الى كل مغترب...هل تفرح عندما ينتهى الشهر

[redwany]

منذ اتيت الى السعوديه منذا حوالى اربعة سنوات وانا ولى زميل اخر نفرح لان الشهر اصبح يوم 15 ونحسب فاضل 15 يوم على القبض وكأننا لما نقبض الشهر هتتحل كل مشاكلنا وهنشترى فيلا فى المعادى وشقة فى اسكندريه ونقبض الشهر ونبدأ فى الشهر الجديد وفى هذا الشهر الجديد فى اول يومين نضايق ان لسه باقى 25 يوم على القبض

طيب لحد امتى هننتظر اول الشهر

طيب مش الايام ديه جزء من عمرنا

هل هنفضل ننتظر اخر الشهر لحد ماييجى شهر ما يلاقيناش ونكون فارقنا الحياه

تعالوا نتمرد على الشهر وماننتظرشى الشهر لما يخلص لانه مش بيفرق

تعالوا نعيش حياتنا يوم بيوم ونعيش يومنا وماننتظرشى بكره

طبعا ده لايمنع ان الواحد يخطط لمستقبله ولكن نعيش حياتنا

تعالوا المغترب منا اللى معاه اولاده يمتع نفسه واولاده كل يوم وماننتظرشى الشهر

والمغترب اللى مش معاه اولاده يعيش حياته لحد ماربنا يكرمه ويرجع لاولاده

تعالوا نخلى فيه فرق فى حياتنا بين السبت ولاحد ومايكونشى السبت زى الاحد

تعالوا نخلى انفسنا واولادنا ينتظروا يوم معين فى الاسبوع زى مثلا فسحه يوم الخميس

السبت يكون لينا طقوس والاحد طقوس تانيه

تعالوا نكسر رتابة الحياه فى الغربه

ارجوا مشاركتكم بافكاركم لكسر الملل والرتابه ويكون السبت غير الاحد وماننتظرشى الشهر يخلص بل بالعكس نزعل على الايام لما تخلص لان هنفقد جزء جميل من حياتنا

ارجو المشاركه

[redwany]

احب اسمع رأى سى السيد

[الباشمهندس ياسر]

اولا اسمحلى استغرب ( بعد اذن حسام طبعا) من العنوان

يا سيدى الفاضل نفرح بوصول اخر الشهر ازاى وكل شهر بيعدى من عمرك

طب و الله العظيم اول امس كنت هعيط وانا بفكر فى سنينى

انا بعد شهر وشوية هتم 28 سنة

انا لسه مخلص الكلية

طب السنين دى راحت فين

لما لقيت دماغى لفت ومش قادر حتى اقف على رجلى

مستغربش

و رغم ده مفتكرش انى عملت حاجة يعنى

لا بالعكس مضيعهم اول بأول

رغم انى لسه متجوزتش و بالطبيعه معنديش ولاد

ومعنديش التزامات ناحية اى حد

انما فى الاجازة صباح الشهيصة و الدلع و خلاص

عموما

ادعيلى ربنا يهدينى و يصلح حالى كده

[redwany]

الباشمهندس ياسر

انا لا اعلم انت مغترب ام فى مصر بس فى الغربه الامر مختلف وهتجد معظم المغتربين فعلا بينتظروا اخر الشهر

اللى معاه اسرته بينتظر القبض وبينتظر يوم الرجوع الى بلده

اللى عايش من غير اسرته بيعد الايام اللى هيرجع فيها لاولاده

فعلا ديه حقيقه لمعظم المغتربين

انا عارف انها حقيقه مره وان هذه الايام من عمرنا بس ديه الحقيقه

واتحدى اى مغترب يقول غير كده

[عمرعمرعمر]

بصراحة سؤال محير فعلا

و اتمني ان يكون له حل عند اهل الخبرة

يعني حد يقول لنا علي نظام نمشي عليه في الغربة بالنسبة طبعا للي معاه اسرته يكون فيه فرحة احسن من فرحة اخر الشهر

و احب اسأل الباشمهندس ياسر ...........حسام مين؟

[eng hoss]

أنا أقترح على كل شاب ان يضع أمام عينيه أن يكون له عمل ايجابى كل شهر

سواء كان دينيا أو أجتماعيا أو سياسيا أو أى مجال بارز فى الحياه

وبذلك سيشعر الشخص أن حياته لا تضيع هباء وأنه شخص له قيمه عند ربه وفى مجتمعه

بدلا من الأيام والشهور والسنوات التى تضيع دون أن تشعر بها قلم تعد هناك بركه فى الوقت

وصدق رسول الله صلى الله عليه وسلم حين قال: لا تقوم الساعة حتى يتقارب الزمان فتكون السنة كالشهر، والشهر كالجمعة، وتكون الجمعة كاليوم، ويكون اليوم كالساعة، وتكون الساعة كالضرمة بالنار.

ملحوظه

الكلام اللى أنا كتبته مش عارف لى علاقه بالموضوع الأصلى ولا لأ :happy: :blink: :blink:

[شاب مصري]

تعب كلها الحياة

بلا مصر ولا السعودية ولا كندا

نفسي اعيش في كوخ في غابة في الأمازون

في قلب الطبيعة

على رأي هيفا : ع الطبيعة كل شي أحلى :happy:

[dongol]

أحسن حاجة الواحد يعملها علشان ما يحسش ان عمره ضاع في الغربه انه يحس انه بشغله في الغربه غيير من حياة ناس بيحبهم يعني ساعد في جواز أخته او أخوه الصغيرين او خلي ابوه او امه يروحوا يحجوا و يدعولوا دعوة حلوه او حتي خلي ولاده يتعلموا و يعيشوا كويس صدقوني هتحسوا بالرضي و الراحه و مش هتحسوا ان عمركم ضاع و اكيد الناس اللي انت بتساعدهم هيردولك الجميل في يوم من الايام

بس اوعوا تسمعوا نصيحه الزوجات الاستهلاكيه زي احنا نقعد سنه في الغربه علشان نشتري الفللا و سنه كمان علشان الشاليه بتاع مارينا لحسن في الاخر هتحس بجد ان عمرك راح علي حاجات انت مش محتاجها

[redwany]

أحسن حاجة الواحد يعملها علشان ما يحسش ان عمره ضاع في الغربه انه يحس انه بشغله في الغربه غيير من حياة ناس بيحبهم يعني ساعد في جواز أخته او أخوه الصغيرين او خلي ابوه او امه يروحوا يحجوا و يدعولوا دعوة حلوه او حتي خلي ولاده يتعلموا و يعيشوا كويس صدقوني هتحسوا بالرضي و الراحه و مش هتحسوا ان عمركم ضاع و اكيد الناس اللي انت بتساعدهم هيردولك الجميل في يوم من الايام

بس اوعوا تسمعوا نصيحه الزوجات الاستهلاكيه زي احنا نقعد سنه في الغربه علشان نشتري الفللا و سنه كمان علشان الشاليه بتاع مارينا لحسن في الاخر هتحس بجد ان عمرك راح علي حاجات انت مش محتاجها

الاخ دونقل والله كلامك جميل وفعلا مقنع وانا الشئ الوحيد اللى فعلا خلانى استفدت من الغربه ان والدتى جت وادت الحج معايه