تصاريح الحج

[aymanabofard]

السلام عليكم ورحمة الله وبركاته

ياشباب أنا معاي أمي وحماتي تأشيرة زيارة والزيارة صالحة لغاية شهر 1-1430هــ

وبسأل بالله عن كيفية طلوعهم مكة لأداء فريضة الحج لآن الزيارة ليس لهم تصاريح حج

وأخاف أن يرجعو بالطريق

الرجاء الاهتمام بالموضوع

[عاشق الترحال]

بالنسبه للزياره ملهاش تصاريح لا لحج ولا عمرة واللى أعرفه انه كونك انت كمقيم علشان تروح تحج لازم تصريح وبتاخده مره واحده تقريبا كل خمس سنينن

لكن أنا السنه اللي فاتت رحت حجيت والحمد لله أنا ومجموعة من أصدقائي وربنا يسرهالنا من فضله وعدينا بالرغم من وجود تفتيش لكن على حد علمي السنه دي مشددين أكتر من السنه اللي فاتت وده لأن الأمير (( خالد )) عذرا مش متأكد من الاسم .

لكن فيه حملات مكثفه لشرطة الجوازات في كل مكان ودي بقابلها كتير حتى فى المولات والشوارع وده طبعا غير المداهمات فى مكه لبعض المنازل .

وتقدر تتأكد من ترحيل مصريين كتير كانوا متخلفين من العمره للحج هذا العام ببحث صغير على جوجل.

وبينى وبينك الحج من غير حمله يعنى من غير تصريح بيبقى بهدله وخصوصا لو على ستات أو كبار السن يعنى أحنا كنا شباب وبنستحمل ومع ذلك تعبنا بس كله يهون ده حج والحمد لله

فأما أنك تذهب تحاول تتفاوض مع شركه من شركات رحلات الحج وممكن ياخدوا فلوس منك ويعدوهم بس مش أكيد

أو تتوكل على الله وتطلع معاهم ولو حد معاه سياره من أصدقائك رخصتها من مكه تبقى تمام

أو ممكن لو تعرف حد فى الشرطه يعديك من التفتيش فى (( الشميسي ))

أو لو تعرف حد من أقاربك وتثق أنه أمان وتبعتهم عنده في مكه الوقتي ويقعدوا هناك إلى أن تذهب لهم أنت فى الحج وتتقابلوا هناك

وممكن فى الحالة دي أنت تروح تحجز بتصريح وتدخل رسمي وتتقابلوا بدون مشاكل .

بس اعمل حسابك فى مظله و سراير أو منامات علشان الحريم ودي اهم حاجه.

وربنا يكتبلك الخير وطالما أنك رايح لربنا هتبقى إن شاء الله موفق.

[Melhakim]

لكن أنا السنه اللي فاتت رحت حجيت والحمد لله أنا ومجموعة من أصدقائي وربنا يسرهالنا من فضله وعدينا بالرغم من وجود تفتيش لكن على حد علمي السنه دي مشددين أكتر من السنه اللي فاتت وده لأن الأمير (( خالد )) عذرا مش متأكد من الاسم .

لكن فيه حملات مكثفه لشرطة الجوازات في كل مكان ودي بقابلها كتير حتى فى المولات والشوارع وده طبعا غير المداهمات فى مكه لبعض المنازل .

وتقدر تتأكد من ترحيل مصريين كتير كانوا متخلفين من العمره للحج هذا العام ببحث صغير على جوجل.

.

نفسى فى حد يطمنا السنه دى فى الحج من غير تصريح انا من ساعة مجيت مش بسمع غير وعيد وتهديد واللى هيتمسك من غير تصريح هيحطوا السيخ المحمى فى سرسور ودنه

[Amr Radwan]

السلام عليكم ..

فعلا السنه دي الموضوع فيه تشديد جامد علي موضوع الحج بدون تصريح و خاصة انهم منعو التصريح للافراد و اصبح لازم تشترك في حملة عشان تاخد التصريح ..

بص من الاخر انت ممكن تتفق مع حملة انك تروح انت و مجموعة بس انك لازم تدخل والدتك بدون تصريح .. يعني هتدفع لهم فلوس الحملة عادي بس بدون تصريح رسمي و ان شاء الله الموضوع يعدي .. و لو انت مهتم بالموضوع ده راسلني علي الخاص

[عاشق الترحال]

خايف أقولك روح ويحصل مشكله ودول ستات مش رجاله ولا شباب يستحملوا فأنا قلت اللى انا عارفه ولو حسبتها لو وقفوا كل عربيه راحه الحج تتفتش يبقى محدش هيوصل الحج من ناحيتين

الأولى أن المخالفين كتيييييييييييييييييييير وأنا شفت ده بعنيا السنه اللى فاتت

التانيه لو عربيه عطلت عند التفتيش فى الشميسى هتوقف وراها طوابير لحد جدة من كتر الناس اللى راحه وصدقنى العدد هائل

متهيألى وصلك اللى فى دماغي

والقرار النهائي لك وربنا يكتب لنا ولكم الخير