السفر للسعودية نعمه من الله

[عمرعمرعمر]

انا اسف انا عارف ان فيه كتير هيزعلوا مني بسبب هذا الموضوع و ممكن البعض يتهموني بأنني خائن للوطن و ما عنديش انتماء مش مشكلة

السبب الرئيسي لفتح هذا الموضوع ان ظهر في الاونة الاخيرة بعض المواضيع التي تسيئ للسفر للسعودية مش عارف ليه

السعودية ما ضربتش حد علي ايده عشان يسافر صح

و بيتهيألي ان معظم اللي بيكرهوا السعودية اما ان يكونوا سافروا و حصلهم مشكلة هناك و في الحالة دي هم عندهم حق ما يسافروش تاني و يكتفي ان يذكر المشكله التي مر بها دون تجريح لكل الشعب السعودي

و اما ان يكونوا سافروا مثلا مش عارف كندا و لا امريكا و لا اطاليا و منهم خدوا الجنسية بقه و ما حدش ادهم و ربنا يسهلهم بس احنا غلابة و يا ريت يسيبونا في حالنا

و اما ان يكونوا ما سافروش خالص و قاعدين في مصر و دول ينقسموا الي مجموعات افتراضية مثلا

حالتهم المادية كويسة يعني وارثين او عندهم بابا و ماما و شقة و جوازة

عندهم واسطة و حصلوا علي وظائف مرموقة و رواتبها عالية و رستاوا حالهم

مش عارفين يسافروا اساسا

شقوا طريقهم بكل جهد و صبر و تحمل و رجوله و ربنا فتحها عليهم

عيال صغيرة

ناس فاضية

ذوي اغراض معينة

معلش يا جماعه انا مش قصدي حد معين ده كله من وحي خيالي

المهم كان فيه واحد صاحبي طبيب و عنده 3 اولاد و كان متبهدل في مصر و اللي جاي اقل من اللي رايح و كان بيركب اوتوبيس و لو ركب ميكروباص كان بيبقي نوع من الاسراف و ما عندوش شقه و كل يوم مشاكل مع الجيران و يروح الاقسام مع انه كان مكافح و بيشتغل ليل نهار و عنده اختين اصغر منه علي وش جواز و والده متوفي

الاهم انه سافر السعودية و بقي عنده شقه ما كنش يحلم بيها و جهز البنات احسن جهاز و عنده سيارة و عايش مترفه هو و عياله و كمان بيحوش فلوس و بيصرف علي و الدته الموجودة في مصر و معيشها احسن عيشة و جابها حجت و بيروح مكة كل شهر يعمل عمرة و ما فيش يوم اشتكي من السعوديين

المهم انا بحب السعودية و باشكر ربنا علي نعمة السفر للسعودية و ربنا يديمها للغلابة اللي زينا

و للاخوة اللي ما بيحبوهاش يخلوا رأيهم لنفسهم

تم تعديل 11 نوفمبر 2008 بواسطة عمرعمرعمر

[ozoozo]

انا معاك ياعمر وفي مثل مصري بيقول واحد شايل دقنه التاني زعلان ليه

[tarek nokia]

واللهي الي انا شايف انه مصر والسعودية اقوى الدول العربية وهما جزء لا يتجزء وبضعف اي واحدة منهم تضعف الأخرى ولوا نظرنا بنظرى عقلانيا لوجدنا ذلك والمشكلة انه في ناس قلائل بيكرهوا السعودية بس المشكلة الكبيرة الي بيحب السعودية ومابيعلق يعني لو دخل سعودي ووجد كل هذا الهجوم او لو ارسل هذا الرابط لأحد ماذا سوف يكون انطباعه عن المصريين انهم وحشين وبيكرهوا السعوديين وزي ماقلتوا ماحدش بيضرب حد على ايده اغلب السعوديين بيحبوا المصريين وكذلك اغلب المصريين بيحبوا السعوديين واطلب من الله ان يديم مصر والسعودية لأنهم سند لكل العرب والمسلمين وخاصة السنة

تم تعديل 11 نوفمبر 2008 بواسطة tarek nokia

[~Heba~]

انا معاك ياعمر وفي مثل مصري بيقول واحد شايل دقنه التاني زعلان ليه

مفيش بنت بتشيل دقنها

طبعا انا من فرقة الاخ الزميل لم يذكرها اعلاه

هى فرقة ابناء المهاجرين اللى اتربوا على خير السعودية رغم انى معتش فيها...الحمد لله على كده طبعا لان حياة السعودية متناسبش البنت :D

لكن والدى كان بيشتغل هناك فى فترة الثمانينات انما الحال دلوقتى مختلف محدش عارف ليه صراحة البلد هيا هيا و الناس هما نفسهم

الخلاصة يعنى زى ما يقول المثل الشعبى

كل واحد عقله فى رأسه يعرف خلاصه

و انا شخصيا لا يمكن ان اسئ لاى بلد عربى مسلم انما النظم و القوانين بتاعتهم اللى بتضر اخواتنا و مواطنينا بشكل مباشر لازم ننتقدها و نحافظ على كرامتنا شوية...

*********

تم تعديل 11 نوفمبر 2008 بواسطة se_ Elsyed

[عمرعمرعمر]

علي فكرة انا ذكرت هذه الفئة

و هي فئة بابا و ماما

و بعدين بيتهيألي لو والد حضرتك قرأ كلمة الاحساس نعمه مش هتعجبه لانه سافر السعودية و اخذ من خيرها علي حد قولك

و لا انت قصدك بالكلمة دي احنا اللي لسة قاعدين فيها

********************

تم تعديل 11 نوفمبر 2008 بواسطة عصام شوقى
تم حذف لفظ غير مناسب

[~Heba~]

قصدى الزمن اختلف و لازم نفكر بشكل مختلف

زمان لما والدى كان هناك كانوا محتاجين لنا بالفعل لانه فرص العمل كانت كتير و العمالة المتاحة لا تغطى المطلوب

كانت المرتبات عاليه و كان اللى بيسافر بياخد حقه تالت و متلت دا غير المعاملة الحسنة

اما دلوقتى خلى الكفيل يأشر كده و يقول عايز عمالة اجنبيه يكون هو طالب عشرة المكتب يبعتله 100 و هما مش عارفين كده و طبعا المتاح قدامه كتير فبينقى و يختار و يفرض شروطه و دا كله طبعا الشاب اللى سافر معندوش فكره عنه و فى الاخر بيلاقى نفسه بيشتغل بشروط غير اللى سافر على اساسها

يا اخى انت بتشارك هنا فى باب الهجرة مش بتقرأ مش بتعتبر

عموما انا حقولها تانى

المثل البلدى: كل واحد عقله فى رأسه يعرف خلاصه

انا طالبه بس من ابن بلدى انه يفكر كويس العمر مش بعزقة

[se_ Elsyed]

لو حد منكم عاش فترة الثلاثينات والأربعينات ..

كان هايشوف أسامي مسرحيات ليها العجب ..

فكان في هذا الوقت أشهر فرقتين هما فرقتي علي الكسار ونجيب الريحاني ..

فكان نجيب الريحاني يعمل مسرحية ويسميها " الكبير كبير " مثلاً ...

يقوم علي الكسار تاني يوم منزل مسرحية ويسميها " ما راحت عليك "

وانا شايف إن التاريخ بيعيد نفسه وبقى في مواضيع من تلك العينة ..

موضوع إمبارح يقول " ما تسافروش السعودية "

يقوم موضوع تاني يوم داخل عليه ومسميينه " السعودية نعمه واللي يكرهها يعمى "

ياريت نستني لحد بكره الأبعاء ونديها موضوع تالت نقول عليه مثلاً " سافر السعودية وما تسافرش السعودية . يعني اوصل شرم الشيخ وخليك في النص بين البنيين "

صباحكو زي الفل

[عمرعمرعمر]

انا معاك ياعمر وفي مثل مصري بيقول واحد شايل دقنه التاني زعلان ليه

مفيش بنت بتشيل دقنها

طبعا انا من فرقة الاخ الزميل لم يذكرها اعلاه

هى فرقة ابناء المهاجرين اللى اتربوا على خير السعودية رغم انى معتش فيها...الحمد لله على كده طبعا لان حياة السعودية متناسبش البنت :D [/font]لكن والدى كان بيشتغل هناك فى فترة الثمانينات انما الحال دلوقتى مختلف محدش عارف ليه صراحة البلد هيا هيا و الناس هما نفسهم

الخلاصة يعنى زى ما يقول المثل الشعبى

كل واحد عقله فى رأسه يعرف خلاصه

و انا شخصيا لا يمكن ان اسئ لاى بلد عربى مسلم انما النظم و القوانين بتاعتهم اللى بتضر اخواتنا و مواطنينا بشكل مباشر لازم ننتقدها و نحافظ على كرامتنا شوية...

*********

........................

تم حذف جملة غير لائقة .

نرجو مراعاة لغة المخاطبة .

عن الادارة

سلوى .

تم تعديل 11 نوفمبر 2008 بواسطة Salwa

[elshafey]

لو حد منكم عاش فترة الثلاثينات والأربعينات ..

كان هايشوف أسامي مسرحيات ليها العجب ..

فكان في هذا الوقت أشهر فرقتين هما فرقتي علي الكسار ونجيب الريحاني ..

فكان نجيب الريحاني يعمل مسرحية ويسميها " الكبير كبير " مثلاً ...

يقوم علي الكسار تاني يوم منزل مسرحية ويسميها " ما راحت عليك "

وانا شايف إن التاريخ بيعيد نفسه وبقى في مواضيع من تلك العينة ..

موضوع إمبارح يقول " ما تسافروش السعودية "

يقوم موضوع تاني يوم داخل عليه ومسميينه " السعودية نعمه واللي يكرهها يعمى "

ياريت نستني لحد بكره الأبعاء ونديها موضوع تالت نقول عليه مثلاً " سافر السعودية وما تسافرش السعودية . يعني اوصل شرم الشيخ وخليك في النص بين البنيين "

صباحكو زي الفل

ارجع ورا شوية يا سي السيد ودور في التاريخ

أأأأأأأأأأأأأأأأأأأأأأيوة هنا

في عصر الجاهلية

معلقات الهجاء

بس بدل مابتتعلق علي الحيطة

بتتعلق في المنتدي

أسافر .... ماسافرش .... أسافر .... ماسافرش ....أسافر .... ماسافرش ....أسافر .... ماسافرش ....أسافر .... ماسافرش ....أسافر .... ماسافرش ....أسافر .... ماسافرش ....أسافر .... ماسافرش ....أسافر .... ماسافرش ....أسافر .... ماسافرش ....أسافر .... ماسافرش ....أسافر .... ماسافرش ....أسافر .... ماسافرش ....أسافر .... ماسافرش ....أسافر .... ماسافرش ....أسافر .... ماسافرش ....أسافر .... ماسافرش ....

كفاية يا جماعة علي رأي المثل اللي بيشيل قربة مقطوعة بتخر علي دماغه مش علي دماغ الجنبه

تحياتي

[a m ghazi]

السلام عليكم ورحمة الله وبركاته

إيه رأيكم بدل ما نقعد ندور السفر للسعودية كويس ولا وحش طيب ما نشوف ايه اللي فجر المشكله دي من الاساس ونحاول نحلها

طبعا الكلام عن ان الشعب السعودي فيه الحلو والوحش والشعب المصري فيه الحلو والوحش دا كلام قديم وزهفنا واحنا عمالين نكرره

اصل الحكايه الدكاتره المصريين اللي اتجلدو

طيب انا عندي حل كويس واحب اني اطرحه للمناقشه

انا شايف ان فيه اخوه سعوديين معانا في المنتدي ومن كل المستويات واحنا كمصريين بردو من كل المستويات

كفايه بقي سياسه المفعول به ورد الفعل

رايي ان احنا نوكن جبهه شعيبه او حقوقيه أي كان المسمى ونطالب بمعرفه تفاصيل القضيه واسبابها وبكده نقدر نقول اه والله هما يستاهلو او لا اللي حصل ده ظلم ومينفعش السكوت عليه ونبدأ نشوف ايه الطرق المناسبه والصحيحة لإثبات حق الناس دي

احنا ممكن نكون قوة مؤثره سواء في المجتمع اللي احنا عايشيين فيه او اللي احنا جايين منه

دي مش دعوة للبلطجه ولكنها دعوة لاعمال العقل

أنا هنا في السعودية من فتره نسبيا بسيطة تقريبا سنه ونص والحمد لله ربنا كرمني مع الناس اللي أنا شغال معاهم

ودا مش تعميم

أنا شغلي مع عملاء سعوديين فقط لا غير (مكتب عقار واسهم ماليه وعقاريه )

هل فيه مشاكل ؟ اه فيه مشاكل بس مشاكل العمل الطبيعية

إحنا مش عايشين في الجنة

أرجو من الإخوة الأفاضل مناقشه الفكرة و الإضافة عليها لعلها تكون الحل بإذن الله

[~Heba~]

عمر عمر عمر طبعا انا آسفة على الكلام اللى استفزك و آدى سى السيد خلصك من ايدى و حذف الكلام اللى استفزك و آسفة مش حستفزك تانى و لا حتى اشاركك فى رزقك

بس ياريت انت بالمثل تكون على قدر مستوى الحوار

انا فقط كنت اوجه رسالة لشباب بلدى و لا يهمنى سوى مصلحتهم

و للعلم فقط انا سبق و قلت كلمة حق فى صالح السعودية و اهلها كتير هنا على منبر المحاورات و سبق كمان و ابلغت عن مداخلة لمصرى تراشق بألفاظ غير لائقة مع زميل لنا سعودى و لم يهمنى ان ده بلدياتى و ده من جنسية تانية المهم كانت كلمة الحق

لكن للاسف كلمة الحق المرة دى لم تعجبكم

[president]

انا من المغتربين الذين يعملون فى الرياض . والحمد لله لم اواجه اى مشكله بل بالعكس اعرف مواطنين سعوديين قمه فى الدب والأخلاق . بس مداخلتى دى مش عشان اقول الكلام ده .

انا بس ملاحظ من متابعتى لصاحب الموضوع ومداخلاته فى اكتر من موضوع ان موضوع الماديات مأثر فيه جدا جدا ودا مش عيب بس بشرط دون تنازلات عن الكرامه .

عن تجارب رأيتها بعينى . نظرة الكفيل أو المواطن تختلف لك اذا كنت تنظر له داخليا كأنه سيدك والمتحكم فى رزقك فسيعاملك هو بهذا المبدأ. اما اذا تعاملت معه بمبدأ انه يدفع لك مقابل

الأستفاده من امكانياتك العمليه والعلميه برده سينعكس هذا على تصرفات الكفيل معك وسيحرص على الأحترام المتبادل بينكما .

المشكله مش فى السعوديه ولا فى مصر . المشكله فى العالم كله كيف ينظر صاحب العمل الى موظفيه . غالبا فى شركات الأفراد ( المدير بيقبى صاحب الشركه ) ينظر صاحب العمل الى

لاالموظف على انه بيشتغل عنده مش بيشتغل فى شركه تخصصها كذا واللى هو صاحبها عشان كده دايما حاطط فى دماغه انه المتحكم فى الرزق وللأسف النموذج دا هو المنتشر فى العالم العربى.

وكل مابيقل المستوى الثقافى والتعليمى فى بلد كل مايزيد هذا النموذج . ومعظم مشاكل اللى بيقابلها المصريين بتكون من النوع ده . اما فى الشركات الكبرى المكونه من مجالس ادارات

ويكون المدير العام فيها موظف مثل باقى الموظفين فيتم التعامل بين المدير والموظف على انهم يعملون فى اطار شركه واحده ولا وجود لمبدأ حد بيشتغل عند حد . بل بالعكس يتم النظر الى

الموظف بعين من التقدير . وللأسف هذا النموذج هو القليل .

خلاصة القول فى اى نموذج كنت تعمل . مهما كان الراتب الذى تاخذه . ضع كبريائك وكرامتك قبل اى شئ حتى لايعتقد صاحب العمل انك تتسول منه . ولا تضع المال هو الهدف الأسمى فى

الحياه . فالمال وسيله للسعاده مش غاية الحياه .

تم تعديل 11 نوفمبر 2008 بواسطة president

[عمرعمرعمر]

الاخت هبة انا لم اقصد ان اقول كلمه غلط في حقك و مافيش داعي انك تتاسفي ليا و شكرا علي ردك الاخير الجميل

و الاخ بريزدنت شكرا لك علي متابعة مداخلاتي و اشكرك علي رأيك و خبرتك اللي حكتهالنا

[redwany]

تحيه الى عمر عمر لانه رد بذكاء على الباشمهندسه هبه

ارى ان الباشمهندسه هبه لو كتبت الموضوع فعلا لنصيحة الشباب فكان لديها نصائح كثيره تعطيها للشباب غير هذه النصيحه ولكنى اراها تفعل كما تفعل مايسمونها الصحافه الصفراء تتطرق الى المواضيع التى تحدث فرقعة اعلاميه واعتقد انها الان سعيدة كلما زادت الردود لموضوعها بين مؤيد ومعارض.

ارجوكى سيبى الناس تاكل عيش وانصحى اقاربك (عليكم انفسكم)

[عمرعمرعمر]

معلش يا جماعة لو كنت خرجت عن شعوري

بس و الله الموضوع حساس و الغرض من الموضوع اني اشيل الفكرة السوداوية اللي لاحظتها عن السفر للسعودية و الغرض التاني اني اشكر البلد اللي ليها فضل عليا ما اقدرش انكره

يعني نسيب الموضوع مشرق و كل واحد ياخد فرصته في السفر بعد المشورة من اهل الخبرة

[magedghonim]

انا بسأل هنا رضواني

ليه بيدي نفسه الحق للهجوم على الاشخاص بمجرد الخلاف في وجهة نظر

يعني ازاي تشبه نصيحة المهندسة هبة بالصحافة الصفراء....

(واضح كمان انك متعرفش معناها)...

كل واحد له مطلق الحق انه يبدي رأيه واختلافي معاه مش معناه اتهمه او اشكك فيه؟؟؟

تعبنا بقى من الاساليب دية

ياخي الفاضل اقنعني بوجهة نظرك زي ما انت عايز بدون لمز وغمز او تجريح

وشكرا.

[alaashabana]

يا جماعه ارحمونا شوية ....

نقول كندا جميلة يطلع واحد يقول لا لكندا...

نقول الامارات كويسة يطلع واحد يقول القوانين والبلد مفيهاش شغل

نقول السعودية كويسة يطلع واحد يقول متسافروش السعودية

نقول نعقد فى مصر اطلع انا اقول ان مصر بقيت الحياة فيها صعبة

طيب نرووووووووووووووووووووح فين بس

يا جماعه بلاش تعقيد ابوس ايديكم

وبلاش تشائم

وزى ما الاخ ايهاب سالم ودكتور تهامى والشامى وغيرة قالو ممكن نفس البلد واحد يقول عليها زبالة وواحد تانى يقول عليها جنة

وفرووووووووووااااا نصايحكم لنفسكم

هو الناس لاقية تسافر لما كل واحد يططلع يقول دى حلوة ودى وحشة

سيبونا نجرب من غير ما نكون خايفين قبل ما نجرب

والارزاق بأيد ربنا

كفااااااااااااااااااااااااااية خلااااااااااااااااااااااااااااااااص

[jamalpody]

والله يا شباب الموضوع مش مستاهل كل هذا الاختلاف وكل هذا الانشقاق

اذا كنت تعيش في مصر او في السعوديه او في كندا او في استراليا او المانيا او حتي في اسرائيل

فانت لم تخرج خارج الكره الارضيه التي هيأها الله لحياة الانسان وتأمل معي قول الله عز وجل

هو الذي جعل لكم الارض ذلولا فأمشوا في مناكبها وكلوا من رزقه واليه النشور

فأنت اينما كنت فأنت علي الكره الارضيه والانسان هو الذي وضع تقسيمات الدول والحدود

وكما يقولون للانسان بلد يولد فيه وبلد اخر يرزق فيه ............وبلد يموت فيه

فنسأل الله حسن الخاتمه

[شاب مصري]

على ذكر اسرائيل

على فكرة في مصريين كتير جدا عايشين في اسرائيل

وكلهم شباب زينا وقاعدين هناك وشغالين وعايشين .

[ahmedkamal]

ياجماعه انا ضد التعميم وكل بلد فيها وفيها انا مصري اهو واتربيت فالكويت وشغال ف السعوديه ووجهة نظري ان كل بلد فيها الحلو والوحش

نظام الكفيل مش نظام جميل لكن معروف انه موجود ومن السهل جدا اننا ف منتدانا نعرف جزء كبير من المشاكل ولعلمكم جزء كبير من صحاب العمل المتفتحين مش مقتنعين بيه لكن فيه ناس لها مصلحه فيه

هنا بنبقى مصريين زي بعض وبنظلم بعض وبنضيع حق بعض ، فيه اخطاء ف كل مكان خلونا عمليين شويه وعقلانيين مشكله الطبيبين اللي يحلها مش انا ولا انتم اللي يحلها الخارجيه وعندها وسائلها ولو الدكتور ده كان مضايق من السعوديه وبيتاذي فيها امال عاش فيها طوال الفتره الطويله السابقه ازاي ، فيه تجاوزات ف كل بلد ومن كل شعب المهم اننا لانعمم فيه مصري كويس وفيه مصري بيضيع المصري اللي زيه بره واحنا عارفين ده كويس ياريت نبقى ايد واحده مش يبقى هدفنا نقول الشعب الفلاني حلو ولا وحش سافرنا برا بلدنا وكل واحد حر وله وجهة نظره يبقى ندي صورة كويسه لبلدنا عشان الكل يحترمنا صدقوني العيب فينا احنا مش ف حد لان سؤال بسيط ما نفس القوانين ده اللي مش عاجبانا وبنعترض عليها بتتطبق ع اللبناني ياترى اللبناني وضعه زي المصري ف الخليج

بقول اللبناني مش الامريكي ولا الاوروبيين ياريت نحسن صورتنا بره عشان الكل يحترمنا