عندما يطرق الفتور باب الحياة الزوجية

[Vanco alex]

استاذ فاند\و ترددت انى اكتب لكن مقدرتش بصراحة لانى بيصعب على قوى خراب البيوت انا رايى الشخصى ان حضرتك بتقنع نفسك باى سبب علشان تنفصل لانى مش شايفة مشكلة من اساسة اللى بيحصل بينكم دة طبيعى فى كل البيوت وحتى لو كنت اتجوزت اللى حبيتها كان هايحصل بردو مشاكل من ضغوط الحياة ولو اختلفت شكلها. مش كل الزيجات لازم تكون عن حب لكن العشرة الطيبة والتفاهم والسعى من كل طرف على اسعاد الاخر واحتواء عيوبة بيخلق الحب صدقنى او على الاقل الود وبعدين سورى يعنى مين دخل والدك اصلا فى خصوصياتك بزوجتك ؟ اسال نفسك؟ ثانيا لو بصيت لطلب زوجتك انها عايزاك تروح تاخدها بنظرة انها بتدلع عليك او عايزة تحس بحبك وشوقك ليها مكنتش قلت كلامك دة لكن للاسف انت بتحاول تمسكلها على اى حاجة وتقنع نفسك انها وحشة او ان زواجكم فاشل حاول متكنش انانى فكر كتر فى اسعاد غيرك اكتر من اسعاد نفسك ادى تلاقى يا اخى الفاضل ادى حب واهتمام هتلاقى كل ما تتمنى حب بنتك اكتر من نفسك وانها تتربى بين اب وام علشان تطلع شبعانة حب ومتدورش على الحب برة مش كل حاجة وابسط حاجة الطلاق ونسيب واحدة وندور على غيرها ما يمكن التانية تطلع العن وتكرهك فى الجواز كلة ارضى بنصيبك واتعلم فضيلة الشكــــــــــــــــــــــــــر الدنيا مش مستاهلة الحياة بتخلص وافتكر ان انت تقدر تخلق بنفسك السعـــــــــــــــــــــــــــــــادة وربنا معاك وشكرا :big_boss:

والله كلامكم ده ريحنى جدااااااااااااااا

جزاكم الله خير

ويباركلك يا اخت جيسيكا

وربنا يهدينى

ويجعل لنا من ازواجنا سكنا

[Vanco alex]

الأخوه الاعزاء

فرضا ان فيه مشكله بينى وبين زوجتى

وخلاص مش قادر احل المشاكل دى

وفكرت انى اتجوز تانى

فرضا ييعنى انى قدرت الآقى انسانه تفهمنى اكتر

فى نفس الوقت مش عاوز اطلق مراتى عشان خاطر طبعا مش عاوز اهد البت ده

وابنى يعيش برضه معايا

هل بكده اكون بخون زوجتى

وهل هى من حقها تطلب الطلاق

يعنى عاوز اجمع بين الاتنين

وانا قادر على كده ان شاء الله

مش ده من حقى برضه ولا ايه

[لولا]

الأخوه الاعزاء

فرضا ان فيه مشكله بينى وبين زوجتى

وخلاص مش قادر احل المشاكل دى

وفكرت انى اتجوز تانى

فرضا ييعنى انى قدرت الآقى انسانه تفهمنى اكتر

فى نفس الوقت مش عاوز اطلق مراتى عشان خاطر طبعا مش عاوز اهد البت ده

وابنى يعيش برضه معايا

هل بكده اكون بخون زوجتى

وهل هى من حقها تطلب الطلاق

يعنى عاوز اجمع بين الاتنين

وانا قادر على كده ان شاء الله

مش ده من حقى برضه ولا ايه

استغربت من سؤالك ... هل من حقها تطلب الطلاق ؟؟

أكيد من حقها تطلب الطلاق !!

ليه ميكونش من حقها ؟؟

مش معنى ان تعدد الزوجات حلال ان الزوجه حرام تطلب الطلاق لو كرهت ان تكون هناك زوجه اخرى.

مش معنى ان فى مشاكل انها برضه تقبل الوضع .

متهيألى لو حطيت نفسك مكانها وفكرت بدماغها حتلاقى انك زى ما انتا شايف انها السبب ورا المشاكل

فهى بتفكر انك السبب ورا المشاكل !! كل طرف بيلوم التانى .. عشان كده عمره مراح يكون فى حل .

على فكره برضه هى تقدر تفكر تتجوز انسان تانى تحس انه قادر يفهمها اكتر.. ديما حط نفسك مكان الطرف التانى

وعليه لو قررت تتجوز دا حقك ... ومن حقها تطلب الطلاق لو حست انها مش حتقدر تعيش فى ظل الوضع الجديد

يعنى باختصار اجابه السؤال دا عندها هى مش عند اى حد تانى غير مراتك.

لولا

[ام بلال]

رغم قناعتي الكاملة بأن التعدد من الأشياء التي يمتاز بها الإسلام ، وأن أي مشاكل قد تظهر بعد التعدد تكون بسبب أخطاء في التنفيذ وعيوب في الأشخاص وليس في هذه الرخصة ، إلا أن لي وجهة نظر أرجو أن يتسع صدرك لها يا أستاذ فنكو أليكس :

إذا كان الزوج لا يعطي الزوجه الأولى جميع حقوقها من إنفاق و رعاية وحقوقها كزوجة ، هل سيتحول إلى إنسان عادل وملاك بعد التعدد؟؟؟

هل إذا كان سيء الخلق ، بيشتم وبيمد ايده مثلا ، هيتحول لجنتل مان بعد التعدد؟؟؟

يعني يالعربي إذا كان ظالم للأولى هل سيصبح عالدلا بعد التعدد؟؟؟

الزوجة الثانية لن تأتي بالبلسم معها لعلاج مشاكل بيت متهالك ، بل قد تكون البنزين الذي يحرق كل شيء ؟؟

مشكلتك برده تدور حول الحلول ، اجلس معها وعرفها إن الأمور وصلت معاك ل 99% ، وأن أمامها وأظن أمامك أيضا 3 حلول:

1- إما يتصلح حالها معاك ويتصلح حالك معاها

2- التعدد و أظن قلما أن تجد إمرأة ترضى بشريك لها في زوجها، ( ولو سمحت لا تحاول تلبسها وزر الإنفصال وتخلع حضرتك)

3 - الطلاق إذا أصرت على عدم التغيير و أصر أهلها أنها ملاك ، وأصريت أنك أيضا ملاك ( وأنت تحمل في طيات نفسك الرغبة في البحث عن إمرأة أخرى،)

بصراحة لازم تكون صادق مع نفسك لأننا لسنا مطلعين على حياتك ، أهم حاجة ألا يكون قرار الإنفصال تبطر على نعمة ربنا ، وتندم وتقول ياريت اللي جرى ما كان .

أعتذر إن كنت أثقلت عليك ، لكن المثل بيقول " يا بخت مين بكاني وبكى الناس عليه" صح

[الباشمهندس ياسر]

وأحب أضيف ، الرسالة دي كتبتها زوجة تعاتب زوجها لعلها تعيد الحب الذي بينهما لرونقه الحقيقي، لاحظوا معي إضطرابها وتشتتها ،

مسكينة ، زي ماتكون مش عارفة تقول إيه :

كتبت الزوجة تعاتبه:

" زوجي الحبيب ، لقد أردت أن أكتب هذه الرسالة حتى أجد الأريحية في الكلام ، ولأني أردت أن أتحدث عن كل ما يؤرقني فقد وجدت الورقة خير ملاذ لي ،

أولا : زوجي الحبيب مهما حدث من مشاكل وإختلافات بيننا فإني أسأل نفسي : هل إذا عاد بي الزمان للوراء هل سأتمنى أن يرزقني

الله بزوج غيرك ، أجدني أهز رأسي بقوة ، وأقول بأعلى صوتي لا ، إنني أتلفت حولي ولا أجد من يشابهك في طباعك الكريمة والتي

توافقت معي منذ أول لقاء بيننا بعد عقد الزواج هل تذكر هذه الأيام الجميلة لقد شعرنا معا كأننا نعرف بعض منذ سنوات، وشعرت

أنك أنت أنت من كنت أود بالفعل الإرتباط به ، لقد كنت قليل الكلام، هاديء ، لكنك كنت تعبر عن مشاعرك تجاهي من حين لآخر في

كلمات قليلة ، لكن كان لها أثر كبير على ، الآن الآن وبعد سنوات وسنوات من الزواج وقد بدأت تظهر شعيرات شيب في رأسي ، وبعد أن

رزقنا بأبناء أضاءوا لنا حياتنا ، أشعر...... لا أدري ماذا أسميه ؟؟؟ هل هو فتور؟؟؟؟........ هل هو برود؟؟....... هل أنا مقصرة في حقك ؟؟

هل قلت كلمات الحب مني ...فجفت من عندك ..؟.... هل إنشغالي بأبنائي جعل عقلي منشغل عنك فأصبحت كالروبوت ... أتحرك ..

أتكلم ... مشغول ذهني بأبنائي ... لكنك .. ياحبيبي ... لا تشاركني هم مذاكرة أبنائي ..., لإنشغالك ... فأنا بين طفل مشاغب ، طفل

لا يذاكر وآخر يضرب أخاه .... مسئولية بيت من أكل وتنظيف ورعاية رضيعي .... أشعر أحيانا... أن كاهلي قد اشتكى من الألم ... أنا أراك

مشغول ... بالكمبيوتر ... نائم ... ذاهب لقضاء مصلحة ..... أنت تعلم أنني تركت عملي من أجلك .. من أجل أبنائي ... ...، أنت تغضب

من صوتي المرتفع ..... لكنك حكمت بنفسك على الأولاد أنهم متعبون ... وهذا من يوم واحد تقضيه معنا .... لا أجد وقتا لنفسي ...

لهواياتي ... لا أستطيع أن أصل لوقت أشعر فيه بصفاء الذهن .... حتى أستطيع أن أتفرغ لك ... كيف ؟؟؟ وأنا أعيش كل يوم في هذا

المولد .... أشعر بالتقصير تجاهك .... ولكن أشعر أنك لو أعطيتني شيئا..._ لن أقول كلمات حب .. فقد ندرت منك_ من الدعم

النفسي... لو حتى بدعاء مثل : أعانك الله .... ربنا يقويكي ....تلومني إذا صرخت في وجه إبن ... على صوتي العالي ....ماذا أفعل...

وأنت صامت حتى إذا أخطأ الأبناء ... هل تربيتهم على عاتقي فقط ... ؟؟؟؟

عندما أشعر بلحظات من تجمع شعوري في بؤرة الشعور واتجه نحوك لأعبر، قد تتجاهلني ، حجتك أحيانا كثيرة: أنك متعب.... مرهق....

متى إذن نلتفت لبعضنا ؟؟؟هل بعد زواج أبنائنا عندما تكون كل مشاعري قد ماتت ... أو انتحرت ..... هلا ساعدتني يالله عليك...

لنتعاون... قدر... استطاعتنا...على إنعاش مشاعرنا ... أحاسيسنا ... اهتمامنا ببعض ... لا أدري ماذا أقول ؟؟؟

ومهما حدث يشهد ربي أنني أحبك يا زوجي الحبيب"

زوجتك المحبة لك أم أبنائك

أريد تعليق

و بما انك يا اختى الفاضلة طلبتى التعليق

فأنا هعلق

بس من غير ما نزعل و الله

طبعا الزوجة فرغت شحنتها النفسية على الورقة وكتبت كل اللى هى عايزاه

بس انا حسيت انها بتتكلم بطريقة مش تمام اوى

يعنى المفروض انها بتتكلم مع زوجها وابو اولادها

فالمفروض

الكلام يبقى اطرى من كده(سامحونى ) او انعم يعنى

و كمان لما تيجى تتكلم متحسسوش انها بتشحت يعنى

انت بطلت تقول كلام حلو وانا مش عايزاه علشان انت نسيته و تعالى قلى اعانك الله

ده مش كلام يا جماعه

المفروض بقى تقوله فين وحشتينى وفين يا منى عينى و فين الدلع بقى والهزار والفرفشه والحياة الرايقة

انما اعانك الله

ده على اساس انها متجوزه شيخ الجامع يعنى ولا ايه

و بعدين متقعدش تفكره بتقصيراته علشان لو مخه ضيق هيعمل مشكلة اكبر

انما لو مخه واسع يبقى مفيش مشكلة

[ام بلال]

أخيرا حد علق ، أشكرك يا أستاذ ياسر ، في الواقع أنا أوردت هذه الرسالة لأوضح أن الأزواج أحيانا يظنوا أن العيب قد يكون من الزوجات، في حين أن العيب قد يكون من الزوج أو مشترك بينهما ، زوج متجاهل ، و زوجة مطحونة ، إذن ما هو الحل ؟؟ إشتراك الإثنين في إنعاش هذه الحياة الزوجية طالما باقيين على العشرة وبينهم كل خير.

ثانيا أنا ما فهمتش من طلب الزوجة سوى أنها بتقوله : أنت لم تعد تنطق بكلمات الحب ، وحتى كلمات الدعاء أو الشكر لا أسمعها.

يمكن تكون بتطلب برجاء أو بعتاب إنما" شحاته"، يمكن استشعرت حضرتك ذلك لأنها وضعها مثير للشفقة .

على فكرة أنا قابلت عشرات النساء وللأسف هذا حالهم بعد أول عشر سنوات من الزواج في أحسن الأحوال، ربنا يحفظنا ويعافينا ويصلح حالهم

[moheltohamy]

و بما انك يا اختى الفاضلة طلبتى التعليق

فأنا هعلق

بس من غير ما نزعل و الله

طبعا الزوجة فرغت شحنتها النفسية على الورقة وكتبت كل اللى هى عايزاه

بس انا حسيت انها بتتكلم بطريقة مش تمام اوى

يعنى المفروض انها بتتكلم مع زوجها وابو اولادها

فالمفروض

الكلام يبقى اطرى من كده(سامحونى ) او انعم يعنى

و كمان لما تيجى تتكلم متحسسوش انها بتشحت يعنى

انت بطلت تقول كلام حلو وانا مش عايزاه علشان انت نسيته و تعالى قلى اعانك الله

ده مش كلام يا جماعه

المفروض بقى تقوله فين وحشتينى وفين يا منى عينى و فين الدلع بقى والهزار والفرفشه والحياة الرايقة

انما اعانك الله

ده على اساس انها متجوزه شيخ الجامع يعنى ولا ايه

و بعدين متقعدش تفكره بتقصيراته علشان لو مخه ضيق هيعمل مشكلة اكبر

انما لو مخه واسع يبقى مفيش مشكلة

كلمتين ف الجون يا ياسر...

بس أكيد فيه بلاوي سودة هتتكتب يا ريّس ، بس أم بلال اختارت ما يصلح للنشر ونزّلته ، والباقي طبعاً مقص الرقابة آم بالواجب :king:

بس على فكرة يا ياسر... فيه - بكل أسف - أزواج علاقتهم ماشية بالوقار ده! خيبة بالويبة يعني!

أم بلال:

أنا معاكي قلباً وقالباً ، ومفيش حاجة اسمها العيب من الزوجات... العلاقة ليها طرفين زي طرفي المقص ؛ أي طرف منهم يتحرك هيقصّر المسافة بينهم ، ويقطع خيوط العنكبوت اللي عشش في العلاقة الزوجية.

مفيش حاجة اسمها راجل ولا ست... فيه حاجة اسمها Partner!

دمتِ بخير

[ام بلال]

و بما انك يا اختى الفاضلة طلبتى التعليق

فأنا هعلق

بس من غير ما نزعل و الله

طبعا الزوجة فرغت شحنتها النفسية على الورقة وكتبت كل اللى هى عايزاه

بس انا حسيت انها بتتكلم بطريقة مش تمام اوى

يعنى المفروض انها بتتكلم مع زوجها وابو اولادها

فالمفروض

الكلام يبقى اطرى من كده(سامحونى ) او انعم يعنى

و كمان لما تيجى تتكلم متحسسوش انها بتشحت يعنى

انت بطلت تقول كلام حلو وانا مش عايزاه علشان انت نسيته و تعالى قلى اعانك الله

ده مش كلام يا جماعه

المفروض بقى تقوله فين وحشتينى وفين يا منى عينى و فين الدلع بقى والهزار والفرفشه والحياة الرايقة

انما اعانك الله

ده على اساس انها متجوزه شيخ الجامع يعنى ولا ايه

و بعدين متقعدش تفكره بتقصيراته علشان لو مخه ضيق هيعمل مشكلة اكبر

انما لو مخه واسع يبقى مفيش مشكلة

كلمتين ف الجون يا ياسر...

بس أكيد فيه بلاوي سودة هتتكتب يا ريّس ، بس أم بلال اختارت ما يصلح للنشر ونزّلته ، والباقي طبعاً مقص الرقابة آم بالواجب wst::

بس على فكرة يا ياسر... فيه - بكل أسف - أزواج علاقتهم ماشية بالوقار ده! :110: خيبة بالويبة يعني!

أم بلال:

أنا معاكي قلباً وقالباً ، ومفيش حاجة اسمها العيب من الزوجات... العلاقة ليها طرفين زي طرفي المقص ؛ أي طرف منهم يتحرك هيقصّر المسافة بينهم ، ويقطع خيوط العنكبوت اللي عشش في العلاقة الزوجية.

مفيش حاجة اسمها راجل ولا ست... فيه حاجة اسمها Partner!

دمتِ بخير

ممكن دكتور لو سمحت تفهمني معنى الجملة دي :

"بس على فكرة يا ياسر... فيه - بكل أسف - أزواج علاقتهم ماشية بالوقار ده! :blink: خيبة بالويبة يعني!"

وأشكرك على تعليقك ، أنا فعلا مقتنعة إن كل طرف يحمل المسئولية في إذابة الثليج الذي قد يصيب العلاقة الزوجية، و إن كل واحد لابد أن يلتمس العذر للآخر خصوصا مع تزايد أعباء الحياة ومسئوليتها ووجود أبناء لهم متطلباتهم التي لا تنتهي .

دمت بألف خير :king:

[لولا]

العزيزه ام بلال ..كنت حقا انوى التعليق على هذه الرساله وقتها .. ويبدو اننى نسيت ..وتذكرت اليوم

عندما رأيت تعليقات الأخوه.

عندى رأى .. مبدأ الرساله فى حد ذاته .. هو إمتداد للجمود الذى تشكو منه الزوجه ..والبرود الذى بدأ يتسرب

للحياه الزوجيه.

حتما تختلف الظروف والشخصيات وطرق التفاعل فى كل بيت وبين اى اثنين.

ولكن ............... تظل المرأه مرأه فى نظرى............... حتى لو بلغت الثمانين ........ تظل روح الأنثى

والجمود والبرود فى أرجاء البيت يحتاج ان تحاربه المرأه بسلاحها الأول .. المشاعر!!

الحب يا ام بلال .. الحب يا عزيزتى.

لا اعرف لما قد يتخاطب اثنان بالرسائل وهما تحت سقف واحد ..قد تكون هناك أسباب .. لا اشجب الفكره كليا على فكره

فأنا اجد نفسي فى الكتابه بجنون .. ولكنها الطريقه فقط الكتابه بتحفظ ولوم.

الطريقه كانت روتينيه كالحياه التى غرق فيها الإثنان .

تعرفين لو كانت الرساله مكتوبه بشكل عاطفى اكثر ..لو تحدثت الزوجه عنها .. عن عمقها .. عنه ..عن مشاعرهم

كان هناك شيئ أعمق سيصل للزوج دون ذكر الأولاد .. أعرف انهم السبب .. ولكن اقول لو كانت رساله اولى عاطفيه فى المقام الأول

فقط مليئه بالمشاعر .. ليكن الحديث عن الأولاد لا حقا .. الرساله كانت صرخه تبدد سكون الظلام الذى سيطر على حياه زوجين

والصرخه قد تخرج كصرخه من الزوجه وتصل كهمسه للرجل لو كانت مليئه بالحب.

الرجل هو الرجل .. هكذا اراه .. مهما بلغ من العمر يظل حب زوجته ودلالها ورقتها هو اكثر ما يطلب .. لو نفضت الزوجه عنها

غبار السنوات والمسؤليات التى غيرتها فما عادت كما كانت وكما احبها فسيعود هو كما كان ... فقط لتبدأ هى.

انا الحقيقه أحمل المرأه جزء اكبر بكثير من الرجل فى روح الحب التى تكون فى البيت.

المرأه تلك الأنثى الرقيقه يجب ان تحرص دوما ان تظل محتفظه بروحها وانوثتها فى الحياه الزوجيه مهما كثرت المسؤليات.

تعرفين هناك اشياء صغيره جدا لو تحرص المرأه ان تفعلها لأصبحت الحياه اكثر دفئاً بينها وبين زوجها وانعكس ذلك على الأبناء حتى.

تخيلى لو ان الزوجه بدلا من ان تكتب الرساله كانت قد قامت بدعوه زوجها على عشاء خارجى فى مكان هادئ وتركت الأبناء

فى المنزل لتكون الدعوه لا تشمل سواهم وقامت بالعتاب الحنون والكلام الرقيق الم يكن ذلك افضل..حتى لو احتد الزوج

حتى لو اعتقد انها تلومه فقط فهى تستطيع ان تبتسم ان ترد بحب وهدوء وتقول انها فقط تريد ان تسترجع روح الحب الذى كان..

ان تعده انها ستتغير وتطلب منه المحاوله معها.

تستطيع حتى ان ترسل الأبناء لمكان ما وتستعد لهكذا حوار فى جو هادئ ... تستطيع ان تبتدع مئات الأفكار لتجعل من المنزل

مكان رومانسي .

تعرفين كل الناس تملك ثلاجات !!!!!!!!!!!!!! نعم ثلاجات حفظ الأطعمه !! كم زوجه وزوج فكرا ان يكتبوا لبعضهم عيارات حب

ويلصقوقها على هذه الثلاجه ؟؟ مش عيب على فكره حتى لو كان فى اولاد وكبار ..بالعكس دا الطفل والطفله بيتعلموا

ازاى يعبروا عن نفسهم .

كم زوج وكم زوجه يحتضن زوجته كل صباح قبل الخروج للعمل او حين العوده ؟؟ كم زوج او زوجه فكر قبل ان ينام ان يضع او تضع

المعجون على فرشاه الأسنان لأنها تعرف ان زوجها او زوجته ستغسل اسنانها ضمن عمليه التحضر للنوم .. هذه ليست

أشياء تافهه ابدا .. اراها اشياء مهمه جدا ..ضغيره جدا جدا ومفعولها كبير جدا جدا.

نحن فقط نستهين بكل شيئ .. بما نستطيع ان نفعله ونجرى لنجد الشماعات لأكوام البرود التى تزيد كل عام بعد الزواج.

اين الإحتفالات بين الزوجين ؟؟ اين الهدايا .. ؟؟؟ هذه اشياء مهمه .. من الأفضل كتابه المشاعر فى كرت جميل مع هديه

عن رساله جافه لن تكون ابدا سحرا يجعل الحياه تتغير بعدها .

نحن من يجب ان يبدأ بالتغيير .. التغير يبدأ من الداخل.. الحب ..التصرفات .. التفاعل .. ودوما فى كل ذلك ان تظل الزوجه

دوما مليئه بالحب والحنان والرقه.

الحب يولد الحب....... ناقشنا ذلك فى ذات الموضوع.

تستطيع الأنثى ان تكون ساحره تلقى بتعويذه فى الحياه الزوجيه بمساحه اكثر من الرجل ولا يعنى ذلك ان الرجل غير مسؤول

ولكنها فقط عندما تبدأ بذكائها الأنثوى وروحها ورقتها التى جبلها الله عليها سيتغير الكثير جدا.

الأولاد.. المسؤليه ..لا تعنى ان يتحول الزوجين لمجرد .. أب , أم

ولكنهم فى المقام الأول زوج ، زوجه ,,,,,,,,,,,,,,, مدى الحياه ....... حتى الأبناء سيذهبون لحياتهم يوما

وتبقى هذه العلاقه الساحره للآبد .

تستحق الحرص والمجهود والمحاوله .

على فكره ايضا عندما تكون هناك رغبه صادقه من احد الطرفين فى الخروج من حفره الروتين والجفاء .. حتما صدق

المحاوله تصل للطرف الثانى وتجد عنده صدى ........... العلاقه اصلا علاقه شراكه فى المقام الأول.

ليس المهم من يجب ان يبدأ المهم ان تكون هناك بدايه. للتغيير.

أتمنى ان لا أكون مخطئه او حالمه جدا جدا فى كلامى .. ولكننا نحن من نصنع الحلم ..نحن من نعيشه .. لماذا نضع السدود..

ولماذا نستسلم للسلبيه ..؟

قد لا اكون متزوجه منذ فتره طويله ,, ولكنى اعرف كيف هى الحياه الزوجيه وكيف اننا من نحدد شكلها معا منذ البدايه ,

افيدينى لو كنت مخطئه او حالمه فقد تعودت ان يعتقد الناس اننى احلم ... ودوما لم اصدقهم .. انا لا اصدق غير نفسي. ربما لذلك استمر فى الحلم

والحياه تحتاج لروح الحلم لنحياها ............. الحلم والجنون مفيد جدا.. صدقونى .

نسيت ان اضيف ............... لا يوجد رجل فى العالم يتقبل ان تكون زوجته صوتها عالى مهما كان السبب .. مهما كان السبب .

اذا ارادت الزوجه من الزوج ان يراها أنثى .. يحسها انثى ,, يتعاملل معها كأنثى .. يجب ان تشعر هى اولا انها انثى !!

لولا

تم تعديل 23 نوفمبر 2008 بواسطة لولا

[الباشمهندس ياسر]

:closedeyes:

كلمتين ف الجون يا ياسر...

بس أكيد فيه بلاوي سودة هتتكتب يا ريّس ، بس أم بلال اختارت ما يصلح للنشر ونزّلته ، والباقي طبعاً مقص الرقابة آم بالواجب :wub:

بس على فكرة يا ياسر... فيه - بكل أسف - أزواج علاقتهم ماشية بالوقار ده! خيبة بالويبة يعنى :blink:

فعلا يا اخى حاجة غريبة والله

الواحد بدل ما يجى نازل يقوم عامل حتة رحلات كده بسرعة

يصبحها باعملى ومتعمليش وخلى بالك من مش عارف ايه و تبقى هيصة

و لما يرجع بدل ما يظبط واحد قهوة فرنساوى تمام

يقوم داخل متخانق و فين مش عارف ايه و بتاع ايه

و اخيرا عايز افكر الناس بكلمة

علاء الاسوانى حفظه الله

الرجل انسان حدث انه ذكر

المراة انسان حدث انه انثى

و دمتم بود ومحبة

[الباشمهندس ياسر]

.

نسيت ان اضيف ............... لا يوجد رجل فى العالم يتقبل ان تكون زوجته صوتها عالى مهما كان السبب .. مهما كان السبب .

اذا ارادت الزوجه من الزوج ان يراها أنثى .. يحسها انثى ,, يتعاملل معها كأنثى .. يجب ان تشعر هى اولا انها انثى !!

لولا

الله ينور عليكى يا لولا والله

ربنا يتم عليكى نوره

ما احلى ان تستمتع المراة بكونها امراة

[قلب ابيض]

انا اكتفى انى مستمتعه جدا من الحوار اللى بدأته ام بلال واللى شارك فيه الباشمهندز- محى التهامى

وكالعاده انهته حتى الان حبيبتى لولا بسمه الامل اللى منوره دايما

وانا متفقه جدا جدا معاكم ان قوه المرأه فى ضعفها صدقونى انا اتعاملت فى بدايه جوازى مع زوجى اللى اتجوزنا عن قصه حب مش طويله ولكنها اعتقد انها كانت مكثفه :blink:

المهم انا بحكم صغر سنى وقتها واحساسى بمكانتى عنده اتعاملت معاه بنديه- ده ليه ؟ وعشان ايه ؟ واقنعنى الاول ؟ الى اخره من عبارات تصب فى قالب واحد فحواها ان انا وانت راس براس :wub:

وطبعا تيجه لده انفصلنا مره واتنين واحنا لسه فى بدايه زواجنا وكل مره نندم على اننا كنا بنشد مع بعض بالشكل ده وبدأت اغير من نفسى بعد تشريف نور عينى ابنى الكبير اصبحت ام لابنى ولزوجى عارفين حااااضر ياسى السيد؟؟؟

مابقولش لاء بس على مضض ثم ادخل مدخل مخالف واقول بس لو كان كذا مش يبقى افضل ؟؟ وانت الخير والبركه وربنا ما يحرمنيش منك (يااارب )واوطى للموجه فعلا ولما تعدى اخد نفسى واستعيد لياقتى الزوجيه

بس ده على فكره مش من منطلق ضعف اطلاقا ده من منطلق حب والله اعلم بصدق كلامى لانه فعلا يستحق الحب والاحترام

وفى النهايه اقولكم يا بنات حواء : الماء مع ليونته يذيب الصخر مع صلابته :closedeyes:

بس خلاص

[Emo]

مشاركة بالأفكار..

طرق تأديب.. :closedeyes:

[شاب مصري]

ربنا معاكو :closedeyes:

[ام بلال]

جميل جدا إن الموضوع يسخن ، الدكتور تهامي أنتظر ردك ، و الأستاذ ياسر ، وضح كلامك أكثر وبطل فوازير ، العزيزة لولا أعجبتني

رسالتك جدا ربنا يكرمك، عزيزتي أنت لست حالمة بل ما تحكينه هو الواقع الذي يجب أن يعشنه بنات حواء بعد مسئوليات الزواج ،

وبما إنك لك مذاق ونظرة جديرة بالإحترام في مسألة العلاقة الزوجية ، زيدينا من الشعر بيتين كمان ، فاكرة كتاب " النساء من الزهرة

والرجال من المريخ " ، نورينا بكلمتين على الماشي لأن النسخة اللي عندي أهديتها لإحدى قريباتي ، ممكن ياجميل؟؟ أدلل

عليكي شوية.

قلب أبيض:

نقل خبراتنا أو مانراه حولنا قد يصلح فعلا في إصلاح بيوت كتير ، ربنا يكرمك ويبارك لك في زوجك و ولادك،

الأستاذ فنان محتار

إنت فين؟؟؟؟

سؤال سألته لي واحدة صديقة عايشة في دبي ، وهو منقول :

" ليه السورية ولا اللبنانية تدلل على زوجها بكلمة " تكرم عيونك، آمر و ادلل" لما يطلب حاجة منها ؟؟؟

والمصرية ( معظمهن وليس كلهن) :

" عاوز ايه يا راجل ؟ ما الحاجة عندك هناك"

جلست مهندسات تخرجن من نفس القسم وكانت بينهن صداقات قوية من أيام الجامعة ،عددهم أقل من العشرة ( حكت لي هذه

القصة إحداهن) في إحدى النوادي ، وبمجرد أن بدأ الحديث عن الأولاد والمسئوليات والأزواج ، حتى إنفجر الجميع واجتمعوا على

توحد في الرأي الذي هو:

- الزوج مشغول طول الأسبوع في العمل ، وحريص على أخد اوفر تايم ، والله أعلم علشان زيادة الدخل ولا هروب

- الزوجة تحولت لماما وبابا ، توصل للمدرسة وللدكتور وللتدريب بتاع السباحة وبتذاكر للولاد ، وطبعا شوية الحاجات مثل : شراء

احتياجات المنزل في وسط الأسبوع ، التنظيف ، الرعاية .......الخ

- الزوج يأتي تعبان جدا مش شايف أمامه عاوز يتعشى وينام ،

- الجمعة يوم مثالي للزوج ليقرأ الجريدة وينااااااااااااااااااااااااااااااااااام لأنه محروم نوم ، طب يابابا نزور قرايبنا على السريع ونروح مكان

حلو نخرج يعني ، يرد: نزور قرايبنا آه نروح مكان لأ ، عاوزين تخرجوا لوحدكم ماما عندها سيارة وبتعرف تسوق أخرجوا انتم !!!!!

وعندما أجمعت كل المهندسات إن ده مرض منتشر عندهن جميعا، فأرجعوا السبب للقسم الذي تخرجوا منه قد أصابهن بلعنة ( والعياذ بالله) !!!!!

الكلام ده حصل حقيقي ، ايه رأيكم ورأيكن ياجماعة ؟؟؟؟؟؟؟؟؟؟؟؟؟

[ام بلال]

الأخ momazad أورد هذه المذكرات الرائعة والكوميدية جدا في موضوع مستقل أحببت إضافته لموضوعنا لأنه ذو صلة قوية جدا ، تدخلت فقط في حجم الخط :

" الموضوع دا انا قرأته في مدونة لفتاة اسمها ايمان وعجبني جدا جدااااااا

رغم انه واخد الطابع الكوميدي الساخر لكن بجد فيه افادة

كبيييييييييييييييييييييره جدا يا ريت كل اخت واخ

يعملو بنصائحها عسي ان تنجح

حياتهم الزوجييييييييه

بينا نشوف ايه

هو الموضوع

داااااااااااااااا

موضعنا هو

حلول عبقرية للحياة الزوجية

سمعنا و قرينا كتير عن قصص حب اسطورية مكتملتش .. ياترى لو كانت اكتملت كان هيبقى الحال إيه ؟؟؟؟ قيس اتجنن ف حب ليلى !!! ياترى لو كان اتجوزها كان ممكن يفرط فيها ؟؟؟ مستحيييييييييييل ... طب مقابر الحب بعد الجواز بنحفرها ليه ؟؟؟؟؟

قبل الجواز :

اتنين كمنجة ( جوز عصافير بتطير و تغنى ف كل حتة !!! ) دباديب و قلوب و ورد أحمر .. فسح و ضحك و زقططة .. حب و شوق و كلام معسول .. والأهم من ده كله اخلاصهم لبعض .. تمسكهم ببعض

=========================================

بعد الجواز :

طاسة و حلة و رجل مقشة !!!!!!!!!!! اتنين متنحين ف وش بعض و لا كإنهم يعرفوا بعض!!!!!! زعيق و شخط و غلط !!! و كف يخبط على كف !!!!

فين اللى أنا حبيتها ؟؟؟ فين اللى أنا حبيته ؟؟؟؟ لا جواب بيريح بالهم و لا بالهم بيرتاح أصلا

=========================================

طب إيه الحل ؟؟؟؟؟؟ إن الناس متتجوزش يعنى ؟؟؟ لأ طبعا

أنا هعمل فيكم خدمة ... كورس النهاردة .. إليكم حلول عبقرية للحفاظ على الحب والحياة الزوجية :

=========================================

انتى : غمى عينيكى و سدى مناخيرك !!! و قولى لجوزك : انت أجمل زوج ف الدنيا !!! طلتك بالدنيا .. فداك الدنيا ... الدنيا الدنيا الدنيا !!! حبيتها و انا وياك !!!! و دى أخرة حالى معاك !!!! الله على صوابع رجليك !!!! يجننوا !!!

شخيرك يا حبيبى هو السيمفونية الجميلة اللى معرفش يلحنها بيتهوفن !!!!! الله على ريحة عرقك !!!! .. آياااااااه يا كسكيلياه !!! و لا كل برفانات الدنيا !!!! أحلى حاجة فيك

عماصك !!!! احم أقصد إخلاصك !!!

=========================================

انت : خد اسبرين مهدئ و ارزعها بكام جملة من بتوع الأفلام !!!!! انتى عمرى و حبيبتى و مليش ف الدنيا دى غيرك .. غير بس امى و بابايا و بنت خالتى و بنت الجيران !!!! انتى أملى وانتى منايا !!! يا سبب سعادتى و هنايا

الله على تسريحة شعرك و هو منكوش !!!! الله على

جفاف بشرتك !!!! يا سلام على الشعر المفلفل لما يهفهف !!!! لما القمل

بيعدى بين شعرك حبيبتى بسمعه بيقول آهاااااااات !!!! آآآآآه يا قلبى

صوتك زى همس الغربان ف ليلة حالكة !!!! همسك بيهز الحجر يا حبى .. الله على خنشرتك يا حياتى !!!!!!! ربنا ما يحرمنى منك .. طول الاسبوع ده

=========================================

انتى : كحى

برقة و كإنك ما سمعتيش حاجة !!!!! و افتكرى ممثل وسيم براد بيت مثلا و لا

توم كروز .. و حاولى أرجوكى حاولى تشوفى جوزك شبهه !!!! واديله جملتين

حلوين كده ف جماله

يااااااه يخرب بيت جمال عينيك الخٌضر ( بس اتأكدى من لون عينين جوزك !!!!!

شعر ده و لا حرير ؟؟!!!! ( علا الله ميكونش أكرت !!! ) ربنا يخليك ليّا يا بغلى !!!!! احم أقصد يا بعلى

=========================================

انت : ابلع ريقك جااااااامد !!! و قوللها : باحبك كلمة بقالى سنين عايز أقولهالك !!!!! كانت واقفة ف زورى !!!!!! آتشىىىى !!! الحمد لله

بحبك عدد الدقايق ف الثانية !!!!! عدد الشهور ف الساعة !!!! حتى بعد ما تموتى هتجوز طبعا و هفضل احبك يا عمرى !!!! بحبك يا حبيبتى لدرجة الجنووووون .. لدرجة انى حاسس انى داخل على تخلف عقلى !!!!!

=========================================

انتى : حسسيه باهتمامك و حبك دايما بقى .. طبطبى على قفاه !!!!!! و ف همس العصافير صوصوى : بعد الشر يا حبيبى

بحبك ياجوزى حب البكتيريا للحشرات !!!! يا أجمل مرار .. احم احم يا أجمل قرار أخدته ف حياتى !!!!!! كان أسعد يوم ليا يوم جوازنا .. كان يوم مالوش ملامح !!!!! حبك ف قلبى جامح !!! يا روووووحى

=========================================

انت : ابتسم و

أمرك لله !!!!! افتكر القطة بتاعة الجيران .. قد إيه القطة جميلة زى

صحبتها !!!! سيبك من صحبتها .. ركز ف القطة !!!!!! حاول تشوف مراتك زى

القطة الوديعة !!!! يعنى نانسى و لا هيفاء أحسن من مراتك ف إيه ؟؟ هو انت كنت شفتهم ف البيت من غير مكياج وباروكة ؟؟؟

ياللا بص لمراتك ف عينيها .... و ف لحظة شوق و حنية .. أن أن آآآآآآن !!!!! اخبط قبلة على جبينها و احضنها !!!! .. و اجرى على الحوض رجّع علطول !!!!!

=========================================

انتى : انتهزى الفرصة انه هربان منك !!!! و حاولى تخلى جو بيتكم رومانسى ... حطى ورود ف كل حتة و متنسيش الشموع - عادى ما هو كله بفلوس حضرته !!!! و شغلى سى دى فيلم رومانسى – اسماعيل يس ف مستشفى المجانين !!! – أو حتى ميوزيك هادية – لشعبان عبد الرحيم !!! برافووووو !!! و على فكرة مفيش أحلى من الطفولة .. عيّلوا شوية !!!!! العبوا كوتشينة طاولة شطرنج ، و عموما اطمنى بكرة هتعلبوا برضه .. بوكسات و مصارعة

=========================================

انت : لإن خنقة البيت وحشة خصوصا لما تكونوا علطول ف وش بعض !!!!! فأنت اقترح عليها تخرجوا تشموا هوا

الخروج ضرورى .. و متنساش تجيبلها عقد فـُل و انتوا راجعين.. لو مراتك مابيمشيش معاها عقد فل يبقى عقد دهب !!!! عقد ألماظ !!! كدة يعنى !!!!!

ممكن تزود فرحة الفسحة و تجيب حماتها أو حماتك !!! أو تجيبهم هما الجوز !!!! أو اكسروا الروتينية بالزيارات العائلية !!!!! بالطريقة دى هتعدوا الشلل بمراحل

=========================================

انتى : يا سلاااااااام .. الفرصة جت لحد عندك !!!! قوليله موافقة بس مش عايزة أكلفك يا حبيبى .. احنا ممكن نتعشى وجبة كباب و جمبرى و نرجع علطول !!!!!! لو مزنقة معاك الشهر دة بلاش منها يا حياتى ... ممكن نبعت ديليفرى !!!!!!!!!

=========================================

انت : حاول تحافظ على اتزانك !!!!! خد كبسولة ضد الصرع ف كل حوار يدور بينكم !!!!! و ف هيام و منى العشاق قوللها : ربنا رزقنى بأجمل هدية !!!!!!! اللهم لا اعتراض

=========================================

كلمة أخيرة :

اللى بيستمر بعد الجواز .. هو بس الحب الحقيقى حتى مهما واجهوا من عقبات حتى رغم العواصف .. اللى بيستمر هو صدقنا مع نفسنا و مع غيرنا.. الأمانة بتقول منكونش غير بوش واحد..

المشاركة و المراعاة و التفاهم أهم علاقاتنا الإنسانية (جواز أو غيره ) شاركيه همومه و أفراحه .. شاركها اهتماماتها ومشاكلها .. صلـّوا و اتعبّدوا مع بعض ..استشيروا بعض .. رخّى لما الطرف التانى يشد

اتأكد انه مفيش حياة من غير مشاكل بس

فيه ناس بتكبرها و ناس بتعديها .. و ناس بتسأل عن حقوقها و ناسية واجباتها

!!!! و ناس مبتراعيش و عايزة اللى يراعيها !!!! بلاش تدخلوا الأهل ف

مشاكلكم على الفاضى و المليان !!!

مش عيب انك تغلط ف حق حد ( كل الناس بتغلط ) لكن العيب انك متعترفش بغلطك و متكفرش عنه ... وف الآخر الكلام ف الموضوع ده ملوش نهاية مهما الناس كتبت و قالت

=========================================

مسك الختام :

الجواز مش آخر المطاف .. و لا آخر محطة !!!! بالعكس هو البداية الحقيقية .و

عشان تستمر المركب ف البحر و يكمل المشوار لازم نتعلم – و انا منكم – ازاى

نحافظ على الحب بعد الجواز مهما مرت الأيام والسنين .. مهما خدشته المشاكل

و الظروف

دمتمـــ بحب

مـــــــــنتدى محاورات المصريين

نشكر الله سبحانه وتعالى على ما وصلنا إليه ونتمنى من الله ان نكون قد وفقنا الى إرضاءه تعالى ثم اسعادكم احبتنا

فوجودكم معنا اكبر انجاز نحصده

ولنتذكر شعارنا دوما

نلتقي لنرتقي وفي طاعة الله نعمل

في انتظاركم"انتهى

[مغتربة]

المتالقه دائما ام بلال جزاك الله كل الخير على كل ما خطته اناملك هنا و انا معك فيه قلبا و قالبا

و انا دائما اردد ان الزواج السعيد هو الزواج الذى تستطيع فيه المراه احتواء الرجل

فاكثر ما يحتاجه الزوج من زوجته هو الاحتواء و لا ارى فى ذلك اى انتقاص من وضع الزوجه بل بالعكس

جمال المراه فى احتفاظها بخصوصيتها الانثويه و ذكائها الفطرى الى يخولها ان تحتوى زوجها

المشكله ان الفتاه اصبحت تصل فى التعليم الان الى اعلى المستويات ثم تدخل الحياه الزوجيه و هى متسلحه بما اكتسبته من معارف و ثقافه دون ان تتعلم فن مهم جدا هو فن الحياه مما يتسبب فى الكثير من الصدامات و المشاكل فى بدايه الزواج و هو ما كانت تستطيع ان تتفاداه بقليل من حنكه التعايش و التفهم

[مغتربة]

لاحظت حاجه مهمه قوي في اوروبا

الراجل و مراته سواء شباب أو عواجيز

ماشيين و ماسكين ايد بعض او حاطط ايده على كتفها و هي كمان زي ما يكونوا لسه مخطوبين :D

الكلام ده مبيحصلش عندنا بتاتا ولا في اي بلد عربي :lol:

اعتقد الحر هو السبب :o

الحر بيزهق الناس و بيخليها قرفانه من بعض و بتبعد عن بعض ;)

و البرد بالعكس بيخلي الناس تقرب من بعض :D

بردوا البيوت يعود الحب

و الله الموفق ;)

الاخ الفاضل موزوهيرى طلعت منك اوت المره دى

فانا و زوجى و لله الحمد نسير معنا فى الشاره متشابكين الايدى

بسم الله و ما شاء الله ( و حته علشان الحسد يعنى )

و ان كنت اتفق معك فى ان من يحافظ على ذلك الان اصبحوا للاسف قله

[ام بلال]

لاحظت حاجه مهمه قوي في اوروبا

الراجل و مراته سواء شباب أو عواجيز

ماشيين و ماسكين ايد بعض او حاطط ايده على كتفها و هي كمان زي ما يكونوا لسه مخطوبين :D

الكلام ده مبيحصلش عندنا بتاتا ولا في اي بلد عربي :lol:

اعتقد الحر هو السبب :o

الحر بيزهق الناس و بيخليها قرفانه من بعض و بتبعد عن بعض ;)

و البرد بالعكس بيخلي الناس تقرب من بعض :D

بردوا البيوت يعود الحب

و الله الموفق ;)

الاخ الفاضل موزوهيرى طلعت منك اوت المره دى

فانا و زوجى و لله الحمد نسير معنا فى الشاره متشابكين الايدى

بسم الله و ما شاء الله ( و حته علشان الحسد يعنى )

و ان كنت اتفق معك فى ان من يحافظ على ذلك الان اصبحوا للاسف قله

بما إن الأخت مغتربة فتحت الموضوع بتاع موضوع الغرب الذي أثاره الأستاذ زهيري فلي رأي بسيط ، ايه دراك انهم متزوجين أصلا؟؟، قدسية العلاقة الزوجية واحترامها ، وعدم الرضا بوجود علاقة بين الرجل والمرأة إلا في إطار الزواج لا تجده إلا في الشرق المسلم ، وحتى غير المسلمين في الشرق لهم نفس القناعة على ما أظن ، ولا يؤيد ذلك سوى ارتفاع نسبة استخدام العنف بشكل كبير في علاقاتهم الزوجية ، وطبعا معندهمش مشاكل يكون في عشيقة للزوج وعاشق للزوجة ، العلاقة المادية بين الجنسين تأتي في المقام الأول،فطالما إن الست الهانم على استعداد تعيش زي البتاع تحت أمر عشيقها ( يمكن يحن عليها ويتزوجها) ، هيتزوجوا ليه ؟؟؟ ما هو نايم ، قايم ، واكل ، شارب، ممكن يخلف منها مفيش مشاكل، مية فل واربعتاشر ( وهي الغلبانة لا حقوق لها في ميراث ولا انفاق والقانون لا يحمي المغفلين بمزاجهم)

الأخت الفاضلة مغتربة

، جزاك الله كل خير أنا لا أستحق هذا الثناء في الواقع ، فالمنتدى متألق بأهله ، عزيزتي ، أتفق معكم أن المسئولية الأولى تقع على كاهل الزوجة ، ولكن أرى أن الزوج يتحمل مثلها المسئولية ، والرسالة التي أوردتها تدلل وتعبر صدقيني عن أحوال العشرااااااااااااااااات ممن أعرفهن وهن من جنسيات مختلفة .

[الباشمهندس ياسر]

جميل جدا إن الموضوع يسخن ، الدكتور تهامي أنتظر ردك ، و الأستاذ ياسر ، وضح كلامك أكثر وبطل فوازير

مقدرش اوضح اكتر من كده

عمو المشرف هيقولى لم هدومك وروح من هنا

و يمكن عمو سى السيد يجى يقولى المعلم مبسوط منك وبيقولك متجيييش بكره

و عموما

اديكى شفتى المداخلة بتاعتى اتعدلت ازاى

بس انا بقى هوضح وخلاص

ما المانع ان تستقبل يومك قبل الخروج بقبلة سريعة رحلات يعنى

بتقول هتوحشينى على ما ارجع

و ايه المشكلة انك لما ترجع تمسى عليها بقبلة عميقة نوعا ما

بتقول فيها وحشتينى

الحاجات اللى ممكن تبقى بسيطة بيبقى ليها مفعوووووول السحر

هو ده قصدى

وعندما أجمعت كل المهندسات إن ده مرض منتشر عندهن جميعا، فأرجعوا السبب للقسم الذي تخرجوا منه قد أصابهن بلعنة ( والعياذ بالله) !!!!!

الكلام ده حصل حقيقي ، ايه رأيكم ورأيكن ياجماعة ؟؟؟؟؟؟؟؟؟؟؟؟؟

بس العيب ده مش عند المهندساااااات بس

ده عند كل نساؤنا الا من رحم ربى

يعنى زماااااااان كان العرب بيحسدونا على الزوجة المصرية

و قدرتها الرهيبة على تدليل الزوج

انما النهارده العكس هو اللى بيحصل تماما

بقينا احنا بنحسد الزوج اللبنانى والسورى و المغربى و الجزائرى كمان

صدقينى مرة كنت فى جوب فى ليبيا

و بتناقش مع واحد ليبى على الزواج ونساء العرب

الراجل قال بالحرف

تبى الطعام والشراب عليك بالتونسية

تبى الدلع و الفرفشه والليالى الملاح عليك بالمصرية

تبى النكد والمشاكل عليك بالليبية

انتهى كلامه

تعالى شوفى كلام الراجل ده و قارنيه بالوضع اللى احنا وصلناله

بالمناسبة انا لسه عازب و جست سيبراتيد لو عندكو فكره

لما اقعد افتكر كلام العصفوريين و فسحنا وخروجاتنا و الدلع كله

و اقارن بين كل ده وبين الطريقة اللى قابلتها لما حصل بينا اختلاف فى وجهات النظر

اتخض

و الله يا جماعه اتخض فعلا

لدرجة انى فكرت فى لحظه انى اتجوز من لبنان

و ايه يعنى ماهى الجوازة كلها مش هتكلف 15 او 20 الف دولار

و مش هتقولك كانى ولا مانى

و هتحولك حياتك جنة

و بنت عرب زييينا و مسلمين وييينا

يبقى ايه المانع

و ارجع اقول لآ

برده بنت بلادك خير

ادعولى بقى

الاقى عروسة ما بتحبش النكد وتكون بنت بلادى

و ادعولى اقوم اذاكر احسن عندى امتحان بكره