نقل ملكية أصول الدولة إلى ٤١ مليون مواطن

[ssamir]

سؤال بسيط

هو السهم ابو 2000 جنية دة هو نصيب الفرد المصرى من المال العام

يعنى انا اخدت حقى و بعد كدة مليش حق فى البلد دى

وبعدين هيشيلو الدعم عن كل حاجة من رغيف عيش لبنزين لغيرة

حد يفهمنى

انا خلاص فصلت

[se_ Elsyed]

سؤال بسيط

هو السهم ابو 2000 جنية دة هو نصيب الفرد المصرى من المال العام

يعنى انا اخدت حقى و بعد كدة مليش حق فى البلد دى

وبعدين هيشيلو الدعم عن كل حاجة من رغيف عيش لبنزين لغيرة

حد يفهمنى

انا خلاص فصلت

أيوه

يعني تاخد الإتنين باكو وتبري الحكومة من الحق والمُستحق والنفقة ومؤخر الصداق وخلافه ..

وتصرف بيهم نفسك بقى ...

ويابختك لو لك حد في العيلة فوق الواحد والعشرين ... كده ممكن تفل لك 10 بواكي وتعيشوا بقى وتقبوا على وش الدنيا ..

أنا ممكن أسنن الواد عُمر إبني وأضرب له شهادة ميلاد وأخد من وراه باكويين وأهم ينفعوا ..

[Tafshan]

طيب <_<

نفترض صحة الخبر و تنفيذه بالفعل ..

الاسباب: التخلص من ال 5 مليون موظف اللى في رقبة الحكومه و يصفصفوا على موظفوا الوزارات و الهيئات ..

اما الاسهم .. فطبعاًَ لو قيمتهم 2000 جنيه .. الكل ح يجرى على البورصه عشان يبيعهم و يلحق قبل ما يرجعوا في كلامهم .. و طبعاً في ناس كثير يتمنوا ربع جنيه من الدوله .. و طبعاً قيمة الاسهم ح تنزل بسبب الاقبال على البيع ... و تنزل الاسهم الارض .. يعنى اللى ح ينوب الفرد اقل بكثير من 2000 و يمكن اقل من 1000 كمان .. لان الاعلام الجاهل ح يصور للناس ان الحكومه باعت لهم الترماي .. و ينزل السعر الارض ..

طب مين اللى ح يشترى ؟

طبعاً كلكم عارفين الاجابه ..

و بالتالى تبقى وسيله ارخص بكثير و "اصيع " بكثير من البيع بالطريقه الحاليه ..

[madzoro]

عشان كده منزلين حملة الاعلانات اللي بتقول .........

سهم في الايد انت مالك و مستفييييييييييييييييييييد

cld: cld: <_< cld: :o

[أسد]

الخصخصة .. تجلب لهم الكثير من المتاعب ..

المشتري الجديد .. بيطور الشركة . وعمال يطلع العمال والموظفين معاش مبكر ..

البلد بتتباع للأجانب ..

الشركات بيشتريها مستثمرين كبار .. وعلشان مصالحهم بيقعدوا العمال في البيت ..

الى آخره من هذا الكلام ..

قد تكون تلك المسألة حيلة ليرفعوا عبء النقد عنهم ..

وبعد كده مجالس الإدارة اللي طبعاً هم حيعينوها ..

توفر في العمالة .. وتطلع معاش مبكر ..

وقرارات الجمعيات العمومية تطلع بالتصويت على نفس طريقة انتخابات المحليات ..

ويعملوا اللي هم عايزينه ..

واللي يتكلم .. يقولوا والله الملاك (الشعب) هو اللي قرر .. والمصلحة العامة تقتضي كده ...

نصباية بشكل تاني ..

علشان يفرقوا الدماء بين عموم الشعب ....

روح بقى دور على الملاك .. واصحاب الشركات دي ..

بعد قراءة مستفيضة اليوم وأمس .. وسماع بعد التحليلات ..

الفكرة في حد ذاتها كويسة .. ورائعة ..

لكن لما يطبقوها الشلة اللي بتحكم مصر .. حيبقى شكلها كده ....

ده خلاصة القول

[esocial]

طيب :wub:

نفترض صحة الخبر و تنفيذه بالفعل ..

الاسباب: التخلص من ال 5 مليون موظف اللى في رقبة الحكومه و يصفصفوا على موظفوا الوزارات و الهيئات ..

اما الاسهم .. فطبعاًَ لو قيمتهم 2000 جنيه .. الكل ح يجرى على البورصه عشان يبيعهم و يلحق قبل ما يرجعوا في كلامهم .. و طبعاً في ناس كثير يتمنوا ربع جنيه من الدوله .. و طبعاً قيمة الاسهم ح تنزل بسبب الاقبال على البيع ... و تنزل الاسهم الارض .. يعنى اللى ح ينوب الفرد اقل بكثير من 2000 و يمكن اقل من 1000 كمان .. لان الاعلام الجاهل ح يصور للناس ان الحكومه باعت لهم الترماي .. و ينزل السعر الارض ..

طب مين اللى ح يشترى ؟

طبعاً كلكم عارفين الاجابه ..

و بالتالى تبقى وسيله ارخص بكثير و "اصيع " بكثير من البيع بالطريقه الحاليه ..

انا كنت عايز اقول مش معقولة يكون قصدهم كدة يعنى انهم يشيلوا المسئولية من عليهم بعد توزيع الأسهم لكن رجعت وفكرت فى الموضوع لقيت ان هيكونوا بالصورة دى فعلا غير ملامين فكل واحد خذ حقه على حسب كلامهم مش عايزين حقكم خذوا وأشبعوا بيهم وكأن فعلا اللى يخصنا هو الأسهم اللى ب 2000 جنيه بس والباقى خلاص فى الباى باى وفى طريق السلامة واللى راح مش هيرجع وأكيد هتوقع انك خذت حقك وزيادة واللى عايز يبيع بقى هو الخسران ويلوم نفسه بعدين

ربنا يستر وميكونش هو ده اللى أتبقى فى مصر يعنى دخل سنوى 100 جنيه للشخص المصرى وهو ده الربح اللى هتعملوا الأسهم بتاعتة ومفيش بقه دعم ولا الزامية التعليم المجانى ولاالتعيين بعد التوظيف او التأمين الصحى والعلاج

[blbl]

الفكرة دية فكرتني بالقذافي لما لغي الوزارات وقفل المحل وكل مواطن ياخد حقه ناشف.

طيب والديون المتلتلة علي الشركات هتتحمل علي المساهمين?

اتفق مع مداخلة ا/طفشان. الحكومة من كام سنة عملت حاجة مشابهة. باعة حصتها في احد الشركات ب67 جنيه السهم وقالت ملهاش علاقة بآحاد الناس المساهمين اللي هي بذات نفسها بيعلهم السهم. الشركة الاجنبية لشترية وقعت السهم لحد ماوصل 11 جنيه ولمت كل الاسهم بهدؤ من الناس وبعدين طلع السهم تاني.

[esocial]

استكمال لسرقة هانى رمزى (صابر) فى فيلم عايز حقى

يا صابر يا جازمة يالى ملكش لازمة

:wub:

كدة ميت لون وكدة ميت لون والكل سيربح المليون

لولولولللوووووووووووووووووووووووووووووووووووى

[drmado]

يا جماعة انتوا مش واخدين بالكم من حاجة طيب فى 41 مليون فوق السن هياخدوا 2000ج ..... :wub: طيب لما الصغيرين يكبروا هياخدوا.... اية؟

[mamdowh]

قرررب قررررب فين السنيوره

كبسه كبسه

اجرى ياجدع

البلدية شالت التربيزة والفلوس اتبعترت واللى لحق لحق وجرى واللى ما لحقش اتمسك والمعاون حط الفلوس فى جيبه (كان زمان اللى بياخد الفلوس العساكر دلوقتى الدنيا اتغيرت)

[لونا]

من فضلكم نريد واحد من خبراء الاقتصاد يفند لنا الموضوع لانه فعلا خطير...

يقول واضعوا المشروع انه تم تطبيقه فى بعض دول شرق اوروبا ..طيب ماحدش قالنا عن النتائج الفظيعة اللى حققها المشروع دة على اقتصاد الدول دى .و لا سمعنا انها

اصبحت من الدول الغنية.

وعايزة اقول حاجة يا ريت حد فاهم يقوللى هى صح و لا غلط :

هى الاصول دى مملوكة لمين ؟ للدولة . صح ؟

يعنى مملوكة للشعب ! يعنى لنا !

ازاى يتم بيعها لنا مرة تانية ؟؟؟

ياريت حد يقوللى الكلام ده صح و لا غلط

[HDarwish]

خبر في المصري اليوم عن جميع المصريين بالداخل والخارج سيحصلون على أسهم مجانية في شركات القطاع العام

الخبر

ياريت اللي فاهم حاجة يفهمنا معاه

[se_ Elsyed]

يقول واضعوا المشروع انه تم تطبيقه فى بعض دول شرق اوروبا

ما هو أي كلام في المحشي وماحدش بيقولهم إن إنت بتهرتلوا

هل يقصدوا أوروبا الشرقية اللي إنهارت جميعها وشعوبها ما كانتش لاقيه تاكل زي رومانيا والمجر وبولندا وألمانيا الشرقية وأمهم جميعاً روسيا ؟

هل يقصدون الدول التي مازالت تُطبق المباديء الإشتراكية الهلامية زي كوريا الشمالية اللي بيموت منها ملايين من الجوع .. وحتى الان الناس بتنام من المغرب لإن الكهربا بتقطع عند الغروب ؟

ولا كوبا اللي عايشه على تصدير قصب السكر ومنتجاته والسيجار والموز ؟

يا سيدتي الفاضلة هي لعبة حقيرة أخيرة من الحكومة لهبر ما يزيد عن 100 مليار جنيه من الشعب .. كل هذا أمام ورق تعطيه للناس ممكن قيمته النهاردة تبقى 10 ألاف جنيه .. والسوق ينهار بكرة .. ويبقى الورق ده سعره أقل من سعر ورقة الجريدة .. وسبق أن حدث في روسيا والناس شربت الأسهم اللي معاها ...

يا سيدتي أينعم هي اموال عامة وملكية عامة .. لكن مش معنى ذلك إن إحنا نعمل زي الفيلم وكل واحد يروح يستولى على مصنع أو فندق ويضع يده عليه ويقول ده ملكي ...

لكن هذه الممتكلات العامة المفروض الحكومة تديرها بالشكل السليم اللي يُدر عائد على الناس ويعيشنا عيشة محترمة ..

واعني بالإدارة هنا ليس البيع بثمن بخس كما يحدث الأن ويفرتكوا الفلوس في ما لا طائل له ..

او توزيع أسهم على الناس وفي كوبونات سنوية وكلام فاضي من ده

هل تعلمين سعادتك إن السهم اللي هانشربه ده ممكن يعمل له بالكتير قوي قوي كوبون بخمسين جنية مثلاً في السنة ؟

يا بلاش .. يعني ما يجيش بنديرة التاكسي اللي هاناخده للبنك عشان نصرف الكوبون ... صحيح صندوق الاجيال القادمة .. اهو الواحد يسيب لإبنه قد 100 او 200 ج لما يكبر يتسند عليهم ويبدأ حياته بقى ويعييييييييييييش

كما قلت .. هي اللعبة الأخيرة الحقيرة التي يريدون أن يلعبونها قبل غرق المركب .. وطبعاً هم سيكونوا أول القافزين ومعهم الغنائم .. ونغرق نحن فقط وأبنائنا

تذكروا كلامي هذا جيداً

أقسم بالله .. إن خطر هذه الفكرة سيكون أكبر من خطر التوريث .. واكبر من خطر أي إحتلال اجنبي لمصر

لإنه خطر مزدوج كما قلت ..

1- جمع مليارات من الناس الغلابة اللي هايصدقوا الكذبة ( آه إفتكرت ... هو جمال مبارك وأبوه أو تابعهم محمود محي الدين في المؤتمر الإقتصادي اللي إتعمل إمبارح وشرح فيه جمال ومحي الدين الفكرة .. جابوا سيرة عن هايعملوا إيه بالفلوس دي ؟ ولا هايكون مصيرها زي مصير الـ 24 مليار جنيه اللي باعوا به زبدة الممتلكات العامة خلال الخمس او ست سنوات الماضية والفلوس راحت في الزبالة ؟ )

2- اوراق وهمية سيحملها الناس املاً في الثراء غداً

وإذا لم نقاوم تلك الفكرة الشيطانية الان ... يبقى كما قلت في عدة مواضيع قبل ذلك .. هانصبح في يوم الصبح هانلاقي هدومنا نازلة في المزاد .. ويالدفع يا الحبس ...

[achnaton]

بسم الله الرحمن الرحيم

الوزير ... والحلــــــــة ..!!!

بداية اود الاعتذار للفاضل عمرو اديب الذى حكى لنا يوما حكاية " جحا والحلة "

http://www.youtube.com/watch?v=VCXltxe3u4Q&NR=1

فسوف – مضطرا - ان استعين بفصاحة عمنا القديم صاحب الافكار .. جحا .. صاحب الحمار ..

فى بدايات التسعينيات من القرن الماضى فجر الاعلام القومى بكل فروعة حكاية شركات توظيف الاموال .. وحتى افكركم بها .. شركة السعد ودى اسسها شاب اسمه اشرف السعد - الوقت اسمه مستر أشرف بعد حصولة على الجنسية البريطانية.. هربا من حكومات مصر الذكية .. وده جمع من الشعب فى لا وقت كام مليار .. وخد بعضهم وطار .. خوفا من امنا الغولة ذات الرداء البمبى .. والتصريحات الوردية .. النهارده المستر اشرف بيتهم الحكومة الذكية انها اخذت اموالة وان اصول شركاته تغطى ما اخذه من اخوانه ابناء الشعب .. والغريبة انه مقتنع بما يقول وبيكررة ويعيده ياستمرار .. تمام كتكرار الاقتصادى المعجزة.. عضو الوزارة .. فى لحظات تسويقة لشركة توظيف الاموال الرسمية الجديدة .." أشرف السعد " ولكن على تقيل .. يفرمان رسمى ..

فاشرف السعد فى بداية الثمانيات من القرن الماضى خرج على من معه قرشين من اخوانه ابناء الشعب ..بفكرة استثمار ما معهم من اموال .. مقابل 20 الى 25 % فوائد وكان له طريقة غلب بها عم جحا بمراحل .. فجحا عندما سرق الشعب فى حكايتة عن الحلة اللى بتولد حله .. كان الموضوع ينصب فقط على حله .. اما مستر اشرف فكان بينشن على مدخرات ابناء وطنه حتى ولو كانت ملايين .. واسمحوا لى ان اشرح شويه بالتفصيل .. كان ايامها صبيان مستر اشرف يقنعوا المواطن انه سيحصل على ارباح لمدخراته تبلغ 25% .. دون آى تعب او بنوك .. تحط 100 تاخذها بعد سنة 125 .. تحط الف تاخذها 1125 .. بل وصل يه الامر به وصبيانه الى دفع الفائدة مقدما .. بمعنى لو دفعت الف جنية تاخذ يوم الايداع 250 جنيه ارباح السنة مقدما .. معطيا بذلك ثقة فى صدق ما يقول عن الارباح .. وفى غمرة الفرحة بهذا الربح الوافى السريع تسمع كمودع عرض مغرى اكثر .. يسأل الموظف السيد المودع .. ايه رأيك لو اضفت قيمة الارباح هذه الى المبلغ المودع واعطيك ايصال بانك اودعت 1125 فتحسب لك الارباح القادمة على هذا الاساس .. اشرف جمع الاموال من راغبى التوظيف واشترى اراضى وبنى مصاتع ومساكن .. والاسعار ايامها كانت راكبه صاروخ .. اللى اشتراه بالف اصبح سعره الفين .. فى وقت لا يتعدى سنتين .. وفى الميزانية بنذكر قيمة الاصول الثابتة ويضع المحاسبون سعر اليوم .. فتخرج الميزانية محققة ارباح خيالية ..

على الاقل مائة لكل مائة ليس من التجارة وليس من الانتاج ولكن من حصيلة ارتفاع الاسعار .. وعشان كده المستر اشرف بيؤكد ان ما تركه من اصول ثابته فى الشركة تغطى مدفوعات المدخرين بمراحل ..

وكانت هذه " حلة جحا " التى استعارها مستر اشرف ..

حكومتنا الالكترونية .. صاحبة فكرة بطاقة التموين الذكية .. يبدو انها حبت تقلد عم جحا بتاع زمان .. وعم اشرف بتاع القرن العشرين .. ويلموا من الشعب مدخراته .. والمتابع لتصريحات السادة المسئولين حول مشروع توظيف الاموال الجديد .. يتعجب .. من افتناع حكومة الكساد ان المؤمن ممكن ان يلدغ من الثعبان مرتين .. همه كام شركة من شركات القطاع العام وبتفسير اعم واشمل ملك الشعب وبلاش نقول ملك الدوله يطلع لنا وزير او خفير ويقول انا ممثل الدولة انا المالك !! هات فلوسك واشترى منى .. طب اشترى ملكى ازاى .. وادفع انا المواطن الغلبان ثمن الشركات دى مرتين ليه .. ؟؟ ومين فوض وزير او حتى الوزارة كلها انها تبيع املاك الشعب .. حيخرج علينا تصريح ودرى من اياهم ويقول ده قانون وافق على اصداره ممثلى الشعب فى مجلسى الشعب والشورى .. ووالله لو قالوا الكلام ده .. يبقى لنا رد مناسب .. الفكرة معروفة .. وحصلت فى مصر قديما وحديثا .. مسرحية هابطه ساقطه .. واسألوا اشرف السعد واحمد الريان والشريف .. وباقى الموجودين بالسجون من موظفى الاموال .. او راجعوا حكايات جحا وحماره .. قلنا كفاية او نقول تانى ؟؟؟

مع تحياتى

تم تعديل 11 نوفمبر 2008 بواسطة achnaton

[msayed]

فيه مشكلة مش عارف أحلها

لو واحد غنى ومقتدر اشترى الأسهم من الشعب الغلبان يبقى كده مصر بتاعته يعنى نبقى قاعدين فى ملكه؟

يعنى يقدر يقفل النيل من الناحيتين ويعمله حمام سباحة أو يهد الهرم ويبنى مكانه فيلا.

طب لو حب يطرد الشعب الغلس من بلده الشعب ها يعمل إيه؟ هايبات فى الشارع؟ ما هو الشارع برضه بقى ملكه.

نتكلم جد بقى؟

معروف أنه حتى تغرق أمة تدع الحكم لعامة الشعب لأن كل واحد منهم يراعى مصلحته المباشرة والقريبة بنظرة سطحية وضيق رؤية بغض النظر عن مصلحة المصلحة العامة حتى لو هلك كل من حوله.

تابعت ريبورتاج تليفزيونى لاستطلاع رأى الشباب فى الموضوع وفجعت بردود جيل المستقبل:

- بس يا رب يطلع الموضوع بحق وحقيق مش كل يوم الحكومة برأى.

- بس علاله الأسعار ما تغلاش بعد ما نشترى وياخذوا باليمين إللى ادهولنا بالشمال. (وكأنه خذ حاجة أصلاً)

- ياباشا الموضوع ده هاياخذ سنين ده يوم الحكومة بسنة إحنا عاوزين حاجة تخرجنا من الأزمة إللى احنا فيها دلوقت.

- والله القرار ده ممتاز بس ممكن الواحد يبيع الأسهم دى ولا يعمل بيها إيه. (الأخ ده بايع قبل ما ياخذ)

- والله لو الحكومة تعمل كده يبقى تشكر لانها كده مست الوتر الحساس وها تحل مشكلة الشباب (واحد مش فاهم أى حاجة وبيتفذلك)

للأسف أتوقع كما توقع الكثير أنه سيتم تقدير هذه الأسهم تقديراً غير واقعياً وتوزيعها وبعد ذلك ينزل سعرها للأرض بسبب البيع الغزير أو الديون ويقوم من هو جاهز بشراءها بسعر بخس لا يساوى عشر سعر الأرض المبنية عليه ثم يبدأ هذا الحوت فى جنى الأرباح بأن تتضاعف أسعار ماكانت تقدمه هذه الشركات من سلع أو خدمات وبعد أن تخرب مالطة وكعادة المصريين يكتشف العقلون أنهم إنهزموا وإنداسوا كنتيجة لبيع الأغلبية الغير واعية أو المتفذلكة وتكتشف هذه الأغلبية أنها أصبحت أقرب للشحاذة أكثر من الأول ويكتشف المستثمر الحوت أن رصيده من المشروعات والدولارات يتضاعف ويتضاعف.

[se_ Elsyed]

أبية جمال قال إن الأسهم هاتتوزع بالمجان ... برضوا مش هي دي المُعضلة .. لإنها سواء كانت بالمجان أو بالفين جنيه .. لكن السؤال ... طب وبعدين ؟

ج

مال مبارك ومحيي الدين.. في مؤتمرين صحفيين:

41 مليون مواطن يستفيدون من برنامج إدارة الأصول العامة

توزيع الأسهم مجاناً من مكاتب البريد والبنوك.. وضوابط لتطبيق العدالة

تجميد الخصخصة.. لحين الموافقة علي المشروع

كتبت- لبيبة شاهين وخالد السكران:

أعلن جمال مبارك الأمين العام المساعد للحزب الوطني وأمين لجنة السياسات الملامح الأساسية للبرنامج الجديد لإدارة الأصول العامة.

قال في مؤتمر صحفي مشترك مع الدكتور محمود محيي الدين وزير الاستثمار إن الفكرة الرئيسية في البرنامج تقوم علي نقل ملكية أسهم شركات قطاع الأعمال العام المملوكة للدولة إلي المواطن المصري بالمجان من خلال توزيع محفظة أسهم.. وبأيسر الطرق وأكثرها ضماناً للعدالة في التوزيع.. مع الحفاظ علي حقوق الأجيال القادمة.

أكد علي ترحيب ممثلي العمال بالنظام الجديد والذي يطرح في شكل مشروع قانون علي المجالس النيابية حيث يتم الحفاظ -من خلاله- علي حقوق الذين تظل تبعيتهم للدولة ولإدارة قطاع الأعمال العام.

أضاف أن للمواطن كامل الحرية في بيع الصكوك أو الاحتفاظ بها أو التبرع بها.

أكد د.محمود محيي الدين وزير الاستثمار أن هناك 41 مليون مواطن سوف يستفيدون من برنامج إدارة الأصول العامة.. وأن عملية توزيع الأسهم ستتم بالنسبة للموظفين وأصحاب المعاشات من خلال مكاتب البريد ومنافذ البنوك وشركات التأمين.

أوضح د.محيي الدين أنه سيتم تجميد برنامج الخصخصة لحين الموافقة علي مشروع إدارة الأصول العامة.

[أبو محمد]

فى أول إعلان عن المشروع قيل "إن كل مواطن مصرى فوق سن 21 عام ستوزع عليه حصة مجانا من شركات قطاع الأعمال التى لم يتم خصخصتها" ... بعض الجرائد كتبت أن هذه الحصة ستكون حوالى 2000 جنيه ... بالأمس فى برنامج القاهرة اليوم قال وزير الاستثمار محمود محى الدين إن الحصة لن تصل إلى 2000 بل ستكون بالمئات .. يعنى أقل من ألف جنيه

وتنقسم الشركات إلى مجموعات

المجموعة الأولى شركات سيتم توزيع 70% من أسهمها ...

المجموعة الثانية سيتم توزيع 49% من أسهمها ليبقى للدولة 51 %

وبعض الشركات سيتم توزيع 33 % من أسهمها

وسيكون نصيب الفرد عبارة حزمة من كل تلك الشركات بحيث يكون أحمد زى الحاج احمد بالضبط

وسيقتصر التوزيع على شركات فقط ... يعنى لا نيل ولا أهرامات .. ولا بلكونات ولا سلالم عمارات

وهذه الشركات هى من شركات قطاع الأعمال التى تم صرف 8 مليار جنيه (من حصسلة الخصخصة) لإعادة هيكلتها ... وتحولت بالفعل من شركات خاسرة إلى شركات تحقق ربحا .. وذكر أمثلة شركة الحديد والصلب وشركة النحاس

من لن يتقدم للحصول على صكوك بحصته فى خلال 365 يوما سيعتبر أنه قد قدمها تبرعا منه لحساب صندوق تم إنشاؤه تحت اسم "صندوق احتياطى الأجيال القادمة" ...

أردت فقط أن أنقل لكم ما سمعته فى البرنامج بدون أى تعليق

أنا مستمر فى القراءة عن الموضوع حتى أستوعبه تماما وبعدها سيمكننى إبداء رأيى فى هذا المشروع الذى أعتبره مشروعا لابد من فهمه جيدا ومناقشته مناقشة دقيقة ومستفيضة على كل المستويات .. فالأمر جاد .. وسيكون اختبارا لتناولنا للمواضيع الجادة .. فإما أن نثبت أننا على قدر المسؤولية .. أو نأخذه كالعادة مأخذ الهزل أو (على حد تعبير زميلى الفاضل شريف عبد الوهاب) تجرى شورعته

[أسد]

أنا مستمر فى القراءة عن الموضوع حتى أستوعبه تماما وبعدها سيمكننى إبداء رأيى فى هذا المشروع الذى أعتبره مشروعا لابد من فهمه جيدا ومناقشته مناقشة دقيقة ومستفيضة على كل المستويات .. فالأمر جاد .. وسيكون اختبارا لتناولنا للمواضيع الجادة .. فإما أن نثبت أننا على قدر المسؤولية .. أو نأخذه كالعادة مأخذ الهزل أو (على حد تعبير زميلى الفاضل شريف عبد الوهاب) تجرى شورعته

أبو محمد ..

كالعادة ..

الله يفتح عليك ..

بالفعل .. الموضوع في منتهى الجدية .. ولا نريد أن نقلل من أهمية الموضوع .. بتناولنا الفكاهي له ..

واصطلاح شورعته مناسب جداً ..

نستأذن الأخوة الكرام بأننا قد نحذف المداخلات التي قد تؤثر على جودة مناقشة الموضوع .. هذا حتى نستفيد تماماً من مناقشة هذا الموضوع الهام والمصيري ..

[ziad]

الكلام الى قاله الوزير إمبارح كلام تقيل جدا,هحاول أجيبو فيديو عشان كل الناس تفهم

[عصام أبوالفتح]

جمال مبارك: جميع المصريين بالداخل والخارج سيحصلون على أسهم مجانية فى شركات القطاع العام

كتب محمود محمد وريم ثروت ١١/ ١١/ ٢٠٠٨أكد جمال مبارك، الأمين المساعد للحزب الوطنى، أمين السياسات، أن جميع المواطنين المصريين ممن تعدى عمرهم ٢١ عامًا سواء المقيمون بالداخل أو الخارج، سيستفيدون من صك الأسهم المجانى ضمن مشروع المشاركة الشعبية فى إدارة أصول الدولة.

موضحًا أن المشروع يهدف إلى الكفاءة الاقتصادية للشركات والحفاظ على حقوق العمال، وتوزيع حزمة من الأسهم المجانية للمواطنين وخلق كيانات جديدة مثل صندوق الأجيال القادمة وجهاز إدارة الأصول المملوكة للدولة.

وأشار جمال خلال المؤتمر الصحفى الذى عقده، بمشاركة د. محمود محيى الدين، عقب اجتماع المجلس الأعلى للسياسات أمس، إلى أن هناك أفكارًا بحظر بيع الصك لمدة عام، لكن تم رفضها لأن هناك تجارب عديدة تؤكد أنه سيتم التحايل على هذا الأمر، نافيًا وجود أى سيطرة للمستثمرين بعد ذلك، حيث يتم وضع ضوابط للشراء من المواطنين، وأضاف أن هناك مشروع قانون سيتم إعداده لهذا الأمر سيتم الحوار حوله.

من ناحيته أكد د. محمود محيى الدين، وزير الاستثمار، أن الصك سيتاح لمدة سنة للمواطنين لصرفه، وإذا تقاعس أحد عن الصرف ستتم إحالة قيمته إلى صندوق الأجيال المقبلة، الذى ستستخدم عوائده فى الإنفاق على التعليم والصحة ورعاية الموهوبين، موضحًا أن الصك سيتاح للمواطنين عبر مكاتب البريد، وشركات التأمين والبنوك وفروعها، بالإضافة إلى المكاتب التابعة للدولة، لكنه لن يكون له بدل فاقد.

ونفى محيى الدين، أن تكون قيمة الصك ٢٠٠٠ جنيه للمواطن، قائلاً: لا يمكن تحديد قيمته إلا بعد عملية الطرح، ثم قال: «الصك يستاهل..وسيكون مبلغ محترم للأسرة».

وشدد وزير الاستثمار على أن هذا المشروع يتم الإعداد له منذ ثلاث سنوات بمشاركة ٣٢ خبيرًا حكوميًا، و١٢ من غير الحكوميين، وسيتم تنفيذه خلال عام، وشدد على أن أى جهة تريد شراء الصكوك من المواطنين عليها مراجعة الهيئات الرقابية أولاً إذا زادت نسبتها على ٥٪ ، وأوضح أنه سيتم تحديد رسم للتداول، عبارة عن نسبة من الفرق بين سعرى الشراء والبيع، سيدخل الموازنة العامة.

وأوضح محيى الدين أن المشروع عرض على بعض ممثلى العمال ولاقى قبولهم، وأن هناك ضوابط للحفاظ على حقوق العاملين.

المصدر المصرى اليوم 11-11 -2008