رباعيات هشام الجنيدى (فى الحب وكده...!!!

[هشام الجنيدى]

اولا انتو وحشتونى فوق ما تتصورو ...............

بس ربنا يعلم اد ايه انا اليومين دول متشتت فى امور كتير مابين السفر الى القاهرة عشان تحضير الماجستير وبين الشغل فى دمياط فانا اليومين دول مش مستقر فى مكان ادعولى بس ربنا يسهلها ويفتحها فى وشى وف وش اللى زييى...........

وليكم الاتى .....

عشان انى اشوفك سافرت البلاد

ولفيت عليكى وشوش العباد

وكان عمرى ممكن يضيع اى حاجه..

وانا مش لاقيكى ودايسنى البعاد

قدر وانكتب فوق جبينى ان احبك

قدر برضه مقدرش ان ابقا جنبك

ولو كان لقانا قدر وانكتب ...

لكان كان غصب عنى وعنك

يا نجمة فوق ف السما نورها هل

كأن انتى نور الامل ليا طل

ناديتك لكن حال مابينا السحاب...

ونفسى ان اطولك ..ومش لاقى حل

مقلتش بحبك وخبيت عليكى

مع ان كان نفسى اعيش بس ليكى

وقررت لو يوم يكون فيه دموع

دمتبقاش بكتها بسببى عنيكى

يا حبى اللى لما فى قلبى اسكان

ومدد جذوره فى قلب المكان

منين تلقا مية عشان ترتوى...

لافصل الربيع جه .. ولا ده الأوان

عشان خاطرى لما تشوفينى حزين

وشايل عشانك مرار السنين

وسينى ..عشان بس اقدلا اكمل

ومفضلش فى اليأس زى السجين

[الباشمهندس ياسر]

صباح الفل يا اتش

عجبنى اوى العنوان الحب وكده

و القصيدة تمام يا استاذنا

بس انت ليه مخلتش البطل يقول بحبك ليه

اه حتى يرتاح يا عمنا

[shahd]

هشام يا شاعرنا المتميز الرائع.. مرحبا بعودتك اخي الغالي نورت المحاروات وموفق ان شاء الله في حياتك العلمية والعملية..

احساسك دوما متألق .. ابيات مفعمة بالمشاعر الفياضة.. صح لسانك :happy:

[هشام الجنيدى]

بحبك عشان محتاج احب بجد

وعشان انا انسان ومحتاج حد

تمسح اديه دمعتى .......

قبل ما تأذى الخد...!!!

اهو قال يا باشمهندس........ تحياتى لك......... واتمنى ان تنول كل كتاباتى اعجابك

اختى العزيزه شهد شرفتنى اطلالتك وهقوللك زى ما كنتى بتقولى زمان ..... سلمت اناملك..