استفسار بسيط ... أرجو الرد من الاخ العزيز سي السيد

[shabara]

السلام عليكم ورحمة الله وبركاته

ارجوا من اخواني الكرام في المنتدى وبالأخص الاخ العزيز سي السيد انه يفهمني شيئ بسيط انا دلوقتي في الرياض وانا جاي تأشيرة عمل وبصراحة مش لاقي عمل هل لو حبيت أرجع مصر في أي وقت في مشكلة ؟؟؟ مع العلم اني لسه معملتش اقامة والجواز معايا مش مع الكفيل ، وهل لازم أجيب اذن من الكفيل أو أي شئ من هذا القبيل ؟؟؟ وهل بجيب أي شيئ من القنصلية المصرية ؟؟؟ ولا احجز وامشي علطول؟؟؟.... وشكراً

بإنتظار الرد .................

تم تعديل 14 نوفمبر 2008 بواسطة shabara

[shabara]

حد يرد عليا يا جدعااااااااااااااااااااااااااااااااان ؟؟؟؟؟؟؟؟؟؟؟؟؟ أخوكو تعبان في البلد دي

[سهران]

أعتقد و الله أعلم لو بقالك أكتر من ثلاثة أشهر موجود بالمملكة يبقى لازم تطلعلك أقامة الأول و بعديها تأشيرة خروج و عودة أو نهائي لو قررت السفر نهائيا لا قدر الله .

في كل الأحوال تأشيرة السفر مش هاتتم عن طريقك لكن عن طريق الكفيل المذكور بالأقامة

هذا ما أعتقده و أسأل و أتاكد كويس

دعواتي لك بالتوفيق و يكتبلك اللي فيه الخير

[shabara]

انا اساساً لسه ما شفتش الكفيل ولسه ما كملتش شهرين ولسه ما عملتش اقامة .... لو عايز ارجع مصر اعمل ايه ؟؟؟؟؟ ولو بدون علم الكفيل ؟؟؟

[se_ Elsyed]

لازم تستخرج اقامة الاول عن طريق كفيلك وهو اللي يستخرج لك التأشيرة لإن ممنوع الافراد اللي بيعملوا في شركات انهم يتعاملوا مع ادارة الجوازات مباشرة

[shabara]

يعني لازم علشان ارجع مصر احصل على تأشيرة من السعودية؟؟؟؟ يعني دخول وخروج بتأشيرة؟؟؟ وبعدين ايه فايدة الاقامة اذا كنت انا اساساً مش هقيم؟؟؟

[se_ Elsyed]

يعني لازم علشان ارجع مصر احصل على تأشيرة من السعودية؟؟؟؟ يعني دخول وخروج بتأشيرة؟؟؟ وبعدين ايه فايدة الاقامة اذا كنت انا اساساً مش هقيم؟؟؟

تأشيرة السعودية ؟!!!!! إذا كنت إنت في السعودية وإذا كانت التأشيرة اللي معاك إسمها تأشيرة إقامة ؟ !!!!!!

[kingsabry]

مش حضرتك اللي كاتب الموضوع ده :::::::::::

http://www.egyptiantalks.org/invb/index.php?showtopic=66667

حضرتك كنت بتسأل بخصوص المهنة بتاعتك .. واحنا جاوبناك وقولنالك اوعى تيجي عليه

ياتري هيا دي التأشيرة اللي انت جيت عليها ؟؟؟؟

وع العموم .. أنا كاتب كده ....

علشان اللي يحب يجي السعوديه يبقى يعمل بالنصايح اللي الأخوه هنا بيقولوها من خبراتهم هنا ..

[shabara]

طب والحل؟؟؟؟؟؟ اروح مصر ازاي؟؟؟

[se_ Elsyed]

يا سبحان الله ..

والله يا أخي حاسس بمصيبتك ولا شماته ...

لكن إحنا مش نصحناك - انا كنت نسيت أساساً لولاش الاخ كنج صبري أفتكر إن كلنا قلنا لك مليون مرة بلاش فيزة الخدام دي وإنت اللي ركبت دماغك

وخلينا نفكر الناس عشان الكل يتعلم

سي السيد

Super Member

إقتباس(shabara @ Oct 25 2008, 12:27 AM)

السلام عليكم ورحمة الله

يا جماعة التأشيرة طلعت عامل منزلي ومش عارف اغير البطاقة عامل منزلي لأن المهنة دي مش موجودة عند الحكومة الرشيدة بتاعتنا ينفع اعمل البطاقة والجواز عامل بس وهل هتنفع في القنصلية ولا لأ ........ وشكراً

------------------------------------------

عامل منزلي = خدام

ولا تعليق أكثر من ذلك ..

وأستعجبت من قول حضرتك

إقتباس

مش عارف اغير البطاقة عامل منزلي لأن المهنة دي مش موجودة عند الحكومة الرشيدة بتاعتنا

وهل تتمنى إن حكومتنا الرشيدة كما وصفتها تطلع ناس بمهنة خادم للرجال وخادمة للنساء يا أخي الكريم ؟

حتى لو كنت هاتشتغل هناك طبيب أنف وأُذن ... فهل ترضى إن مهنة زي دي تبقى في جميع أوراقك الرسمية طول عمرك في الغربة وتُعامل من الجهات الرسمية على إنك خادم ؟

فإذا كنت ترضى على نفسك كده يبقى إبدء من دلوقت مخاطبة رئيس الوزراء ووزيرة القوى العاملة بضرورة إدراج تلك المهن في حسابتهم

بالمناسبة مهنة عامل منزلي ، سائق خاص ، عامل زراعي أو حارس .. كلها لما تمسك الكهربا بإيدك ما تعرفش تغيرها ولا تُصدر رخصة قيادة ولا تعمل زيارة عائلية ولا أستقدام ولا تعرف تتحرك بين دول التعاون الخليجي لو حبيت تروح الإمارات مثلاً او البحرين .. إلخ

إقتباس

بس على فكره انا شفت واحد قبل كده في الجوازات كان برضو بيخلص الورق في القنصليه بدون مكتب سفريات وواحد صديقي برضو قالي نفس الكلام اصل ايه المشكله في كده؟؟؟

مستحيل ودي فتاوى غير شرعية ومافيش دليل على الكلام ده

[elshafey]

يا سبحان الله ..

والله يا أخي حاسس بمصيبتك ولا شماته ...

لكن إحنا مش نصحناك - انا كنت نسيت أساساً لولاش الاخ كنج صبري أفتكر إن كلنا قلنا لك مليون مرة بلاش فيزة الخدام دي وإنت اللي ركبت دماغك

وخلينا نفكر الناس عشان الكل يتعلم

سي السيد

Super Member

إقتباس(shabara @ Oct 25 2008, 12:27 AM)

السلام عليكم ورحمة الله

يا جماعة التأشيرة طلعت عامل منزلي ومش عارف اغير البطاقة عامل منزلي لأن المهنة دي مش موجودة عند الحكومة الرشيدة بتاعتنا ينفع اعمل البطاقة والجواز عامل بس وهل هتنفع في القنصلية ولا لأ ........ وشكراً

------------------------------------------

عامل منزلي = خدام

ولا تعليق أكثر من ذلك ..

وأستعجبت من قول حضرتك

إقتباس

مش عارف اغير البطاقة عامل منزلي لأن المهنة دي مش موجودة عند الحكومة الرشيدة بتاعتنا

وهل تتمنى إن حكومتنا الرشيدة كما وصفتها تطلع ناس بمهنة خادم للرجال وخادمة للنساء يا أخي الكريم ؟

حتى لو كنت هاتشتغل هناك طبيب أنف وأُذن ... فهل ترضى إن مهنة زي دي تبقى في جميع أوراقك الرسمية طول عمرك في الغربة وتُعامل من الجهات الرسمية على إنك خادم ؟

فإذا كنت ترضى على نفسك كده يبقى إبدء من دلوقت مخاطبة رئيس الوزراء ووزيرة القوى العاملة بضرورة إدراج تلك المهن في حسابتهم

بالمناسبة مهنة عامل منزلي ، سائق خاص ، عامل زراعي أو حارس .. كلها لما تمسك الكهربا بإيدك ما تعرفش تغيرها ولا تُصدر رخصة قيادة ولا تعمل زيارة عائلية ولا أستقدام ولا تعرف تتحرك بين دول التعاون الخليجي لو حبيت تروح الإمارات مثلاً او البحرين .. إلخ

إقتباس

بس على فكره انا شفت واحد قبل كده في الجوازات كان برضو بيخلص الورق في القنصليه بدون مكتب سفريات وواحد صديقي برضو قالي نفس الكلام اصل ايه المشكله في كده؟؟؟

مستحيل ودي فتاوى غير شرعية ومافيش دليل على الكلام ده

علي فكرة يا سي السيد في ناس بتسأل هنا في المحاورات عن حاجات وتاخد النصيحة وتنفذ اللي في دماغها وهي بتقول : الناس دي ايه اللي فهمها هما بيفتوا وخلاص

وانا شفتهم بعنيا وللأسف طالع عينيهم في الغربة من أول شهر لأنهم ماسمعوش الكلام

وعلي فكرة انا اقصدش الاخ اللي كاتب الموضوع ده

تم تعديل 15 نوفمبر 2008 بواسطة amelshafey

[shabara]

لزمته ايه بس التأنيب ده كفايه المزاج الوحش اللي الواحد فيه .......... يا جماعة انا بسأل سؤال بسيط هل ينفع ارجع مصر من غير ما اطلع اقامة ؟؟ ولو حتى لو ال90 يوم اللي في التأشيرة خلصو ومعملتش الإقامة وعايز ارجع أعمل ايه؟؟؟؟؟

[ozoozo]

معلش ياشباره انا عارف انك مابقالكش اسبوع حاول تدور علي اي شغل ماتياسش من اولها وحسب كلامك في الاول انت مشدافع حاجه في الفيزا واعتقد مجال الحاسب فيه شغل كتير

[عمرعمرعمر]

اخي العزيز انا شايف ان الحل بسيط جدا جدا

بس يا عم هتروح للكفيل اللي هو من كلامك بيحبك و عايز يخدمك بامارة انه بعتلك التأشيرة ببلاش و تقوله بما انك مش هتفتح المحل اللي اتفقتوا عليه انا عايز اروح و هو هيعملك الاقامة و يجيبلك تاشيرة سواء نهائي او خروج و عودة و تروح بألف سلامة

و ابقي عرفني عملت ايه

و بالتوفيق

[KamelN]

أخي shabara ماتسلمشي بإذن الله ربنا حيفرجها عليك أريدك أن تفكر 100 مرة قبل إتخاذ القرار للعودة و عوضا عن السؤال كيف أرجع بلدي حاول تسأل كيف تجد و ظيفة

و أناشد جميع الأعضاء الموجودين في الرياض أين أنتم لمساعدة هذا الشاب فين نخوة الرجل المصري فين الهدف من إنشاء هذا المنتدى ليه منساعدشي بعض بأعمال ملموسة مو بالنصيحة و بس و أرجو من كافة الأعضاء و خاصة الإدارة النضر في ظرف هذا الشاب و تخصيص موضوع من أجله لعله يجد من يساعده على إجاد وضيفة و الله لا يضيع أجر المحسنين

[DIA ELDIN]

يا جماعة على مهلكم شوية على الراجل اللي حصل حصل قدر الله وما شاء فعل بس انت حاول تدور على اي شغل لكن بلاش الاستسلام دا

ربنا معاك

[kingsabry]

الموقف بتاع حضرتك ده حصل مع واحد أعرفه .... بس هو كان شاري الفيزا يعني دافع فيها فلوس .....

لو حضرتك دفعت أي فلوس للكفيل قوللي .. وأنا هقولك تعمل ايه ؟؟؟؟؟؟؟

بس ده في حاله واحده بس ان انت تكون دفعت فلوس للكفيل ..

يعني اشتريت الفيزا .. ولو بأي مبلغ ....

[tarek nokia]

الموضوع مش راكب كله مع بعضه انت ازاي جاي تفتح المحل مع الكفيل وهوا صاحبك وبعدين ليك شهرين ما شفتوش وبعدين انت ليه عايز ترجع انت فاكر حتلاقي شغل بسرعة وممكن سؤال انت بتعرف تعمل ايه يعني ايه الشغل الي ممكن تعرف تشتغل فيه

[shabara]

شكراً يا جماعة وانا بدور على شغل وياريت اللي يعرفلي شغل ميترددش انه يقول وشكراً ليكو كلكو على اهتمامكو ....

[shabara]

وعلى فكرة انا بشتغل صيانة حاسب وجرافيك فوتوشوب 3ds Max وشبكات كمبيوتر وأشياء من هذا القبيل ........