التجاره بين مصر والسعوديه

[abo_sameer]

مش عارف ابدأ في طرح موضوعي ازاي .؟

هل هو مشكله ولا استشاره ؟

انا عايش بالسعـوديه من فتره طويله وتقريبا من ولادتي ووالدي كان هنا وتعملت بالسعوديه من اول لحد الجامعه وورثت العمل من كفيل والدي , وعلاقتي معاهم سمن على عسل , زي الاخوان انا وهما , والدي دي الوقت في مصــر

ف كل ما بكلمه او بنزل مصر يفضل يقول لي يا بني كفايه الخليج تعال هنا مصر دي بلدك .

طبعا الشغل شغل وكل سنه اقو السنه الجايه انزل مصر واعمل لي بزنس خاص اقدر استثمر فيه تحويشت عمري وابدأ حياه من جديد

فكره كثير ايه هي المجالات اللي ممكن اننا اقدر اشتغل فيها ..لااسف ما قدرتش لانننا ما عنديش فكره عن مصر ولا البزنس ازاي يشتغل كل ما بسال بيطلعو لي الف مشكله

اجلت سنه وثنين لكن والدي بيصر علي كثير اننا اكون في مصر مده اطول ,

فكرة وطلعت بفكره ممكن تكون حل وسط وبيني وبين والدي ,

اننا اعمل بزنس بين السعوديه ومصر وبكدا يكون وقتي في مصر اطول ممكن كل شهر او كل شهرين مره , وبكدا اكون بنيت لي قاعده تجاريه في مصر ولما اكون عايز اسافر مصر اكون في شغلي الخاص ,

معلومه انا في السعـوديه جدا مرتاح جدا وما عنديش اي مشاكل من كفيل ولا بتعامل امير ولا وزير

ممكن تساعدوني بالاستشاره ايه هو العمل اللي اقدر انفذه بين مصر والسعوديه استيراد وتصدير مثلا او مكتب نقل عففش شحن بضائع .

اكيـد في فرص كثيره . لكن انا مش عارفها

[a m ghazi]

السلام عليكم ورحمة الله وبركاته

لولا اختلاف الاذواق لبارات السلع

انا بردو في السعوديه مش من فتره طويله

ولكن انا جاي بهدف اني اجمع راس مال كويس وانزل ابدأ بيه حياتي في مصر

انا الحمد لله سني صغير يعني ادامي فرصه كويسه اني ابدأ من جديد بعد فتره

انا وجهة نظري المتواضعه اني اعمل مشروع انتاجي او تقدر تقول صناعه ثقيله

مش مشروع استهلاكي

طبعا دا كلام كبير مش في يوم وليله هيتحقق

ولكن في بدايه لكده انا عن نفسي ناوي اعمل مزرعه متنوعه يعني هتكون

انتاج دجاج لحم وبيض وكتاكيت ومزرعة ارانب ومزرعة مواشي ومعمل انتاج كالسيوم من كسر البيض

ده هيكون بدايه ونواه

واراجع واقول لحضرتك انت ادري بنفسك وامكانياتك الماديه

وكمان انت من اي محافظه

او بالتحديد انت هتنشئ البيزنس بتاعك في اي مكان

من هنا تبدأ تدور البيئه المحيطه بيك ايه متطلبتها

يعني انشأ لنفسك قاعده صلبه الاول

يكون فيها انت اصل الانتاج مش مجرد حلقه في سلسله طويله السلعه بتعدي عليها

انا عن نفسي بدات من دلوقتي ادور علي درسات جدوى وافكار مشاريع

رغم ان لسه امكانياتي الماديه متجيش واحد من الف في الالف

لكن ابدا اسس وكل ما يتوفر معايا اي فلوس احطها في النواه اللي عايز ابدأ بيها

ممكن حد يقولك خش في العقار اشتري ارض النهارده وبيعها بكره تكسب فيها مش عارف كام

دا كويس بس بتحس بالفراغ لانك مش بتنتج

http://www.kenanaonline.com/page/4493

http://arabproject.net/vb/index.php

دي لينكات لمواقع مشروعات صغيره

هتلاقي هنا مشروعات كتير وكلها براس مال صغير

هتلاقي فيهم المشروعات اللي انا اتكلمت عنها

ممكن تجمع مشروعين او تلاته مع بعض يكونو بيكملو بعض

يعني مخرجات مشروع تبقي مدخلات مشروع تاني

انا عن نفسي افضل الطريقه دي لانها بتوفر فرص عمل وانا شايف ده مهم جدا

نصيحه اخيره اختار اللي هيشتغلو معاك من اهل العلم والخبره مش من اهل الثقه

اتمنى اكون افادتك ولو بشكل بسيط وربنا يوفقك

تقبل تحياتي واحترامي

[president]

الأخ ابو سمير . انا آسف بس عندى مداخله بره الموضوع ياريت تستحملنى شويه .

قبل ما تنزل السعوديه لازم تأخذ كورس ف مكاتب السويس عشان تتعلم الغربه والمرمطه وتقول نار الكفيل ولا نار المصريين

عندنا فساد في مصر كبير كبير , والاغلبيه المصريين لما يسافرو فاكرينهم في مصر , لا يا مغترب مصر ليها نظامها وفوضويتها ومش زي اي بلد تاني ,

اش معني الاطباء السوريين والاردنيين والفلسطينيي وغيرهم ما حصل معاهم مشاكل زي كدا ,,

اش معني الاطباء المصريين , انا عقلي بيطير من كثر التفكير ,

فكره كثير ايه هي المجالات اللي ممكن اننا اقدر اشتغل فيها ..لااسف ما قدرتش لانننا ما عنديش فكره عن مصر ولا البزنس ازاي يشتغل كل ما بسال بيطلعو لي الف مشكله

اكيـد في فرص كثيره . لكن انا مش عارفها

انت حيرتنى !!!!

حضرتك اجزمت بالفساد الكبير فى مصر . وبعد كده حضرتك بتقول ماعندكش فكره عن مصر .

وبعد كده فى رغبة لحضرتك فى الرجوع لمصر عشان تستثمر . مش شايف ان ده فى تناقض شويه ؟ ولا المكان اللى بيأكلنى عيش يبقى هو الكويس واللى مبعرفش

اجيب من فلوس يبقى كخه ووحش؟ مجرد تساؤل !!!

تم تعديل 16 نوفمبر 2008 بواسطة president

[iloveegypt]

بصراحة ناس كتيير

يعتبروا وطنهم اللى فيه فلوس اكتر

الفلوس فلوس

والوطن وطن

[abo_sameer]

انت حيرتنى !!!!

حضرتك اجزمت بالفساد الكبير فى مصر . وبعد كده حضرتك بتقول ماعندكش فكره عن مصر .

وبعد كده فى رغبة لحضرتك فى الرجوع لمصر عشان تستثمر . مش شايف ان ده فى تناقض شويه ؟ ولا المكان اللى بيأكلنى عيش يبقى هو الكويس واللى مبعرفش

اجيب من فلوس يبقى كخه ووحش؟ مجرد تساؤل !!!

بلاش الحيره انا اوضح لك الامور

هو الفساد في مصر خفي عشان يا دوب نشوفه بالمكرو سكوب عشان تسالني انا عرفت ازاي عن الفساد ,

منا وضحت انو دا كان راي والدي بيصر اننا لازم ابقي في مصر وكفايه غربه . وزي ما كل مغترب لازم يأمن له بزنس واستثمار قبل ما ينزل على الاقل يكون راسم على حاجــه كويسه . ما هو مصيري ارجع لمصر السنا دي ولا بعد عشر او عشرين سنه . دي بلدي ولازم ارجعها , ولا ايه راي حضرتك ؟؟ ولا من من حق المغتربين انهم يقضو بقيه عمرهم ف مصر ؟

التجاره شطاره والبلد الي تتولد فيها مش بالضروره هي اللي تسترزق منها واليد الي تمدك لك بالخير اقطعها ليه

السعوديه بلدي وهتبقي ليها فضل بعد الله عليا وعلى كل الناس الي تغبرو ويعترفو بالجميل , مقدرش انكر خيرها وهم بردو مش بيدوني بالمجان ولا صدقه لله , دا عرقي وتعبي وشقاي لكن من باب الاعتراف بالجميل اعترف ليهم , الناس اللنا عايش معاهم بيفتكرو كل مصري علمهم حرف ودايم سيرة اساتذتهم , اظن دا اعتراف منهم بالجميل الموقف بيكرر نفسه , ولا هو ذنبي اننا تعرف على ناس محترمين ,,,, بيحفظو العيش والعشرة . شفت ازااي انا احب السعوديه . وما غلطت في دوله تانيه عشان تقولي توكلني عيش ومش عارف ايه تاني . مصر بلدي وحبي لبلدي ما يساويه اي قرش لكن الحقيقه لازم تبان . ولا ابقي ناكر للجميل

[tekoteko]

بصراحة الكلام محترم جدا

وانا ضد ان احنا علمناهم ومش عارف ايه

اه احنا لينا فضل كبير عليهم بص نص اغنياء مصر من الخليج،، عادي زي مثلا الاميبا وجسم الانسان مع الفارق

كنا خدنا مثال عن تبادل المنفعة

المهم نعود للموضوع الاصلي

هناك الكثير من انواع التجارة الذي تضمن بها ما تقول ابو ثامر

يعني مثلا في تجارة التعليب وفي تجارة المواد الزراعية

بس اللي اقدر افيدك فيه التجارة المعلوماتية يعني نظم الكمبيوتر والسوفت وير والحاجات دي وفي تفاصيل عندي كتيرة لو تحب نكمل تواصل

[abo_sameer]

السلام عليكم ورحمة الله وبركاته

لولا اختلاف الاذواق لبارات السلع

اتمنى اكون افادتك ولو بشكل بسيط وربنا يوفقك

تقبل تحياتي واحترامي

اشكرك من كل قلبي فعلا انا لا زلت افكر واعتقد الفكره والتفكير والتنفيذ عايزا لها وقت . طبعا انا معلوماتي عن المشاريع الاستثماريه في مصر زيروو .

وربنا يوفقك في مشروعك والمواشي والدواجن عايزا ناس تفهم فيها الاول عشان تقدر تقف على مشروعك من الاول .

فانا معلوماتي عن الانتاج ضعيفه . واغلب خبرتي في التجاره الاستراد والتصدير . وبعد اذن الاستاذ president :ninja: اننا افكر بصوت مكتوب .

فالفكره اللي انا اعتبرها ناجحه اننا ما دخلش في تفاصيل مشروع في مصر .

لو فكرت في استيراد خضار فواكه بصل بذور مجمدات . بقوليات نقل عفش مشاركه في شركه نقل بين السعوديه ومصر .

افتح مكتب وسيط عقاري بالرياض مثلا تسويق عقارات في القاهره شقق فلل ..الخ

انا قلت الكلام دا عشان كمثال . لاننا مش عايز ادخل في نشاط انتاجي في مصر اظن الفكره كدا بقت واضحـه

[president]

الأستاذ ابو سمير .

سواء انا متفق أو مختلف معاك بس طريقة ردك تدل على انك انسان محترم بالرغم من الأختلاف بس المكان ده يخص موضوع تانى.

وهاسيب حضرتك ترجع للموضوع الأساسى .

تحياتى

[abo_sameer]

ممكن اوضح نقطه بسيطه بعد اذن حضرتك استاذ president

لما نتكلم عن التعليم في مصر ونقول ان التعليم في مصر بقي ولا مؤاخذه ( تحت خط الصفر ) سواء التعليم العام او العليم العالي والجامعي. ان هناك فوضي واستهار في التلاميذ واهمال من الوزاره . ولا اش معني طالب ينضرف في الصف ويموت في المدرسه من ركله معلم .؟؟ ايه دي سجن ابو غريب ولا مكان تربيـه ؟؟

استاذذي دا لا يعني ان مصر ما فهاش تعليم ولا ان المدارس والجامعات هتعزل بكره لا ؟ وان العلمين في مصر سيئن للدرجا دي وقتالين وعتالين . وما بيخافوش من ربنا

فيه نوعيه من المعلمين وفيه نوعيه اخرى بردو محترمه وفي مدارس كي جي وفيه مدارس في الارياف ومعلمين في الريف المصري ممتازين وعلى خلق وادب وأمانه

فما بقول ان رغيف العيش والغلا في مصر ضارب والحراميه بيبيعو ارزاق البشر وبتاجر في ارواحهم بالمستشفيات زي ما شفنا

دا مش معناه ان مستشفيات مصر كلهم مراكز لبيع قطع غيار . تبقي مستشفيات مصر من افضل الاطباء ويتنقصها بعض الاجهزه التقنيه زي اي دوله اخرى . ولا اش معني السعوديه تتفوق في مناح طبيه . وفصل التوئمين السيامين من مصر .؟ هي مصر مش قادره تعمل العميات دي ..؟؟ اكيد بتقدر واظن بتنقصها الاجهزه التقنيه . واللي اصبح الطبيب الان مبقدرش يستغني عنها

مره اخرى تمني وصلت فكرتي وتقبل اعتزازي وانقدك نقد اخوي

[president]

ممكن اوضح نقطه بسيطه بعد اذن حضرتك استاذ president

لما نتكلم عن التعليم في مصر ونقول ان التعليم في مصر بقي ولا مؤاخذه ( تحت خط الصفر ) سواء التعليم العام او العليم العالي والجامعي. ان هناك فوضي واستهار في التلاميذ واهمال من الوزاره . ولا اش معني طالب ينضرف في الصف ويموت في المدرسه من ركله معلم .؟؟ ايه دي سجن ابو غريب ولا مكان تربيـه ؟؟

استاذذي دا لا يعني ان مصر ما فهاش تعليم ولا ان المدارس والجامعات هتعزل بكره لا ؟ وان العلمين في مصر سيئن للدرجا دي وقتالين وعتالين . وما بيخافوش من ربنا

فيه نوعيه من المعلمين وفيه نوعيه اخرى بردو محترمه وفي مدارس كي جي وفيه مدارس في الارياف ومعلمين في الريف المصري ممتازين وعلى خلق وادب وأمانه

فما بقول ان رغيف العيش والغلا في مصر ضارب والحراميه بيبيعو ارزاق البشر وبتاجر في ارواحهم بالمستشفيات زي ما شفنا

دا مش معناه ان مستشفيات مصر كلهم مراكز لبيع قطع غيار . تبقي مستشفيات مصر من افضل الاطباء ويتنقصها بعض الاجهزه التقنيه زي اي دوله اخرى . ولا اش معني السعوديه تتفوق في مناح طبيه . وفصل التوئمين السيامين من مصر .؟ هي مصر مش قادره تعمل العميات دي ..؟؟ اكيد بتقدر واظن بتنقصها الاجهزه التقنيه . واللي اصبح الطبيب الان مبقدرش يستغني عنها

مره اخرى تمني وصلت فكرتي وتقبل اعتزازي وانقدك نقد اخوي

الأخ ابو سمير . متفق معاك تمام ان مصر فيها الكويس والوحش لو كان دا قصدك . وجه الأختلاف انك شايف السعوديه جنة الله فى الأرض ومش

متخيل ان ممكن بكون فبها تجاوزات . ولو حصل مشكله يبقى السبب المغترب مش البلد . لأ ياسيدى السعوديه زيها زى أمريكا زى اى مكان فى الدنيا فيها تجاوزات .

واذا كان اعلامنا بيساعد انه يكشف الفساد دا مش عيب . العيب انه يكون فيه تستر على الفساد وان مافيش اعلام من اساسه .

اعذرنى عشان فى بعض الجمل مش فاهمها فمش عارف ارد على كل النقاط .

على العموم انا مش عايز اخرج حضرتك عن موضوعك الأساسى موضوع التجاره والمــال

تقبل تحياتى وتقديرى

[abo_sameer]

تشرفت بمحاوراتك اللطيفه و عباراتك الابويه فادرك اننا لما اتكلم مع انسان بحجم حضرتك بيقدر الاخرين هيلتمس ليهم الف عذر حين تخونهم الكلمات عن التعبير , , ,

موضوع التحاره دا كبير وفكرته مش ممكن تتنفذ اليوم ولا بكره .

هي فكره قابله للطرح مره واثنين .

ومعرفت الناس اكبر تجاره

حقيقي مشاركاتي بالمنتدي قليله جدا جدا بضروف عملي وشغلي

[أبو عمر المصري]

الأخ أبو سمير

طبعا فكرة عمل بزنس في مصر عاوزلها نزله لمصر بنفسك كام شهر وتعمل عملية أستقصاء وجمع معلومات عن البزنس المناسب ليك في مصر وتسأل أهل الخبره هناك وتاخد وتدي مع الناس وتدرس الموضوع جيدا ثم تبدأ بحصر الأختيارات في مشروعين أو تلاته تعمل لهم دراسة جدوى ثم يأتي أختيار المكان المناسب والأشخاص الثقات اللذين سيديرون البزنس ده معاك وربنا يعينك

ولو اني اقترح ان تستمر في عملك في السعوديه والوالد ممكن يجي لك زيارات مؤقتا الى ان تتحسن الأوضاع في البلد ومؤقتا ممكن تشتري عقارات وتؤجرها مثلا

[isa]

الى اعلى

تم تعديل 18 نوفمبر 2008 بواسطة isa