هل تقبل الزواج بفتاه ليست عذراء؟

[هشام الكندي ان شاء الله]

السلام عليكم و رحمه الله و بركاته:

كنت بتكلم مع صاحبي اللي اتجوز واحده فرنسيه و لقيتوا سالني السؤال دا, قلتله انتا بتسال ليه؟ قاللي مجرد سؤال. قلتله انتا علشان اتجوزت واحده اجنبيه فعايز الناس كلها تبقي زيك, قاللي طيب يا ريت تسال اصدقائك في محاورات المصريين السؤال دا و قولي ردودهم كانت ايه؟

و اديني بسالكم يا اخواني في المحاورات نقلا عن زميلي و منتظر تصويتكم علشان ابلغ صاحبي بالارقام.

انا عارف انه موضوع حساس شويه بس زي ما تعودنا منكم اننا نشوف الراي و الراي الاخر.

عموما هقلكم علي اختياري كمان كام يوم لما افضي و ارجعلكم. wst::

بس كان فيه سؤال انا بقا اللي عايز اساله لاخواتنا في المنتدي احلالا للمساواه برضه

" هل تقبلين الزواج من رجل كان له علاقات قبل الزواج؟"

ربنا يستر و ارجع الاقي الدنيا بييس و ملاقيش كراسي طايره و لا حاجه

هشام الكندي ان شاء الله

[~Heba~]

تقريبا انا شفت الموضوع ده قبل كده هنا فى المحاورات؟؟؟!!!!

مش فاكرة بس غالبا هو موجود

[se_ Elsyed]

بالفعل هناك موضوع قديم وبه العديد من المشاركات

هنا

وستم حذف هذا الموضوع لمنع الازدواجية

[a m ghazi]

طيب انت دلوقتي بتسئل سؤال ناقص

يبقي مينفعش نجاوب عليه

وخصوصا انه حساس شويه زي ما قولت

يعني لازم ابقي عارف هي فقدت عذريتها ازاي

هل هو حادث

هل كانت متزوجه

او بطريقه اخري غير شرعيه

وضوح النقاط اللي ذكرتها دي هيكون الفيصل في الموضوع ده

بس سؤال زي ده لا يطلق بشكل عام

لكن لازم يكون فيه ضوابط

منتظر توضيحك

تقبل تحياتي واحترامي