اروح فين الدوحه والا دبي؟

[شاب طموح]

بسم الله الرحمن الرحيم

اشكر القائمين على الموقع والاخوه الي مش مقصرين بصراحة في الرد والتوضيح لكل سائل

انا عندي استفسار اتمنى ان تساعدوني فيه للاهميه القصوى

جايني عقد عمل في قطر بوظيفه اداريه في شركه اعلان دعايه وتصميم.

ح اقبض 4000 ريال قطري بدون سكن و مواصلات والدوام فترتين من الساعه 8 لحد 1 ومن الساعه 5 لحد 9

الشركه دي بتاعة ناس قطريين مرتاح ليهم وحاسس انهم ولاد حلال وفي وعد بالترقيه السريعه ازا ربنا وفقنا

هل العرض ده كويس؟

علما اني ملاقي شغلانه تانيه في دبي بس كمبيعات والراتب 3 الاف بسكن لكن برغم انها شركه عالميه بس الي فيها مش مسلمين بوذيين

وانا خايف من مسأله الدين والصلاه وخلافه

بس صحابي بيقولو ان عيشة دبي اغلى بكتير وان قطر ممكن تكون احسن لي ومافيهاش الي في دبي من زحمه وغيرو

اتمنى الاقي منكم رد يساعدني اتخز قرار

وربنا يسهل علينا وعليكم

شاب مصري طموح

[osmel33]

الأخ الكريم الأول المقارنة بين الدوحة ودبي لابد فيها من التوضيح شوية المعيشة فى دبى والدوحة من ناحية الأكل والشرب والمعيشة بصفة عامة واحدة بدون أدنى اختلاف بس للأسف بقى وده طبعاً ناس كتير فى مصر ماتعرفهوش ان الدوحة أغلى فى السكن من دبي أنا عايش فى الدوحة وبسافر دبي باستمرار يعنى ممكن تحصل سكن على أطراف الدوحة شقة صغيرة تبدأ ممن 8000 و9000 ريال فى الشهر الواحد (راجع حوارات المصريين فى قطر) يعنى لو قسناها تبقى الدوحة أغلى بس بصراحة الدوحة شوارعها أفضلوالزحمة فيها ممكن نقول عليها زحمة منظمة غير زحمة دبي على طول بتفكرنى بزحمة القاهرة

نيجى للعرض المالى الراتب انت قولت 4000 بدون سكن ومواصلات برجاء التوضيح لو فيه بدل سكن أو بدل مواصلات هايبقوا كام علشان نقدر نساعدك وأخيراً فيه توبيك اسمه "محاورات المصريين فى قطر" أنصحك تطلع عليه لأنه مليان بالمقارنات والأراء اللى أكيد هاتفيدك أخيراً تمنى لك التوفيق

[RefaatMazhar]

بسم الله الرحمن الرحيم

اشكر القائمين على الموقع والاخوه الي مش مقصرين بصراحة في الرد والتوضيح لكل سائل

انا عندي استفسار اتمنى ان تساعدوني فيه للاهميه القصوى

جايني عقد عمل في قطر بوظيفه اداريه في شركه اعلان دعايه وتصميم.

ح اقبض 4000 ريال قطري بدون سكن و مواصلات والدوام فترتين من الساعه 8 لحد 1 ومن الساعه 5 لحد 9

الشركه دي بتاعة ناس قطريين مرتاح ليهم وحاسس انهم ولاد حلال وفي وعد بالترقيه السريعه ازا ربنا وفقنا

هل العرض ده كويس؟

علما اني ملاقي شغلانه تانيه في دبي بس كمبيعات والراتب 3 الاف بسكن لكن برغم انها شركه عالميه بس الي فيها مش مسلمين بوذيين

وانا خايف من مسأله الدين والصلاه وخلافه

بس صحابي بيقولو ان عيشة دبي اغلى بكتير وان قطر ممكن تكون احسن لي ومافيهاش الي في دبي من زحمه وغيرو

اتمنى الاقي منكم رد يساعدني اتخز قرار

وربنا يسهل علينا وعليكم

شاب مصري طموح

الأخ الكريم

لا أنصحك بالمجي للدوحة على الإطلاق .. فالراتب المعروض عليك ضعيف جدا .. و ستعيش عمرك أعزب بهذا الراتب الضعيف جدا

طبعا الراتب المعروض عليك في دبي أيضا ضعيف جدا .. لكن الميزة أنك يمكنك أن تنتقل لأي عمل آخر براتب أعلى متى توفر لك هذا

لكن في الدوحة -مع الأسف الشديد- تصبح عبدا .. بمعنى الكلمة .. فلن تستطيع الانتقال لأي عمل آخر براتب أعلى .. حتى لو كان

أصحاب العمل الذين تعمل لديهم طيبين كما تقول فوزارة العمل تمنع نقل كفالة أي شخص على أي وظيفة إدارية لرغبتهم في شعل

تلك الوظائف بالقطريين .. هذا فضلا عن أمراض نفسية مكبوتة لدى أناس كثيرين هناك فإذا قام أصحاب عملك بإنهاء خدماتك و ترحيلك

خارج الدولة فلن تستطيع العودة بعد ذلك قبل سنتين .. و أصحاب العمل تقدموا بطلب و يضغطون على الدولة لجعل هذه الفترة خمس

سنوات .. و يحاولون أن يمنعوا من يتم ترحيله من العودة لأي دولة خليجية أخرى خلال هذه الخمس سنوات.

لهذا أخري الكريم لا تتورط هذه الورطة .. و يمكنك قبول عرض دبي و محاولة زيادة بأي طريقة .. و إن لم يكن يمكنك قبوله على أن تبدأ

في البحث عن عمل آخر بمجرد وصولك .. أو الصبر قليلا حتى تكتسب بعض الخبرة داخل دبي.

مع تمنياتي بالتوفيق

[ahmedkamal]

دبي تمتاز عن بقيه دول الخليج انك بتكبر هي غاليه جدا بس لو الحظ ابتسم لك هتتنقل بسهوله وتكبر للاسف قطر او السعوديه قوانينهم بتكتفك انا روحت السعوديه وقولت عشان اعرف اعيش فيها النتيجه زملائي اللي تعبوا ف دبي اتطوروا جدا واتنقلوا لاماكن كويسه لان القوانين بتساعدهم انما قطر زي السعوديه قوانين سيئه بل كمان قطر غاليه جدا

[tarek nokia]

نصيحة ان لاتقبل بأي عرض الأثنين بصراحة ضعيفين جدا وان تحاول ان تجد عرض اخر والله الموفق وعليك ببر والديك وانشاء الله الله سوف يوفقك :ninja:

[الوهاج]

انصحك تروح لقطر ... من حيث الامان الوظيفي ومن حيث الراحة وقلة الزحمة

لكن مثل ماقلو لك تعيش عزابي لان مستوى المعيشة غالي جدا عندهم .... فأنا اشاهدهم

عندما اذهب للمنطقة الشريقة يشترون التموين من السعودية ... فمثلا طبق البيض بالسعودية بعد الغلا (12) ريالا

وفي دبي لا يختلف كثيرا عن السعودية اما في قطر (70) ريالا قطريا ويعادل 70 ريال سعوديا

[osmel33]

الأخ الكريم أنت ما وضحتش البدلات من سكن ومواصلات كام علشان الواحد يقدر يديلك قرار سليم مسألة أنك تروح قطر أو الإمارات على الراتب ده صعبة جداً وبالذات قطر السكن فيها نار فبرجاء وضح البدلات دى تطلعلها كام

[JASPER]

انا هرشحلك دبي لعدة أسباب رغم اني عايش فيها وشايف انها الحياه بقت صعب بس طالما العرضين دول معروضين عليك فهرشحلك دبي للاتي :

1- مشكلة السكن وطالما انت في دبي مشكلة السكن اتحلت يبقى كده ممتاز لانها مكلفة هنا وكمان لان واضح من كلام الاخوه ان السكن في قطر كمان اغلى من دبي يعني انت لو هتاخذ 4000 هتشيل على الاقل 1000 للسكن زي دبي بس راتب دبي صافي

2- اهم حاجة هنا انك استثمار بمعنى كل يوم بتقعد هنا اسمك بيزيد خبرتك بتزيد رتبك بيزيد فانت ممكن تطور نفسك وبعد سنه او سنتين تاخد ضعف الراتب سواء في شغلك الحالي او لو غيرتوا

3- مصاريف الحياة متقاريه زي الاكل والشرب الخروج وخلافه يبقى مفيش ميزه لقطر هنا

4- فعلا انت هنا مش هتكون عبد وبالعكس المعامله باحترام جدا هنا وقانون البلد بتسري على الكل المواطن قبل الوافد اينعم انت هيكون ليك كفيل بس كفيلك هنا شركتك مش واحد لمؤاخذه جح...................

5- قاونين العمل هنا ان شايف انها من احسن الدول الخليجية يعني من حيث حقوقك من حيث امكانية نقل الكفالة وتغيير الشغل

6- نقطة الحرية الدينية هنا مكفولة للكل وحتى لو انت شغال في شركة بوذيه بس متنساش انك في دولة مسلمه والدين هنا خط احمر -بحرية تامه للكل والمعامله هنا رأسماليه يعني بتفدني احط في راسي وعلى الفكره الهنود هنا عددهم تقريبا نص سكان البلد شاملين المواطنيين يعني متقلش من الناحية دي

7- الحياه هنا رغم انها صعبة في الاول بس صدقني لو اتطورت معاك بتعيش في جو من الامان والرقي والنظافه والاحترام مش هتشوفوا في اي دولة خليجة تانية

8- انت مجالك كويس جدا الي هوا المبيعات وكمان مربج جدا انا أعرف ناس شغاله في المبيعات في مجال العقارات بلاش احط الرواتب احسن بجد ممكن محدش يصدقني بس ارقام فليكه بس تصور شقه تمنها 3 مليون العموله حتى لو هتبقا عليه نص مليون

9- البلد هنا ملهاش مقاييس في الرواتب يعني مفيش حاجة ده اسمها مصري اخروا كدا بالعكس ممكن تعدي وتعدي قوي والسوق هنا مفتوحه جدا ومش هبالغ لو قلتلك ان عدد الشركات هنا اكبر من عدد مواطني قطر بمافيهم المغتربين

افتكر حاجة كويسه اي بلد في قانون ونظام مبيفرقش بين مواطن ووافد عرب وغير عربي ابيض ولا احمر اعرف بجد انها بلد كويسه بس احنا الي بنتعب لاننا مش واخدين على الالتزام

[ahmedkamal]

دبي طبعا وانا مش من سكان دبي لكن لان قوانين العمل فعلا ف دبي احسن من السعوديه وقطر هفترض انك روحت قطر واجتهدت واتطورت مش هتعرف تروح مكان تاني بسهوله والسعوديه اللي جيت عليه اول مره يفضل معاك والا هتدخل ف مواضيع نقل كفاله وقصص واستغلال وتغيير جواز ومشاكل من استقدام لغيره وكل حاجه موافقه الكفيل دبي مش كده ، دبي بدايتها اصعب لكن لما بتفتح بتعدي لان هناك مالكش حدود انما السعوديه متكتف خالص واظن قطر كده زي ما بسمع ضيف عليه غلاء قطر ف الايجارات والكل بيشكي منه