نداء عاجل الي طبيب امراض نسا والاجر والثواب عند الله

[رفيداء]

السلام عليكم ورحمة الله

دي اول مشاركه لي في المنتدى وهي عباره عن سؤال

ارجو من طبيب امراض نسا ان يفيدنى

انا عندي 21 سنه انسه

عندي مشاكل في الدوره الشهريه منذ حوالي 4 سنين

الموضوع ان الدوره ممكن تبقي مظبوطه حوالي 4 شهور في السنه وبعدين تيجى فترة الامتحنات وتختلف يعنى تيجي كتر وده اطول والمسافه بين المرة والاخري حوالي 12او14 يوم بما فيهم ايام الدوره

وكشفة كتيير ولكن الوضع كما هو

اما الان عملت ultra sound اثناء الدوره فقالتلي ان في bilateral minute cysts each ovary show more than 7

وكتبتلي علي cyclo progynova

فهل الحاله دي خطيره وهل لها اضرار بعد كده

وهل الدوه ده ينفع وهل له اثار جانبيه ممكن تضرني بعد كده

ارجوكم افيدوني لان الموضوع ده جايبلي اكتئاب

واسفه علي الاطاله

وجزاكم الله كل خير

[ziad]

يا ست الكل أطمنى إضطرابات الدوره فى أوقات التوتر ( الأمتحانات عندك) أمر طبيعى جدا جدا لأن الدوره الشهريه مرتبطه بهرمونات يتم إفرازها والتحكم فيها من المخ ولما يكون فيه توتر حاد( نفسى زى الأمتحانات مثلا أو حتى بدنى زى لاعبات الجمباز والسباحه) أحوال الهرمونات وبالتبعيه الدوره بيتشقلب مره طويله مره قصيره,مره 5 أيام,مره 10,مكنتيش محتاجه أصلا سونار

ولكن بما أن فيه سونار يبقى أهلا وسهلا,سونارك طبيعى جدا, minute cysts يعنى أكياس صغيره,يعنى حضرتك عندك أكياس صغيره على المبيضين,أحب أطمنك وأقولك أن ده طبيعى جدا وهشرحلك إزاى,عند نهايه كل دوره,بتتغير الهرمونات وينتهى النزف,يقوم كل من المبيضين بأختيار ألاف أو ملايين من الأكياس الى عنده عشان تكبر ليتم أختيار واحده بس منهم لتكون البيضه والباقى يضمر وينتهى,عند بعض السيدات فى وقت معين من دورتهم الأكياس ديه بتظهر على سطح مبيضهم ولكنها بتنتهى وتروح مع بداية الدوره الجديده عشان كده لو عملتى سونار تانى كمان 6 أسابيع مش هتلاقيهم

حاجه تانيه بسيطه,لو الدوره دائما متلخبطه ( مش بس أيام الأمتحانات) و وزنك عالى وعندك شعر أكتر من الطبيعى أرجو أنك تشوفى طبيبة نساء لأن فيه مرض ( مش خطير وله علاج ) إسمه polycystic ovary يعنى مبيض متعدد الأكياس ( بس دول بيكون حجمهم كبير مش زى عندك)

[رفيداء]

جزاك الله خير

شكرا علي الاجابه دى

[redwany]

لو عند حضرتك إجابة شافية .. ياريت تكون باللغة العربية

سي السيد

الإدارة

[رفيداء]

انا اسفه مش فاهمه

هو ايه بالعربي