شوفوا البلد بتتباع ازاى - هشام لم يدفع مليماً فى أرض قيمتها ٣٤ مليار جنيه

[osaimi]

اللي عاوز أعرفه ، ليه الحكومة بجلالة قدرها ما تقومش هية ببناء هذة المدن من خلال بنك الإسكان والتعمير أو من خلال شركات محترمة زي شركة المقاولون العرب أو علي الأقل تبيعها بنظام المزاد مع فرض شروط علي المشترى فى تحديد أسعار إعادة البيع للمواطنين ؟

ياجماعة هو انا بقول حاجه غريبة ؟ هي ليه أرضنا بتتباع بتراب الفلوس للناس دي ؟ تخيلوا ناس بتاخد مئات وألافات الأفدنة بدون ما تدفع مليم واحد ؟ هو فيه ايه ؟ واضح ان الهبش والفساد أكثر بكثير مما نتصور ، إليكم المقالة

طلعت السادات: هشام لم يدفع مليماً فى أرض قيمتها ٣٤ مليار جنيه

جريدة المصريون - ١٥/ ١١/ ٢٠٠٨

يتقدم النائب طلعت السادات، محامى عادل معتوق، زوج القتيلة سوزان تميم للمحكمة فى جلستها اليوم بصورة من العقد المبرم بين هيئة المجتمعات العمرانية ورجل الأعمال هشام طلعت مصطفى المتهم الثانى فى القضية.

وصرح طلعت السادات لـ«المصرى اليوم» بأن العقد به ثغرات واضحة سيكشفها أمام هيئة المحكمة أبرزها أن وزارة الإسكان،

أوضحت فى التمهيد للعقد بأنها طرحت أرضاً للبيع وهذا أمر مخالف للحقيقة لأن هشام طلعت مصطفى هو الوحيد الذى تقدم بالطلب للحصول على الأرض، كما لا يوجد عقد لا يتضمن ثمن الأرض المباعة والاكتفاء بنسبة الـ٧٪،

خاصة أن هذا الأمر لم يطبق إلا على هشام طلعت مصطفى، مرتين الأولى فى «الرحاب» والثانية فى «مدينتى» وكأنه نظام خاص ابتدعته الحكومة لهشام طلعت مصطفى، الذى لم يدفع مليماً واحداً فى أرض تساوى ٣٤ مليار جنيه من حق شعب مصر الذى ضاعت أرضه فى مجاملات لرجال الأعمال، على حد قول السادات.

وأشار المستشار سمير رضوان، المحامى عضو هيئة الدفاع عن عادل معتوق إلى أن هذا العقد باطل وأنه سيقوم برفع دعوى قضائية لفرض الحراسة على الشركة ضماناً لأموال الشعب.

مرفق رقم (٣)

السادة هيئة المجتمعات العمرانية الجديدة

تحية طيبة وبعد...

بناء على طلب شركة .........................

بخصوص مشروعها الذى تنوى إنشاءه على الأرض المخصصة لها طبقًا للعقد المبرم بين هيئة المجتمعات العمرانية الجديدة والشركة، والذى تم الاطلاع عليه بمعرفة البنك.

يرجى التكرم بالإحاطة بأن الشركة قد قامت بفتح حساب للمشروع رقم...........المركز الرئيسى / فرع ............. يودع فيه جميع المدفوعات عن الوحدات المباعة ضمن التخطيط المعتمد للمشروع بموجب إذن توريد صادر من الشركة تقوم الشركة بموجبه بإيداع المبالغ المستحقة بالحساب المشار إليه.

علمًا بأن البنك يلتزم بتطبيق شروط التعاقد المبرم بين الهيئة والشركة والذى يتيح للشركة صرف قيمة الأعمال المنفذة للمشروع بموجب شيكات صادرة من الشركة لحساب المقاولين

والموردين مع حق الشركة فى صرف مبالغ إضافية لمجابهة المصروفات الأخرى وبما لا يجاوز (٩٥٪) من جملة الإيداعات وطبقًا للبرنامج الزمنى التمويلى لتنفيذ المشروع مع الاحتفاظ بنسبة (٥٪) من جملة الإيداعات فى الحساب لحالات طلب مشترى الوحدات رد إيداعاتهم طبقًا لشروط العقد المبرم بين الشركة وبين المشترى.

وتفضلوا بقبول فائق الاحترام،،،،

ملحق العقد

مرفق رقم (١)

تمهيد

* بالإشارة إلى العقد المبرم بتاريخ ١/٨/٢٠٠٥ بين هيئة المجتمعات العمرانية الجديدة (طرف أول) (بائع) والسادة الشركة العربية للمشروعات والتطوير العمرانى (طرف ثانى) بشأن قطعة الأرض الفضاء الكائنة بمنطقة الامتداد العمرانى بمدينة القاهرة الجديدة بمساحة ٥٠٠٠ فدان بما يعادل ٢١٠٠٠٠٠٠ م٢ (واحد وعشرون مليون متر مربع) تحت العجز والزيادة لإقامة مشروع للإسكان الحر.

* وإيماءً إلى ما ورد بالبند الرابع من هذا العقد بتحديد الاشتراطات البنائية ومواصفات تنفيذ مبانى المشروع من خلال ملحق يرفق بالعقد ويعتبر جزءًا لا يتجزأ منه.

وعليه فقد اتفق الطرفان على ما يلي:

البند الأول

مواصفات تشطيب الوحدات السكنية المخصصة للهيئة كمقابل عينى لثمن الأرض موضوع هذا العقد:

طبقًا لعينة الوحدات المتنازل عنها لصالح الهيئة طبقًا للعقد المبرم بين الهيئة والشركة بتاريخ ٣٠/٦/٢٠٠٣ وهى كالتالي:

الحوائط: بياض أسمنتى + دهانات بلاستيكية من أجود الأنواع (سايبس أو ماشابه).

الأرضيات: سيراميك أراسيمكو ٤٠ *٤٠ لجميع الغرف.

دورات المياه: سيراميك أراسيمكو للحوائط والأرضيات + أطقم صحية ماركة ليسيكو.

نجارة الأبواب: خشب سويدى بحشوات كونتر زان ودهانات لاكيه مط + إكسسوارات معدنية.

الشبابيك: قطاعات ألومنيوم فضى وزجاج ٦ مم.

أرضيات المداخل: رخام فلتو حسنة.

حوائط المداخل: وزره رخام فلتو حسنة بارتفاع ١٥ سم + دهانات بلاستيكية.

الواجهات: دهانات حديثة مقاومة للعوامل الجوية من أجود الأصناف.

التراسات: كوبستة خشب على قوائم معدنية.

التوصيلات الكهربائية والإكسسوارات: من أرقى الأنواع المحلية.

تم تعديل 15 نوفمبر 2008 بواسطة osaimi

[salhaldin]

:

مواصفات تشطيب الوحدات السكنية المخصصة للهيئة كمقابل عينى لثمن الأرض موضوع هذا العقد:

طبقًا لعينة الوحدات المتنازل عنها لصالح الهيئة طبقًا للعقد المبرم بين الهيئة والشركة بتاريخ ٣٠/٦/٢٠٠٣ وهى كالتالي:

الحوائط: بياض أسمنتى + دهانات بلاستيكية من أجود الأنواع (سايبس أو ماشابه).

الأرضيات: سيراميك أراسيمكو ٤٠ *٤٠ لجميع الغرف.

دورات المياه: سيراميك أراسيمكو للحوائط والأرضيات + أطقم صحية ماركة ليسيكو.

نجارة الأبواب: خشب سويدى بحشوات كونتر زان ودهانات لاكيه مط + إكسسوارات معدنية.

الشبابيك: قطاعات ألومنيوم فضى وزجاج ٦ مم.

أرضيات المداخل: رخام فلتو حسنة.

حوائط المداخل: وزره رخام فلتو حسنة بارتفاع ١٥ سم + دهانات بلاستيكية.

الواجهات: دهانات حديثة مقاومة للعوامل الجوية من أجود الأصناف.

التراسات: كوبستة خشب على قوائم معدنية.

التوصيلات الكهربائية والإكسسوارات: من أرقى الأنواع المحلية.

معئى كده إن المساكن دى مش لحل ازمة السكن ولا علشان محدودى الدخل ولا اهالى الدويقه ولا سكان المقابر ولا العشوائيات ولا ضحايا قانون الإيجارات الجديد ولا للشباب الى ولا لاقى شغل ولا سكن

wst::

[ابتسامــة]

ولماذا لم يقم المحامي الهمام بكشف هذه الثغرات من قبل؟!

والا هو لما العجل يقع تكتر سكاكينه

ثم ما هي العلاقة بين قضية قتل سوزان تميم ومشاريع طلعت مصطفى؟!

يبدو بالفعل أنه تم توريطه في هذه القضية تخليصا لحسابات بين رجال أعمال

أو محاولة لسلب جزءه من الكعكة المصرية... التي نكتفي نحن بالنظر والتحسر

وأكبر ما نقوم به هو كيل السباب والاتهامات للجميع ...

[osaimi]

هو فعلا لما العجل يقع بتكتر سكاكينة ، محدش كان يقدر ينشر الكلام ده قبل كده لأنه كان هيخبط فى ناس مبترحمش

دول عصابة كبيرة وكبيرة أوي ، عقبال الزعيم ....

[ahmos1]

ولماذا لم يقم المحامي الهمام بكشف هذه الثغرات من قبل؟!

والا هو لما العجل يقع تكتر سكاكينه

ثم ما هي العلاقة بين قضية قتل سوزان تميم ومشاريع طلعت مصطفى؟!

يبدو بالفعل أنه تم توريطه في هذه القضية تخليصا لحسابات بين رجال أعمال

أو محاولة لسلب جزءه من الكعكة المصرية... التي نكتفي نحن بالنظر والتحسر

وأكبر ما نقوم به هو كيل السباب والاتهامات للجميع ...

اؤيدك تماما ياأخى

الهدف الاساسى هو سرقة النجاح و الحقد الشديد اية دخل مدينتى و الرحاب بما حصل

لو حد زار المنطقة جنب مدينتى حيلاقى صحراء المتر فيها ميسواش مليم و بدون مرافق

عايزين الولة تفرض حراسة و تعمل زى ماعملت فى الشريف و الريان و ضاعت فلوس الناس ياجماعة حرام اللى حاينضر ها الناس مش حد تانى و عايزين نقول عمار يامصر كدة احنا بنجر الخراب لاننا عارفين اية اللى حيحصل لو الدولة حطت ايدها

[momazad]

اخواني انا مش عارف اقول لحضراتكم ايه بالضبط ولكن هقولكم حاجه بسيطه اوي

خاصه موضوع هشام مصطفي وموضوع العجل لما بيقع بتكتر سكاكينه دي

اخواني من يتتبع سيرة هشام مصطفي هيعرف هو مين وحجمه ايه في الدولة بتاعتنا دي بالضبط

وكمان هيعرف انه كان له شراكه مع ناس كتييييييييييييييييييير اوي والناس دي واصله أوي

وبالتالي محدش كان يقدر يكتب او حتي يقول انه كان بيعمل وكان كذا او كذا

ومش موضوع نجاح ولا غيره نجاح ايه اللي بيكون علي حساب اكلنا وشربنا

القضيه سليمه تماما والا مكنش المدعي العام ياخد بيها وينظر فيها

او يحدد ليها مثلا جلسه او اي حاجه

ويمكن لو فيه محامي هنا كان وضح لينا الامر اكتر

ولكن اللي يهمني واحد زي دا في موضوع زي دا اخد ارض بالسعر دا وبضمانات تعتبر مش ضمانات ... كل الحكاية انه بلغ انه له ودائع وشركات ومش عارف ايه وبناءا عليه اخد الارض

وزي ما هو معروف ومتعارف عليه في بلدنا الحبيبه مصر ان جميع العقود اللي بالشكل دا بتخلص من تحت لتحت ومش موضوع عجل بجد وقع وكترت سكاكينه

ولكن الناس اللي فوق فوق فوق دي دايما فاكرين ان مصر دي ورث ليهم هم وكل ما فيها ليهم وعلشان كدا كل واحد بيحاول ينهب منها حته علي اد ما يقدر ومش كدا وبس لا وكمان ممكن يتسارع مع واحد زيه برضو من الناس اللي فوق فوق فوق دي علشان حته اخدها منه

وزي ما هو معروف ان هشام طلعت اخد اكتر من مرة حتت من الحتت دي من رجل الاعمال الكبير المبجل احمد عز وطبعا السيد احمد عز امين التنظيم بارك الله فيه مقدرش ينسي ان الاخ طلعت مصطفي عمل فيه كدا وجه له الموضوع علي الطبطاب انه ينتقم ويرجع هيبته في الوسط بتاعهم وسط الناس اللي فوق دي كما ذكرت سابقا

اخواني العجل بتكتر سكاكينه بينهم لان كل واحد فيهم له اعداء كتييييييييييييير جدا في الوسط اللي هو فيه ودي رجال اعمال كبااااااااااار مسكين البلد وكل واحد بيشد من ناحيه يمكن ياخد جزء اكبر زي الكلاب المسعورة كل واحد فيهم بينتش في لحم الميت وبركز وركزوا شوية علي الميت دي بينتش في لحم الميت يمكن ياخد اكبر جزء من اللحم

اخواني بجد القضية بتاعت سوزان تميم دي لا تعد من انها تكون قضية زيها زي غيرها ولكن الكبار دخلوا في الموضوع فبقت وووووووووووووووو زي ما حنا شايفين كدا

كل واحد عايز ينتقم من التاني ومعروف ان رجال الاعمال عبارة عن تكتلات كل تكتل عايز يخلص علي التكتل التاني زي ما ذكر اخونا وقال الريان

شركات الريان برضو كان داخل فيها ناس تقاااااااااااااااااااااااال اوي اوي والامر دا معروف ورغم ان التشابه بين الريان وطلعت مصطفي يساوي صفر الا ان الريان كان فعلا ناحج ولكن جت الاوامر العليا بضربه بووووووووووو فقضوا علي الريان وفضلت الشركات بتاعته مرهونه للآن وقالوا للناس مفيش فلوس ليكم رغم ان شركات الريان تساوي اكتر بكتيييييييييييييييير اوي من فلوس الناس الغلابه دي وكان ممكن يبيعوها ويرجعوا فلوس الناس ليهم تاني

ولكن هيهات هيهات مين يرجع دا

الناس التقيله الجدد اللي مسكوا البلد من الناس التقيله القدامي مسيكرين علي الوضع كويس اوووووووووووي والبلد بخير يا ريس وتمام يا ريس

ربنا يسترها علينا منهم ومن الريس

فكروا شوية وهتعرفوا كويس ليه هنا كترت سكاكين طلعت مصطفي وصدقوني مفيش مظلوم في الناس الكبيرة دي بيتسجن .. اصل صعب اوي يسجنوه ممكن يهربوه ماشي انما يسجن ممممممممممم معتقدش اصل سجنه فيه بلاوي لغيروا

دا الظالم هربوه يبقا المظلوم هيسجنوه ؟

هههههههههههههههههههه

عجبت لك يا زمن

ال مظلومين ال

طيب لما دول مظلومين يبقا احنا ايه؟

زميلنا انتحر علشان عيلته غير لائقه اجتماااااااااااااااااعيا يا حضرات رغم انه له اخ مدرس واخر دكتور واخر مهندس وعنده ارض ماشاء الله ولا قوة الا بالله

يبقا فين غير لائق دي ؟

ابوووووووووووووووووووووووووووووووووووووه فلاح فبقا غير لائق سبحان الملك

رغم انه كان من اوائل دفعته وماستر بامتياز الدنيا اسودوت في وشه رمي نفسه في النيل

دلوقتي بتقولوا نجاح وكل ناجح ؟؟

الناجحين في السجن يا حضرات والمعتقلات

ربنا يظهر الحق حتي لو كان لهشام مصطفي

خلص الكلام

[فركيكو]

بمناسبة الموضوع الجميل دة و اللى شغل البلد كلها حتى الناس اللى بتكمل عشاها نوم -دا لو اتعشت اصلا .

شوفت خير الله هم اجعلة خير قال اية و انا جاى الشغل النهاردة من ساعة كدة الاتوستراد مقفولفى الاتجاة من حلوان الى مدينة نصر ( متفضى يعنى علشان حد مهم يعدى ) و الحمد لله انى كنت فى الاتجاة التانى علشان اعرف اتفرج على موكب هشام باشاااااااا الذى كان يحتوى على :

1- عدد 2 موتوسيكل شرطة فى الامام لتفريغ ما بقى من سيارات فى الطريق

2- سيارة شرطة أوكتافيا زيرو خلف الموتوسيكلات بكامل طاقمها

3- سيارة الترحيلات ( المعروف شكلها لنا جميعا ) ولكن برضة على الزيرو

4- عدد 2 سيارة جيب شيروكى سوداء - لزوم الحراسات الخاصة

5- سيارة مرسيدس سوداء من الكبار قوى دول

6- متوسيكل شرطة تانى لكن لوحدة يا ولداة فى الآخر

و الظاهر انهم مصحيين الباشا بدرى قوى كدة علشان راحين المحكمة من سجن المزرعة اللى مشرف فية بس علشان ما يأخروش قوى كانوا ماشيين بسرعة 90 : 100 كلم فى الساعة تقريبا على قد تقديرى .

اية رايكم فى الموكب الجميل دة يعنى حتى عربية الترحيلات على الزيرو يا بشر !!!!!!!!!!! :happy: :lol:

[ابتسامــة]

هو انا بس عاوزة اوضح نقطة

أني مش بقول إنه مظلوم ...

لأ أنا بس بقول ان المحامي اللي فجأة بيجيب القديم والجديد

واللي دخل في مواضيع تانية غير القضية اللي بيترافع فيها

لا يدعي أنه بطل وبيعمل من أجل إحقاق الحق ...

طيب كان فين من زمان والا مقدرش يتكلم غير لما أخد الضوء الأخضر ؟!!

تم تعديل 18 نوفمبر 2008 بواسطة ابتسامــة

[momazad]

عارفه يا ابتسامه

والله الموضوع مش موضوع ضوء اخضر او ضوء احمر ولا حتي ترقوازي

الامر بكل بساطه زي ما كان زماااااااااااااان واحد برتبه كويسه اوي في الجيش افتكر لواء

كان راجل بجد ربنا يبارك فيه انسان محترم جدا لاقصي درجة وكان دايما في صف المجندين

الراجل دا قال كلمة بسيطه اوي توضح اللي بيدور اليومين دول

قال ان الناس دي من اعمالهم ربنا بيسلطهم علي بعض كل واحد فيهم بيتحين الفرصه للانقضاض علي التاني وكأنها غابة كله بينهش في كله

الله المستعان

[osaimi]

وحول عقد مدينتي الخاص بمجموعة شركات هشام طلعت مصطفي ضم العديد من المفاجات فقد حصلت الشركة علي الارض بثمن بخس او بدون ثمن فقط نسبة 7بالمائة من مساكن مشروع مدينتي تحصل عليها وزارة الاسكان ثمنا للارض والتسهيلات الممنوحة للمجموعة ثم ان العقد تم توقيعه في مكتب الدكتور احمد نظيف بالقرية الذكية وهو ما يعني انه مسئول شخصيا عنه وقد وصف عدد من القانونيين و الوزراء السابقين ما جري في تخصيص الارض بانه يشبه توزيع الاقطاعيات في عهد الخديوي اسماعيل والفترة العثمانية المهندس حسب الله الكفراوي وزير الاسكان السابق بدا مترحما علي الرئيس السادات ورئيس الوزراء ممدوح سالم وقال ان اي وزير مهما كاتن حجمه ونفوذه لم يكن يستطيع التصرف في عقد مثل مدينتي دون ان تكون تعليمات صدرت له بهذا الشأن ووصف اسلوب التخصص بأنه عك في عك وقال هاتوا لي من اي دوله في العالم عقدا بهذا الشكل فعقد البيع تم مجانا دون توضيح لثمن الارض المباعه واي عقد يجب ان يحتوي علي ثمن الشيء المباح بيتما الدكتور يحي الجمل استاذ القانون الدستوري ان عقد مدينتي بهذا الشمكل اضاع ما تبقي من قدسية اراضي لايمكن التصرف فيها علي هذا النحو وطالب ان يفتح البرلمان نقاشا مفتوحا عن هذه الجريمة وان تتم محاكمة كل من تورط فيها مهما كان اسمه او منصبه

الناس دي مستهيفانا بشككككككككككككككل ، زي ما قال الأخ Momazad

ولكن الناس اللي فوق فوق فوق دي دايما فاكرين ان مصر دي ورث ليهم هم وكل ما فيها ليهم وعلشان كدا كل واحد بيحاول ينهب منها حته علي اد ما يقدر ومش كدا وبس لا وكمان ممكن يتسارع مع واحد زيه برضو من الناس اللي فوق فوق فوق دي علشان حته اخدها منه

تم تعديل 22 نوفمبر 2008 بواسطة osaimi