بائــعة الأحلام...

[بنت شعنونة]

http://www.elmasry.net/shana.rm

من فضلك ... لا تقرأ حروفي قبل ان تكون الموسيقى قد بدأت بالعزف..

تحياتي...

[بنت شعنونة]

.

.

.

.

.

.

.

.

.

.

.

.

.

.

.

.

وقفت بباب المحبين

ابيع الأحلام للعاشقين

ف هاهي الأحلام.. فأين المريدين؟

اين عشاق الحياة.. اين الطموحين؟

اين اهل الحزن .. واين اليائسين؟

احلامي من كل لون ونوع.. ولكل دروب العاجزين..

.

.

وانتظرت وطال انتظاري..

يبدوا ان احدا لم يفهم شعاري

صرخت بكل قوة.. ابيع احلالالالامي

احلام للبيع.. يا اهل الديار...؟

.

.

اتنبهوا على صوت صرخاتي

ارى كثيرين قادمين في اتجاهي

ترى ماهو حلم ذلك الشخص الأتي..

افتاة ام زواج او مال ؟؟ ام لعله تمني الفتات؟

.

.

واتاني اول المريدين

انسان بائس حزين

تبدوا على وجهه امارات الوهن من عذاب السنين

مهلهل الثوب ندي الجبين

اتاني والحزن في عينيه

و الهم بين يديه

وسألني

يا أنت... اتبيعين الأحلام حقا؟؟

نعم..؟ الم تسمع نداءاتي؟؟ تبا!!

سمعتها.. لكني ظننتها وهما؟؟

- لا لست وهما.. كل ما عليك هوا ان تتمنى حلما

- وما الذي سادفعه اجرا؟

- ستعرف بعد ان تختار حلما..

بدا عليه الأحتيار

ف الحلم ليس سهل الأختيار

فجلس على الأرض بجواري كانه عجوز ختيار

تعبث الذكريات بباله و الأفكار

شعرت بالحزن لحاله

فجلست الى جواره

وانا اساله... مابه؟

اطرق الراس خجلان

وتمتم بقصة تفطر قلب الأنسان

وقال

كانت لي زوجة و ولد

وكان لي الأهل والسند

ومن كل متاع الدنيا اخذت ولم ازد

تزوجتها رغما عن اهلي

كيف لا وهي حياتي وحبي

حذروني منها ولكن لا حياة فيمن تنادي

وهجرت الأهل لآجلها

وتركت الديار طمعا في قربها

وعشت معها الشهور حلوها يسبق مرها

ولكن.. يبدو اني لم اكن ارى غدرها

فقد سلبتني اموالي

وتدهورت احوالي

لم تكن تحبني وانما احبت كياني

وبعد ان نفذ المال

تركتني وحيدا اواجه الأهوال

عدت الى اهلي لآجد منهم من رحل

ومنهم من رفض رؤيتي او اقراضي المال

وها انا اقف امامك اتمنى حلما من الأحلام

فقولي لي اختاه.. ماذا اختار حلما

وماذا قد يكون لي عوضا

عن كل ماذكرته؟

اسقط في يدي

واحترت في امري

وقلت له.. ان ذلك ليس في يدي

كل ما املكه ان ابيعك ما تشتهي

وهنا قال..

اذن.. بيعي لي راحة البال..

..

قلت له

ولكنها ليست من ضمن الأحلام؟

وهل لو كانت راحة البال تباع

كنت وجدتني هنا اقف بين الضباع

ابيع الأحلام لكل من يشعر بالضياع؟؟

وتعانقت دمعاتنا

بعد ان عرف ان مبتغاه ليس للبيع

وبعد ان ازاح ستار القوة عن بائعة الأحلام...

[وسام]

اسف لكن الوصلة مش شغالة

ها نقرا و لا لا ؟؟؟؟؟؟؟

[بنت شعنونة]

اعتقد انه كدا اتصلح..

ماحدش يقرا قبل ما الموسيقى تشتغل

[Katamando]

يا ترى يا هل ترى؟!!!

بائعة الأحلام دي تقرب لبائعة الخبز

(وش واحد عبيط)

:D

[بنت شعنونة]

يعني يا كتامااااااندو

مختفي بقلك ميييييييييت سنة وبتاع

وندور عليك في البلاد

كتاماندوا تايه يا ولاد الحلالالالالال

ويوم ما تطلع

تقولي الكلمتيييييييييين دوووووووووول؟؟؟؟!!!!!!!

"وش مفروس صرحا"

ماشششششششششي

حطمتوا معنوياااااااااتي "وش بيعيط"

وانا اللي جايبالكوا مزيكا وبتاع وعايزة اعيشكم في الجووو القصصي

[linux]

يا ترى يا هل ترى؟!!!

بائعة الأحلام دي تقرب لبائعة الخبز 

:cry:

لأ ... أظن أن بائعة الخبز فى الدكان اللى على اليمين جنب سكسوك العجلاتى لما تدى ضهرك لبهانة بياعت نبوت الخفير.

وش شيخ حارة قاعد على القهوة بيطرقع صوابع رجلية

____________________________________________________

لينكس فنكوش لينكس و ولده زرمبيح

تاجر أعلاف و تسمين حيتان

[linux]

معلهش ... خدى دة على أنه نقد بناء:

يا أنت... اتبيعين الأحلام حقا؟؟  

نعم..؟ الم تسمع نداءاتي؟؟ تبا!!

طيب ليه العدوانيه و الأفترا ده؟ هوا السؤال حرم و لا أيه؟!

ده صوت القفا اللى طرقع وصلنى هنا ياشيخة

شعرت بالحزن لحاله  

فجلست الى جواره  

وانا اساله... مابه؟

اهوا كده امال ... شوية حنيه و لطف بعد ماورمتى قفا الراجل ...

صحيح الدنيا لسه بخير

فقد سلبتني اموالي  

وتدهورت احوالي  

لم تكن تحبني وانما احبت كياني

ما تعرفيش البعيده لهفت كام؟

هنا قال..  

اذن.. بيعي لي راحة البال..

ما كنش حد غلب ياأسطى ...

تصدقى الحتة دى جت فعلا على الجرح ... بجد!

قلت له  

ولكنها ليست من ضمن الأحلام؟  

وهل لو كانت راحة البال تباع  

كنت وجدتني هنا اقف بين الضباع  

ابيع الأحلام لكل من يشعر بالضياع؟؟

اجمل مافى القصيد

القصيده دى دخلت دماغى فعلا ...

مجهود جميل و فيها فكرة شجية بس مش محبطة ...

أنتى اللى كتبتيها يا شعنونة؟

____________________________________________________

لينكس فنكوش لينكس و ولده زرمبيح

تاجر أعلاف و تسمين حيتان

[بنت شعنونة]

لا...

انا لقيتها عند العلاف اللي جنبنا...

"وش مفرووووووس بجد يعنييييي"

[linux]

لا...

انا لقيتها عند العلاف اللي جنبنا...

"وش مفرووووووس بجد يعنييييي"

يامحاسن الصدف ... علاف برضه من نفس الكار بتاعى ...

طيب مش كان أحسن تنفعى أخوكى برضه؟ الواد زرمبيح عايز جلبية للصيف

____________________________________________________

لينكس فنكوش لينكس و ولده زرمبيح

تاجر أعلاف و تسمين حيتان

[الطفشان]

لا...

انا لقيتها عند العلاف اللي جنبنا...

"وش مفرووووووس بجد يعنييييي"

يعني العلاف اللي كاتبها

و الا لف لك حاجة في قرطاس و طلعت القصيدة من الكتاب اللي قطع ورقه قراطيس؟

(وش واحد بيعز المناكفة في حشيش و شعنونة)

[Cleo]

وانا اللي جايبالكوا مزيكا وبتاع وعايزة اعيشكم في الجووو القصصي

بس احنا شفنا المزيكا..... ماشوفناش البتاع....

(وش لابس نضارة كعب كباية)