استفسار بسيط ... أرجو الرد من الاخ العزيز سي السيد

[se_ Elsyed]

وعلى فكرة انا بشتغل صيانة حاسب وجرافيك فوتوشوب 3ds Max وشبكات كمبيوتر وأشياء من هذا القبيل ........

يا عم إنت بتنقطنا بالكلام ؟

يعني الجميع لم يبخلوا عليك بالنصيحة سواء لما كنت في مصر أو لما جيت هنا وحصلت لك مشاكل ..

ما تقول بالتفصيل إيه اللي حصل على الأقل الأخرون يستفيدوا من تجربتك .. ولا أنت جاي إستقبال بس ومافيش إرسال ؟

والكلام موجه للجميع .... لو سمحتوا يا جماعة أنا ملاحظ إن أخوة كتير - الله يسهلهم - بيدخلوا المنتدى ويسأل السؤال ويتلقى إجابة من الزملاء المتعاونين والذي لا يبخلون بما لديهم من نصائح وتجارب .. وبعد كده أدي وش الضيف وممكن يدخل بعد كده يقرأ ويكسل يكتب كلمتين ويقول هو عمل إيه وسوا إيه !! حاجه تسد النفس ... مش كده ؟

ويكتب ليه ؟ ما هو خلاص الغرض اللي مسجل عشانه بالمنتدى حصل عليه .. وكل سنة وإنتم طيبين ..

[shabara]

ايه يا عم سي السيد انت داخل فينا شمال كده ليه هو حد كان سأل وانا مجاوبتش ؟؟؟ هو الموضوع كله ان انا كنت بسأل على حاجه معينة ، وبعدين ده اللي حصل بالضبط ان انا جيت على تأشيرة عامل منزلي ولسه بدور على شغل والراجل الكفيل كل اللي هو عايزه حالياً ثمن تكاليف التأشيرة اللي هو 2000 ريال بس وانا دلوقتي بدور على شغل لا اكثر ولا اقل ، وياريت اللي يعرفلي شغل يا جماعه ميبخلش انه يقولي وشكراً ليكو كلكو على الاهتمام .... وبالأخص لاخ العزيز سي السيد ....

[عمرعمرعمر]

معلش احنا كده برضه ما فهمناش انت عايز شغل عشان تجيب تمن التأشيرة و بعدين تنزل و لا عايز شغل و ناوي تكمل

كمان سؤال معلش انت ليه كنت عايز تمشي اساسا

برجاء الافادة

[shabara]

كنت عايز امشي على اساس ان مفيش شغل .........

[عمرعمرعمر]

ربنا يوفقك