الحمــــد لله ::: وزيرة القوى العامله تمنع سفر الأطباء :::

[eng hoss]

بعد أن تحرك الأعلام المصرى بشده بقيادة الأعلاميين الرائعيين

وائل الأبراشى ومعتز الدمرداش

والأغرب القبطى نجيب جبرائيل رئيس منظمة الاتحاد المصري لحقوق الإنسان

قررت وزيرة القوى العامله منع سفر الأطباء نهائيا الى السعوديه

حتى يتم أنتهاء مشكلة الطبيبين ومعرفة الحقائق كامله

شكرا للأعلام المصرى ولوزيرة القوى العامله

ونحن مقيمى جده لن نتهاون حتى معرفة الحقيقه كامله

سواء كان الأطباء مذنبين ويستحقون هذا الحكم الغريب

أو أن هناك ظلم قد وقع عليهم

وتحيـــاتى للجميع

[عمرعمرعمر]

تحياتي لك اخي الكريم و الحمد لله ان حكومتنا بدأت تتحرك لنصرة ابناءها و احييك لاسلوبك السليم و موقفك المتزن و نحن معا ان شاء الله حتي تنتهي المحنة و طالما كان فيه رد فعل من حكومتنا فهذا يعزز من كرامتنا

[Scorpion]

بعد أن تحرك الأعلام المصرى بشده بقيادة الأعلاميين الرائعيين

وائل الأبراشى ومعتز الدمرداش

والأغرب القبطى نجيب جبرائيل رئيس منظمة الاتحاد المصري لحقوق الإنسان

عفوآ استاذي الفاضل eng hoss ... ما هو الغريب في ان ينضم "القبطي" نجيب جبرائيل الي خطوة مماثلة ؟؟؟؟

[ايهاب سالم]

والأغرب القبطى نجيب جبرائيل رئيس منظمة الاتحاد المصري لحقوق الإنسان

ممكن أعرف أين وجه الغرابه

ما هو ده من صميم حقوق الإنسان

و إلا المشكله إنه مسيحي

تم تعديل 11 نوفمبر 2008 بواسطة ايهاب سالم

[iloveegypt]

شكرا لتدخل الوزيرة

ويارب يفك كرب كل مظلوم

[elshafey]

بعد أن تحرك الأعلام المصرى بشده بقيادة الأعلاميين الرائعيين

وائل الأبراشى ومعتز الدمرداش

والأغرب القبطى نجيب جبرائيل رئيس منظمة الاتحاد المصري لحقوق الإنسان

عفوآ استاذي الفاضل eng hoss ... ما هو الغريب في ان ينضم "القبطي" نجيب جبرائيل الي خطوة مماثلة ؟؟؟؟

والأغرب القبطى نجيب جبرائيل رئيس منظمة الاتحاد المصري لحقوق الإنسان

ممكن أعرف أين وجه الغرابه

ما هو ده من صميم حقوق الإنسان

و إلا المشكله إنه مسيحي

شباب مالوش لازمة نخش في سكة تانية غير اللي بنتكلم فيها هدوا اعصابكم

[قديم]

حتى يتم أنتهاء مشكلة الطبيبين ومعرفة الحقائق كامله

وهما لسا مش عارفين الحقائق ,.؟؟؟

امال الضجه دي على ايــه .؟؟؟

تم تعديل 11 نوفمبر 2008 بواسطة قديم

[سهران]

شاهدت حلقة 90 دقيقة الليلة و تأثرت كثيرا من كلام زوجة الطبيب و كانت تبدو سيدة وقورة محجبة تعدت الخمسين و يبدو علي ملامحها حجم المصيبة و قسوتها ........ و قد علق أحد الحاضرين للقاء تعليقين أولهما أن المستانف لحكم لا يضار بأستأنافه فأيما يخفف الحكم أو يلغى أو يؤيد فيبقى كما هو لكن يتضاعف كما حدث في هذه الواقعة فكيف ذلك ؟ ...... لا أدري مدى جواز هذا الكلام شرعا .... أما التعليق الثاني فكان على ال1500 جلدة وذكر أن الحد 100 جلدة في حالة واقعة الزنا و لم يرد الجلد بأكثر من ذلك و بمثل هذا العدد .

ربنا يفك أسر كل مظلوم و يظهر لنا الحقيقة أيا كانت سواء كانوا مظلومين أم مذنبين .

أعتقد كلمة حضرتك ( الأغرب أن القبطي ..........) ذلة لسان غير مقصودة تستوجب الأعتذار السريع و نثق في مبادرتك به .

[eng hoss]

ألى كل الأخوه اللى تحدثوا عن جملة

والأغرب القبطى نجيب جبرائيل

أوضح لهم الأمر بالعقل

دينه يوجه له أن يرى العالم أن هذه هى الشريعه الأسلاميه وأنها تتعارض مع المعامله الأنسانيه

وكيف يكون الشرع الأسلامى به جلد 1500 جلده لأنسان تعدى 50 عاما وهو ما يعنى الموت البطىء

طبعا دون النظر على أن هذه الحاله هى من الحالات شاذه ولها مبرراتها

وعمله يوجه له أن ما يحدث هو أنتهاك لحقوق الأنسان وظلم قد وقع على شخص يجب مساندته مهما كانت ديانته وأن الغموض الذى يحيط بالقضيه يجب أن يوضح كاملا

والطبيعى أن يكون خياره نحو نصرة دينه وأستغلال الفرصه والغريب أن يكون خياره الثانى وهو عمله

ولذلك قلت أن ما فعله غريب نوعا ما

وعذرا لكل الأعضاء المتضايقين من الجمله فنحن فى مصر فى وحده وطنيه لن يزعزعها الحاقدين

وأعز أصدقائى فى مصر مسيحى الديانه

وتحياتى للجميع

[~Heba~]

تحياتي لك اخي الكريم و الحمد لله ان حكومتنا بدأت تتحرك لنصرة ابناءها و احييك لاسلوبك السليم و موقفك المتزن و نحن معا ان شاء الله حتي تنتهي المحنة و طالما كان فيه رد فعل من حكومتنا فهذا يعزز من كرامتنا

سبحان الله

طيب انا كنت بقول ايه من امبارح

و الموضوع الطويل العريض اللى صفحاته اتعدت الثلاث صفحات كان ليه

امرك غريب و الله

الوزيرة بقرارها ده أيدت فكرة الموضوع اللى كنت بدعوا لها و حضرتك هاجمتنى بدون مبرر لدرجة فتح موضوع مضاد!!!!!!!!

وهما لسا مش عارفين الحقائق ,.؟؟؟

امال الضجه دي على ايــه .؟؟؟

على فظاعه عدد الجلدات

ده لو اكن قتل شخص يتم قتله و النفس بالنفس

انما موت بالبطئ بالجلد ده مستحيل يكون من شرع ربنا

[مغتربة]

بقه ضوء تظهر على استحياء من حكومتنا الرشيدة نرجو ان تكون بدايه لنهوض وزاره العمل بواجباتها نحو المصريين العاملين بالخارج

اما بالنسبه

والأغرب القبطى نجيب جبرائيل رئيس منظمة الاتحاد المصري لحقوق الإنسان

فكلنا نتذكر قصه سيدنا عمر بن الخطاب عندما جاء اليه رجل قبطى يشكو اليه جلد عمرو بن العاص ظلما له فنصفه عمر رغم اختلاف الديانه

و كلنا عندما نذكر هذه القصه لاحد لا نذكرها استنكارا من عدل عمر و انما اعجابا بارتفاع درجه عدله للدرجه التى تجعله يقفز على حدود الدين او العرق (و هو العدل الحقيقى )

اعتقد ان الكلمه هنا جانبت صاحب الموضوع التوفيق قليلا فى التعبير عن ما يريد ايصاله فاسلوب الدهشه هنا كان غرضه منه بيان الاعجاب و ليس التعجب و هو ربما لم يستطع توضيحه بشكل جيد فنتج عن ذلك سوء تفسير بسيط للمعنى

كل الشكر لك اخى الكريم و ارجو ان تصوبنى ان كنت اخطات الوصول لما قصده

[عمرعمرعمر]

الاخت هبة ما تخرجيش عن صميم الموضوع احنا هنا بنتكلم عن موقف معين اتخذته حكومتنا لنصرة ابناءها و ده اكيد هيترك اثر عند السلطات السعودية كرد فعل ياريت حضرتك تكوني فهمتي و انا مش هارد عليكي رد شخصي لاني وعدتك بذلك و يا ريتك تتعمقي شوية في الردود قبل ما تردي عليها من وحي افكارك

و مرة اخري باشكر الحكومة المصرية لردها الرسمي و موقفها و اهتمامها هي و الاعلام علي تضامنهم مع اصحاب المحنة و اتمني ان يكون هناك رد فعل اقوي و فعال عوضا عن الاكتفاء بمنع الاطباء من السفر لأن ده من وجهة نظري مش كفاية

[عاشق الترحال]

شاهدت حلقة 90 دقيقة أمس وسمعت القرار المفاجئ للسيدة الدكتورة / وزيرة القوى العاملة وبدأت أحس أنه لسه فيه أمل وإن شاء الله هيبقى لنا كرامة بجد في كل مكان وهاموت وانا مطمن .

**بشكر الأستاذه هبه صاحبة المبادرة بموضوعها اللي مضمونه (( لا تسافروا إلى السعودية وأرض الله واسعه )) والظاهر أنها سرها باتع وواصله أوي وصوتها وصل للوزارة والموضوع حصل فيه تحركات بشكل سريع وملحوظ .

**عقبال لما يتم الافراج عنهم وعن كل المحتجزين في أي مشكله تانية و نفرح كلنا برجوعهم سالمين لأهلهم وبلدهم وياريت أي مشكله بعد كده يبقى فيها تحرك واهتمام ومش لازم الإعلام يعمل ضجه عليها علشان الناس تتحرك .

وشكرا لكل اللي بيهتم ويزعل على أخوانه في أزماتهم .وشكرا لكل من ساهم ولو بكلمة عبرت عن حزنه على الأوضاع السيئه فى بعض الحالات المؤسفة لغيره من أخوانه .

[eng hoss]

بقه ضوء تظهر على استحياء من حكومتنا الرشيدة نرجو ان تكون بدايه لنهوض وزاره العمل بواجباتها نحو المصريين العاملين بالخارج

اما بالنسبه

والأغرب القبطى نجيب جبرائيل رئيس منظمة الاتحاد المصري لحقوق الإنسان

فكلنا نتذكر قصه سيدنا عمر بن الخطاب عندما جاء اليه رجل قبطى يشكو اليه جلد عمرو بن العاص ظلما له فنصفه عمر رغم اختلاف الديانه

و كلنا عندما نذكر هذه القصه لاحد لا نذكرها استنكارا من عدل عمر و انما اعجابا بارتفاع درجه عدله للدرجه التى تجعله يقفز على حدود الدين او العرق (و هو العدل الحقيقى )

اعتقد ان الكلمه هنا جانبت صاحب الموضوع التوفيق قليلا فى التعبير عن ما يريد ايصاله فاسلوب الدهشه هنا كان غرضه منه بيان الاعجاب و ليس التعجب و هو ربما لم يستطع توضيحه بشكل جيد فنتج عن ذلك سوء تفسير بسيط للمعنى

كل الشكر لك اخى الكريم و ارجو ان تصوبنى ان كنت اخطات الوصول لما قصده

شكــرا لكى وجزاكى الله خيرا

هـــذا ما كنت أقصده وأوضحته فى مشاركه سابقه

أنا قصدت الأعجاب بموقف المستشار وله منى كل الأحترام

[kingsabry]

والله أنا حاسس ان الاجراء اللي هيا عملته ده يعتبر صفر ... ولا حاجه

لأن اللي بيعوز يسافر بيسافر وبأي مهنة ....

وهيا دلوقتي منعت الاطباء اللي بمهنة طبيب

مش بعيد تلاقي دكتور بيسافر النهارده بمهنة دهان ولا سمكري ......

يعني ما عملتش حاجه .....

المفروض كانت تمنع الجميع من السفر للسعودية حتي حل الموضوع بتاع الاطباء

هو ده الصح ...

ولا كلامي غلط ..

أخوكم / محمد صبري

[se_ Elsyed]

الضغط جاب نتيجة هايلة ياولاد ... وفورية كمان

واحد صاحبي شغال مُدرس .. له قضية مع كفيله - صاحب المدرسة - بقى لها أكتر من سنة

صاحب المدرسة إعتدى عليه باللفظ أمام شهود ..

لكن المحكمة حكمت على صديقي بثمانين جلده ..

فأستئنف الحكم امام محكمة التمييز .. ولسه القضية شغالة من ساعتها ... وبالمناسبة أخد تصريح عمل مؤقت من الإمارة وشغال بره وجددوا له إقامته كمان ..

فالمهم كان له جلسة مهمة بعد شهر تقريباً وكان ممكن يتنفذ الحكم عليه بعدها ..

لكن فوجيء بالمحكمة إتصلوا به أول أمس ... فقلبه وقع في رجلة .. وقالوا له تعالى بكره - إمبارح يعني - عشان جلستك إتقدمت .. فراح ورجله بتخبط في بعضها لقى جهات عُليا إتدخلت ولغوا الحكم بالجلد واكتفوا بتعهد منه بعدم تكرار ذلك .. ولما راح ياخد صورة الحكم من القاضي اللي ماسك القضية .. الرجل إستغرب وأذبهل من إزاي يحصل كده وفي القضية اللي هو ماسكها .. وزحلقه وقال له بغيظ فوت عليه بعد كام يوم .

لكن مش مهم ... أهم حاجه الحكم النهائي

-----------

توضيح هام : لا يستطيع أنسان عاقل ان يقف مع الباطل ضد الحق .. ولا نستطيع ان نُفسر حديث الرسول الكريم الذي يحثنا على نصرة إخوتنا سواء كانوا مظلومين او ظالمين بإننا نقف جنب الظالم عشان يتمادى في ظلمه .

لكن كل ما ننشده هو العدالة .. وان تكون العقوبة متوافقة مع الذنب إذا كان هناك ذنباً

[Amr Radwan]

يا ريت بصراحة يكون فيه حل .. لان القصص المأساوية للمصريين كترت قوي الايام دي ..

[شاب مصري]

الضغط جاب نتيجة هايلة ياولاد ... وفورية كمان

واحد صاحبي شغال مُدرس .. له قضية مع كفيله - صاحب المدرسة - بقى لها أكتر من سنة

صاحب المدرسة إعتدى عليه باللفظ أمام شهود ..

لكن المحكمة حكمت على صديقي بثمانين جلده ..

فأستئنف الحكم امام محكمة التمييز .. ولسه القضية شغالة من ساعتها ... وبالمناسبة أخد تصريح عمل مؤقت من الإمارة وشغال بره وجددوا له إقامته كمان ..

فالمهم كان له جلسة مهمة بعد شهر تقريباً وكان ممكن يتنفذ الحكم عليه بعدها ..

لكن فوجيء بالمحكمة إتصلوا به أول أمس ... فقلبه وقع في رجلة .. وقالوا له تعالى بكره - إمبارح يعني - عشان جلستك إتقدمت .. فراح ورجله بتخبط في بعضها لقى جهات عُليا إتدخلت ولغوا الحكم بالجلد واكتفوا بتعهد منه بعدم تكرار ذلك .. ولما راح ياخد صورة الحكم من القاضي اللي ماسك القضية .. الرجل إستغرب وأذبهل من إزاي يحصل كده وفي القضية اللي هو ماسكها .. وزحلقه وقال له بغيظ فوت عليه بعد كام يوم .

لكن مش مهم ... أهم حاجه الحكم النهائي

-----------

توضيح هام : لا يستطيع أنسان عاقل ان يقف مع الباطل ضد الحق .. ولا نستطيع ان نُفسر حديث الرسول الكريم الذي يحثنا على نصرة إخوتنا سواء كانوا مظلومين او ظالمين بإننا نقف جنب الظالم عشان يتمادى في ظلمه .

لكن كل ما ننشده هو العدالة .. وان تكون العقوبة متوافقة مع الذنب إذا كان هناك ذنباً

يا زعيم بس كده الراجل برده اتظلم

لانه ماخدش حقه من اللي شتمه

هو يعني كون ان القاضي معاقبوش انه (تجرأ واشتكي اللي اهانه) هل دا كدا كفاية ؟

هو فيه اييييييييه ؟

واحد شتمني و اروح اشتكيه اقوم اتعاقب انا ؟؟؟؟

ولما يرفعو عني العقوبة يبقى خالصين ؟

طيب فين رد كرامتي من اللي شتمني ؟ وفين التعويض ؟

حسبنا الله ونعم الوكيل في الظالم والمفتري (أيا كان وأيا كانت جنسيته)

[Balooshy]

ممكن اعرف مصدر الخبر ايه ؟

[غريب الخبر]

بصراحة يا رات فعلا يتم وقف سفر جميع الاطباء الى المملكة ولو حتى لمدة ستة شهور على الاقل

ولكن اعتقد انه تهديد من الوزارة مش اكتر . لكن بجد لو يتم تطبيق القرار هنحس فعلا اننا لنا بلد تحمينا ويمكن ترجع لنا ولو جزء من الثقة المفقودة فى كتير من الاجهزة المسئولة.

( رب ضارة نافعة )