجة ام الاختراع .. واذا تغيرت القاعدة الى ان الكثيريين يفضلون التعامل بصدق ونزاهة ومصداقية .. ستحد المكاتب تتبع نفس النهج .

واذا كنت من القلة حالياً فاتبت عملية النصب قانونياً .. وكن مستعدا للحصول على حقك لاخر نفس .. وتأكد انك هاتاخده

المعرفة حق للجميع

وأبسط ما يمكن ان نطالب به المعرفة

يجب ان نعرف حقوقنا وواجبتانا وتكون معلنة

واذا عرف كل شخص راغب في السفر حقوقه وواجباته ستصعب عمليات النصب

ثم اننا عرفنا بعض المشاكل والقوانين لأننا مثقفين وبحثنا فيجب علينا ان نطالب بالمعرفة للجميع

هذا ملخص ما انادي به

وأرجو منك اخباري أليس ما أفعله هو ما فعلته انت من قبل في هذا الموقع منذ عامين تقريا

http://www.egyptiantalks.org/invb/index.php?showtopic=22988

وهنا ايضا علي الرغم من إنك مش متضرر

http://www.egyptiantalks.org/invb/index.php?showtopic=29713

ليس من الضروري ان اكون متضرر حتي اطالب بحق ..... قد يكون التضرر غدا صديق ... قريب .... جار ..... أخ

تحياتي

تم تعديل 7 نوفمبر 2008 بواسطة amelshafey

[elshafey]

رجاء مراجعة الرابط التالي لمعرفة ما فعلته شركات الحاق العمالة بالخارج للمطالبة بحقوقها

http://www.youm7.com/News.asp?NewsID=24839...7&IssueID=0

[عصام أبوالفتح]

الاخ amelshafey

الظاهر ان المعتى اللى حبيت اوصله لسيادنك كان ناقص حاجة مهمة .. ان اللى بتعمله وحاولت انا فيه من قبل مرتبه اعلى من الايحابية .. مرتبة التحرك من اجل الاخرين .. وشيل همهم .. وهى المرتبة التى ورثها الانبياء لاولو العلم .. ويتمتع صاحبها بصفتين ( SELF ORIENTED& PROACTIVE )

الشخص المضار عندما يتحرك من اجل حقه .. فهذا هو الايجابى ..وهذا يتم بتوعيه اولى العلم له .. اولى العلم ينشرون المعلومة الصحيحة وليس لهم صفة قانونية للمطالبة بحقوق الاخرين .. ليسوا ذوو صفة .. وبدون وجود اشخاص ايجابيين حولهم لن يتم تفعيل القانون ومحاسبة الظالمين او النصابين

جاء فى الرابط الذى وضعته مايلى

فى الفترة الأخيرة ترددت أخبار كثيرة حول العقود الوهمية، وتكررت حالات النصب على الراغبين فى عقود العمل، ألا ترى أن هذا المناخ خلق عدم ثقة بين الوزارة وبين شركات إلحاق العمالة؟

أولاً أنا ضد أن يصف أحد الشركات بالوهمية، لأن أى شركة لها مقر تكتب عليه رقم الترخيص. أما النصب والعقود الوهمية فيقوم بها سماسرة التسفير على المقاهى، وهم يقدمون أنفسهم للناس على أنهم مندوبون لشركات. أما شركات إلحاق العمالة فتخضع لقانون العمل رقم 12 لسنة 2003، هذا فضلاً عن خطاب الضمان البنكى وقيمته 100 ألف جنيه لضمان عدم التلاعب.

من كلام رئيس شعبة الحاق العمالة بالخارج نفهم انه ينبغى التحرى عن الشركة وسمعتها وترخيصها قبل التعامل معها او ارسال الCV بتاعتنا لها .

وهل تخضع الشركات لرقابة ما؟

بالطبع تخضع لرقابة إدارة التفتيش بوزارة القوى العاملة حيث تقوم بالتفتيش المفاجئ على هذه الشركات ويتم الاطلاع على الدفاتر والأوراق والعقود وعلى كونها مطابقة لما هو مسجل بالوزارة أم لا.

ويفهم من كلامه ايضا ان اى شكوى لابد ان توجه لادارة التفتيش بالوزارة والتى تقوم بتحرير محضر للمخالفات التعاقدية وتغريم الشركة بما لا يقل عن 10000 ج.

وما صحة ما يثار حول حصول الشركات على مبالغ كبيرة مقابل عقود العمل؟

هذا الكلام غير صحيح، فنحن لا نحصل سوى على نسبة 2% من أجر أول عام، وهذه النسبة حددها لنا قانون العمل مهما كانت مدة العقد. وكل عامل قبل سفره يكتب إقراراً فى وزارة القوى العاملة بأنه دفع للشركة 2% فقط. أما من يحصل على مبالغ كبيرة فهم السماسرة لأنه لا توجد رقابة عليهم.

يبقى أهم حاجة فى الموضوع ان احتا نعرف الاول بنتعامل مع مين

تحياتى لحضرتك ولجهودك

[elshafey]

يا تري الاخوة اللي زارو الموضوع إيه رأيهم

يهمنا مشاركتهم

[drmado]

********************

تم حذف المداخلة بسبب تكرر نفس المداخلة في مواضيع كثيرة

أسد

فريق الإشراف

تم تعديل 9 نوفمبر 2008 بواسطة أسد

[seomar]

يا تري الاخوة اللي زارو الموضوع إيه رأيهم

يهمنا مشاركتهم

اخى العزيز

انا لي تجربة مع شركة بايونيير فبالرغم من شهرتها و ترخيصها الا انهم اخدوا منى 5000 عمولة بدون اي ورق او اثبات وكنت مسافر للعمل في الحكومة وده كان اكبر بكثير من 2% المفروضة بالقانون لكن اعمل ايه

بس انا مستعد المشاركة في حملة الايجابية

[شريهان]

مساء الخير

انا عايزة اقدم شكوي في مكتب للسفر يدعي انه بيعطي للسفارة السعودية في مصر رشوة في مقابل تخليص التاشيرات وكان زوجي احد ضحاياه لانه كان نظرة ضعيف شوية والمكتب اخد منه 4000 جنية مقابل منحه التاشيرة

ازاي اعمل كدة واشتكي فين بالضبط ومين اللي رقيب عليهم

لان لي اخ هيسافر وخايفه اي مكتب يعمل معاه كدة

[elshafey]

مساء الخير

انا عايزة اقدم شكوي في مكتب للسفر يدعي انه بيعطي للسفارة السعودية في مصر رشوة في مقابل تخليص التاشيرات وكان زوجي احد ضحاياه لانه كان نظرة ضعيف شوية والمكتب اخد منه 4000 جنية مقابل منحه التاشيرة

ازاي اعمل كدة واشتكي فين بالضبط ومين اللي رقيب عليهم

لان لي اخ هيسافر وخايفه اي مكتب يعمل معاه كدة

في اعتقادي إنك لازم تثبتي واقعة الرشوة بمستند بالاضافة إنك ممكن تبلغي سفارة السعودية بالكلام اللي بيقوله المكتب عليهم بس لازم يكون فيه اثبات

وبعدين مش كل المكاتب نصابة في مكاتب محترمة

وممكن أخوكي يعمل زي ما هملت ويقول للمكتب إنه القانون بيقول 2% بس المشكلة انهم ممكن يوقفوا الدنيا لأخوكي

بس عايز أقولك علي حاجة انا الكفيل بتاعي وقف معايا قصاد المكتب وكمان دفع نص ال 2% اللي كان المفروض أدفعهم