الحكومه...بتأكلنا علف حيوان يا رجاله

[redwany]

الحكومه بعد ان حرقتنا فى القطار وغرقتنا فى البحر وكنت سبب فى اهيار جبل المقطم على رؤس الابرياء

ولكن لاادرى ماهو هدف الحكومة علشان تخلينا ناكل علف الحيوان

لا اعتقد ان الحكومه بتعمل كده علشان نبقى تخان وملظلظين

هل لان عيد الاضحى خلاص على الابواب والحكومه ناويه توفر خروف العيد وممكن يعلفونا ويدبحونا

وفكرت لان فيه خبر تانى قال ان ليبيا تطلب شراء جثث مصريه وفكرت ان ممكن الجثث مش عاجبه الساده فى ليبيا وعايزين جثث ملظلظه وممكن حكومتنا قالت اعلف البشر

ارجوكم من عنده رأى ماهو سبب ان حكومتنا تقوم بعلفنا

وهذا الخير من جريدة المصريون الاليكترونيه

بعد استيراد اقماح "العلف الحيواني" .. تشكيل لجنة من المركزي للمحاسبات والصحة والزراعة والتضامن للتحقيق

كتب احمد حسن بكر (المصريون) : بتاريخ 12 - 11 - 2008

قرر المستشار جودت الملط رئيس الجهاز المركزي للمحاسبات أمس الأربعاء تشكيل لجنة من الجهاز لحصر كميات القمح المستوردة -خلال الأعوام الثلاثة الماضية من 2005 حتى 2008، -والدول التي تم الاستيراد منها، وتحديد الكميات المستوردة بمعرفة الهيئة العامة للسلع التموينية، والقطاع الخاص.

وأكد الملط في تصريحات له أمس الأربعاء بأن هذه اللجنة ستتولى -أيضا - إعداد بيان بأسماء شركات القطاع الخاص التي قامت بالاستيراد لحساب الهيئة العامة للسلع التموينية، والوقوف على المعايير القياسية المعتمدة بقبول أصناف القمح المستوردة، وبيان موقف ودور كل من الجهات المعنية بشأن الإفراج والاستلام لكميات القمح المستوردة.. وتحديد مسئولية كل جهة من هذه الجهات.

وتتكون هذه اللجنة من أعضاء الجهاز المركزي للمحاسبات العاملين بالإدارات المركزية للخطة وتقويم الأداء لقطاعات الاقتصاد والإنتاج السلعي والوزارات الرئيسية والاقتصادية وإدارتي مراقبة حسابات السلع التموينية والغذائية والمطاحن والمضارب

ويأتي قرار الجهاز المركزي للمحاسبات في ضوء ما أثير مؤخرا عن قيام بعض شركات القطاع الخاص باستيراد قمح غير صالح للاستهلاك الآدمي سواء من أوكرانيا أو من روسيا، أو من الولايات المتحدة الأمريكية.

وعلمت " المصريون " إن الرئيس مبارك هو الذي أمر شخصيا بالتحقيق في الأمر بعدما أكدت التقارير التي رفعت إليه تكرار استيراد شركات القطاع الخاص اقماح من الخارج لصالح الهيئة العامة للسلع التموينية غير صالحة للاستهلاك الآدمي، وتحتوى على فطريات سامة وكميات كبيرة من السوس، وان الهيئة العامة للسلع التموينية تستلم تلك الكميات مقابل رشاوى كبيرة تدفع بالرغم من أن تحاليل المعامل المركزية لوزارة الصحة دائما ما ترفض الإفراج عنها.

[عاشق الترحال]

الخبر ده صحيح وكانوا بيناقشوه في برنامج العاشره مساء مع المذيعه منى الحسيني وكانت مستضيفه أحد المسؤلين بمركز البحوث اللي أكد صحة الخبر وأتهم المستوردين بأنهم السبب في المصيبة دي لأنهم بيسافروا يستوردوا القمح (( الوقيع )) على حد تعبير مذيعة البرنامج منى الحسيني وطبعا هما بيسترخصوا ويشتروا (( زبالة )) المزارع اللي بيأكلوها للحيوانات فى الخارج علشان يبيعوها هنا ويكسبوا كتير من الموضوع ده.

وطبعا الموضوع ده أتكشف لما وزارة التموين بدأت تعمل تفتيش عالمخابز علشان أزمة الرغيف اللي موجوده وعملية فصل الإنتاج عن التوزيع وطبعا لما بيروحوا المخابز بيلاقوا فيه تجاوزات وعدم مطابقة الرغيف للمواصفات فيعملوا محاضر للمخابز وأصحاب المخابز يقولولهم العيب من الدقيق مش مننا فبدأت وزارة التموين بتشكيل فرق بحث وتفتيش عالتجار والمستوردين وتبين من العملية دي أن المستوردين هما اللي ورا المصايب دي كلها.

وربنا ينتقم منهم ومن كل اللي بيدمر في الغلابة حتى رغيف العيش مش عاوزينا نتهنى عليه. منهم لله

*لأ والمصيبه الكبيرة أن طبيب مصري نزل يشتري (( زجاجة دواء )) كحه لطفله فوجد بها (( صرصار )) بكامل حالته موجود داخل العلبه والحمد لله أنه مفتحهاش أصل يقولوا أنه هو اللي حطه فى العلبه وطبعا الكلام ده مصدره برنامج (( الحقيقه )) تقديم وائل الإبراشي.

فهنيئا لنا بالعلف الحيواني والصراصير اللي في الدواء وما خفي كان أعظم .ودي كانت آخر إنجازات برنامج الحكومه الرشيده

إنتظروا الحلقات القادمة أكيد هيبقى فيها جوائز كبيره ممكن فئران وكلاب وحاجات لذيذة.