الفاضل أبو محمد رزق بحفيد ... ألف مبروك

[أبو محمد]

بارك الله لك فيما رزقت جعله الله من مواليد السعادة في الدارين

وبارك الله لك يا أختى الفاضلة فى بلال وجعله مصدر فرحة لقلبك وانشراح لصدرك كلما رأيته يتمتع بإحدى صفات سميِّه الجليل

[أبو محمد]

بارك الله هاشم

وحفظه لكم ورزقكم بره

وبارك الله لك وعليك وحواليك يا أخى الكريم ورزقك الذرية الصالحة

[أبو محمد]

أبو محمد

ألف مبروك ..

ألف ألف مبروك ..

ربنا يحفظه لكم يارب ويبارك فيه ...

ويجعله قرة عين لواليد .. ولكم ..

ويجعله باراً بوالديه .. وبكم ...

ألله يبارك فيك ياعزيزى أسد ... وإن شاء الله يرزقك بالذرية الصالحة من الأحفاد التى تملأ الدنيا "بأُسْد الغابة" .. وتفرح بيهم وهم بيتنططوا على اكتاف جدو "الضرغام"

[أبو محمد]

السلام عليكم ورحمة الله...

الله......ده خبر جميل جدا...

ألف مبروك يا ابو محمد.....بارك الله له وجعله قرة عين لوالديه وكتبه من الصالحين ان شاء الله...

شىء جميل ان الواحد يبدأ يومه بخبر سعيد كده....ربنا يديم عليكم الفرح يارب

وفى انتظارالسبوع الشيكولاتات والمكسرات والحاجات دى يعنى .... ولا إيه

ألله يبارك فيكى يا أبلة فولانة .. وألف شكر على التهنئة .. وإن شاء الله نردهالك عن قريب ... معلش البنت بتكبر أمها بسرعة وتخليها جدة فى أوقات مش مناسبة بوتيتا ... بس إن شاء الله تجربى فرحة قدوم الحفيد ..

أما عن شوكولاتات ومكسرات السبوع .. فاطمئنى نايب حظرتكم محفوظ افنظم ... فى السبوعخانة

[أبو محمد]

الف مبروك الغالي ياغالي

جعله الله من مواليد السعاده

ربنا يديك الصحه والعافيه

ألله يبارك فيك يا عزيزى .. وأدعو الله أن يمتعك بالصحة والخير الوفير .. السارى سريان النيل الحبيب

[أبو محمد]

أستاذي الفاضل أبو محمد,

ألف ألف مبروك. ربنا يبارك فيه ان شاء الله. و تجوزو و تجوز أولاده باذن الله

ألله يبارك فيك يا أخى العزيز ... مش كفاية انى جوزت ابوه وعمه يا مشمش ؟ .. عاوزنى كمان أجوزه واجوز ولاده ؟؟؟

[أبو محمد]

الف مبروك الحفيد هاشم

اخى واستاذى ابومحمد ربنا يبارك للك فيه ويجعله حفيدا صالحا برا بوالديه ونافعا لدينه اللهم امين

يتربى فى عزك ابو محمد :

ألله يبارك فيك يا "محب مصر" .. وأدعو الله أن ينتشر حبك لها ويعمر القلوب كما عمَّر قلبك الطاهر .. وأن يرزقك الله بذرية من الأولاد والأحفاد الصالحين المحبين للخير

[أبو محمد]

ربنا يبارك لك فيه يا أستاذ أبو محمد وعقبال ماتفرح بيه وهو عريس

ويبارك لك ربنا فى أولادك وأحفادك ويفرح قلبك بيهم يا أخى العزيز يابن عبد العزيز

[أبو محمد]

السلام عليكم

الاخوه الكرام جزاكم الله خيرا

.

الاخ الكريم ابو محمد

بورك لكم في الموهوب وشكرتم الواهب وبلغ رشده ورزقتم بره[وسط][/وسط]

الحمد والشكر للكريم الوهاب على ما وهب .. وندعوه للجميع عندما ندعوه لأنفسنا بالخير

شكرا أبا عمر على مبادرتك الطيبة

[أبو محمد]

بارك الله فى المولود وجعله خير عون لأبيه وأمه وأنار له طريقه وهداه إلى كل الخير

وبارك لك الله يا أخى الفاضل ولأسرتك الكريمة .. ورزقك الله من خيره الوفير الذى يسع الأنام إلى نهاية الأيام

[أبو محمد]

الف مبروك قدوم الحفيد الغالي

:wub: :wub: ربنا يخليه من مواليد السعادة ...قرة عين ليكم .... وبارا بوالديه و بجدوده ... :wub: :wub:

:wub: والله و بقيت "جدو" يا ابو محمد .. و كلها ان شاء الله كام سنة و حنلاقيكم كده ...... :wub:

ألله يبارك فيك ويسعدك وتفرح بجونيور وتشيل أولاده وتضمهم إلى صدرك الحنون

أما انت عليك شفافية يا جدع انت !!!!!!!!!

والله الصورة اللى انت حاططها دى كانت مسيطرة على خيالى من يوم وصول هاشم ... أحلم فى يقظتى بصداقته .. أجهِّز فى عقلى كل خبراتى التى مرت علىَّ فى طفولتى وصباى وشبابى التى أريد أن أنقلها إليه .. وكيف سأحكى له عن أخطائى قبل نجاحاتى ..

ألف شكر ويجعل حياتك زى الفل .. يا كامل ياحبيب الكل

[أبو محمد]

شكرتم الواهب ..وبورك لكم في الموهوب ورزقتم برة...

بسم الله ماشاء الله...

الف حمدلله علي سلامه الماما وإن شاء الله يكون من الذريه الصالحه ......

والف ألف مبروك لأخونا الكريم ابو محمد......وإن شاء الله جعله الله من مواليد السعاده

أختى الكريمة أم ياسر

الحمد والشكر للعزيز الكريم الوهاب على ما وهب .. وعقبال ما تشيلى أولاد ياسر وأولاد أخوه وأولاد أولادهم .. لتذوقى طعم الحياة فى أجمل صورها وأنقاها .. وعندها ستشعرين بنعمة الكريم على عباده .. وبمعجزاته فى خلقه ..

شكرا لك أختى الفاضلة .. ولا تطيلى فى حرماننا من وجودك معنا

[أبو محمد]

الف مليون مبروك ويارب يجعله ذريه صالحه بار بوالديه

جزاك الله كل خير يا أختى القاهرية ... وتقبلى 100 مليار شكر اسكندرانى ردا على مليار المباركة القاهرية

[أبو محمد]

عموووووووووووووووووووو.. أبو محمد دشليووووووووووووووووووووووووون مبروك يارب يفرحك ويسعدك بيه..

وتشوف احفاد احفاااااااااااااااااااااااااااد احفاده...

:wub: :wub: :wub: :wub: :wub:

'Heba

الف الف....لالالا الف مين

مليوووووووووووون

تؤتؤتؤ

دشليووووووووووووون مبروك يا أستاذنا العزيز

دشليوووووووووونت دي بتاعتي يا هبهوبة ماليشششششششششششش دعوة حقوق الطبع والتوزيع محفوظة .. عموووووووو ابو محمد قولها دي بتاااااااااااااااعتي

ألله عليكى يا شهد وعلى الدشليووووووووووووون مبروك بتوعك ... والله على الصغنون اللى بيلهط فى شقة البطيخ الاحمر اللى زى العسل ... وعلى الأطقم الجميلة اللى داخلة علينا بيهم .. وخصوصا الشرابات الزوأنطوطة اللى الواحد يعملهم ميداليات

ومعلش يا شهد إنتى وهبة اخوات .. وان كونتوا اخوات اتقاسموا ....

إيه رأيك فى الحيليوووووون بتاعتى ؟ تفتكرى هبة حتطمع فيها برضه ؟

[أبو محمد]

ألف مبروك يا أبو محمد

وعقبال ما تشوف ولاد ولاده كدة إن شاء الله

ألله يبارك فيك يا عزيزى .. وربنا يرزقك بالذرية الصالحة اللى تفرح بيها .. ويملواعليك حياتك

[أبو محمد]

الف الف مبروك

و الله فرحنالك يا باشمهندس

الف مبروك تانى وتالت والف

ربنا يتمم فرحتكم بيه

و عقبال متشفوه عريس يارب

يتربى فى عزكم و يكبر فى ظلكم

و تسيلوا اولاده ان شاء الله

ألله يبارك فيك يا باشمهندس ... وإذا كنت لسه ما دخلتش دنيا يبقى ربنا يفتح لك كل أبوابها عشان تدخل من مطرح ما تحب .. وإذا كنت دخلت دنيا يبقى عقبال ما تفرح بذريتك من الأولاد والأحفاد الصالحين

[أبو محمد]

الغالى ابو محمد... لا شيئ فى الدنيا قد يعبر عن فرحتك اليوم ولا عن فرحتنا الصادقه والعميقه لفرحك.

بارك الله لكم فى مولودكم.. وجعله قره عين لكم جميعا واسعدكم به.

هنئياً لكم جميعا.. هنيئا لوالديه الكريمين .. ولك ولأم محمد هذه الفرحه الكبيره.

الف الف الف مبروك .............. أقولها من أعماق قلبى . ]

يتربى فى عزكم .. وحمدالله على سلامة مامت هاشم.

نورت الدنيا يا هــــــــــــــــــــــــــــــاشم

لولا

الله يبارك فيكى يا لولا ويبارك لك فى زوجك وذريتك ... ويجعل جزاء مشاعرك الصادقة الجميلة مزيدا من الأولاد والبنات والأحفاد الصالحين الذين يغمرون حياتك بالبهجة والسرور ..

وما جزاء الإحسان إلا الإحسان .. وأنت تحسنين فى مشاعرك وتحسنين فى التعبير عنها

[أبو محمد]

بورك لكم في الموهوب..وجعله الله قرة عين لكم ورزقكم بره وصلاحه..

يتربى في عزك ياابو محمد..وتفرح بيه زي فرحتك بوالده..

الحمد والشكر للكريم الوهاب على ما أنعم به ووهب ... ودعواتى لك يا عزيزى Emo بأن ينعم عليك المنعم بالذرية الصالحة

[أبو محمد]

ألف ألف مبروك أستاذنا أحدث جد في المحاورات.. ربنا يباركلك ويبارك لوالديه فيه وتشوفه محاوراتي زينا إن شاء الله ..

خلص الكلام

ألله يبارك فيك ويبارك لك يا أخى العزيز شريف .. ويسعدك ويسعد أوقاتك وينعم عليك بالبيت السعيد والذرية الصالحة اللى يملوا البيت بأحلى كلام ويبطلوك تقول "خلص الكلام"

[أبو محمد]

ألف ألف مبروك يا جدو أبو محمد

يتربى في عزك وعز والده ووالدته وأسرتكم

بورك في الموهوب وشكرتم الواهب ورزقكم بره

اللهم أجعله من الصالحين .... مبروك هشام باشا

أنا كنت سامع هيصه وهوليله في جليم .. أتاريها بمناسبة سبوع الحفيد هشام :wub:

:wub:

الحمد والشكر للمنعم الوهاب على ما أنعم به ووهب

ألله يبارك فيك يابو حميد .. ويبارك لك فى حفيدك يابو اسكندر يا غالى .. وإن شاء الله تفرح بيه وتتمشى معاه على الرملة ورجليكم فى المية .. تقول له ، ويقول لك .. تحكيله ، ويحكيلك .. تعلمه ، وتتعلم منه .. ماهو يابو حميد ياخويا الواحد مننا بيفضل يتعلم لآخر يوم فى حياته .. وأحلى حاجة تتعلمها هى اللى بتتعلمها من اللى بيحبك