يا ترى بتستفيد من الدعم ولا لأ ؟ طب ليه ؟

[se_ Elsyed]

السؤال ده محيرني ولو إني أجبت عليه بس عايز أناقشه معاكم ..

لو إنت مقتدر وعايش عيشه مرتاحه في مصر .. يا ترى بتجري ورا الدعم والسلع المُدعمة بتاعت الغير قادرين ؟

بمعنى : في إجازتي الأخير شعرت بتحركات غير عادية في الشارع المصري والصحافة والإعلام المصري . وإيشي بطاقة تموين ذكية وإيشي ناس بتتخانق عشان تحدث البطاقة بتاعتها ..

وعرفت إن الدولة كان بقى لها سنين كتيرة جداً لا تصدر بطاقات تموين جديدة ولا تسمح بإضافة الأولاد .

وفجأة العام الماضي فتحت العملية وبقت هيصة وكل واحد أضاف اولاده وناس كتيرة أستخرجت بطاقات جديدة وبقوا يروحوا كل أول شهر عند بتاع التموين الخاص بكل منطقة يصرفوا رز وشاي وزيت ومش عارف إيه تاني ..

الغريبة بقى واللي فعلاً الناس تُلام عليه وليس الحكومة ..

إن اللي له واللي مالوهش شغال في الموضوع ده

يعني تلاقي واحد تاجر كبير ومليونير ومع ذلك بيقاتل عشان بطاقة التموين وعشان يصرف كام كيلو رز وزيت مدعم كل أول شهر ..

وخدوا دي بقى : ناس مغتربين بيقضوا سنة برا مصر ويرجعوا شهر الاجازة .. رايحين مطلعين بطاقة تموين ... طب هايصرف كل أول شهر إزاي يا فالح ؟

أقول لسيادتك ...

بيروح مظبط التموينجي ويخليه يستف له الحاجه بتاعت أول كل شهر وينزل اجازته - بدون مبالغة - يجيب عربية نقل ويحمل فيها تموين السنة كلها وعيش يا معلم .. يبيعه بقى .. يسلفه .. يفرقوا عالناس كل واحد حر في الهبره الجامدة دي

وتلاقي بقى شياطين الأنس والجن من حواليك : قوم يا س س إتحرك وطلع لك بطاقة ...

طب بلاش تتعب وتقف في طوابير .. هات صورة بطاقتك وصورة قسيمة الجواز وصورة شهادات ميلاد العيال وأقعد إرتاح وإنت تبقى راجل تمويناتي ومتفوتر قد الدنيا ...

وطبعاً بدون تردد رفضت لإن ده إستغلال وتعدي على حقوق الغير ...

وبما إن العملية لا ضابط ولا رابط لها .. فبتبقى النتيجة إن الدولة بتتوحل في مزيد من الديون نتيجة توجيهها لمبالغ كبيرة للدعم

وفي نقطة لسه واخد بالي منها قريب ...

تخيلوا إن ساندوتش الفول والطعمية دلوقت بقى بجنية ....

عادي وكل حاجه غليت . مع إني فاقس الفولة وعارف إن الساندوتش على بعضه لما يضربه الدم لا يتكلف 15 قرش فقط لا غير وممكن أفنطها لكم لإن دي لعبتي ولعبة اجدادي اللي عندهم مطاعم منتشرة في القاهرة هنا وهناك حتى الان ..

طب تخيلوا إن مع مكسب الساندوتش اللي بيبقى 8 أو 9 أضعاف تكلفته .. تلاقي المطعم من دول مظبط فرن وبيشتري منه العيش المدعم أبو 5 قروش واللي موارد البلد معظمها بيروح على تدعيم الدقيق ؟

طب حرام ولا حلال ده ؟

وفين الدولة من هذا كله ؟

وخد عندك بقى أمثلة كثيرة من هذا ..

ولنا عودة للحديث مرة أخرى

[عصام]

لو إنت مقتدر وعايش عيشه مرتاحه في مصر .. يا ترى بتجري ورا الدعم والسلع المُدعمة بتاعت الغير قادرين ؟

لأ

.. فبتبقى النتيجة إن الدولة بتتوحل في مزيد من الديون

لكن بالتأكيد مش دا السبب اللى بيمنعنى

[elshafey]

السؤال ده محيرني ولو إني أجبت عليه بس عايز أناقشه معاكم ..

لو إنت مقتدر وعايش عيشه مرتاحه في مصر .. يا ترى بتجري ورا الدعم والسلع المُدعمة بتاعت الغير قادرين ؟

بمعنى : في إجازتي الأخير شعرت بتحركات غير عادية في الشارع المصري والصحافة والإعلام المصري . وإيشي بطاقة تموين ذكية وإيشي ناس بتتخانق عشان تحدث البطاقة بتاعتها ..

وعرفت إن الدولة كان بقى لها سنين كتيرة جداً لا تصدر بطاقات تموين جديدة ولا تسمح بإضافة الأولاد .

وفجأة العام الماضي فتحت العملية وبقت هيصة وكل واحد أضاف اولاده وناس كتيرة أستخرجت بطاقات جديدة وبقوا يروحوا كل أول شهر عند بتاع التموين الخاص بكل منطقة يصرفوا رز وشاي وزيت ومش عارف إيه تاني ..

لو تابعت برنامج القاهرة اليوم هتعرف ان في ناس ماتت في طوابير بطاقة التموين

الغريبة بقى واللي فعلاً الناس تُلام عليه وليس الحكومة ..

الحكومة يجب ان تلام لأنها مانظمتش الموضوع المفروض التموين ده يتصرف للناس اللي دخلها اقل من 500 جنيه عشان الدعم يوصل لمستحقيه زي ما الريس بيقول (وسهل طبعا يوصلوا للبيانات دي علي الاقل من موظفين الحكومة الغلابة

إن اللي له واللي مالوهش شغال في الموضوع ده

يعني تلاقي واحد تاجر كبير ومليونير ومع ذلك بيقاتل عشان بطاقة التموين وعشان يصرف كام كيلو رز وزيت مدعم كل أول شهر ..

لا مؤاخذة دي ناس (............) كمل انت بقي

وخدوا دي بقى : ناس مغتربين بيقضوا سنة برا مصر ويرجعوا شهر الاجازة .. رايحين مطلعين بطاقة تموين ... طب هايصرف كل أول شهر إزاي يا فالح ؟

ودول برده ناس (.............) كمل انت برده

أقول لسيادتك ...

بيروح مظبط التموينجي ويخليه يستف له الحاجه بتاعت أول كل شهر وينزل اجازته - بدون مبالغة - يجيب عربية نقل ويحمل فيها تموين السنة كلها وعيش يا معلم .. يبيعه بقى .. يسلفه .. يفرقوا عالناس كل واحد حر في الهبره الجامدة دي

وتلاقي بقى شياطين الأنس والجن من حواليك : قوم يا س س إتحرك وطلع لك بطاقة ...

طب بلاش تتعب وتقف في طوابير .. هات صورة بطاقتك وصورة قسيمة الجواز وصورة شهادات ميلاد العيال وأقعد إرتاح وإنت تبقى راجل تمويناتي ومتفوتر قد الدنيا ...

وطبعاً بدون تردد رفضت لإن ده إستغلال وتعدي على حقوق الغير ...

وبما إن العملية لا ضابط ولا رابط لها .. فبتبقى النتيجة إن الدولة بتتوحل في مزيد من الديون نتيجة توجيهها لمبالغ كبيرة للدعم

وفي نقطة لسه واخد بالي منها قريب ...

تخيلوا إن ساندوتش الفول والطعمية دلوقت بقى بجنية ....

فيه ناس لسه بتيعه بنص جنيه بس يتلافيه بيمسح مناخيره بالايد اللي بتعمل الساندوتش

عادي وكل حاجه غليت . مع إني فاقس الفولة وعارف إن الساندوتش على بعضه لما يضربه الدم لا يتكلف 15 قرش فقط لا غير وممكن أفنطها لكم لإن دي لعبتي ولعبة اجدادي اللي عندهم مطاعم منتشرة في القاهرة هنا وهناك حتى الان ..

طب تخيلوا إن مع مكسب الساندوتش اللي بيبقى 8 أو 9 أضعاف تكلفته .. تلاقي المطعم من دول مظبط فرن وبيشتري منه العيش المدعم أبو 5 قروش واللي موارد البلد معظمها بيروح على تدعيم الدقيق ؟

طب حرام ولا حلال ده ؟

حراااااااااااااااااااااااااااااااااام طبعا

وفين الدولة من هذا كله ؟

بتمثل فيلم النوم في العسل مع عادل امام

وخد عندك بقى أمثلة كثيرة من هذا ..

ولنا عودة للحديث مرة أخرى

[Folana]

السلام عليكم ورحمة الله....

أعتقد ان فيه شروط لاستخراج بطاقة التموين...يعنى أصحاب الاعمال الحرة أعتقد مش من حقهم يستخرجوا بطاقة تموين...الا اذا كانت المهنة المكتوبة فى البطاقة الشخصية تندرج تحت المسموح به....

ثم ان بهدلة الطوابير واختلاف جودة السلع التموينية عن مثيلتها التى تباع بسعر حر...بتكون سبب رئيسى لترك الدعم لمستحقيه ..

مع الاخذ فى الاعتبار ان هناك نوعين من الدعم على البطاقة التموينية .دعم جزئى ودعم كلى..الدعم الجزئى وده المنتفع به بيدفع مبلغ مقابل حصته التموينية الشهرية أكتر من المستفاد من الدعم الكلى ...يعنى برضه الغير قادرين معمول حسابهم

( والعهدة على الراوى )

وطبعا أساليب الالتفاف حول القوانين كتير...يعنى مثلا بيسمح باضافة الاحفاد على بطاقة الجد....بدون حد أقصى...هناك بعض الاسر التى لم تتمكن من استخراج بطاقة تموينية فقامت باضافة الابناء الى بطاقة الجد......وهناك أسر بتحتفظ باسماء ابنائها بعد زواجهم فى البطاقة وتستفاد من حصصهم..

وهناك أسر فعلا محتاجة يكون عندها بطاقة ومش قادرة تستخرجها لاسباب روتينية وخلافه..

القضية محتاجة فعلا اعادة نظر من الاسر القادرة لتتنازل عن الدعم لغير القادرين......ودى حاجة مش حتقدر عليها الدولة لوحدها....

تحياتى ..

wst::

[moheltohamy]

السادة الأفاضل ... محبي مصر ، والقلقانين عليها :blink:

أحب ابشركو... مصر تمام ، وحكومتنا صاحية للعب ده ، وميت فل واربعتاشر!

لما جيت أغيّر نوع أجازتي من العمل داخل البلاد للعمل بالخارج... ألاقي الموظف بتاع شئون الأجازات بيقوللي إنتا خلّصت موقفك مع التموين؟

قلتله "تموين إيه حضرتك؟"

قاللي "بطاقة التموين... ماهو انتا ما تمشيش برّه البلد ، وتسيب إسمك على بطاقة التموين وتستفيد بالدعم!" wst::

أنا من كُتر ازبهلالي بقيت مش عارف أزغرط ، ولاّ أقوم أتحزّم وارقص ، ولاّ ألطم!

تموين إيه يا سيدي الله يكرمك؟ خليني أخلّص الأوراق ما عندناش وأت...

آسف... لازم تجيبلي ورقة من التموين إنك لغيت إسمك من بطاقة تموين أسرتك!

يا سلاااااااااام... الحكومة أثبتتلي إنها حكومة صايعة بحر مووووت! وإن محدّش هيعرف يصيع عليها!

وصاحية لحركات النص كم بتاعتنا ، واللي بيحضّر عفريت ، بيعرف يصرفه!

مش قلتلكو البلد دي ما يتخافش عليها؟! wst::

[se_ Elsyed]

كل ده خلي بالكم في القاهر او الحضر بشكل عام

طب إيه رأيكم في قاطني الارياف اللي بيتعاقدوا مع الافران وياخدوا منهم العيش المدعم بالطن ويعلموه علف للمواشي بتاعتهم لإنه ارخص بكتيييييييييييير من اي نوع علف

بالله عليكم .. مش ده قمة الاجرام وقمة التسيب الحكومي

[se_ Elsyed]

لو إنت مقتدر وعايش عيشه مرتاحه في مصر .. يا ترى بتجري ورا الدعم والسلع المُدعمة بتاعت الغير قادرين ؟

لأ

.. فبتبقى النتيجة إن الدولة بتتوحل في مزيد من الديون

لكن بالتأكيد مش دا السبب اللى بيمنعنى

إذاً ما هي الموانع الاخرى يا سيد عصام ؟ wst::

[ابو محمود]

بطاقات التموين بتاعة الغلابة والكلام دةكان من زمان الأن بعد استخراج الرقم القومى المسألة بقت ممسوكة

المشكلة فى اغنياء هذة البلد واللة انا شايف ان مصيبة مصر فى اغنيائها تقولى لية اقولك الواحد من دول قبل ما ربنا يفتحها علية ويكنز لة كام هبرة كبيرة اللهم لاحسد برضو واخد على النتانة (أكل الناس الغلابة ) مابيرحمهمش ويشاركهم فية كثير من اهل مصر كانو يادوب زى الحاج متولى قبل التعديل (الغنى ) بيقدوها قرديحى وكشرى وفول وفلافل واللحمة يادوب كل اسبوع زفر ودة حال المصريين من ييجى 30 سنة اومن الستينيات وما بعدها بقليل وتغير الحال للناس دى وربنا كرمها بس ما قدروش ينسو اصلهم (فقرهم ) ودى من الأمراض النفسية زى التهرب من دفع حصة الكهرباء لنور السلم اما ما يستخدمة فحلال لانة داخل املاكة وكأن السلم والشارع خلقو للحكومة المهم المرض بيذيد كلما كثرت الأموال الا من رحم ربى وتخلص من هذا المرض والغريب ياسادة حدث لى اول امس شيء عجيب وتسبب لى فى انى لم اكمل طعامى الا بعد ما عندت مع اصحاب المطعم على ان يأتو الى بعيش (خبز ) من الأبيض لانى ولامؤخذة مقدرش اكل غيرة علشان انا (بدفع )

يوجد مطعم مشهور جدآ فى الحسين (شارع الأزهر )بتاع حمام أسمة فرحات ودة مزاجعندى من صغرى حيث انى من ابناء المنطقة يعنى من ايام عمنا فرحات لما كان عندة جوز الحمام ب2ج مصرى من سنى 46 سنة

صحيح كنا غلابة ومن ذوات الطبقة المتوسطة غير الأن ربنا كرمنا والحمد للة المهم طلبت الأكل وماكنش حمام

ولقيت البهوات جايبين عيش من بتاع الحكومة ابو شلن وبصراحةان الناس دى كانت قبل كدة بتقدم عيش طباقى وكنت اطلب منهم قبل ان يقدمو الطعام ان يضعولى رغيفين على الفحم لحد ما يقرقشو وبيبقى طعمهم جميل وفوجئت بالعيش بتاع الحكومة بيقدموة للناس والناس مش بتتكلم رغم ان الحمامة ب25ج وكيلوالكباب 110ج والنيفة كذلك ولما أحتجيت لقيت ناس بتبص عليا وعنيها مستغربة وكأنى بطلب حق مش بتاعى اليس الناس هم من يتحملون السبب بيدفعو فلوس وما بيخدوش حقهم مما يساعدتلك الفئة من المستغلين ان يربحومنهم والغريب ان مطاعم القاهرة تقدم الخدمات بمقابل 10% يعنى كل شيء امامك هتحاسب علية

المشكلة فى جشع الغنى لانة محدش من الناس بيقولة حاجة فأصبح من حقة ومع تفشى الفساداصبح من واجبة ان يمتص دماء الفقير وهذا ليس ذنب الحاكم ولكنة ذنب الخرس اصحاب الألسنة الخرساء

فلو قمنا جميعآ بمحاربة هذة الظواهر ستقل وتندثر وتختفى وأمام العمارة عندى كشك عيش حكومى والاقى عربات لاتقل عن 100الى 150 الف جنية ينزل صاحبها ومراتة احيانآ ويقفو يشترو العيش ابو شلن

اليس هذا غباء منهم لما يشوف واحد غلبان العربية ويحسدهم ويقر عليهم ويارب كل واحد بياخد حاجة مش من حقة ربنا يزيلها من يدة ما دام بيستغل حاجة الناس المشكلة تنبع من الناس وثقافتها وحبها لأستكثار ابو بلاش وربنا يهدى [/size]

[ozoozo]

ابو السيد بطاقه التمون فايدتها انها حصن امان ضد التضخم والازمات يعني انت ممكن تكون دخلك 10 الاف جنيه في الشهر وتصحي الصبح تلاقي زجاجه الزيت بقت ب 300 جنيه يعني مرتبك كله تلاتين زجاجه وبعد يومين يقولك الغلاء العالمي وتلاقيها بقت ب400 وبعد يومين يقولك هانزل علاوه 30% يقوم التجار مخلينها 500 عشان ياخدو نصيبهم من العلاوه ساعتها تروح جايب زجاجه من التموين بسبعين جنيه بس......مدعم ياجدع وكل شئ في مصر وارد

الحاله التانيه حاله حدوت حرب وتكون في ازمه والدوله هي المتحكمه في الاشياء الاساسيه وبعدين دلوقت في هاجس عند المصريين ان اللي مش هايعمل البطاقه الدوله هاتحتسبه انه غير محتاج وتسقطه من حسابتها وعطاياها

[عصام]

الدعم والسلع المُدعمة بتاعت الغير قادرين ؟

إذاً ما هي الموانع الاخرى يا سيد عصام ؟

السبب انها بتاعة الغير قادرين يا سيد لطفى .. يعنى سبب إنسانى بحت

[مغتربة]

بصراحه انت لفت نظرى لموضوع البطاقه دا لانى عايشه برا مصر و ما اعرفش بيه بس انا جاتنى فكره

احب اعرف الاول بس ممكن حد امون عمله له توكيل انه يصرف البطاقه و لا لازم انا شخصيا

لانى بصراحه بفكر اوكل شخص موثوق انه يصرفها اول كل شهر و بعدين يوزعها على ناس تكون محتجاها

ارجو الى يعرف يفدنى فى الموضوع دا و الف شكر ليكم كلكم

[se_ Elsyed]

بصراحه انت لفت نظرى لموضوع البطاقه دا لانى عايشه برا مصر و ما اعرفش بيه بس انا جاتنى فكره

احب اعرف الاول بس ممكن حد امون عمله له توكيل انه يصرف البطاقه و لا لازم انا شخصيا

لانى بصراحه بفكر اوكل شخص موثوق انه يصرفها اول كل شهر و بعدين يوزعها على ناس تكون محتجاها

ارجو الى يعرف يفدنى فى الموضوع دا و الف شكر ليكم كلكم

طيب وليه اللفه دي والواحد يعمل حاجه في الخفاء ويخاف مع إنه غرضه عمل الخير ؟!!

فإذا كان الموضوع هايكلف حضرتك 70 ج مثلاً شهرياً ... فممكن نفس الشخص الأمين ده تبعتي له المبلغ ويرعى بهم عائلة محتاجة ويشتري لهم 10 ك رز ( 2.5 ج الكيلو ) .. + 5 ك سكر ( اعتقد 3 جنيهات إن لم أكن مُخطيء ) + 5 ك مكرونة ( 3 ج الكيلو ) شهرياً .. واعتقد إن سعرهم يساوي المبلغ ده وبكده لا تدخلي في مشاكل ولا حد يعملها لكم بجميلة ويلوي دراعكم في أي وقت .. وأقصد هنا موزع المواد التموينية اللي طبعاً مش هايفهم إنكم بتعلموا خير او بتتبرعوا بالمقررات التموينية دي لناس محتاجة ...

مش عارف ليه هناك إحساس عجيب باللذه والنجاح او خلينا نسميه إحساس بجني محصول أو بجني نتائج عمل خير الواحد يبشعر به لما بيقوم بالتبرع بشيء عيني .. عنه إذا كان نفس التبرع ده نقدي

بمعنى موضوع شنطة رمضان مثلاً ...

فالشنطة بمحتوياتها ممكن تتكلف هانقول 100 ج ..

فحد يجرب كده التبرع النقدي بنفس المبلغ ويشوف إحساسه إيه ..

التبرع النقدي مطلوب بالتأكيد .. يعني ما اكونش عارف واحد محتاج فلوس لعميلة ضرورية ولتكن 1000 ج لكن أقول أنا هاروح أشتري له رز وسمنه وزيت وأوديهم له أحسن !!

أسف للخروج عن الموضوع لكن الشيء بالشيء يُذكر ..

وخلونا نرجع لموضوع الدعم الذي أعتبره بمثابة شهادة فشل مع مرتبة ولحاف الشرف الأولى للأنظمة العسكرية الديكتاتورية المتعاقبة على مصر من أول جمال عبد الناصر إلى الرئيس جمال مبارك ..

فتلك الأفكار الشيوعية الإشتراكية بتاعت بطاقات التومين وكوبونات صرف السلع تكاد تكون إنقرضت من العالم .. اللهم من الدول اللي لسه عايشة في عصور ما قبل الواوا أوبح ..

طب نعمل إيه في الغلابة ؟

والله إذا كان السادة الحكام القاطنين في قلعة محمد علي لم يسمعوا عن شيء إسمه زيادة الانتاج الصناعي والزراعي وتنوعه وتنميته بما يرفع من مستوى أبناء الشعب .. فده يبقى منتهى الجهل منهم ..

اما الإستسهال في صرف مليارات الجنيهات على الدعم .. وأساساً الفلوس دي بيستلفوها عالمكشوف وبيوحلونا ويوحلوا الأجيال القادمة عشان يسكتوا الناس او يعملوا عمليات ترقيع لجهلهم في الإدارة .. فدي مصيبة في حد ذاتها ,, وجرائم في حق الشعب يستحقوا عليها الشنق ..

آه صحيح قبل ما أنسى ... وزارة البترول كل شوية تذل فينا وبتقول إنها بتدعم المواد البترولية بمبلغ 56 مليار جنيه سنوياً ... واخدين بالكو ؟

يعني مع سعر البنزين والسولار المرتفع في مصر .. كل ده ومدعوم .. ده أنا بأمون العربية في مصر كل مرة بـ 100ج مقفولة والبنزين بيطير في 3 أو 4 أيام زي السبرتو و 92 كمان مش 95 .. و 1600 سي سي ... يعني لو 2000 سي سي مع بنزين 95 ... يبقى عايز لي شوال فلوس أخليه في شنطة العربية عشان أسحب منه تكلفة البنيزين الشهرية ؟؟؟؟؟؟؟؟

نفس الوزارة صرفت على فرق الكورة الشراب بتاعتها زي إنبي وبترول أسيوط وبتروجيت أكثر من 6 مليار جنيه وهي ليست منوطة او مطالبة بأي نشاط رياضي ... اللهم إلا لو كانت بتعمل نشاط محدود لموظفينها هانقول ماشي .. إنما فرق كورة من دم الشعب .. آهو ده عجب العجاب .... .. ودول مش موظفين الصبح ولعيبة بعد الضهر .. لكن كلهم بيشتروهم إما محلياً أو أفريقياً بملايييييييييييييييييييييييين وعاملين لهم مخصوص شركة تدير النشاط ده إسمها " بتروسبورت " وبانين لهم إستاد في التجمع الخامس كمان ..

لا تعليق !!!!!!!!!!!!!!!!!!!!!

والانكت من ذلك إنهم فضلوا منيمين الشعب عشرررررررررررررررات السنين وصحينا لقيناهم بيقولوا لنا إنهم كانوا بيدعموا شركات القطاع الخاص المتحكمة والمحتكرة للسلع الرئيسية في مصر وخصوصاً الصناعات المستهلكة لطاقة بشكل كبير زي مصانع عز .. او الخواجات اصحاب مصانع الأسمنت اللي بيكسبوا منها اكتر من تجارة الهيروين أو صناعات السيراميك .... إلخ

وأنا اقول الخمسين مليار دول بيروحوا فين ؟ اتاريهم بيسمنوا أصحاب الصناعات دي على قفانا .. عشان يستغولوا ويبقوا ديناصورات ويلتهمونا

أنا نفسي غمت عليه .. انا ماشي دلوقت ونتقابل بعد جلسة الكهربا عشان ميعادها دلوقت ..

[ozoozo]

رز ايه يابو السيد اللي ب اتنين جنيه ونص انت منزلتش مصر من ايام حرب الخليج ولا ايه الرز وصل من اربعه جنيه ونص الي سته جنيه .........مش بقولك ازازه الزيت ام 500 جنيه قربت اوي

[se_ Elsyed]

رز ايه يابو السيد اللي ب اتنين جنيه ونص انت منزلتش مصر من ايام حرب الخليج ولا ايه الرز وصل من اربعه جنيه ونص الي سته جنيه .........مش بقولك ازازه الزيت ام 500 جنيه قربت اوي

لأ الرقم ده أنا متأكد منه ياريس ... محصول الرز السنة دي ربنا بارك فيه وسعر الطن بعد ما كان قرب على 2000 ج .. نزل وبقى بـ 1200 ج والفلاحين بيشدوا في شعرهم .. لإن العرض زاد والطلب قل والسعر نزل خالص وبقى بـة 2.5 ج ... وإزازة الزت نزلت من 10 ج إلى 8.5 للكيلو ... دي أسعار لسه اجيه لي أول إمبارح

[مغتربة]

طيب وليه اللفه دي والواحد يعمل حاجه في الخفاء ويخاف مع إنه غرضه عمل الخير ؟!!

فإذا كان الموضوع هايكلف حضرتك 70 ج مثلاً شهرياً ... فممكن نفس الشخص الأمين ده تبعتي له المبلغ ويرعى بهم عائلة محتاجة ويشتري لهم 10 ك رز ( 2.5 ج الكيلو ) .. + 5 ك سكر ( اعتقد 3 جنيهات إن لم أكن مُخطيء ) + 5 ك مكرونة ( 3 ج الكيلو ) شهرياً .. واعتقد إن سعرهم يساوي المبلغ ده وبكده لا تدخلي في مشاكل ولا حد يعملها لكم بجميلة ويلوي دراعكم في أي وقت .. وأقصد هنا موزع المواد التموينية اللي طبعاً مش هايفهم إنكم بتعلموا خير او بتتبرعوا بالمقررات التموينية دي لناس محتاجة ...

مش عارف ليه هناك إحساس عجيب باللذه والنجاح او خلينا نسميه إحساس بجني محصول أو بجني نتائج عمل خير الواحد يبشعر به لما بيقوم بالتبرع بشيء عيني .. عنه إذا كان نفس التبرع ده نقدي

بمعنى موضوع شنطة رمضان مثلاً ...

فالشنطة بمحتوياتها ممكن تتكلف هانقول 100 ج ..

فحد يجرب كده التبرع النقدي بنفس المبلغ ويشوف إحساسه إيه ..

التبرع النقدي مطلوب بالتأكيد .. يعني ما اكونش عارف واحد محتاج فلوس لعميلة ضرورية ولتكن 1000 ج لكن أقول أنا هاروح أشتري له رز وسمنه وزيت وأوديهم له أحسن !!

اشكر لك ردك اخى الكريم بس هيه فكره جاتنى و انا بقرا الموضوع و عموما نصحيتك حلوه جدا جزاك الله خيرا اما عن باقى طرق الخير فاسال الله ان نكون ممن يعطى بيمينه دون ان تدرى شماله

الف شكر ليك

:happy: :blink: :blink:

[Sherief AbdelWahab]

كل ده خلي بالكم في القاهر او الحضر بشكل عام

طب إيه رأيكم في قاطني الارياف اللي بيتعاقدوا مع الافران وياخدوا منهم العيش المدعم بالطن ويعلموه علف للمواشي بتاعتهم لإنه ارخص بكتيييييييييييير من اي نوع علف

بالله عليكم .. مش ده قمة الاجرام وقمة التسيب الحكومي

بيحصل..

بالاتنين والتلاتة جنيه بيحصل.. ودة بيحرض الناس على إنها تشتري أكتر علشان توفر على نفسها الوقفة في الطابور..

ويا ويلك .. ويا سواد ليلك لو اتكلمت أو احتججت..

الغلابة .. البسطاء .. انت معادي للبسطاء .. الطبقية .. الدعم .. الدولة .. يا عيني عليك يا مصر ... عااااااااا

لا هوة الدعم بالشكل دة بيوصل للبسطاء؟ ها!

خلص الكلام