هل يجوز نقل الكفالة قبل اكتمال سنة على الدخول؟

[DIA ELDIN]

هل يجوز نقل الكفالة قبل اكتمال سنة على دخول المملكة لان انا عرفت ان قانون العمل بيحتم انة لازم الوافد يكمل سنة من يوم دخولة الحدود

وما هي مدة صلاحية خطاب نقل الخدمات

[عاشق الترحال]

أيوه بس التكاليف هتبقى أكتر من كونك بتنقل بعد انتهاء العام

[DIA ELDIN]

شكرا يا ابو عمر بس كنت عاوز اعرف ما مدة صلاحية خطاب نقل الكفالة

[عاشق الترحال]

عمنا ضياء يا جميل

السلام عليكم ورحمة الله وبركاته

نظاميا لا يجوز العمل لدي أي جهة إلا بموجب توافر الكفالة

يعني علشان تبقى بتشتغل رسمي وقانوني خطاب الكفيل الحالى بموافقته نقل كفالتك من عليه للشركة اللى أنت عاوز تشتغل فيها غير كافي لبدءك العمل أو تواجدك في مكان العمل الجديد علشان الجوازات أو مكتب العمل لو دخل مكان العمل وفتش عالموظفين حضرتك هتبقى مخالف فى الوضع ده وتقريبا الغرامه (( 10.000 ريال )) وترحيل وخصوصا لو كان اللي بيفتش شخص صعب شويه.

أما لو في إمكانك تشتغل وتقدر تخلع من الجوازات أو مكتب العمل لحين إستكمال إجراءات نقل الكفاله يبقى كويس وده شئ يرجعلك وده حال ناس كتير جنسيات كتير

يعني من الآخر لما مفتش مكتب العمل أو مسؤل الجوازات يدخل مكان العمل ويسألك إقامتك فين لا بد أنه يلاقي إقامتك على نفس الكفيل اللى حضرتك شغال عنده فعلا كده وإلا !!!!!!!!!!!!

بالإضافه أن حضرتك لو مسؤل مكتب العمل وجد مهنتك في الإقامه (( عامل )) مثلا وأنت شغال مهندس تبقى مشكله وفيها غرامه برضه لأن المفروض تكون المهنة الفعليه متطابقه مع مهنتك بالإقامه.

وبالنسبه لقيمه نقل الكفاله أول مره 2.000 ريال بعد السنه الأولى أما قبل تمام السنه فعلى حد علمي من أصدقائي اللي نقلوا قبل سنه أن التكاليف ممكن توصل 6.000 أو 8.000 بس أعتقد أن الشركة اللي هتنقل عليها يا أما بتقسم المبلغ بينها وبينكم أو أنها بتتحمل تكاليف نقل الكفاله كامله

وربنا يوفقك