مظاهرات رفض تنحى عبد الناصر عقب نكسة 67

[eslam elmasre]

كنا نعيش في مدينه السويس ابان حرب 67 حيث كان عمل والدي يحتم عليه الاقامه الكامله في تلك المدينه

وكان ابي عليه رحمه الله يعمل في جهه تابعه للقوات المسلحه في ميناء السويس

وتحكي لي والدتي ان ابي كان يتصف بالشجاعه الشديده

وبعد ان قامت الحرب بيومين وكنا مازلنا نعيش في السويس وجدت طرق شديد علي الباب واذا به ابي وكان حطام انسان ينتابه الهلع الشديد وقلبه ملئان بالرعب والخوف حتي ان والدتي التي لم تعهد ذلك في ابي اصيبت بصدمه من هول ما رأت وبعد ان هدء روعه قال لها هيا اجمعي الاولاد الان سنهاجر من هنا فورا وكانت الحرب لم تصل بضراوه الي مدينه السويس فكان هذا مدعاه من والدتي ان تساله لماذا نهاجر والحرب مازالت بعيده عنا

قال لها وهو يبكي بكاء شديد يبكي بحرقه لقد قام اليهود بضرب المركب التي اعمل بها وقسمتها نصفين وبدأت اجمع اشلاء زملائي واحبائي الذين كانوا مازلوا معي الان وبعد دقائق بدأت اجمع اشلائهم

وقامت والدتي بجمعنا وكانت تحملني علي كتفها واختي الكبيره كانت تحمل اخي الذي يكبرني بسنتين وابي يهرول امامنا ويقول اجروا اجروا يالا نمشي اليهود هايضربونا اليهود ورانا وركبنا القطار في جنح الظلام ولم نحمل معنا سوي بعض ملابسنا وتركنا كل اساس المنزل فقد كان ابي يريد ان ينفذ بجلده من هول مارأي بعينه

وبعد ذلك اصيب ابي بمرض الشلل الرعاش ولم يعد قادر علي المشي وكان مازال في مقتبل العمر بين الاربعين والخمسين ثم سلسله من الامراض التابعه ثم النهايه بعد عذاب المرض الموت

نحن اكثر من ضر من تلك الحرب

مدن القناه

الذين تركوا بلادهم وبيوتهم وممتلكاتهم وذهبوا يبحثوا عن اقامه اخري وجيران اخرين وحياه اخري

جمال عبد الناصر وعصابته هم المسؤلين عما حدث لنا ولملايين غيرنا من قاطني مدن القناه

كان يستحق محاكمه وليس مظاهره تأييد

[se_ Elsyed]

قال لها وهو يبكي بكاء شديد يبكي بحرقه لقد قام اليهود بضرب المركب التي اعمل بها وقسمتها نصفين وبدأت اجمع اشلاء زملائي واحبائي الذين كانوا مازلوا معي الان وبعد دقائق بدأت اجمع اشلائهم

وقامت والدتي بجمعنا وكانت تحملني علي كتفها واختي الكبيره كانت تحمل اخي الذي يكبرني بسنتين وابي يهرول امامنا ويقول اجروا اجروا يالا نمشي اليهود هايضربونا اليهود ورانا وركبنا القطار في جنح الظلام ولم نحمل معنا سوي بعض ملابسنا وتركنا كل اساس المنزل فقد كان ابي يريد ان ينفذ بجلده من هول مارأي بعينه

وبعد ذلك اصيب ابي بمرض الشلل الرعاش ولم يعد قادر علي المشي وكان مازال في مقتبل العمر بين الاربعين والخمسين ثم سلسله من الامراض التابعه ثم النهايه بعد عذاب المرض الموت

رحم الله والدك وأسكنه فسيح جناته

أعتقد إن مشهد مثل ذلك .. كان جديراً بالمطالبة بإعدام عبد الناصر وعصابة الحرامية التابعين له أو على الأقل ربطهم في سيارة منطلقة من الإسكندرية إلى أسوان عشان الشعب يتشفى فيهم ويبرد شوية من نار الأعزاء الذين فقدناهم بدون ذنب ... أو على الأقل كنا نتمنى أن نرى واحد فيهم يفجع في عزيز لديه بهذه الطريقة عشان نشوف ردة فعلة إيه ..

لكن كلهم طلعوا منها زي الفل وفيهم اللي إترقى وفيهم اللي زادت ثروته وبقى عايش عيشة الملوك ..

-----------

عفواً يا دكتور حسام .. فأخطاء هذا الديكتاتور الدموي الذي أتى إلى الحكم على ظهر دبابة وقام بالغدر بشخصية محترمة زي محمد نجيب ليس له أي إنجازات تُذكر إذا قارناها بما اقترفه في حقنا في حرب اليمن ووكسة 67 وما حدث لكثير من الأبرياء في معتقلاته داخل مصر ..

حسام ... هل تعلم إن يوم 5 يونية كان يصادف يوم تنفيذ حكم الإعدام بكثير من جماعة الإخوان المسلمين .. اللي بغض النظر عن إنتماءهم السياسي لكنهم كانوا مواطنين مصريين ؟

طب ليه يا جدعان هما قتلوا مين ولا سرقوا مين ولا اغتصبوا مين ؟

تصور .. ما عملوش أي حاجه من دي .. لكن كان كل ذنبهم إنهم ما رضييوش يوقعوا على وثيقة الدم لمبايعة الخليفة عبد الناصر ... آه والله العظيم يا حسام ... واللي جرح نفسه في المعتقل ووقع الوثيقة بدمه خرج سليم وزي الفل

ولكن لإن ربك بالمرصاد ففي يوم تنفيذ الحكم .. أصيبت مصر فكلها في مقتل وأستشهد الآلاف وأغتُصبت الأرض ... ولم يتم تنفيذ الحكم في هؤلاء الأبرياء وخرجوا جميعهم ... لإن دي من طرق ربنا في معاقبة الظالمين ....... وهو إن الجميع بيهلكوا .. طب ليه يارب دي القرية أو البلد دي فيها ناس كويسين .. طب إنت اخدتهم بهذه الطريقة ليه ؟ عارف ليه ؟ .. عشان كان الأبرياء دول عايشين وشايفين الظالم والظلم والظلام وما فتحوش بؤهم وقالوا خلونا نربي العيال ونمشي جنب الحيط .... وكذلك يحدث في كل مكان وزمان ...

بالله عليك .. في كده في الدنيا دموية ؟ ومش عايز والعياذ بالله أقول كفر بالعقائد والشرائع مش السماوية بس .. دي حتى شريعة الغابة يا شيخ ما فيهاش كده ..

كل الجبروت والظلم والظلام ده وما كنتش عايزنا نُسحق وندفع الثمن غالياً ؟

وتقولي إنجازات ؟

أية إنجازات أمام سحق إرادة اجيال بأكملها ؟ ياريت جت على جيل النكسة

تخيل إن تأثر هذا الظالم موجود حتى الان ؟

اقولك إزاي

المفروض إن ربنا خلقنا أحرار .. والمفروض إننا إتعلمنا من زمممممممممممممممممان إن كلاً يؤخذ منه ويُرد إلا محمد عليه الصلاة والسلام النبي المُرسل الذي كان لا ينطق عن الهوا ..

ومع ذلك جم هؤلاء الظلمة الظلميين وزرعوا الخوف تحت جلد الشعب بأكلمه وإلى الان لم نتخلص من تلك الأعراض .. وإلى الأن تسمع : يا عم أسكت أحسنلك دي الحيطان لها ودان .... إوعى يا فلان تسمع كلام في السياسة وما تروحش تكتب تقرير أو تبلغ عن اللي قال الكلام ده ...... يا عم إمشي جنب الحيط دي بلدهم وهما حُرين فيها .. ياكش تولع ...... إحنا سيادتك بنحمي مكتسبات الثورة ودول أعداء الوطن ( دول مصريين خلي بالك ) ......... إنت عميل سابق من عملاء القصر وإمبريالي تستحق الشنق ...

شوفت فيلم " إحنا بتوع الأتوبيس " او رائعة وحيد حامد و أحمد زكي وعاطف الطيب وعمار الشريعي " البريء " ؟

يا راجل وتقول لي إنجازات ؟!!!!!!!!!!!!

[redwany]

كل عام يوم 23 يوليوا نحتفل بثورة يوليو المجيده والتى نقلتنا من الديمقرطيه والبرلمان كان بيغير الحكومة الى مجموعة من العسكر ومن ساعتها لم تتغير الحكومة واصبحت مصر مملكة تم توريثها من عبدالناصر الى السادات ثم الى مبارك ثم جمال ثم ابن جمال ثم حفيد ابن جمال وربما فى عهد الاخير ممكن نلاقى البرلمان بيغير الحكومه وساعتها سوف يأتى مجموعة من العسكر لنعيد الكره مره اخرى

هذه هى انجازات عبدالناصر

[حسام يوسف]

قال لها وهو يبكي بكاء شديد يبكي بحرقه لقد قام اليهود بضرب المركب التي اعمل بها وقسمتها نصفين وبدأت اجمع اشلاء زملائي واحبائي الذين كانوا مازلوا معي الان وبعد دقائق بدأت اجمع اشلائهم

وقامت والدتي بجمعنا وكانت تحملني علي كتفها واختي الكبيره كانت تحمل اخي الذي يكبرني بسنتين وابي يهرول امامنا ويقول اجروا اجروا يالا نمشي اليهود هايضربونا اليهود ورانا وركبنا القطار في جنح الظلام ولم نحمل معنا سوي بعض ملابسنا وتركنا كل اساس المنزل فقد كان ابي يريد ان ينفذ بجلده من هول مارأي بعينه

وبعد ذلك اصيب ابي بمرض الشلل الرعاش ولم يعد قادر علي المشي وكان مازال في مقتبل العمر بين الاربعين والخمسين ثم سلسله من الامراض التابعه ثم النهايه بعد عذاب المرض الموت

رحم الله والدك وأسكنه فسيح جناته

أعتقد إن مشهد مثل ذلك .. كان جديراً بالمطالبة بإعدام عبد الناصر وعصابة الحرامية التابعين له أو على الأقل ربطهم في سيارة منطلقة من الإسكندرية إلى أسوان عشان الشعب يتشفى فيهم ويبرد شوية من نار الأعزاء الذين فقدناهم بدون ذنب ... أو على الأقل كنا نتمنى أن نرى واحد فيهم يفجع في عزيز لديه بهذه الطريقة عشان نشوف ردة فعلة إيه ..

لكن كلهم طلعوا منها زي الفل وفيهم اللي إترقى وفيهم اللي زادت ثروته وبقى عايش عيشة الملوك ..

-----------

عفواً يا دكتور حسام .. فأخطاء هذا الديكتاتور الدموي الذي أتى إلى الحكم على ظهر دبابة وقام بالغدر بشخصية محترمة زي محمد نجيب ليس له أي إنجازات تُذكر إذا قارناها بما اقترفه في حقنا في حرب اليمن ووكسة 67 وما حدث لكثير من الأبرياء في معتقلاته داخل مصر ..

حسام ... هل تعلم إن يوم 5 يونية كان يصادف يوم تنفيذ حكم الإعدام بكثير من جماعة الإخوان المسلمين .. اللي بغض النظر عن إنتماءهم السياسي لكنهم كانوا مواطنين مصريين ؟

طب ليه يا جدعان هما قتلوا مين ولا سرقوا مين ولا اغتصبوا مين ؟

تصور .. ما عملوش أي حاجه من دي .. لكن كان كل ذنبهم إنهم ما رضييوش يوقعوا على وثيقة الدم لمبايعة الخليفة عبد الناصر ... آه والله العظيم يا حسام ... واللي جرح نفسه في المعتقل ووقع الوثيقة بدمه خرج سليم وزي الفل

ولكن لإن ربك بالمرصاد ففي يوم تنفيذ الحكم .. أصيبت مصر فكلها في مقتل وأستشهد الآلاف وأغتُصبت الأرض ... ولم يتم تنفيذ الحكم في هؤلاء الأبرياء وخرجوا جميعهم ... لإن دي من طرق ربنا في معاقبة الظالمين ....... وهو إن الجميع بيهلكوا .. طب ليه يارب دي القرية أو البلد دي فيها ناس كويسين .. طب إنت اخدتهم بهذه الطريقة ليه ؟ عارف ليه ؟ .. عشان كان الأبرياء دول عايشين وشايفين الظالم والظلم والظلام وما فتحوش بؤهم وقالوا خلونا نربي العيال ونمشي جنب الحيط .... وكذلك يحدث في كل مكان وزمان ...

بالله عليك .. في كده في الدنيا دموية ؟ ومش عايز والعياذ بالله أقول كفر بالعقائد والشرائع مش السماوية بس .. دي حتى شريعة الغابة يا شيخ ما فيهاش كده ..

كل الجبروت والظلم والظلام ده وما كنتش عايزنا نُسحق وندفع الثمن غالياً ؟

وتقولي إنجازات ؟

أية إنجازات أمام سحق إرادة اجيال بأكملها ؟ ياريت جت على جيل النكسة

تخيل إن تأثر هذا الظالم موجود حتى الان ؟

اقولك إزاي

المفروض إن ربنا خلقنا أحرار .. والمفروض إننا إتعلمنا من زمممممممممممممممممان إن كلاً يؤخذ منه ويُرد إلا محمد عليه الصلاة والسلام النبي المُرسل الذي كان لا ينطق عن الهوا ..

ومع ذلك جم هؤلاء الظلمة الظلميين وزرعوا الخوف تحت جلد الشعب بأكلمه وإلى الان لم نتخلص من تلك الأعراض .. وإلى الأن تسمع : يا عم أسكت أحسنلك دي الحيطان لها ودان .... إوعى يا فلان تسمع كلام في السياسة وما تروحش تكتب تقرير أو تبلغ عن اللي قال الكلام ده ...... يا عم إمشي جنب الحيط دي بلدهم وهما حُرين فيها .. ياكش تولع ...... إحنا سيادتك بنحمي مكتسبات الثورة ودول أعداء الوطن ( دول مصريين خلي بالك ) ......... إنت عميل سابق من عملاء القصر وإمبريالي تستحق الشنق ...

شوفت فيلم " إحنا بتوع الأتوبيس " او رائعة وحيد حامد و أحمد زكي وعاطف الطيب وعمار الشريعي " البريء " ؟

يا راجل وتقول لي إنجازات ؟!!!!!!!!!!!!

السلام عليكم عزيزى سي السيد:

أولا :

وقبل أى شيئ الاخنلاف فى الرأى لا يفسد للود قضية

جبيت أأكد على الكلمة دى عشان محدش يفهم اى حوار بينا غلط

ثانيا:

عبد الناصر كان ديكتاتور

اه كان ديكتاتور

ومكانش فية أى ديموقراطية فى عصرة

وأخطاء ناصر كلها فى رأى العبدلله من هذة الديكتاتورية

والدليل ان أفكارة ماتت بمعنى بعدها عن التطبيق يوم ما مات

بعد ما جة الرئيس المؤمن

لكن

اللى أنا مش فاهمة

لية اتهامات الديكتاتورية محصورة بس لعبد الناصر؟

مكانش بيتاخد رأينا كمصريين فى حاجة

لا قبل عبدالناصر

أيام ديموقراطية النخبة

وديموقراطية الباشوات والاقطاعيين

ولا بعدة

صح ولا أنا غلطان؟

ناصر كان ديكتاتور

معاك

واللى يقول غير كدة يبقى بيضيع وقتة ووقتنا

لكن ما يجبش نخصصها

أو نعملها حصريا باسم عبدالناصر

ومايجيش حد يقوللى قبل ناصر كان فية ديموقراطية

ديموقراطية أحزاب القصر والسرايا والانجليز

ولا ديموقراطية الوفد اللى بعد كام سنة

تهاون

وبقى بيتعاون مع الاحتلال الانجليزى

ويكفى حادث 4 فبراير

وقبول مصطفى النحاس للوزارة على أسنة الرماح الانجليزية

وأنا شايف ان الديموقراطية هية الحل

مش مجرد شعار أو رفاهية

الديموقراطية باشراك الناس وكل الشعب هى الحل لكل مشاكلهم

وأن يكون قرار الأمة ومصلحتها بيدها

ومحاسبة المسؤول الذى يقصر

وأن يكون بقاء المسؤول مرهونا بحرصة على مصلحة الناس والشعب

ومقترنا بتطبيقة لسياسات فى مصلحة البلد

دة بالنسبة لقضية الديموقراطية والاتهام المتكرر لناصر بالديكتاتورية

مش معنى كدة اعفاؤة من تهمة الديكتاتورية

واعفاؤة من أخطاء جسام حدثت بسبب تلك الديكتاتورية

لأ

لكن مش من العدل أن نحاسب عبد الناصر فقط على الديكتاتورية

ولا السادات كان ديموقراطى؟

ثالثا:

بالنسبة للأخوان المسلمين:

ذلك التنظيم الذى اثار فكرة وفتنة الاسلام السياسى

التى نكتوى بنارها حتى الان

وكانت الرحم الذى خرج منة ليس باقى الأخوان المسلمين فى العصور الاتية

لأ

دة حتى كل التيارات من الاسلام السياسى ولدت من الفكر التكفيرى للأخوان المسلمين

فكر سيد قطب

عن تجهيل المجتمع

وفكرة اننا نعيش فى الجاهلية الثانية

وباقى أفكار أننا لا نقبل أى اجتهاد أرضى أوبشرى

لأننا مسلمين

ولأن الاسلام فية كل حاجة

كأننا لازم نبطل نفكر

ونبتكر

ونخترع

ونشوف نظريات جديدة بما لا يتعارض مع اسلامنا الحنيف

لدرجة اللى انت بتشوفة دلوقتى

من عدم قبول المتأسلمين على رأى تعبير والدى الفاضل أبومحمد

من الليبرالية

واليسار

والرأسمالية

وغيرها

من الأفكار والتجارب التى يجربها العالم كلة

بحجة اننا مسلمين

وكفاية كدة

كأن ما ينفعش نقول مسلم ليبرالى

أو مسلم ويسارى

وغيرة وغيرة

لا انكر أن عبدالناصر اضطهد الأخوان

وعذبهم فى المعتقلات

وأنا لا أوافق على هذا أبدا

وضد اهانة اى انسان

بل وضد اعدام مفكر الجماعة سيد قطب نفسة

مع كامل اختلافى مع فكرة التكفيرى

وكان لية أخوال دكاترة فى كليات الشريعة واتعذبوا أيام ناصر

لكن أنا بحاول أتناول الأمور بالعقلانية والموضوعية

بعيدا عن تأثرى بأقاربى أو بأناس أعرفهم

الأخوان رغم اختلافى معهم

الا انى ضد التنكيل

ومع الحرية

والحساب والحاكمات الشرعية

لا الاستثنائية أو العسكرية

لكن يعنى همة بقة الأخوان اللى كانوا ملايكة بجناحات

ماحاولوش يقلبوا نظام الحكم على عبدالناصر أكتر من مرة؟

ماحاولوش يقتلوة أكتر من مرة؟

وماتبقاش يا عزيزى س س ملكى أكتر من الملك وتقول انهم ابرياء

أخيرا بعد سنين طويلة

أقر أحمد رائف مؤرخهم الأول

أن حادث المنشية لم يكن تمثيلية

كما صدعونا بأنهم مظاليم يا حول الله

طول السنين اللى فاتت

خمسين سنة كذب وخداع

ويقولوا الاسلام هوة الحل

الجميل انى ماشفتش حد من الاخوان خد موقف من الجماعة

واتغيرت قناعاتة بسبب كشف الكذبة الكبيرة دى

ودة الدليل ان الأخوة الأخوان بيدوا القداسة لجماعتهم زى قداسة الدين والاسلام بالظبط

حبيت بس أوضحلك خلاف ناصر مع الأخوان

كان خلاف ع التورتة

ع السلطة

مش أكتر

والقوى هوة اللى يخلص

ولو كانوا يقدروا يعملوا أكتر م اللى عملوا =رغم خلافى علية

كانوا عملوا أكتر منة

مش بس كدة

وهيلبسوها توب الدين والشرع كمان

حتى محمد نجيب

كان الخلاف على السلطة

ولما فشل ياخد تورتة السلطة

قالهم لأ

عايزين ديموقراطية

والجيش يرجع الثكنات

وأنا مش شايف ان الجيش كان ينفع يرجع الثكنات فى الوقت دة

الثورة بتحارب الملك والاسرة العلوية

والانجليز وعايزة تخرجهم وفى مفاوضات وتحرشات

ولو كان ساعتها اتعملت انتخابات

كان حزب الوفد واقطاعيية كانوا هياخدوا الحكم

وبالمناسبة انا مش مع حكم العسكريين

لكن مكانش ينفع ساعتها الجيش يرجع

هيبقى كأنك يا ابو زيد ما غزيت

رابعا:

يا س س انت راجل مثقف

وأفلام الكرنك والكرنكة دى ماتخيلشى على حد

والتعذيب والمعتقلات موجودة قبل عبد الناصر وأيامة وبعدة

ولا أنا غلطان؟

خامسا:

الانجازات اللى انت مش شايفها يا س س

حضرتك والباشمهندس ياسر

وأكيد من كارهى عبد الناصر

بعيدا عن العقل والموضوعية

مفيش انجازات خالص؟

مفيش طرد الملك وانهاء حكم أسرة محمد على؟

مفيش طرد الانجليز بعد احتلال 70 سنة؟

مفيش استعادة قناة السويس أحد أهم مصادر الدخل القومى لحد النهاردة؟

واللى معتقدش اى حاكم هيخش فى المعمعة الشديدة دى عشان خاطر قناة السويس الا ناصر؟

مافيش أى جامعات اتبنت؟

بعد ماكانش عندنا الا جامعة القاهرة(فؤاد الأول9ولااسكندرية(فاروق الأول)ودمتم

كل باقى جامعات مصر دى من أيام ناصر

التصنيع والمصانع والحديد والصلب والكيماويات وغيرها؟

السد العالى اللى لحد النهاردة الراجل اللى بتدعى علية بالويل والثبور وعظائم الأمور

كل نقطة م اللى فاتوا عايزة كتب

ومش مفروض تتقال فى سطر

أكتر انجاز لبعد الناصر الله يرحمة

الثورة الاجتماعية اللى عملها

كام واحد مننا كان هيقعد فى شغلة

وقدامة جهاز كمبيوتر

وانترنت عشان يشتم عبد الناصر

لو ماكانتش الثورة جت

مصر كانت عمال غلابة أرزقية

وفلاحين تراحيل باليومية لو خدوها

دلوقتى

مدرس

ومهنس

ودكتور

وصيدلى

ومحامى

ومحاسب

لو الثورة ماكنتش جت كنا هنبقى التركيبة دى دلوقتى؟

أخيرا اسف لأطول مشاركة اكتبها فى المحاورات لو كنت أزعجتك عزيزى س س

لكن الموضوعية والحق احق أن يتبع

ماينفعش اقول س س مافيهوش أى ميزة مهما كانت مشاعرى سلبية ناحيتة

وماينفعشى أقول س س ملاك بجناحين

لأنة قريبى أو بحبة

المشاعر شيئ

والحكم الموضوعى العقلانى شيئ اخر

وتحياتى يا س س

[otaka]

نحن للاسف ندفع ثمن تاخرنا عن ما يدور فى العالم ليس بسبب عبد الناصر و لا فاروق و لكنه تراكم الجهل المستمر من القرن الخامس عشر

لذلك نجد ان المشكله ليست الحاكم و لا الهزيمه و لكن عدم قدره المواطن العربى على ان يكون ذاتا مستقله يفكر و يقرر و يحلل و يعرف اين تقع مصالحه

كى نكون واقعيين

مصر سواء مستعده او غير مستعده غير قادره على الحاق اى هزيمه عسكريه باسرائيل و الكلام ده موجود من سنه ٤٨ الى اليوم يعنى مش جديد

و من يتخيل حرب رمضان نصرا ساحقا اهديه ما قال نجم

فالنصر اذا لم يعطينا

قوت الاطفال و يحمينا

فبماذا نفرح يا سينا

عدت او غرت الى القبر

المشكله تكمن فى الجمود الفكرى للشعوب و من ثم الحكام

دائما ما اقول لو ان موجابى ترك الحكم بعد عشر سنوات لاصبح نيلسون مانديلا اخر

و كذلك عبد الناصر لو ترك الحكم بعد عشر سنوات لكان اصبح مانديلا ناصرا اخر

و لكن الجميع يتمسك بالكرسى

لماذا الديكتاتوريه؟

انا لا اتفق مع اى فكر يلغى الاخر و لذا فمن الطبيعى ان اكون ضد الدكتاتوريه بشتى انواعها و لكن ما البديل

نحن فى منطقه الحل فيها اما شمولى و اما دينى و الذى يتحول بدوره الى شمولى

عبد الناصر كان الخيار الاول و لا زلنا ننتظر الخيار الاخر

[شاب مصري]

كلام سي السيد في المشاركة 22 منطقي جدا

ربنا أنزل الهزيمة بالشعب المصري كله

لانه شاف عبدالناصر بيضطهد الاخوان المسلمين

ويوم 5/6/1967 يوم ما كان مفروض يتم اعدامهم .. تم احتلال مصر

لكن في سؤال بيراودني : هو لما يكون الحاكم ظالم هل يصح ان المسلم يعارضه لانه لا يحكم بالشرع والحق والعدل ؟ ولا كدا بيكون بيشق الصف وبيعمل فتنة ؟ وخصوصا ان دي كانت ايام حرب ؟

[otaka]

لكن في سؤال بيراودني : هو لما يكون الحاكم ظالم هل يصح ان المسلم يعارضه لانه لا يحكم بالشرع والحق والعدل ؟ ولا كدا بيكون بيشق الصف وبيعمل فتنة ؟ وخصوصا ان دي كانت ايام حرب ؟

معتقدش ربنا يعنى هيعاقب بلد كامله علشان فريقين بيتنازعوا على كراسى و الا يبقى الموضوع زى ما بنقول استخدام مفرط فى القوه

الشق الثانى اعتقد ان درء المفاسد اولى من جلب المنافع و دى قاعده فقهيه

[د هشام ابراهيم]

رحم الله عبد الناصر و رحم الله السادات و رحم الله فاروق و اسماعيل و محمد علي و كل من حكم هذا البلد الطيب و أصاب أو أخطأ .... الكل حاول رفعة البلد كل بطريقته منهم من أصاب و منهم من أخطأ .... و منهم من كانت غلطاته كوارث حلت على البلاد و لكن .... كلهم حاولوا ... عملوا حاجة ... غيروا حاجات .... ساهموا بجزء أو باخر ...لكن ماذا عن من لم يحاول حتي فعل أي شيء ؟!!!!!!

النكسة هي خطيئة عبد الناصر الكبري لا شك في هذا ... و لكن ماذا عن التدخل الخارجي ... ماذا عن خطة اصطياد الديك الرومي الثابتة في الوثائق الأمريكية و البريطانية

أنا لا أدافع عن عبد الناصر .... علي المستوى الشخصي جدي لامي الله يرحمه كان موظف كبير في الخاصة الملكية و من أصل تركي و اتبهدل بمعني الكلمة بعد قيام حركة الجيش اللي أتحولت لثورة بعد كده ..

لكن ...

خالي الله يرحمه كان دائما ما يحكي عن مظاهرات رفض التنحي و اللي مشي فيها شخصيا رغم كرهه لعبد الناصر و من غير ما حد يقول له .... و يوم ما مات عبد الناصر كان بيعيط بالدموع

ما فيش أمة ما أتهزمتش و ما فيش دولة ما تعرضتش لهزيمة منكرة ... لكن الأمم اللي عندها القدرة على النهوض من العثرات و اثبات الذات و الكفاح المستمر هي اللي تستحق الحياة الكريمة و لنا في ألمانيا و اليابان عظة

مع احترامي الكامل لكل الأراء و اعجابي الشديد بمستوي الحوار الراقي في هذا المنتدى، مما يميزه قطعا عن الكثير من أمثاله، لكن حقا لا أجد جدوي من جلد الذات أو البكاء علي اللبن المسكوب ... أحسب أن أهمية دراسة الماضي أن نستخلص منه دروس أو عبرات تفيدنا للحاضر و المستقبل أما القاء اللوم و التهم و تحميل الغلطات علي فلان و علان فلن تفيد و تقبلوا جميعا خالص احترامي و تقديري

[abaomar]

السلام عليكم

الاخوه الكرام جزاكم الله خيرا

اخى و حبيبى د. حسام فكرتنى باحمد سعيد بتاع صوت العرب ..و الوحده اللى ما يغلبها غلاب. :)

طبعا من حقك و احتراما لحريه الرأى ان ترى فى ناصر ما قلت و اشاركك الرأى اننى و لفتره طويله من حياتى الى ان بلغت

الثلاثين كنت اعيس اسير ما سمعته من والدى الذى عاصر فتره عبد الناصر منذ بدايتها و الاعجاب الشديد به

و بعصره و انجازاته و التى بالتاكيد تطال الكثير من المصريين البسطاء الذين عاشوا تلك الفتره و غسلت ادمغتهم اله الاعلام الجهنميه التى احسن عبد الناصر استغلالها بدايه من صوت العرب و عبد الحليم و اغانيه الوطنيه و اشعار جاهين

و تلك كانت امضى اسلحه ناصر اثناء حكمه .

الا انه و بمرور الوقت و اتساع مجال القراءه و المعرفه و سماعى لبعض المعاصرين من جيل الاباء من وجهه نظر اخرى رايت

ان ما فعله ناصر بحكم انه رئيس الجمهوريه المتحده لم يكن يقل بحال عن ما يمكن ان يفعله اى احتلال مدمر لبلد و بالارقام

و النتائج يا حسام و ليس بالحماس وحده و بالمناسبه الان يمكنك متابعه شهاده مؤرخ الثوره جمال حماد

احد الضباط الاحرار و احد الذين لم تطالهم يد ناصر بالايذاء الا فتره قصيره على قناه الجزيره فى شاهد على العصر و اخص بالذكر اول حلقتين و كيف كان حال مصر قبل الثوره و ارجو ان تتابع اسئله احمد منصور الذكيه و اجوبه جمال عليها عن الحال قبل الثوره

و تقييمه هو شخصيا لذلك بعد ذلك العمر و اعتقد ان رايه يعتد به بحكم كونه احد رفقاء النضال و الحكم بعد ذلك .

اود التأكيد على نقطه ان ناصر لم ينشئ بلدا جديدا اسمه مصر هى مصر فى كل العصور مصر القطن طويل التيله الذهب الابيض الذى كان بورصه خاصه لوحده مصر التى كانت دائنه لبريطانيا العظمى مصر التى كان الجنيه المصرى اغلى من الجنيه الذهب مصر التى انشأت اول جامعه فى الشرق الاوسط بل ان جامعه الازهر قبل ذلك بالف عام ......... و الملكيه ليست هى المثال الوردى و رغم ذلك كان هناك طلعت حرب الذى اقام قاعده اقتصاديه حقيقيه قبل ناصر و كان هناك يا حسام باشاوات و رجال اعمال شرفاء

كما كان هناك نماذج منحرفه بالتاكيد و ارجو ان تسال عن اتوبيس ابو رجيله الذى اممه ناصر بعد ذلك بل كيف كان حال السكه الحديد ...و اشياء كثيره يا حسام ليست هى قضيتى الحقيقيه مع هذا الرجل و لكن اذكرك بان زوال السماوات و الارض

اهون عند الله يا حسام من اراقه دم امرئ مسلم ......فما بالك بما هو اكثر من ذلك .

و إذا كان الكلام عن الاخوان (و انا لا انتمى اليهم و اخالفهم فى الكثير من ارائهم ) بهذا السوء فناصر حاول استأصال شأفه الاسلام

و هكذا ظهر من الافعال و الاقوال و مكن للشيوعيه فى البلد تحت مسمى الاشتراكيه و القوميه العربيه ذات النزعه العنصريه

و كلها كانت ضد الاسلام الذى عانى اتباعه محنه شديده ايام هذا الرجل .

حسام اى جريمه تستدعى اعدام ابرياء و التمثيل بالباقى فى السجون و المعتقلات .

قال لى احد من اثق فيهم انه سمع حديث قاله احد المجرمين من اعوان ناصر ان انتزاع اى اعتراف لم يكن يكلفه اكثر من ربع جنيه مصرى و هو ثمن القصافه التى كان يخلع بها عقل الاصابع ..........ضع اصبعك تحت ضرسك و تخيل قليلا ..........

قال لى مهندس مصرى رافقنى فى رحله حج فى التسعينات انه سمع باذنيه احد المطبلين فى اجتماع عام يقول للزعيم الملهم انه ان كانت الملائكه تسبح فى السماء و تقول لبيك اللهم لبيك فنحن نقولها لك الان لبيك عبد الناصرِ ....العهده على القائل

الكثير الكثير اخى حسام مما تتوارى خلفه اى انجازات .........ان كانت انجازات

تم تعديل 23 ديسمبر 2008 بواسطة abaomar

[شاب مصري]

د.هشام ايه خطة اصطياد الديك الرومي ؟

[د هشام ابراهيم]

د.هشام ايه خطة اصطياد الديك الرومي ؟

شوف يا أخي الفاضل .. خطة اصطياد الديك الرومي ده الأسم الكودي لمخطط أمريكي اسرائيلي للاطاحة بنظام عبد الناصر اللي كان عقبة أمام مخططات أمريكا لتقسيم دول الشرق الاوسط .... العراق و الشام تحديدا إلي دويلات صغيرة ذات صبغة دينية أو عرقية ... سنة .. شيعة ... دروز ...اكراد إلخ (الكلام ده مش من عندي ده كلام وثائق الخارجية الأمريكية ) .... عداء أمريكا لعبد الناصر التقي مع اطماع اسرائيل التوسعية و اتفقوا على التنفيذ

بضع نقاط مهمة

- رغم اعتراضي الدائم علي نظرية المؤامرة انما لا أستطيع الانكار المطلق لوجودها و ما حدث سابقا لمشروع محمد علي أكبر دليل

- المخطط لا يعفي عبد الناصر من المسئولية و إن كان يلقي الضوء على أجزاء أكبر من القصة بكاملها .... سذاجة حكم العسكر أمام دهاء أجهزة مخابرات و مؤسسات سياسية تعمل لصالح بلدها كانت نتيجته كارثة ١٩٦٧

عبد الناصر اتصرف زاي ما المخطط توقع بالظبط و ده ما كانش صدفة ... تحليل شخصية عبد الناصر و توقع ردود أفعاله كان مدروس بعناية و الفخ اللي أتنصب وقع فيه بسهولة

- اسرائيل نفسها ضحكت على أمريكا و عدت الخطوط الحمراء المرسومة و فرضت الأمر الواقع ...و كانت النتيجة حادث السفينة ليبرتي

- هزيمة ١٩٦٧ (نكسة أو هزيمة أو اندحار مش حتفرق) لا يمكن إلقاء اللوم عليها على ما نعانيه الآن بعد أكتر من ٤٠ سنة .... ألمانيا سويت بالارض و اليابان ضربت بالقنابل الذرية عام ١٩٤٥ ...شوف كان حالهم إيه سنة ١٩٨٥ و ما بعدها

ما زلت عند رأيي أخذ الدروس المستفادة و العبر من أحداث الماضي هو المهم ... جلد الذات و البكاء علي اللبن المسكوب و القاء التهم و اللوم لا حيقدم و لا حيأخر

[شاب مصري]

شكرا د.هشام

من شوية اتفرجت على جزء من حلقة جمال حماد (احد قيادات الضباط الأحرار الذين قاموا بالثورة) في برنامج شاهد على العصر مع أحمد منصور على قناة الجزيرة

أحمد منصور قال ان الوحدة مع سوريا قامت عن طريق شوية ظباط كانوا سهرانين مع بعض وبيشربوا واتفقوا على الموضوع

والوحدة قامت عبثا ولذا انتهت بسرعة لأنها بدون أساس

و جمال حماد قال ان مصر بعدما انفصلت عن سوريا سنة 1961 كان في اجماع داخل القيادة المصرية ان نهتم بمصر فقط ولا نهتم بشئ خارج بلدنا

ولما عبدالناصر وجد فرصة للتدخل في اليمن راوده حلم ان يعود زعيما للعرب وأن يكون قائد الأمة العربية

وارسل قوات مصر الى اليمن

وكل شوية يعزز القوات حتى وصل ان الجيش المصري في اليمن كان نصف الجيش المصري

وتم اهلاك المعدات الحربية في الجبال هناك

وكانت خزينة الدولة المصرية تتحمل مليون جنيه يوميا بسبب حرب اليمن

والتي لا ناقة لنا فيها ولا جمل

مجرد ملك كان عاوز ياخد السلطة من ملك تاني طب واحنا مالنا ؟ (الكلام كله لجمال حماد)

ولكن عبدالناصر كان عاوز يرسخ مفهوم انه زعيم القومية العربية

ووقتها اسرائيل قالت now or never دي فرصتها لضرب مصر وسحقها و يا اما نضرب مصر دلوقت يا اما نلغي الفكرة تماما

وبالفعل الجيش المصري استنزف في اليمن واسرائيل هزمتنا في 5 يونيو 1967

دا كلام جمال حماد حبيت انقله لكم .

[د هشام ابراهيم]

العفو يا أخي الفاضل .... الكلام عن اليمن مظبوط تماما ... حرب اليمن بهدلت الجيش و أستنزفته و مهدت الطريق إلي هزيمة ٦٧ ....انما بصراحة أنا ما عنديش معلومات كفاية عن تجربة الوحدة مع سوريا .... تعليقي الوحيد : الله تعالي أعلي و أعلم

تم تعديل 23 ديسمبر 2008 بواسطة د هشام ابراهيم

[otaka]

العزيز ابو عمر اختلف معك فى احمد منصور

احمد منصور لا يسال اسئله ذكيه بل اسئله اخوانيه لانه لا يستطيع نسيان ما حدث للاخوان ايام حادث المنشيه و ما تبعها

الدليل ان الشيخ البنا قتل ايام الملك و لو ان منصور قابل شخصا يدافع عن الملك لقال له لقد قتلتوا البنا و نشرتوا الفساد مش الثوره احسن

[osmel33]

أكبر نصاب عرفته مصر وضحك على الشعب أقرأوا كتاب ثورة يوليو الأمريكية ل/ محمد جلال كشك وعلى فكرة ده كان احد أذنابه وبعدها فضح تاريخ جمال عبد الناصر ومعرض الكتاب جاى قريب ممكن تسأولوا عن الكتاب ده

[أبو محمد]

أكبر نصاب عرفته مصر وضحك على الشعب أقرأوا كتاب ثورة يوليو الأمريكية ل/ محمد جلال كشك وعلى فكرة ده كان احد أذنابه وبعدها فضح تاريخ جمال عبد الناصر ومعرض الكتاب جاى قريب ممكن تسأولوا عن الكتاب ده

من أهم مصادر جلال كشك كتاب كنا نتداوله سرا منذ عام 1968 إسمه "لعبة الأمم" لواحد من أهم عملاء ال CIA وكان مسؤولا عن منطقة الشرق الأوسط .. وهو مايلز كوبلاند ... ظهر الكتاب مترجما بالعربية بعد حرب 73 واقتنيته ثم فقدته أثناء الغزو العراقى للكويت مع مقتنيات أخرى ثمينة ..

جلال كشك له كتاب آخر بعنوان "عبد الناصر ولعبة الأمم" ..

من يقرأ تلك الكتب وأمثالها يجد إجابة على السؤال المحير الذى كان يدور فى أذهان شباب 68 : كيف لضباط شبان فى الثلاثينيات من العمر .. فى مناخ كالذى كان سائدا قبل 52 أن يتمكن من القبض بيد حديدية على بلد كمصر (التى كان نجمها صاعدا فى الأفق) ، فى وقت كانت بلاد أخرى تبدأ من تحت الصفر مثل اليابان وألمانيا وكوريا ؟ .. ولماذا وكيف انتهى حالها فى 16 سنة (52 - 68) بالمقارنة بتلك الدول

[MZohairy]

أكبر نصاب عرفته مصر وضحك على الشعب أقرأوا كتاب ثورة يوليو الأمريكية ل/ محمد جلال كشك وعلى فكرة ده كان احد أذنابه وبعدها فضح تاريخ جمال عبد الناصر ومعرض الكتاب جاى قريب ممكن تسأولوا عن الكتاب ده

من أهم مصادر جلال كشك كتاب كنا نتداوله سرا منذ عام 1968 إسمه "لعبة الأمم" لواحد من أهم عملاء ال CIA وكان مسؤولا عن منطقة الشرق الأوسط .. وهو مايلز كوبلاند ... ظهر الكتاب مترجما بالعربية بعد حرب 73 واقتنيته ثم فقدته أثناء الغزو العراقى للكويت مع مقتنيات أخرى ثمينة ..

جلال كشك له كتاب آخر بعنوان "عبد الناصر ولعبة الأمم" ..

من يقرأ تلك الكتب وأمثالها يجد إجابة على السؤال المحير الذى كان يدور فى أذهان شباب 68 : كيف لضباط شبان فى الثلاثينيات من العمر .. فى مناخ كالذى كان سائدا قبل 52 أن يتمكن من القبض بيد حديدية على بلد كمصر (التى كان نجمها صاعدا فى الأفق) ، فى وقت كانت بلاد أخرى تبدأ من تحت الصفر مثل اليابان وألمانيا وكوريا ؟ .. ولماذا وكيف انتهى حالها فى 16 سنة (52 - 68) بالمقارنة بتلك الدول :unsure:

متعرفش يابو محمد تلاقيلنا كتاب لعبة الأمم في نسخه على النت متاحه للغلابه اللي زيي؟

[حسام يوسف]

السلام عليكم

الاخوه الكرام جزاكم الله خيرا

اخى و حبيبى د. حسام فكرتنى باحمد سعيد بتاع صوت العرب ..و الوحده اللى ما يغلبها غلاب. :unsure:

طبعا من حقك و احتراما لحريه الرأى ان ترى فى ناصر ما قلت و اشاركك الرأى اننى و لفتره طويله من حياتى الى ان بلغت

الثلاثين كنت اعيس اسير ما سمعته من والدى الذى عاصر فتره عبد الناصر منذ بدايتها و الاعجاب الشديد به

و بعصره و انجازاته و التى بالتاكيد تطال الكثير من المصريين البسطاء الذين عاشوا تلك الفتره و غسلت ادمغتهم اله الاعلام الجهنميه التى احسن عبد الناصر استغلالها بدايه من صوت العرب و عبد الحليم و اغانيه الوطنيه و اشعار جاهين

و تلك كانت امضى اسلحه ناصر اثناء حكمه .

الا انه و بمرور الوقت و اتساع مجال القراءه و المعرفه و سماعى لبعض المعاصرين من جيل الاباء من وجهه نظر اخرى رايت

ان ما فعله ناصر بحكم انه رئيس الجمهوريه المتحده لم يكن يقل بحال عن ما يمكن ان يفعله اى احتلال مدمر لبلد و بالارقام

و النتائج يا حسام و ليس بالحماس وحده و بالمناسبه الان يمكنك متابعه شهاده مؤرخ الثوره جمال حماد

احد الضباط الاحرار و احد الذين لم تطالهم يد ناصر بالايذاء الا فتره قصيره على قناه الجزيره فى شاهد على العصر و اخص بالذكر اول حلقتين و كيف كان حال مصر قبل الثوره و ارجو ان تتابع اسئله احمد منصور الذكيه و اجوبه جمال عليها عن الحال قبل الثوره

و تقييمه هو شخصيا لذلك بعد ذلك العمر و اعتقد ان رايه يعتد به بحكم كونه احد رفقاء النضال و الحكم بعد ذلك .

اود التأكيد على نقطه ان ناصر لم ينشئ بلدا جديدا اسمه مصر هى مصر فى كل العصور مصر القطن طويل التيله الذهب الابيض الذى كان بورصه خاصه لوحده مصر التى كانت دائنه لبريطانيا العظمى مصر التى كان الجنيه المصرى اغلى من الجنيه الذهب مصر التى انشأت اول جامعه فى الشرق الاوسط بل ان جامعه الازهر قبل ذلك بالف عام ......... و الملكيه ليست هى المثال الوردى و رغم ذلك كان هناك طلعت حرب الذى اقام قاعده اقتصاديه حقيقيه قبل ناصر و كان هناك يا حسام باشاوات و رجال اعمال شرفاء

كما كان هناك نماذج منحرفه بالتاكيد و ارجو ان تسال عن اتوبيس ابو رجيله الذى اممه ناصر بعد ذلك بل كيف كان حال السكه الحديد ...و اشياء كثيره يا حسام ليست هى قضيتى الحقيقيه مع هذا الرجل و لكن اذكرك بان زوال السماوات و الارض

اهون عند الله يا حسام من اراقه دم امرئ مسلم ......فما بالك بما هو اكثر من ذلك .

و إذا كان الكلام عن الاخوان (و انا لا انتمى اليهم و اخالفهم فى الكثير من ارائهم ) بهذا السوء فناصر حاول استأصال شأفه الاسلام

و هكذا ظهر من الافعال و الاقوال و مكن للشيوعيه فى البلد تحت مسمى الاشتراكيه و القوميه العربيه ذات النزعه العنصريه

و كلها كانت ضد الاسلام الذى عانى اتباعه محنه شديده ايام هذا الرجل .

حسام اى جريمه تستدعى اعدام ابرياء و التمثيل بالباقى فى السجون و المعتقلات .

قال لى احد من اثق فيهم انه سمع حديث قاله احد المجرمين من اعوان ناصر ان انتزاع اى اعتراف لم يكن يكلفه اكثر من ربع جنيه مصرى و هو ثمن القصافه التى كان يخلع بها عقل الاصابع ..........ضع اصبعك تحت ضرسك و تخيل قليلا ..........

قال لى مهندس مصرى رافقنى فى رحله حج فى التسعينات انه سمع باذنيه احد المطبلين فى اجتماع عام يقول للزعيم الملهم انه ان كانت الملائكه تسبح فى السماء و تقول لبيك اللهم لبيك فنحن نقولها لك الان لبيك عبد الناصرِ ....العهده على القائل

الكثير الكثير اخى حسام مما تتوارى خلفه اى انجازات .........ان كانت انجازات

الأخ الفاضل ابوعمر

بغض النظر عن المقارنة بينى وبين أحمد سعيد

انا بس عايز أرد علي مداخلتك فى نقاط محددة

أولا سي جمال حماد دة كلامة بالنسبة لية ليس لة مصداقية على الاطلاق

لايستضيفة الا كل كاره لعبدالناصر

ولا يستنطقة الا كل مبغض لة بعيدا عن الحقيقة

منين مؤرخ الثورة وهوة ضدها تماما؟

ولما همة وحشين كدة

كان جنابة معاهم لية؟

بخلاف انة كاتب بيان الثورة

-جمال جماد كتب البيان وأذاعة السادات

حاجة حلوة اوى بصراحة ان أكتر اتنين ضد الثورة وأهدافها همة اللى منسوبين للثورة ماعلينا-

الا عمرى ما شفتة قال ميزة فى عبد الناصر

ولو قال

يبقى على طول عيوب تودى فى داهية

دي شخصية الواحد يصدق كلامها؟

طيب لو هوة فعلا من ابناء الثورة

عمرى ما قريت انة كان ماسك منصب قوى أو حساس أو قريب من عبد الناصر

الف قرينة وقرينة تخلينى مصدقش الراجل دة أبدا

ومرة تانية شوف مين مستضيفة تعرف المستفيد والنوايا

ابن ممدوح الليثى الكارة لكل ما هو ناصرى

وأحمدمنصور الاخوانى

نسيب نقطة جمال حماد (المؤرخ على ما تفرج)

النقطة التانية

الكلام مش بحماس يا عزيزى ابو عمر

الكلام بالحقايق والتأثير

وارجو ان تراجع رأيى اللى سبق وقلتة فى نفس الموضوع من كام مداخلة فاتت

شوف حضرتك وانزل الشارع اسأل اى واحد فى مصر

هوة ابوة كان اية وبيشتغل اية وعايشين ازاى

واسألة هوة هوة جدة كان بيشتغل اية وعايش ازاى

هتلاقى تأثير حكم عبد الناصر واضح واضح واضح

قبلة

كانت البلد اللى انت بتتكلم عن بورصة قطنها كلها أو اغلبيتها يا فلاحين تراحيل

ولو تحب أوضح لحضرتك يعنى اية فلاحين تراحيل انا تحت أمرك

يا عمال أرزقية باليومية

يشتغلوا يوم وعشرة لأ

وفئة قليلة جدا هية اللى بهوات أو بشوات انا مش ضدهم كلهم على فكرة

بالعكس

فيهم ناس قمة فى الاحترام

وفيهم برضة الاقطاعى المفترى

بعد جمال حماد المؤرخ اياة

وبعد تأثير حكم عبد الناصر

أتألم بشدة لما يرددة الاسلاميون من اخوان وغيرهم لمقولة كان يريد استئصال شأفة الاسلام

بالله دة كلام

دول اخر ناس يتكلموا عن الاسلام

عبد الناصر حاول فى العديدمن سنوات حكمة المساهمة فى نشر الاسلام والاهتمام بالجانب الاسلامى الحقيقى فى حياتنا

الزعيم الراحل جمال عبد الناصر ليس معاديا للاسلام

اختلف معاة زى ما انت عايز

ديكتاتور معاك وابصملك بالعشرة

حكم بوليسي

برضة معاك

اعتقالات وسجون وتعذيب وأحيانا اعدام

حدث ولا حرج

كان لة مساوئ

وكانت لة انجازات عظيمة

الجانب الاسلامى منها لا يكفية موضوع واحد فى المنتدى

يعنى فى رأى العبد لله انشاء اذاعة القران الكريم

التى تعد فى رأيى فى زمانها وفترتها التاريخية فى عظمة جمع القران

تطوير الازهر وادخال تدريس المواد الدنيوية بجانب الدينى منها

أنعش الأزهر بشكل غير عادى

فأصبحنا نرى الطبيب الأزهرى المتفقة فى أصول الدين وغيرة من التخصصات

بدلا من الشكل القديم البالى لطرق التدريس بالأزهر

الذى لا ينجب الا عقولا تردد ولا تعى

البعثات العلمية لأساتذة الأزهر الى افريقيا وامريكا الجنوبية والشمالية واسيا وأوروبا التى نشرت الاسلام

والعديد والعديد من الجوانب الايجابية فى خدمة الاسلام والمسلمين

فأستسمحك ألا تقول ان ناصر معادى للاسلام كما أستأذن كل أبناء التيار الاسلامى فى هذا

لأن هذا تكفير لة أنأى بك عن ذنبة والرجل بين يدى الله

أما عن النعذيب والاعتقالات وحتى الاعدام فكررت كلامى أنى ضد الأساليب البوليسية

ولو انى ضد تماما كل أصحاب الفكر الارهابى اللى بتسموهم مفكرين اسلاميين

كل ما أعطوة لنا ميراثا دمويا من تكفير المجتمع

وادعاء اننا فى الجاهلية الثانية

ومرة أخرى ادلل بكلمات أحمد رائف مؤرخ الاخوان الشهير والاول

ان حادث المنشية لم يكن تمثيلية

كما صدعوا رؤوسنا

بادعاء انهم مظلومين يا حول الله

اية رأيك بقى فى انهم حاولوا يقتلوا ناصر؟

برضة دة انت مش ضدة زى ما انت ضد اعتقالاتهم واعدامهم؟

المشكلة فى ناصر

المشكلة ان القوى اللى فى البلد اغلبها بتتركز فى 3 نقاط

الأول-الاسلاميين

التانى-الليبراليين بأكثر من طائفة

الثالث-اليسار والاشتراكيين والناصريين

المشكلة-الكارثة فى رأيي

أن القوى الثلاثة اختلافاتها هى الاصل

وتقريبا لا يتفقون على شيئ

والتهم جاهزة

اما بالعمالة

أو الخيانة

أو التكفير

تخيل انت بقى بلد

فيها القوى السياسية مش طايقة بعضها بالمنظر دة

حرب أهلية فكرية

واضعاف كامل لكل القوى المصرية

مـــــــافيـــــش فايـــــــدة

رحم الله الزعيم الراحل جمال عبد الناص

تم تعديل 25 ديسمبر 2008 بواسطة حسام يوسف

[Alshiekh]

متعرفش يابو محمد تلاقيلنا كتاب لعبة الأمم في نسخه على النت متاحه للغلابه اللي زيي؟

كلمتى للمغفلين - محمد جلال كشك

اللاعب واللعبة - ترجمة لكتاب مايلز كوبلاند

[أبو محمد]

المشكلة ان القوى اللى فى البلد اغلبها بتتركز فى 3 نقاط

الأول-الاسلاميين

التانى-الليبراليين بأكثر من طائفة

الثالث-اليسار والاشتراكيين والناصريين

المشكلة-الكارثة فى رأيي

أن القوى الثلاثة اختلافاتها هى الاصل

وتقريبا لا يتفقون على شيئ

والتهم جاهزة

اما بالعمالة

أو الخيانة

أو التكفير

تخيل انت بقى بلد

فيها القوى السياسية مش طايقة بعضها بالمنظر دة

حرب أهلية فكرية

واضعاف كامل لكل القوى المصرية

مـــــــافيـــــش فايـــــــدة

رحم الله الزعيم الراحل جمال عبد الناص

تقدر تقول يا دكتور حسام إن الفساد أصاب الفكر ..

على المخلصين من أبناء هذا البلد ضم "الفساد الفكرى" إلى أنواع الفساد الأخرى التى يحاربونها

كلٌّ بما يستطيع ..

"بلسانه ، أو بقلمه .. وهذا أضعف الإيمان"