نقل ملكية أصول الدولة إلى ٤١ مليون مواطن

[isa]

من جريدة المصري اليوم

--------------

تفاصيل قانون الخصخصة الجديد: نقل ملكية أصول الدولة إلى ٤١ مليون مواطن

كتب مصباح قطب ٩/ ١١/ ٢٠٠٨

أحمد نظيف

حصلت «المصرى اليوم» على الملامح الأساسية للتشريع الجديد، الذى تعده الحكومة والحزب الوطنى، لإدارة أصول الدولة. كشفت مصادر مطلعة أن الرئيس مبارك سيصدر قراراً جمهورياً بإنشاء جهاز قومى لإدارة وتعظيم قيمة الأصول العامة، بدلاً من وزارة الاستثمار، إضافة إلى إنشاء ما يسمى «صندوق الأجيال»، تؤول إليه نسبة من أسهم الأصول العامة، ووضع آلية لتوزيع أسهم على المواطنين، بصرف النظر عن دخولهم.

ويقضى التصور الأولى للتشريع الجديد بحق المواطنين فى التصرف فى أسهمهم من اليوم الأول لتملكها، ومن المتوقع أن يبلغ عدد من يحصلون على الأسهم ٤١ مليون مواطن.

وأوضحت المصادر أن فكرة التشريع مستوحاة من تجارب دول فى أوروبا الشرقية، وأن الحكومة تبحث منذ عامين عن مخرج، لتعثر برنامج إدارة الأصول، والتخلص من صداع ردود فعل الرأى العام.

وكشفت المصادر أنه بموجب التشريع المقترح سيتم «بيع كل ما هو قابل للبيع مرة واحدة عبر شركة قابضة (بياعة) تنشأ لهذا الغرض وتزول بانتهاء مهمتها».

كما يقضى باحتفاظ الدولة بأغلبية مطلقة «٦٧٪» أو أكثر فى الشركات الحيوية، ومنها «الألومنيوم» و«الحديد والصلب» و«الكوك» و«القومية للأسمنت» وشركات الدواء والأسمدة والسكر والصناعات التكاملية و«غزل المحلة»، كما تمتلك الدولة أغلبية «النصف + ١» فى أصول أخرى وحصص أقلية لا تقل عن ٣٠٪ فى شريحة ثالثة من الأصول، على أن تخضع تلك الأخيرة لرقابة الجهاز المركزى للمحاسبات.

وقالت مصادر قضائية لـ «المصرى اليوم» إن لجنة سرية بدأت إعداد المسودة الأولية للتشريع، ويحتفظ الدكتور محمود محيى الدين، وزير الاستثمار، بأوراق هذه اللجنة، ولم يسلم مشروع المسودة حتى الآن إلى قسم التشريع بمجلس الدولة.

من جانبه، أجاب الدكتور محمود محيى الدين عن تساؤلات تحيط التشريع الجديد، فى تصريحات صحفية قالها لـ ٣ من المحررين الاقتصاديين، مؤكداً أن بنود هذا التشريع ستنص على منح الأرض للنشاط فقط، على أن تؤول ملكية أراض أخرى إلى الشركة القابضة أو الجهاز القومى، فيما يؤول فائض عمليات الجهاز نفسه إلى وزارة المالية.

أضاف محيى الدين أن لائحة التشريع ستنظم إدارة الشركات التى يملك الجمهور أغلب أسهمها، موضحاً أن المواطن سيتملك حصته فى مجموع الأسهم التى ستوزع للشركات المقرر بيعها، وليس أسهماً فى شركة محددة، ويحصل كل مواطن على كوبون توزيعات حال احتفاظه بالحصة، يعادل نصيبه من إجمالى أرباح المحفظة كلها، وفى حال رفض مواطن تسلم أسهمه تظل باسمه لمدة عام، ثم تؤول إلى صندوق الأجيال.

وأوضح وزير الاستثمار أن رئيس الجمهورية كان قد طلب فى مؤتمر الحزب الوطنى عام ٢٠٠٧ إشراك الشعب فى الانتفاع بفوائد برنامج إدارة الأصول المملوكة للدولة، بأسلوب يتيح للناس الإحساس بثروتهم الوطنية.

وأكد محيى الدين أن خبراء راجعوا دستورية القواعد الجديدة قبل إعلانها قريباً، مشيراً إلى أنه لن يرأس بعد ذلك الجمعيات العامة للشركات القابضة، ليتفرغ لدوره السياسى كوزير.

طالع المزيد

تشريع جديد للانتهاء من الخصخصة.. ونقل ملكية الشركات العامة لـ٤١ مليون مواطن

[se_ Elsyed]

مش مرتاح للموضوع ده وحاسس إن في سبوبة بتتعمل علينا عشان يبيعونا هدومنا ..

وزير الاستثمار يعلن تفاصيل توسيع ملگية الأصول العامة

أسهم في حدود 2000 جنيه مجانا لكل مصري فوق ١٢ عاما

تخصيص يتراوح ما بين ٥ إلي٠١٪ من عوائد الأصول لصندوق الأجيال القادمة

كتب فرج أبو العز:

تستعد الحكومة لتقديم التشريع الجديد لإدارة الاصول العامة المملوكة للدولة الي مجلس الشعب في دورته المقبلة بما يسمح باشراك المواطنين المصريين فوق 21 عاما في ملكية الاصول العامة وسيتم في هذا السياق تخصيص اسهم لكل مواطن في 155 شركة عامة توزع مجانا بالقيمة الاسمية مع امكانية الاحتفاظ بها وصرف ارباحها بكوبونات او اعادة بيعها.. وعلمت »الاخبار« ان قيمة الاسهم التي ستوزع علي كل مواطن تصل قيمتها الي الفي جنيه مصري. وأعلن د. محمود محيي الدين وزير الاستثمار ان توزيع الاسهم سيستفيد منه اكثر من 42 مليون مصري فوق 21 عاما.. مشيرا الي ان من هم دون 21 عاما سيستفيدون من صندوق الاجيال القادمة الذي سيتم تمويله عن طريق تخصيص يتراوح ما بين ٥ الي 10٪ من عوائد الاصول العامة بجانب العقارات التي ستؤول اليه من الشركات والتي لاتستخدم في النشاط.. ويتم الصرف من هذا الصندوق لتغطية احتياجات الاجيال القادمة. وأعلن الوزير ان التنظيم الجديد سيحدث جهازا لإدارة الاصول العامة لضمان ادارة الاصول باعلي درجة من الاحترافية .. واوضح ان التنظيم يصنف الشركات العامة وفق ٣ فئات: الاولي للشركات التي تحتفظ فيها الدولة بحصة حاكمة »لاتقل عن 67٪ وهي الشركات التي تتمتع بمواقف احتكارية مثل الالومنيوم والسكر والحديد والصلب والقومية للاسمنت وشركات الاسمدة والمحلة للغزل والنسيج.. والفئة الثانية تحتفظ فيها الدولة بحصة لاتقل عن من 51٪ وتطرح الحصة المتبقية للاكتتاب مع اعطاء الاولوية للمصريين والفئة الثالثة شركات تحتفظ بها الدولة بحصة اقلية وتطرح الحصة المتبقية او كامل الحصة للقطاع الخاص.

[عصام أبوالفتح]

مشاركة الاصول = مشاركة الديون الطائلة ..

بدل ما يقولوا 2000 ج لكل مواطن يقولوا للناس كل مواطن مصرى هايكون مديون بكام ؟!!!!!

ولازم مينسوش ان ثروات الحكام واولادهم واصحاب ولادهم الرهيبة رهن ارادة الشعب اللى اتنهب كل السنين دى

يعنى نتحاسب قبل التقييم

[moheltohamy]

الدين الخارجي كبيير جداً (فوق الـ 700 مليار دولار كما قرأت في الأهرام من سنتين)

من الواضح إن الحكومة اتفرّجت على فيلم (عاوز حقي) ، وم الواضح إنهم اتأثروا بيه فعلاً!!

تعالوا أحكيلكو حدوتة...

ومع الوقت ، والعيال بتكبر ، وطلباتهم بتكبر... بقى إيراد الأرض مش مكفّي مصاريف العيال!

يعمل إيه الراجل؟ راح بايع له فدان من الـ 100 فدان ، آهو يفك الزنقة شوية...

وبالفعل ، الحياة اتفتّحت والدنيا اتبشبشت... loll.gif

وبعد شوية صغيّرين ، خلصت فلوس الفدّان! مش مشكلة ، ماحنا لسّه معانا 99 تانيين!

واستمر الحال على هذا المنوال ، كل فترة ومع كل زنقة ؛ الحل بسيط وبينغنغ الكل ، نبيع فدّان!

وف الأواخر... فاق الراجل وهوه ما حيلتوش غير فدّان!

طب يعمل إيه؟ داحتى لو بيزرعه مش هيكفّيه إيراد محصول فدان لعيّل واحد م العيال؟ طب يعمل إيه ، وخلفته كتيير؟!

مع الأسف... ف الوقت الحالي... ما بقاش أدامه اختيارات!

حكاية سخيفة... مش كده؟! sad.gif

هيه الحكاية السخيفة دي اللي بتنفذها الحكومة حالياً بآلية طموحة! blink.gif

الدين الخارجي كبيير جداً (فوق الـ 700 مليار دولار كما قرأت في الأهرام من سنتين) ، ومصاريف وزارات الخدمات (زي التعليم والصحة والدفاع) كتيرة جداً...

والحل - كما تراه الحكومة - هو بيع الفدادين اللي حيلتها ، عفواً ... بيع الأصول! وبدأته ببيع الشركات العامة ، وتليها البنوك الحكومية ، ويليها أراضي الدولة (ضواحي القاهرة)... والجاي أنأح!

والمواطن اللي مشكلته حالياً رغيف العيش وإزازة الزيت وكيس السكر... هيعمل إيه لما يمسك في إيديه صك بـ 2000 جنيه؟ المبلغ المهول ده اللي فيه الحل السحري لكل مشاكله! closedeyes.gif

هيبيع لأول سمسار بورصة يقابله ، ويشتري للعيال وأم العيال لحمة وفراخ ورز وخضار... وهمه شهر شهرين بكتيره يا راجل يا طيب... وكما كنت! وعادت مشاكلنا تاني كما كانت ، وزادت المشكلة إن العيال بطنهم أخدت ع اللحمة! blink.gif

وسمسار البورصة ما عندوش مشكلة يبيع لشركة عربية أو أجنبية طالما عارضة سعر أعلى للسهم!

طب ما نختصر ، ونعرض على إسرائيل تشتري مصر باللي فيها من آثار وعقارات ومشاريع وثروات طبيعية ، وثق بأننا سنحصل على أعلى سعر ممكن أن يخطر لك ببال ، وربما لن يخطر لك ببال!

طبعاً مش محتاج اقول إننا هنخلّيهم يمضوا على شرط أن يحصل المواطن على حقوقه الدستورية كاملة في ظل الحكم الإسرائيلي... وأؤكد لكم أنه سيحصل على أضعاف أضعاف ما يحصل عليه من حقوق حالياً blink.gif

إيه رأيكوا؟،

[سكر]

مش فاهم حاجة

بس واضح ان الحكومة بتحاول تسرق فلم عايز حقى لهانى رمزى

[محمد عبدالعزيز]

عندى إحساس رهيب بالخوف من الكلام ده ومابين سطوره. أول مرة أحس الإحساس ده رغم كل اللى كان بيحصل.

أعتقد كده إن الوضع فعلاً انهار ووصلنا للحديدة واحنا دلوقتى بنبيع الحديدة, وبعدين يا مصريين... حنقف نتفرج على نفسنا واحنا بنتباع فى المزاد؟

[عصام أبوالفتح]

ده حتى هانى رمزى كان هايدى كل مواطن مليون دولار .. رخصتها أوى حكومتنا الذكية مش كده ؟

[elshafey]

كده 100 لون وكده 100 لون والكل هيدخل الكركون

wst:: phn: phn: :blush2: :blush2: :blush2: :blush2: :blush2:

والله فعلا شكلهم هيسرقوا فيلم عايز حقي

المفروض يتطبق قانون حماية المكية الفكرية ويرفع هاني رمزي عليهم قضية

تم تعديل 9 نوفمبر 2008 بواسطة amelshafey

[se_ Elsyed]

بم إن العملية فيها سبوبة ولقمه نضيفة .. فمسكت الألة الحاسبة وقلت 2000 جيني * 41 مليون بني ادم فوق الـ 21

يعني بالصلاتو عالنبي الدولة هاتبيع لنا التروماي بـ 82 مليار جنيه وهاتضربهم في جيبها وممكن يكتوا من تاني يوم على سويسرا ويبنوا جبل بالفلوس دي ..

وبما إني لو مسكت السهم هابقى زي اللي ماسك الهوا بإيده .. فممكن الدولة تيجي بكره وترش ميه في ميدان التحرير وتقول لنا " يالله يالا العب بعيد إنت وهو "

ولإن الناس غلابة فكل واحد هايستعوض ربنا غي الألفين لحلوح اللي راحو وكإنه أشترى بيهم دوا ولا لحمه للعيال وأهي لا أول مره ولا أخر مرة يتنصب علينا ..

بالمناسبة ومن المصادفات السعيدة إني قريت عصيدة .. قصدي قصيدة للشاعر خفيف الدم والمثقف علي سلامه ونشرها النهاردة في المصري اليوم عن نفس الموضوع وإسمها " بيت أبويا "

بيت أبويا

بص ياعم..

تبيع الأراضى

تبيع الشواطئ

تبيع النوادى

تبيع المطار...

تبيع الغاز..

تبيع العيش على الخباز..

تبيع الدرس والأستاذ..

تبيع الجاموسة

تبيع الحمار..

كله إلا بيت أبويا

بتاع المغربلين..

عشان خاطر عضم التربة

ورحمة الميتين

دى مفيهاش هزار..

طب أقولك..

لما تبيع تودينى السيما

وتجيبلى آيس كريم شيكولاتة

وحاجة ساقعة كنز

وكيس فشار

ولو بتكدب عليا

ربنا يوديك النار

بس هه..

[a m ghazi]

وكده بقي كل واحد يروح يعتصم عند بيتهم

الاسعار تزيد والدنيا تولع ويبيعو علي مزاجهم

ومحدش يفتح بقه بكلمه

هنقول ايه مش خدنا حقنا ناشف

الناس كتر خيرهم باعو وقسمو الفلوس علينا

[Diab]

تهريج تهريج تهريج

اقل ما يوصف في ادارة دولة بحجم مصر والتلاعب في مقدراتها

كل ذنب تلك البلد اننا ولدنا فيها

اللهم يارب لا تؤخذنا بذنوبنا وارحمنا

اللهم رحمتك بأبنائنا من بعدنا ولا تهلكهم بما فعل السفهاء منا

أمين

أمين

[ssamir]

بيع الفلوس بفلوس هيخرب البيوت زى ماحصل فى امريكا

الكلام دا هيدمر الاقتصاد والفلوس والسندات دى بعد فترة هتتباع كسندات وهتتسرق وتخرب

[لولا]

تهريج تهريج تهريج

اقل ما يوصف في ادارة دولة بحجم مصر والتلاعب في مقدراتها

كل ذنب تلك البلد اننا ولدنا فيها

اللهم يارب لا تؤخذنا بذنوبنا وارحمنا

اللهم رحمتك بأبنائنا من بعدنا ولا تهلكهم بما فعل السفهاء منا

أمين

أمين

آآآآآآآآآآآآآآآآآآآآآآآآآآآآآمين

[Mohamed Fayek]

والله ياجماعة انتم شعب غريب خالص سيبوا الحكومة تعمل اللى عاوزاه ..... يعنى احنا حنفهم اكثر من الحكومة ؟ والله انا حاسس ان الحكومة بتعمل لمصلحة الشعب وان شاء الله حييجى اليوم اللى كل واحد فينا يمشى يكلم نفسه ويمكن ينسى اسمه وبركاتك ياحكومة

[سكر]

استكمال لسرقة هانى رمزى (صابر) فى فيلم عايز حقى

يا صابر يا جازمة يالى ملكش لازمة

:blush2:

تم تعديل 9 نوفمبر 2008 بواسطة ataamer

[سكر]

بغض النظر عن الفكاهة فى الموضوع وشعور معظم الناس بمحاوله سرقة منظمة الا انه

كلا يأخذ منه و يرد

من حق الحكومة ان تقدم مشروع نهضة من وجهة نظرها بما انها الحكومة

ولكن من حق الشعب فهم هذا المشروع ودراستة ومعرفة خباياه والرد عليه

لان بصراحة مشروع نهضة مصر لن ياتى بحلول تقليدية ان صدقت النيه

مثل هذة الافكار يجب ان تدرس جيدا ويتم عمل استفتاء شعبى عليها اولا قبا تنفيذها عندما يقبلها الخبراء

مش معقوله 80 مليون يتحكم فى حياتهم 8 اشخاص

[أسد]

إنطباعاتي الأولية عن هذا الكلام .. غير واضحة ..

للأسف لم أستطع أن أبني رؤية أو رأي عن هذا الموضوع من مجرد قراءتي للخبر ..

الأمر في شكله الخارجي .. لا بأس به ..

ولكنه قد يكون في باطنه يحمل من السلبيات أكثر مما يظهر ..

فكلا أنواع الشيكولاته ملفوفة بورق ملون زاهي وجميل وفخم ..

ولكن من بينها ما لا يستساغ .. وبعضها تريد أن تأكل الورقة بعدها من فرط حلاوتها ...

أعتقد أننا ينبغي أن ننتظر حتى تتضح الرؤية بشكل أكبر .. وتظهر الملامح بوضوح ..

فبناء رأي الآن .. غير عادل ..

قد يكون حل هائل ..

أو قد يكون .. هروب الحكومة من المسئولية .. وتخلصها من الأعباء الملقاة عليها ..

لنرى

[se_ Elsyed]

يا جماعة نهضة إيه ومشروع إيه ؟

إنتو مش واخدين بالكو إنهم هما 145 ج .. قولوا لي أعمل بيهم إيه ؟ :blush2:

دول ألفين لحلوح يا جماعة لكل واحد .. يعني ثمن 5 ك لحمه ...

أنا مخمخت إمبارح في مداخلة أعتقد إنها هاتبقى جامدة ..بس أعمل إصطباحة وأعدل دماغي واجي لكم ..

بس من الواضح غن جاكي نوياها ناويها ...

والكبير حط الموضوع ف يدماغه بدليل تصريحاته في الجرايد النهاردة

مبارك: الشعب يشارك في إدارة الأصول المملوكة للدولة

بيفكرني بنظام " الرأسماكية " أو أي سمك تمر هندي ومحشي ورق عنب

[eslam elmasre]

مش عارف بعد ماقريت الموضوع ده تذكرت المثل اللي بيقول هي الحدايه بترمي كتاكيت وكمان مثل ايش ياخد الريح من البلاط

[HDarwish]

بعد إيه ؟؟؟؟

ما خلاص الخير اللي في البلد راح ... ولا هنبيع اللي إتباع؟؟

مين اللي هيشتري وليه ؟؟؟

وهو الفلاح البسيط ولا المدرس الغلبان يعرف يعني إيه سهم ولا يعني إيه بورصة؟ ... هيروح فين ويجي منين بالسهم ده ...

المفروض يتعمل إستفتاء قبل ما يتم صدور قرار مهم ومصيري زي ده ... بس إستفتاء نظيف مش أي كلام وخلاص ...