حذف تهنئة بعيد ميلاد

[HDarwish]

السلام عليكم ورحمة الله وبركاته

السادة إدارة منتدى محاورات المصريين

بالأمس فتحت موضوع أهني فيه السيد العضو وأحد المشرفين وهو Se Elsyed أهنئه بعيد ميلاده من باب الود والتحاب واليوم أُفاجئ إن الموضوع إتحذف طب ليه؟ مش عارف بصراحة ياريت أعرف ... كان المفروض على الأقل تعرفوني الخطأ اللي أنا وقعت فيه علشانه يتم حذف الموضوع ... بصراحة ميت حاجة وحاجة بتدور في راسي يا ترى صاحب عيد الميلاد ما قبلش التهنئة أو الهدية مش قد المقام أو أنا نفسي مش قد المقام علشان أدخل وأهني سي السيد بعيد ميلاده ... ؟؟؟؟؟؟؟؟

ياريت لما يتحذف موضوع تعرفونا إتحذف ليه حتى علشان ما نكررشي الخطأ ده تاني ونوفر تعب القلب في تجميع الصور والكتابة عالفاضي ...

شكراً لجميع أفراد الإدارة

[MZohairy]

اعتقد لوجود موضوع آخر خاص بنفس الموضوع سابق لموضوعك والله اعلم

[se_ Elsyed]

كويس إنها إتحذفت بس وما كانش في إجراء أقسى من ذلك ..

لإن كل الزملاء شافوك جاي الحفلة إيد ورا وإيد قدام وكإنك جاي فرح إبن العُمدة تاكل وتمشي

تهنئتك موجوده هنا هنا ونايبك الفسيخ متحاش لك مع حتة جاتوه وطبق بسلة

[HDarwish]

:wub:

wst::

:closedeyes:

wst::

يا دي الكسوف .... حد يخبيني يا جدعان وأنا اللي كنت فاكر نفسي سبقت الكل وأول واحد يهني

وأنا اللي كنت بلوم في نفسي الأعضاء كلهم وأقول لنفسي ما يصحش الناس دي كلها اللي خير سي السيد عليهم ومغرقهم بجمايله ينسوه كده هوه في عيد ميلاده .... والله كنت زعلان قوي وبقول لنفسي إني جاي آخد بخاطره وأقوله معليشي يا سي السيد لسه في إخوان ليك فاكرينك مش ناسينك ....

أما بالنسبة لإني جاي إيد ورا وإيد قدام ... فمعليشي يا س س غصب عني والله كنت مستعجل جدا والدوام خلص وباص الشركة مستنيني والسواق عمال يرن عليا وكانت حالة ما يعلم بيها إلا ربنا

بس على فكره أنا شيكت كمان قبل ما افتح الموضوع في القسم اللي المفروض يبقى موجود فيه وما لقيتشي

وشكرا ياسيدي على نايبي من الفسيخ وحتة الجاتوه وطبق البسلة (والله تشكيله عجب)

ومرة ثانية .... أولا سامحني على الخطأ الغير مقصود ده .... وكل سنة وانت طيب ويارب نباركلك يوم فرح عمر بإذن الله

تحياتي