bentmasria بتاريخ: 13 نوفمبر 2008 تقديم بلاغ مشاركة بتاريخ: 13 نوفمبر 2008 غنى وقال ...... ححلم مطر وألمح خضار الحرف ف أحلام الوتر واسمع ف لحن الروح حكاية مُنتظر غنى ف سنين عمره القديمة كل شىء ف نغم جرىء وحلم بقلبه إنه طال عرش السما ليه إنحنى؟ يمكن عشان نغمه ماكانش ف يوم ماليه ولا حاكيه ولا سنين احلامه كانت متعبة وحلم مطر ف جفاف حروفه الطيبة يحلم مطر وخضار شجر ويبل ريقه من ندى حلمه البعيد كائن وحيد ومفيش مفر غير انه بس يمسك وتر يعزف قدر يحلم مطر ودموع حنينه يادوب تتوه ويا الوطر اصده ياناس يحلم مطر عندما تشرق عيناك بإبتسامة سعادة يسكننى الفرح فمنك صباحاتى يا ارق اطلالة لفجرى الجديد MADAMAMA يكفينى من حبك انه......يملأ دنياى ....ويكفينى يا لحظا من عمرى الآنى.....والآت بعمرك يطوينى يكفينى .....انك........................تكفينى مدونتى رابط هذا التعليق شارك المزيد من خيارات المشاركة
هشام الجنيدى بتاريخ: 13 نوفمبر 2008 تقديم بلاغ مشاركة بتاريخ: 13 نوفمبر 2008 احلم انا.......... يعنى انا موجود ده الحلم ميه وهوا وطريق طويل ممدود احلم عشان اقدر اعيش مبتسم وان شالله حلمى يموت وياكله الدود والله وحشتنى ايام السجال بتاعت زمان ...... بحيكى يا بنت يا مصرية وبشكرك على اتاحة الفرصه دى ليا لانىبقالى كتييييييييييييير مكتبتش شعر على الهوا بس اعمل ايه دايما بتستفزى قلمى ب مساجلاتك.......... انما الامم الاخلاق ما بقيت .............. فان همو ذهبت اخلاقهم ذهبوا ...................................................................! وعلمتنى الحياه اضحك لأحبابى واضحك كمان للعدو علشان يشوف نابى واخده كمان بالحضن لو خبط على بابى فيحس انى قوى وميشفش يوم ضعفى....... قناتى ع اليوتيوب .... صفحتى ع الفيس بوك ..... رابط هذا التعليق شارك المزيد من خيارات المشاركة
dr gml بتاريخ: 16 نوفمبر 2008 تقديم بلاغ مشاركة بتاريخ: 16 نوفمبر 2008 شكرا لك اختى الفاضلة ان اتحت ِ لنا هذه الفرصة وهذه محاولتى المتواضعة دا مغنواتى وقال حاحلم مطر شاف ف الهوى سكة سفر توصل بطيفه للقمر ماهو اصله ع الحب انفطر عمره ماخاف يوم م الجفاف ولانه آمن بالقدر رغم الخطر عرف الممر ممكن يتوه او ينكسر لكن عليه يسيب اثر يكون خبر ويعيش بشر يحلم مطر مع تحيتى جمال رابط هذا التعليق شارك المزيد من خيارات المشاركة
shahd بتاريخ: 16 نوفمبر 2008 تقديم بلاغ مشاركة بتاريخ: 16 نوفمبر 2008 غنى لقلبه اللي اتقهر لحن الوداع تحت المطر يرسم بداية بسمته لوحة أمل ويا القمر أحلامه دارت حسرته ودفن انينه وانتصر حالف ليمسح دمعته يفرح وينسى حسرته ويا المطر.. تحت الشجر يقلع ألم .. يزرع أمل يمحي جراحه فـ وحدته ويغني لحنه للبشر عن عينه غابت دمعته ضمت رموشه ضحكته راجع ينور شمعته حيقيد بعمره دنيته يهدي حنانه وبهجته علشان حتكمل فرحته من يومها أمله في دنيته... يحـلم .. مطر :ninja: :blink: طـــــــفولــــة شــــــهـــد رابط هذا التعليق شارك المزيد من خيارات المشاركة
أشرف حسين بتاريخ: 16 نوفمبر 2008 تقديم بلاغ مشاركة بتاريخ: 16 نوفمبر 2008 (معدل) خدني المطر خدني السفر و اخدت من حلمي الكتير إلا انـا مرفقني رافض خطوتي فوق تلاتين سنه مخصمني ماشي فـ صحبتي بدبحني على سكين من ضنا اجري و سايبنى لـ ورا ألقاني بسبقني لـ هنا .. !! بس الجميل فـ المسأله أني قطعت السلسله صبح اللي مسجون هو حلمي لاكن اللي هربان هو انـا .. !!! تحت المطر عيش ضحكتك حد الجنون .. !! لسه الاغاني ممكنه :blink: . . . . . . ما هي إلا رائحة الزهر المعانقه لروحك البيضاء من أتت بي الى هنا ام مـادا ما انت الا العطر و ما العطر لا انت يا جميلة الحـرف لـ حضرتك وحشه كبيره ولله يا مدام ايمان wst:: :ninja: . تم تعديل 16 نوفمبر 2008 بواسطة أشرف حسين البحـر هـاج ،،،، والـروح بتتحـدى الغـرق وانا لسـه ضـامم شـكوتي ومعـبي فـ جـرابي الحسـاب شـايل على اكـتافي الضمير وفي إيدي تصـريح الذهـاب رابط هذا التعليق شارك المزيد من خيارات المشاركة
لولا بتاريخ: 21 نوفمبر 2008 تقديم بلاغ مشاركة بتاريخ: 21 نوفمبر 2008 كلما مررت بهذه الساحه وجدت الإبداع فيها قد زاد .. واشعر بنفسي اصغر من ان اقارع اقلام بهذه الروعه والتميز. غاليتى الأثيره ........... مانا العزيزه ...ام مادا الغاليه ... ايمان صاحبه الروح الشفافه اشتقت لك كثيرا جدا جدا جدا....................حقا اين انتى ............فقط لا تتأخرى اكثر من ذلك. لولا طائره ورقيه رياح شديده خيط قصير الطائره ليست بين السماء ولا الأرض ..هذه انا!! لولا رابط هذا التعليق شارك المزيد من خيارات المشاركة
bentmasria بتاريخ: 22 نوفمبر 2008 كاتب الموضوع تقديم بلاغ مشاركة بتاريخ: 22 نوفمبر 2008 انتم كمان وحشتونى بجد مادخلتش من فترى لظروف ربنا يعفى عنا جميعا منها بس زى ما بيقولوا يموت الزمار وحروفه بتكتب هشام جنبدى فينك وغين ايامك ومساجلاتنا الهادية الجميلة وحروفك السلسة الراقية اللى بتدفى الوجود بوجودك احلم انا.......... يعنى انا موجود ده الحلم ميه وهوا وطريق طويل ممدود احلم عشان اقدر اعيش مبتسم وان شالله حلمى يموت وياكله الدود ماقدرش اجاريك بس ححاول احلم انا .....يعنى ماليش حدود وطريقى جوه القلب فيه الحياة بتجود ولما القى الحزن ساكن خطوتى ارجع بحلمى فى السكات واعود شكرا ياغالى على جميل حرفك ولان الاحلام لن تنتهى يعنى نحلم مطر وخضار شجر وحنين حكاية منتظر مستنياك تحلم تانى معانا وحشتنا بجد مادا ومانا عندما تشرق عيناك بإبتسامة سعادة يسكننى الفرح فمنك صباحاتى يا ارق اطلالة لفجرى الجديد MADAMAMA يكفينى من حبك انه......يملأ دنياى ....ويكفينى يا لحظا من عمرى الآنى.....والآت بعمرك يطوينى يكفينى .....انك........................تكفينى مدونتى رابط هذا التعليق شارك المزيد من خيارات المشاركة
bentmasria بتاريخ: 22 نوفمبر 2008 كاتب الموضوع تقديم بلاغ مشاركة بتاريخ: 22 نوفمبر 2008 الاخ الكريم دكتور جمال دا مغنواتى وقال حاحلم مطر شاف ف الهوى سكة سفر توصل بطيفه للقمر ماهو اصله ع الحب انفطر عمره ماخاف يوم م الجفاف ولانه آمن بالقدر رغم الخطر عرف الممر ممكن يتوه او ينكسر لكن عليه يسيب اثر يكون خبر ويعيش بشر يحلم مطر )))))))((((((( تحلم بنفس الطلة وغبار الحياة ترسم بعينك حلمنا ....لمنتهاه ماهو قلبك اللى على الحب اتفطر عايش حنين .......يحلم مطر شكرا حقا لامتاعك الجميل وكما قلت ساحات الاحلام البعيدة التى سكنت قلوب جيلنا من اعمار تستحق ان تعشق سفر تحلم مطر وتعنى من صوت السكات انتظر حروفك الرائعة لتشاركنى مرات ومرات ساحة الحلم البنت المصرية عندما تشرق عيناك بإبتسامة سعادة يسكننى الفرح فمنك صباحاتى يا ارق اطلالة لفجرى الجديد MADAMAMA يكفينى من حبك انه......يملأ دنياى ....ويكفينى يا لحظا من عمرى الآنى.....والآت بعمرك يطوينى يكفينى .....انك........................تكفينى مدونتى رابط هذا التعليق شارك المزيد من خيارات المشاركة
bentmasria بتاريخ: 22 نوفمبر 2008 كاتب الموضوع تقديم بلاغ مشاركة بتاريخ: 22 نوفمبر 2008 غنى لقلبه اللي اتقهر لحن الوداع تحت المطر يرسم بداية بسمته لوحة أمل ويا القمر أحلامه دارت حسرته ودفن انينه وانتصر حالف ليمسح دمعته يفرح وينسى حسرته ويا المطر.. تحت الشجر يقلع ألم .. يزرع أمل يمحي جراحه فـ وحدته ويغني لحنه للبشر عن عينه غابت دمعته ضمت رموشه ضحكته راجع ينور شمعته حيقيد بعمره دنيته يهدي حنانه وبهجته علشان حتكمل فرحته من يومها أمله في دنيته... يحـلم .. مطر شهد تكتبين هذه المرة من قلب الحلم الذى يفيض رغم بسمات بحزن دفين وكأننا جميعا نعلم على أى الضفاف تتكسر قوارب احلامنا قد نقف وقد نستمر لكننا نحاول حقا فى كل اتجاه ان نظل على قوة الحلم صديقتى الرائعة الصافية العطاء وان تصبح من يسعد من حولك يقال عليها انها من زمن بائد لكنى كلى ثقة انك ممن يحملونها فى طيات قلوبهم ليظل الحلم مطر وحياة وابتسامة ترتسم بزهاء على وجوه من يتمناها ياصديقتى من يحلم المطر سوى مغنواتى لحنة بيرسم بسمه فى حياة الكتير يحكى فى قصص الحب للغنى والفقير ويلم جرحه من عيون الناس ويصبر اصله بيحلم بالمطر وبالهجير ودفاه يلم الدنيا حواليهم ف خير يحلم مطر يحلم مطر يسعدك ربى يا ست البنات مانا ومادا عندما تشرق عيناك بإبتسامة سعادة يسكننى الفرح فمنك صباحاتى يا ارق اطلالة لفجرى الجديد MADAMAMA يكفينى من حبك انه......يملأ دنياى ....ويكفينى يا لحظا من عمرى الآنى.....والآت بعمرك يطوينى يكفينى .....انك........................تكفينى مدونتى رابط هذا التعليق شارك المزيد من خيارات المشاركة
Mina بتاريخ: 23 نوفمبر 2008 تقديم بلاغ مشاركة بتاريخ: 23 نوفمبر 2008 استوقفتنى جدا .. يحلم مطر .. الكلمه دى تحديدا .. حلوه اوى .. رغم انها بسيطه جدا .. لكن بتقول كل حاجه .. بتختصر كل حاجه كلام شفاف زى الحلم و المطر الليل ثوبُنا, خباؤُنا رتبتُنا, شارتُنا, التي بها يعرفُنا أصحابُنا "لا يعرفُ الليلَ سوى مَن فقدَ النهار" هذا شِعارنا لا تبكِنا, يا أيها المستمعُ السعيد فنحنُ مزهوُّون بانهزامنا رابط هذا التعليق شارك المزيد من خيارات المشاركة
bentmasria بتاريخ: 23 نوفمبر 2008 كاتب الموضوع تقديم بلاغ مشاركة بتاريخ: 23 نوفمبر 2008 خدني المطر خدني السفر و اخدت من حلمي الكتير إلا انـا مرفقني رافض خطوتي فوق تلاتين سنه مخصمني ماشي فـ صحبتي بدبحني على سكين من ضنا اجري و سايبنى لـ ورا ألقاني بسبقني لـ هنا .. !! بس الجميل فـ المسأله أني قطعت السلسله صبح اللي مسجون هو حلمي لاكن اللي هربان هو انـا .. !!! تحت المطر عيش ضحكتك حد الجنون .. !! لسه الاغاني ممكنه اشرف حسين القلب الحساس والحروف التى ترفض خطى الواقع الحزين حين يغنى يجب ان يختلف سجن حلمه خلف قضبان الهروب الجميل ويتمتع بلحظاته تحت قطرات المطر الندية لا يرفض الاحلام بل يعانقها ويطمئنها انه لازال قادرا على الحلم رغم قيوده التى يتمنى يوما فى قرارة روحه ان يطلق سراح الحلم الى حيث معالم المطر الرائعة ويمكنه ببساطة ان ينطلق بجنون تحت المطر احلم مطر يا اشرف معنا وحلق الاف المرات عندما تشرق عيناك بإبتسامة سعادة يسكننى الفرح فمنك صباحاتى يا ارق اطلالة لفجرى الجديد MADAMAMA يكفينى من حبك انه......يملأ دنياى ....ويكفينى يا لحظا من عمرى الآنى.....والآت بعمرك يطوينى يكفينى .....انك........................تكفينى مدونتى رابط هذا التعليق شارك المزيد من خيارات المشاركة
bentmasria بتاريخ: 23 نوفمبر 2008 كاتب الموضوع تقديم بلاغ مشاركة بتاريخ: 23 نوفمبر 2008 لولا انا زعلانة مينا اانا برضه زعلانة محدش يدخل هنا ايده فاضية فين الشعر يا اصحاب اجمل الحروف والقلوب ماما مانا مستنية البنت المصرية عندما تشرق عيناك بإبتسامة سعادة يسكننى الفرح فمنك صباحاتى يا ارق اطلالة لفجرى الجديد MADAMAMA يكفينى من حبك انه......يملأ دنياى ....ويكفينى يا لحظا من عمرى الآنى.....والآت بعمرك يطوينى يكفينى .....انك........................تكفينى مدونتى رابط هذا التعليق شارك المزيد من خيارات المشاركة
فولان بن علان بتاريخ: 24 نوفمبر 2008 تقديم بلاغ مشاركة بتاريخ: 24 نوفمبر 2008 في حصة الأحلام قالت لنا أبلة إيمان يلا احلموا حلم المطر لما انهمر يروي العطاشى يطلق الروح من القيود ينسف ما بينا من حدود كتبت عالسبورة بالطباشير ألف حلم لألف زميل دا ها يبقى وزير كبير ودا هايبقى عالم قدير ودا ها يبقى طبيب شهير فولان ها يبقى أجدع غفير أو حارس على خزين الأمم زي يوسف الصديق في السبع العجاف أو عرابي في الميدان لما زعق في الخديوي أما خاف يا أبلة زي ما أنت غرة على جبين الفرس يلا احلموا قبل ما يضرب الجرس وقولوا للناس حسنا رابط هذا التعليق شارك المزيد من خيارات المشاركة
shahd بتاريخ: 25 نوفمبر 2008 تقديم بلاغ مشاركة بتاريخ: 25 نوفمبر 2008 في حصة الأحلامقالت لنا أبلة إيمان يلا احلموا حلم المطر لما انهمر يروي العطاشى يطلق الروح من القيود ينسف ما بينا من حدود كتبت عالسبورة بالطباشير ألف حلم لألف زميل دا ها يبقى وزير كبير ودا هايبقى عالم قدير ودا ها يبقى طبيب شهير فولان ها يبقى أجدع غفير أو حارس على خزين الأمم زي يوسف الصديق في السبع العجاف أو عرابي في الميدان لما زعق في الخديوي أما خاف يا أبلة زي ما أنت غرة على جبين الفرس يلا احلموا قبل ما يضرب الجرس أحببت هذا الموضوع واستمتعت بمساجلات استاتذتي الكرام ملكة الحروف واميرة الكلمات بنت مصريه :blush2: د/ جمال صاحب القلم الحساس المتميز :unsure: هشام الجنيدي شاعرنا المبدع المتمكن :blink: استاذ اشرف حسين الشاعر متألق متميز :lol: واليوم أجد استاذي فولان بن علان. رائع رائع رائع.... :wub: wst:: طـــــــفولــــة شــــــهـــد رابط هذا التعليق شارك المزيد من خيارات المشاركة
dr gml بتاريخ: 25 نوفمبر 2008 تقديم بلاغ مشاركة بتاريخ: 25 نوفمبر 2008 عزيزتى شهد أنا ايضا احببت هذا الموضوع واستمتعت بكلمات الاساتذة الكرام ولا أنسى مشاركتك التى تفيض انسانية وجمال تحيةواعجاب و تقدير لكل من شارك عزيزتى أم مادا أحييكِ على هذا الطرح فكم هو جميل ان يتلاقى الحلم والمطر مع الغناء والشعر لك كل الامتنان يا مغنواتى بناى وحلمت إنّك جاى لابس تياب بيضا بفرستك الشهبا تسهر مع الصحبة تشرب معايا الشاى تضحك مع عيالى تحكى عن الرحلة عن نخلنا العالى عن نبتنا الغالى و اللمةوالأحباب والضحكة بتلالى بين الخضار عشنا نقسم سوا الغنوة يحلِى الهوى عيشنا وِِِ مّا الزمان خدنا و ف عز حر النفس توّهنا وبعدنا بتعدى زى الهمس شايل معاك زادنا تهدينا معنى و ضِل من كلمة وأمانى ب استنى يوم ماتهل تدّارى أحزانى و احلم مطر تانى رابط هذا التعليق شارك المزيد من خيارات المشاركة
shahd بتاريخ: 26 نوفمبر 2008 تقديم بلاغ مشاركة بتاريخ: 26 نوفمبر 2008 يا ارض ضايعه فين نلاقي زرعنا؟؟ تحت الصخور جوا الجحور.. ولا هنا؟؟ في الحارة دي... جوا البيوت كان حلمنا بين الحيطان عند الجيران!! لااا مش هنا؟؟ يامغنواتي عـ الطريق ما تدلنا غنيوة حلوة عـ الربابة اعزف لنا ليه كل ما .. نحلم مطر. نلقاه خطر..نرجع نداري دمعنا خلينا.. يوم من عمرنا .. نفرحلنا من غير جروح !! تصرخ.. تنوح !! ده ...............حقنا طـــــــفولــــة شــــــهـــد رابط هذا التعليق شارك المزيد من خيارات المشاركة
Salwa بتاريخ: 2 ديسمبر 2008 تقديم بلاغ مشاركة بتاريخ: 2 ديسمبر 2008 واحلم مطر .. واحلم واقول .. مغنواتى غزلت الحلم ميت موال .. هديتك نجمة بتنور طريق الاحمال .. رسمت فى موانى الشوق شخوص الاحباب .. مغنواتى ...وبحلم بامتلاك الكون .. شوية رمل على مالح وموج بيثور .. واحلم مطر .. بموجة عشقتها .. واصحى واخاف ... تتوه... متجيش .. (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93] رابط هذا التعليق شارك المزيد من خيارات المشاركة
City of angels بتاريخ: 19 أكتوبر 2009 تقديم بلاغ مشاركة بتاريخ: 19 أكتوبر 2009 (معدل) يا مغنواتي يا مغنواتي احلم ليلاتي وكل حلم هتحلمه بكرة النهار هيكمله واحنا معاك هنأوله بس انت قول من أوله واحلم بالوان الحياة واصحى ولونها الفجر يرجع له ضياه وتهون مشاكلها وان حد قال لك حلم ايه او حد لامك يوم عليه اوعى ياصاحبي تبدله دا انت واحشني من زمان ولا حاشني عنك غير بيبان في كل سكة متقفله صوتك فتحها وقالي قوم ليه اليالي معاك تدوم وان كان على قلبي انا انا قلبي عمري مابقفله وان شفت يوم الارض شربت كل حلمك ولا نبتتش غير شوك راسملك ضحكة صفره فيها شماته وسخرية اوعاك تقول انا حلمي مات ابدا ما متش دي دلسه في الارض البذور محتاجة بس تكون صبور تسقيها وتشبعها نور وهي تطرح لك طيور تاخد غناك وتوصله يا مغنواتي عمرو عريبه تم تعديل 19 أكتوبر 2009 بواسطة City of angels رابط هذا التعليق شارك المزيد من خيارات المشاركة
هشام الجنيدى بتاريخ: 20 أكتوبر 2009 تقديم بلاغ مشاركة بتاريخ: 20 أكتوبر 2009 (معدل) يا مغنواتى عالرباب يا ماشى فى سكة امل وسط الهدد....وسط الخراب ووسط ايام الاغتراب بتغنى ايه .... بغنى للاطفال ورود بغنى للايام وعود بنادى عالبسمة اللى تاهت فى الضباب يمكن تعود... يمكن الاقى الحلم مدفون فىالتراب محتاج لايد تتمد له محتاج لقلب يجمله ويلونه ويبنى حواليه سور كبير مقفول بباب بغنى من ايام زمان بغنى من ايام مكان الكلام من غير فلوس والليالى منورة من غير فانوس والنفوس غير النفوس بحلم مطر ... ينزل على الارض اللى بورها اسمه ايه تطرح شجر تطرح ورود ......تطرح شباب...... تم تعديل 20 أكتوبر 2009 بواسطة هشام الجنيدى انما الامم الاخلاق ما بقيت .............. فان همو ذهبت اخلاقهم ذهبوا ...................................................................! وعلمتنى الحياه اضحك لأحبابى واضحك كمان للعدو علشان يشوف نابى واخده كمان بالحضن لو خبط على بابى فيحس انى قوى وميشفش يوم ضعفى....... قناتى ع اليوتيوب .... صفحتى ع الفيس بوك ..... رابط هذا التعليق شارك المزيد من خيارات المشاركة
bentmasria بتاريخ: 20 أكتوبر 2009 كاتب الموضوع تقديم بلاغ مشاركة بتاريخ: 20 أكتوبر 2009 هشام و عمرو وحشتونى باقلامكم الرائعة واحلامكم الدافية وحروفكم المليانة امل واصالة الموضوع ده رجع وصحى فى وقت قلوب كتير قوى بطلت تغنى رائعين ربى يمتعكم بالاغانى والامانى وكل شىء جميل واقول مغنواتى لكن حزين حلمت يوم المطر يجينى تاهت ملامحى فى قلب حزنى لا لقيتها غنوة ....ولا حتى بين شاخت حروفى من كتر أنى واللحن ضايع مع حتة منى لكن بغنى لسه بغنى واحلم ببكره مع كبر سنى اصلى امتهنت الغنا زمان وكتبت دمعى حرف ف كمان ويوم ماكنت تقفل بيبان ادق عودى وارجع تبان مغنواتى ورغم انى تاهت حروفى وهزمنى سنى لسه حسافر ف بحور نغمكم واكتب حكاية من نور املكم واملا المرايا بشباب حنينكم واضحك واغنى لسه بغنى ل س ه ب غ ن ى سامحونى ووحشتونى البنت المصرية عندما تشرق عيناك بإبتسامة سعادة يسكننى الفرح فمنك صباحاتى يا ارق اطلالة لفجرى الجديد MADAMAMA يكفينى من حبك انه......يملأ دنياى ....ويكفينى يا لحظا من عمرى الآنى.....والآت بعمرك يطوينى يكفينى .....انك........................تكفينى مدونتى رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان