حـــــــــائر في إختيار العرض المناسب (دبي أم السعودية)

[KamelN]

السلام عليكم و رحم الله و بركاته

أولا أشكر جميع الأعضاء الذين كانو سببا لوجود مثل هذا المنتدى الرائع

و الله يا جماعة دا ربنا وحدو يعلم كم فرحت لما لقيت المنتدى عند طريق عمنا قوقل

هذه أول مشاركة لي و أرجو منكم أن تتفاعلوا معي و تنصحوني و ترشدونني إلى الطريق السليم بإذن الله

أنا مصمم جرا فيكس طباعة و لي 8 سنوات خبرة و قررت إني أدور على شغل في الخليج و الحمد لله جاتني عروض أهمها:

العرض الأول:

عرض من السعودية في مدينة خبر في شركة دعاية و إعلان و راتبها إن شاء الله 4000 ريال و صاحب العمل أرسل لي عقد عمل بسنتين عن طريق الإيمايل و بالنسبة للفيزة فلسا ما طلعتش و هو عاوزي أجيه زيارة و بعدين نمضي العقد النهائي و دا طبعا لازم أروح للبحرين و أرجع و بإذن الله لإتمام إجراءات الكفالة.

العرض الثاني :

عرض من دبي في شركة طباعة و راتبها إن شاء الله 4000 درهم مبدئيا كما قال صاحب العمل و طبعا السكن و المواصلات عليه بس الرجال عاوزني أجي لدبي كزائر لمدة شهر يشوف فيها خبرتي في المجال و بعد انتهاء المدة نعمل عقد عمل.

أرجو أن لا أكون ثقيلا عليكم بأسئلتي هذه فأنا و الله محتار بين العرضين و كمان صليت صلاة الإستخارة و محصلشي معايا حاجة بس ممكن يكون منتدى محاورات المصريين سبب أعرف به الصح

أرجو منكم أن ترشدونني إلى الاختيار الصحيح دنا لسا جديد على السفر و الغربة و المشاكل دي مع العلم أنني و الحمد لله متزوج و لي ولد

و شكرا لكم

[aboueyad alex]

أخى العزيز أستخير الله عز وجل مرة ثانية وإن كنت ارشح لك المملكة السعودية لأن الراتب والمميزات واحدة فالسعودية أوفر وممكن تحوش فيها وإن كنت أتصور أن الراتب سواء هنا أو هناك فهو قليل على رجل عنده خبرة 8 سنوات فمتستعجلش وتفرح بالعرض ولكن تأنى لتنال ماتتمنى من راتب ومميزات أكثر لأن مهنتك مطلوبة بكثرة فى دول الخليج وأكثر بالكويت وراتب لا يقل عن 500 دينار ولك حق التفكير و الإختيار

[أحمد سيف]

دبي بدون تردد

بس ما تطلعش إلا بعقد وسيبك من حكاية الزياره دي وحاول تضغط شويه علشان زيادة الراتب

[Diab]

راتب دبي ضعيف جدا لأن مستوي المعيشة هناك مرتفع للغاية والناس هناك في حالة لهاث دائم بمعني أخر

الداخل = الخارج

السعودية ممكن تحوش فيها بس الراتب فعلا زي ما الأخ قال لازم يزيد

تحياتي

[abdulmuttaleb]

أخي السائل/

هنالك عدة عوامل في الحسبان:

أولا-القيمة الشرائية والمعيشية للراتب في الحالتين، وأيهما يوفر قدرة على الادخار.

ثانيا-طبيعة الشركة أو المؤسسة في الدولتين، أخلاق صاحب العمل طبيعة النشاط فرص الترقي الاحتكاك بجنسيات مختلفة ومصممين آخرين يصقلوا الموهبة والخبرة، مزايا تأمينية وطبية، تذاكر سفر، استكمال دراسات عليا مثلmba......إلخ

ثالثا-طبيعة المهنة في سوق العمل بالدولتين: فرص الانتقال لشركات أفضل بمزايا أفضل، معدل نمو هذه المهنة ومدى الإقبال عليها من الشركات والمؤسسات،

حضرتك اعمل جدول بالمزايا والعيوب، في كل جزئية

ورتب حسب أولوياتك، يعني ممكن حضرتك محتاج كاش دلوقتي أكثر من أي شيء فتضطر تضحي مثلا بالرقي الوظيفي لو هو متوفر في العرض الذي يوفر راتب أقل وهكذا

ممكن حضرتك يهمك جدا أهم حاجة ان الشركة تكون كبيرة وعالمية، والعرضين راتبهم متفارب لكن في شركة مزاياها أقل وفرص ترقيك داخلها أكبر وهي ملتيناشونال، والأخرى راتب أعلى ومحلية فتختار الملتيناشونال

بالتوفيق ولا تنسى أن تتشارك مع رفيقة دربك وتكثر من الدعاء

[abdulmuttaleb]

نسيت أقول حضرتك يا ريت تعتمد على مصادر موثوقة في المعلومات خصوصا عن الشركة نفسها وطبيعة العمل

يعني اسأل الشركة نفسها بشكل رسمي عن كل جزئية تحب الاستفسار عنها

مش عايز اقول لو حضرتك حتى تتصل بالرقم الأرضي للشركة كما لو أنك عميل مثلا اسأل كده عن أي حاجة، ومثلا عن سعر تصميم معين، شوف طريقة الرد من السويتش أو السكرتارية، أسلوب الكلام،

أنا مثلا لو مكان حضرتك ممكن أعمل نفسي عميل و عايز أسأل لو انا جيت لشركتكم وحصل مشكلة في التصميم أو يعني احتجت أغيرألوان معينة وعايز الراجل المصمم، أو عايز المدير، شوف الرد ازاي ح يكون، أو المصمم ح يقوللك ايه.

لو الشركة ليها ويبسايت يا ريت تبص عليه، شوف كمان المنافسين في السوق مستواهم ايه بيبان من الموقع حتى ومن قائمة العملاء (يا ريت تسألهم عملاءكم مين في كلا الدولتين)، ولو عرفت تاخد فكرة عن مستوى رواتب ومزايا المنافسين ح يكون شيء جميل.

وفيه نقطة أيضا مسألة التدريب أو الاختبار مدتها في كلا العرضين والنتيجة المترتبة عليها، يعني حضرتك أكيد واثق من قدراتك، لكن نفترض أسوأ حاجة الراجل مثلا ما حبش ان حضرتك تكمل معاه لأي سبب، ما هو النتيجة، هل ستعود لمصر أم ستتاح لك فرصة الانتقال لأي شركة أخرى؟

[osmel33]

عرض السعودية على الرغم من من أنه يبان انه قليل يكسب لأن ممكن تدخر منه بس برضه حاول تضغط عليهم شوية أما عرض الإمارات ولا تفكر فيه لأنه عرض ضعيف جداً لأن المعيشة فى الإمارات غالية جداً وفيه طبعاً السؤال الأهم أنت متجوز ولا لأ ؟ ولو متجوز هاتاخد زوجتك ولا لأ ؟ وهل عندك أولاد ؟ كل دى معاير مهمة فى الإختيار ، أخيراً موضوع أنها فيزة زيارة هم غالباً عاملين كده عشان يشوفوا شغلك الأول وبعدين يقرروا وأخيرا اتمنى لك التوفيق

[yosef]

يااخي بارك الله فيك لاتفكر بعرض الامارات ابدا الغيه من تفكيرك 4000 درهم لن تفعل لك شئ الغرفة اجاراها يوصل الى اربعة الالف ولن تحوش اي شئ هناك الغلاء فاحش جدا راتبك لازم يكون فوق 9000درهم اذا انت عايز تعيش عيشة كريمة اما العرض بتاع السعودية صحيح هوا قليل مقارنه بخبرة حضرتك واضغط عليهم حتى يوصلوه لـ 6000ريال لكن 4000 الاف بالسعودية تعيش عيشة هنيئه وتقدر تحوش انما الامارات نصيحه ابعد عنها

تحياتي لك

تم تعديل 14 نوفمبر 2008 بواسطة yosef

[iloveegypt]

العرضين كلام فى الهوا

يعنى مفيش معاك فى يدك عقد موثق خارجية

يبقى انت ونصيبك لا ن القاعدة فى العمل فى الخليج كله هى (كلام الليل مدهون ) يعنى فى اى عقد موجود بند لا يعتد بالاتفاقات الشفاهية بدون كتابة

يعنى من الاخر اللى يجيبلك عقد فكر واستخير اما حكاية الزيارة فده عايز يحطك فى سياسو الامر الواقع يعنى ممكن تلاقى 4000 اصبحت 2500 ولو مش عجبك روح وطبعا تكون سبت شغلك فى مصر وفى الاخر انت صاحب القرار وربنا يوفقك

بس سوال وضع شغلك فى مصر ايه وعندك اولا د فى مدارس ولا لأ

[KamelN]

شكرا لكم على التفاعل

الف شكر على مساعدتكم و نصائحكم القيمه و ان شاء الله أفكر كويس فيها

و ياريت لو حد من الاخوه عند معلومات اكتر عن دبى يقولى خبراته و لكم جميعا جزيل الشكر

[osmel33]

شكرا لكم على التفاعل

الف شكر على مساعدتكم و نصائحكم القيمه و ان شاء الله أفكر كويس فيها

و ياريت لو حد من الاخوه عند معلومات اكتر عن دبى يقولى خبراته و لكم جميعا جزيل الشكر

لأ بقى دا انت مصر يعنى الناس عمالة تقولك بلاش دبي وأنت مصر برضه دبى صعب جداً نك تعيش فيها بالراتب ده ولا حتى ضعفه وزى ما الأخ yosef ما قالك مش أقل من 9000 درهم وده على فكرة يا دوبك تعرف تعيش

[abo_sameer]

نصيحه مغترب لجديد على الاغتراب

لو عايز تشتغل بصدق وبضمير وانت وعايز تبني صداقات وعلاقات طويله . وتنسي الفهلوه .وتاكد انك رايح تتضن الشعله الي هتشتغلها ان شائ الله لو بواب ف عماره وتنسي الفهلوه انصحــك واقول لك

تعال السعـوديه والاو ل تعمل لك ارضيه وتوثق الناس فيك وبصدق التعامل

دبي حقيقه ما عنديش فكره عنها .

[KamelN]

شكرا لكم على النصائح

بس يا إخونا المسألة موش مسألت راتب و الا سكن أو غير المسألة مسألة حياة لازم تعيشها مع ناس موش عارف هما بفكرو الزاي أو بيعاملوك الزاى طبعا أنا سامع كلام وحش عن السعودية (مع إحترامي الكبير للسعودية و ناسها الطيبين) و طريقة تعاملهم مع العمال و كمان قرأت تجارب بعض الأعضاء في المنتدى تخليني أفكر ألف مرة في طريقة الحياة قبل الراتب لأنو الراتب مع الوقت حيزيد بس طريقة التعامل هي تربية نشا عليها الواحد و متقدرش تغيرها و بالنسبة للراتب أنا واثق و الحمدلله من قدراتي و قادر أثبت جدارتي و لو صاحب العمل حيعمل زي ماقال الأخ iloveegypt أنا معنديش مشكل إني أرجع لبلدي و كمان لشغلي و بإذن الله موش حقبل إلا بالعرض إلي أنا عاوزو يعني يكون منطقي

و الله أنا و الحمدلله بشتغل في شركة محترمة و راتبي كويس يعني يدوب مصاريفي و مصاريف البيت و شوية رفاهة بس أنا عاوز أخوض تجربة جديدة زي ماخاضها إخوننا إلي سبقوني و الباقي في إيد ربنا وحدو يعني إنت و بختك

و أكرر و أعيد يا إخواني القضية موش قضية راتب أو سكن الحكاية أكبر أنا حعيش إن شاء الله معاهم طيلة عملي يعني موش عارف كام ممكن على طول و ممكن 10 سنين أو أكثر و الواحد لما يحس نفسو في الغربة مع شوية معاملات سيأة حيكون بمثابة السجن و لو تكون معاملات إحترام و محبة و الله موش حي حس بالغربة

و ربنا يسهل للخير

[osmel33]

شكرا لكم على النصائح

بس يا إخونا المسألة موش مسألت راتب و الا سكن أو غير المسألة مسألة حياة لازم تعيشها مع ناس موش عارف هما بفكرو الزاي أو بيعاملوك الزاى طبعا أنا سامع كلام وحش عن السعودية (مع إحترامي الكبير للسعودية و ناسها الطيبين) و طريقة تعاملهم مع العمال و كمان قرأت تجارب بعض الأعضاء في المنتدى تخليني أفكر ألف مرة في طريقة الحياة قبل الراتب لأنو الراتب مع الوقت حيزيد بس طريقة التعامل هي تربية نشا عليها الواحد و متقدرش تغيرها و بالنسبة للراتب أنا واثق و الحمدلله من قدراتي و قادر أثبت جدارتي و لو صاحب العمل حيعمل زي ماقال الأخ iloveegypt أنا معنديش مشكل إني أرجع لبلدي و كمان لشغلي و بإذن الله موش حقبل إلا بالعرض إلي أنا عاوزو يعني يكون منطقي

و الله أنا و الحمدلله بشتغل في شركة محترمة و راتبي كويس يعني يدوب مصاريفي و مصاريف البيت و شوية رفاهة بس أنا عاوز أخوض تجربة جديدة زي ماخاضها إخوننا إلي سبقوني و الباقي في إيد ربنا وحدو يعني إنت و بختك

و أكرر و أعيد يا إخواني القضية موش قضية راتب أو سكن الحكاية أكبر أنا حعيش إن شاء الله معاهم طيلة عملي يعني موش عارف كام ممكن على طول و ممكن 10 سنين أو أكثر و الواحد لما يحس نفسو في الغربة مع شوية معاملات سيأة حيكون بمثابة السجن و لو تكون معاملات إحترام و محبة و الله موش حي حس بالغربة

و ربنا يسهل للخير

يا أخ KamelN انت بتقول كلام كبير عن ناس هاتعاملهم وتعيش معاهم وطريقة حياة أنا مش عارف انت مكبر الموضوع كده ليه موضوع المعيشة ده انساه خالص لأنك مع الوقت بتتأقلم وبتاخد على طباع ناس انت ماكنش ممكن تتخيل انك تتعامل معاهم من الأصل فموضوع السفر هو حسبته (راتب + سكن + معيشة جيدة) ويمكن معيشة جيدة دى تحتها خطوط كتيرة لأن بصراحة بلد زى السعودية إذا ماكنتش عايش فى المدينة أو يعنى قريب من الحرم بلد ما يتعاشى فيها ده غير الإمارات وقطر ويمكن كمان البحرين اللى فيهم سبل الراحة متوفرة وتعامل يعنى إلى حد كبير محترم

ونرجع نقول طباع البشر اللى هاتتعامل معاهم فى الخليج عموماً فيها طبعاً الكويس وفيها الوحش وأنت بتصرف حالك على طباعهم يعنى أرجع تانى لحسبة الراتب والسكن وبالتوفيق

[kingsabry]

شكرا لكم على النصائح

بس يا إخونا المسألة موش مسألت راتب و الا سكن أو غير المسألة مسألة حياة لازم تعيشها مع ناس موش عارف هما بفكرو الزاي أو بيعاملوك الزاى طبعا أنا سامع كلام وحش عن السعودية (مع إحترامي الكبير للسعودية و ناسها الطيبين) و طريقة تعاملهم مع العمال و كمان قرأت تجارب بعض الأعضاء في المنتدى تخليني أفكر ألف مرة في طريقة الحياة قبل الراتب لأنو الراتب مع الوقت حيزيد بس طريقة التعامل هي تربية نشا عليها الواحد و متقدرش تغيرها و بالنسبة للراتب أنا واثق و الحمدلله من قدراتي و قادر أثبت جدارتي و لو صاحب العمل حيعمل زي ماقال الأخ iloveegypt أنا معنديش مشكل إني أرجع لبلدي و كمان لشغلي و بإذن الله موش حقبل إلا بالعرض إلي أنا عاوزو يعني يكون منطقي

و الله أنا و الحمدلله بشتغل في شركة محترمة و راتبي كويس يعني يدوب مصاريفي و مصاريف البيت و شوية رفاهة بس أنا عاوز أخوض تجربة جديدة زي ماخاضها إخوننا إلي سبقوني و الباقي في إيد ربنا وحدو يعني إنت و بختك

و أكرر و أعيد يا إخواني القضية موش قضية راتب أو سكن الحكاية أكبر أنا حعيش إن شاء الله معاهم طيلة عملي يعني موش عارف كام ممكن على طول و ممكن 10 سنين أو أكثر و الواحد لما يحس نفسو في الغربة مع شوية معاملات سيأة حيكون بمثابة السجن و لو تكون معاملات إحترام و محبة و الله موش حي حس بالغربة

و ربنا يسهل للخير

كله بيقول كده في الأول ..........

الشغل بياخد معظم وقتك بتبقى مش لاقي وقت علشان تترفه .......الا يوم الجمعه .. وبتلاقي مليون مكان للترفيه في أي مكان

وأهم شئ انت هتعرف توفر قد ايه ؟؟؟؟؟؟؟ في الفتره اللي انت قاعدها ؟؟؟؟؟؟؟؟

علشان ما تندمش بعد كده ......

أخوك / محمد