رجاء أفيدوني وبسرعة

[ahmed amen]

السلام عليكم ورحمة الله وبركاته أيها الإخوة الأعذاء

معروض علي السفر لأول مرة إلى السعودية (الرياض) لدى شخص سوري الجنسية على علاقة طيبه به منذ عامين (تعاملنا سوياً عن طريق الإنترنت) والسفر على مبلغ 2500 ريال كبداية وسيتم الزيادة مستقبلاً إن شاء الله (أخصائي حاسب آلي) والسكن سواء بمفردي أو بعد استقدام الزوجة على صاحب العمل وبدل مواصلات وفي حالة عدم وجود سكن سيقوم بإعطائي بدل سكن .. ولكن ولكن ولكن في المقابل يوجد وظيفة أخرى عرضت علي بمصر براتب 2000 جنيه بجانب عملي الأساسي ليلاً حيث أنني أعمل بوظيفة حكومية ليصل الراتب إلى 2800 جنيه ويصبح عدد ساعات عملي طوال اليوم من الساعة 9 صباحاً وحتى الساعة 2 صباح اليوم التالي أي 17 ساعة عمل متواصلة يتخللها 3 ساعات راحة مع زيادة سنوية 10% وكل هذا بمصر .. في حين لو سفرت إلى السعودية سيكون ساعات العمل فقط ساعات الدوام .. وأنا أسكن في القاهرة بمنطقة سيئة للغاية وأخاف على أولادي وزوجتي منها .. وفي نفس الوقت أخاف على تعليم أولادي بالسعودية .. وأنا في حييييييييييرة من أمري أفيدوني سريعاً لأن لابد من اتخاذ قرار سريعاً في أقرب وقت وجزاكم الله خير الجزاء

[osmel33]

السلام عليكم ورحمة الله وبركاته أيها الإخوة الأعذاء

معروض علي السفر لأول مرة إلى السعودية (الرياض) لدى شخص سوري الجنسية على علاقة طيبه به منذ عامين (تعاملنا سوياً عن طريق الإنترنت) والسفر على مبلغ 2500 ريال كبداية وسيتم الزيادة مستقبلاً إن شاء الله (أخصائي حاسب آلي) والسكن سواء بمفردي أو بعد استقدام الزوجة على صاحب العمل وبدل مواصلات وفي حالة عدم وجود سكن سيقوم بإعطائي بدل سكن .. ولكن ولكن ولكن في المقابل يوجد وظيفة أخرى عرضت علي بمصر براتب 2000 جنيه بجانب عملي الأساسي ليلاً حيث أنني أعمل بوظيفة حكومية ليصل الراتب إلى 2800 جنيه ويصبح عدد ساعات عملي طوال اليوم من الساعة 9 صباحاً وحتى الساعة 2 صباح اليوم التالي أي 17 ساعة عمل متواصلة يتخللها 3 ساعات راحة مع زيادة سنوية 10% وكل هذا بمصر .. في حين لو سفرت إلى السعودية سيكون ساعات العمل فقط ساعات الدوام .. وأنا أسكن في القاهرة بمنطقة سيئة للغاية وأخاف على أولادي وزوجتي منها .. وفي نفس الوقت أخاف على تعليم أولادي بالسعودية .. وأنا في حييييييييييرة من أمري أفيدوني سريعاً لأن لابد من اتخاذ قرار سريعاً في أقرب وقت وجزاكم الله خير الجزاء

والله يا أخ أحمد العرض بتاع السعودية ضعيف شوية والوعود اذا ماكانتش موثقة ومكتوبة بتكون وعود فى الهوا فأولاً حاول توصل لعرض أفضل مع تأكيد كل الإمتيازات الأخرى ومع تأكيد الوظيفة فى التأشيرة حتى يمكن لك الإستقدام ، أما مسألة عملك فى مصر مش عارف أقولك أيه بس وقت العمل طويل جداً ومش ممكن تقدر أنك تراعى بيتك وأولادك بالقدر اللازم أما بخصوص المكان اللى انت ساكن فيه انت فى كلا الحالين سايب ولادك لوحدهم لو سافرت هاتسيبهم ولو قعدت هاتسيبهم زى ماانت قولت مش أقل من 17 ساعة فى اليوم أنا رأى حاول تعدل العرض بتاع السعودية أكتر من كده وسافر وفى الأول والآخر أستخير

[tarek nokia]

خليك بمصر :)

[se_ Elsyed]

بما إنك هاتتعامل مع شخص وجهاً لوجه .. أي مش مع كيان محترم ...

يبقى كل سنة وإنت طيب .. وهايبقى كويس لو اخدت الـ 2500 ملطوش دول

ولو صدق واعطاهم لك وإنت عندك اولاد في مدارس .. يبقى هاتستلف قدهم اخر كل شهر

المرتب ضعيف .ز والعملية من أولها داخل فيها الأمزجة الشخصية ..يعني الشخص السوري ده لو جه مؤسسته الصبح من غير فطار .. فممكن بمنتهى البساطة يقول لك ما أعرفكش ...

وهايحصل ..

أستقر في مصر وحاول السفر مرة أخرى بمميزات افضل

أو حاول غن كل كلامك مع الشخص ده يكون موثق ويكون كل شيء مذكور بالتفصيل ..

[ahmed amen]

الإخوة الأعزاء جزاكم الله خيراً على اهتمامكم

وأريد أن أوضح أمر أن التأشيرة ستكون بسائق خاص لعدم توافر تأشيرة غيرها وقد وعدني بمساعدتي بإحضار زوجتي بأي طريقة

وقد طلب مني إرسال صورة عقد حتى يقوم بإرساله لي فإن توافر صورة عقد لدى أحد برجاء إرساله tota_abobakr2@yahoo.com

وأبنائي لم يدخلوا المدرسة بعد حيث لدي طفلين أكبرهما في kg2 والآخر 3 سنوات

وما هي النقاط المفرض توثيقها في العقد حتى أكلمه فيها

وجزاكم الله خيراً

:) :closedeyes: :wub: wst::

تم تعديل 17 نوفمبر 2008 بواسطة ahmed amen

[tarek nokia]

على فكرة الرجل ده مش كويس وشكله نصاب عشان السائق الخاص لايستقدم ولا ينقل كفالة ولا يعمل في اي مكان وال2500 ريال ممكن مايكفوك

[DIA ELDIN]

خليك بمصر

وقبل اي شئ استخير ربنا

بس انا رأيي الخاص باعتبار انك بستشيرنا اطلع على فرصة افضل براتب افضل ومهنة افضل لكن الوقت الحالي اعتقد بالراتب اللي انت هتحصل علية في مصر تبقى مصر افضل

ربنا يوفقك

[iloveegypt]

ا احمد امين

خليك بمصر المرتب لو جبت اولادك مش هيكفى غير اكل وشرب

واما تاشيرة سائق اذا لا ينفع استقدام

يعنى من الاخر وضعك فى مصر افضل على الاقل الاولاد بمدارس كويسة

[se_ Elsyed]

لو هاتسمع النصيحة وتعمل بها .. يبقى إبعد عن المهنة الزبالة دي وإنت تكسب

هاتتبهدل هنا بهدلة جامدة

لإن سائق خاص أو عامل زراعي أو عامل منزل او حارس إستراحة أو عامل تربية مواشي .....

المهن دي محطوط عليها خطوط سوادء من مكتب العمل والجوازات وصعب يتنفسوا هنا حتى .. يعني لا زيارة ولا إستقدم ولا الهوا .. ولو إتمسك في مؤسسة أو محل أو معرض وهو بيشتغل .. فبيحصل له مشاكل كتير جداً ..

وده لإن الحكومة السعودية تحارب موضوع الإتجار بالتأشيرات خصوصاً من جانب الأفراد .. والأفراد بس هما اللي مسموح لهم يخرجوا مثل هذه التأشيرات .... وكتير منهم ما بيبقاش محتاج صاحب المهنة دي .. ولكن مخرجها عشان يبيعها ويستفيد من ثمنها .

[عمرعمرعمر]

نصيحه لوجه الله

اوعي تسافر

اوعي تسافر

اوعي تسافر

الا من يشتري سهر بنوم...........سعيد من يبيت قرير عين

فاما حمير غدرت و خانت...........فمغفرة الاله لذي روعين

هذه الابيات كتبها رجل يدعي ذو روعين و وضعها في كتاب و اعطاها لعمرو بن تبع تبان اسعد ملك اليمن و ذلك عندما اشار عليه الوزراء بقتل اخيه حسان للاستيلاء علي الملك و كان ذو روعين احد الوزراء و كان معارضا لفكرة قتل حسان و بالفعل قتل عمرو اخاه حسان و اعتلي عرش اليمن ثم اصابته الكآبة و لم يجد حلا الا قتل جميع الوزراء و قتلهم و عندما جاء يقتل ذو روعين طلب منه ذو روعين قراءة الكتاب الذي فيه هذين البيتين فلما قرأهما عمر عفا عن ذو روعين

تم تعديل 17 نوفمبر 2008 بواسطة عمرعمرعمر

[الباشمهندس ياسر]

يعنى مرتبك جوه البلد هيوصل 2800 جنيه و هتشتغل 14 ساعة فعليا مش 17 ولا حاجة

بينما لو رجت هناك لا هتشوف عيالك ولا هتتخيل طيف المدام اصلا و هتاخد 2500 لايال بفرض الصدق طبعا

طب بالذمة ده اسمه كلام

يا عم خليك هنا وربى عيالك كويس و سيبك من ان المنطقة وحشة و العيال هيطلعوا ف جو غير صحى

يعنى لو رحت هناك هترجع تشترى فى مصر الجديده مثلا

خليك فى ارضك معزز مكرم جنب عيالك و اوعى تطلع على سواق ولا غيره

[ahmed amen]

الإخوة الأعذاء وكل من اهتم وشارك برأيه .. جذاكم الله خير الجزاء

وللعلم فقط أنا فعلاً رايح على تأشيرة سائق ولكن سيكون مهام عملي كالتالي (سكرتير خاص ، مسئول IT ، إصدار وإخراج الكتب) وليس سائق كما هو بالتأشيرة وكان وعده لي أنه سيبحث عن طريقة لاستقدام الزوجة مثلما فعل من أحد الأشخاص طرفه وبالفعل أحضر زوجته وأبنائه وهو يسعى لإدخال النظام العلاجي بالمؤسسة التي سأعمل بها وأنه سيوفر لي سكن لو تم واستقدمت الزوجة ولحين تزوج كل ما هم بالمؤسسة سيقوم بشراء عمارة وسيسكن بها الجميع ويوفر باص لنقلنا من السكن للمؤسسة .. وهو لم أجرب عليه الكذب من قبل ورجل محترم جداً ويخاف الله كثيراً لدرجة أنه كان لديه شركة بالقاهرة ولم تعمل بشكل جيد بقام بإخراج جميع الأجهزة الموجودة بها لله لأسرة يوجد لديها أطفال في التعليم ولا تملك جهاز حاسب آلي

وهذه هي شخصية الشخص اللذي سأعمل معه حتى لا أضيع حقه

ولكن جميع الآراء تقول لي أن أستقر في مصر ولا أذهب إلى السعودية .. رغم أنه كان أملي أن أستطيع أن أحج وأعتمر من حين وآخر أنا وأسرتي

وجزاكم الله خير الجزاء أيها الإخوة الأعزاء

أحمد أمين

[se_ Elsyed]

وهو لم أجرب عليه الكذب من قبل ورجل محترم جداً ويخاف الله كثيراً لدرجة أنه كان لديه شركة بالقاهرة ولم تعمل بشكل جيد بقام بإخراج جميع الأجهزة الموجودة بها لله لأسرة يوجد لديها أطفال في التعليم ولا تملك جهاز حاسب آلي

سيادتك الكلام ده ما بيأكلش عيش .. مع إحترامي يعني

لإن علاقة العمل يحكمها اولاً العقود والمواثيق التي يُحتج بها عند وجود أي خلاف أو مستحقات .. وتيجي بعد كده بقى الجدعنة والكلام ده

وبعدين لو هو جدع وبتاع ربنا ما يكتب كل ده في عقد العمل بما فيها موضوع مساعدتك على تحمل جميع النفقات التي ستترتب على تغيير المهنة وأستقدام الزوجة ...

غير كده يبقى حضرتك واخد القرار ومش محتاج أي نصايح مننا

[tarek nokia]

وهو لم أجرب عليه الكذب من قبل ورجل محترم جداً ويخاف الله كثيراً لدرجة أنه كان لديه شركة بالقاهرة ولم تعمل بشكل جيد بقام بإخراج جميع الأجهزة الموجودة بها لله لأسرة يوجد لديها أطفال في التعليم ولا تملك جهاز حاسب آلي

سيادتك الكلام ده ما بيأكلش عيش .. مع إحترامي يعني

لإن علاقة العمل يحكمها اولاً العقود والمواثيق التي يُحتج بها عند وجود أي خلاف أو مستحقات .. وتيجي بعد كده بقى الجدعنة والكلام ده

وبعدين لو هو جدع وبتاع ربنا ما يكتب كل ده في عقد العمل بما فيها موضوع مساعدتك على تحمل جميع النفقات التي ستترتب على تغيير المهنة وأستقدام الزوجة ...

غير كده يبقى حضرتك واخد القرار ومش محتاج أي نصايح مننا

ده كلام الناس الي بتفهم

[ahmed amen]

أنا متردد ومش واخد قرار ولا حاجه والله .. والمشكلة إن الوضع في مصر بيتنيل كل يوم عن التاني والفساد منتشر بطريقه تقشعر لها الأبدان والغلاء والإهمال لما بيجتمعا معاً في بلد واحدة بينتج عنها عدم وجود حقوق أو آدمية للإنسان .. ولولا إني محتاج رأيكم ما كنت دخلت على المنتدى لكن أنا بأعرض عليكم كل حاجه عشان تبقى الصورة واضحة ومرجعش أقول لو كانوا يعرفوا إنه كذا أو كذا كانوا غيرو رأيهم .. وبسبب آخر ما يزيد من حيرتي في حالة قيام العمل الحكومي بنقلي للعمل صباحاً سأخسر العمل بالمكان الآخر نهائياً .. وهذا وارد في أي وقت ولكنه ليس بأكيد .. ولهذا أنا في حيره من أمري وكنت بحاجه لرأيكم .. وفي الأول والآخر إحنا بنتناقش وآرائكم في جميع الأحوال تأخذون أجرها سواء أخذت بها أم لم آخذ بها .. وجذاكم الله خير الجزاء

[osmel33]

يا عم أحمد كل البشرية دى بتقولك ماتسافرش وأنا قولتلك لو عدلت الوضع شوية وكمان كان الإمتيازات الأخرى مكتوبة فى التعاقد لو عملت كده يبقى أنا باقولك ساعتها سافر لكن موضوع الراجل طيب ووزع مش عارف أيه سيبك انت من كل الكلام ده أنت بس علشان متحمس للسفر وزهقان من انك تستنى فى مصر، دول الخليج منطقها غريب فى التعامل مع البشر والله ممكن حظك يطلع كويس وتلاقي ناس كويسة وممكن العكس فكل المطلوب قبل ما تسافر انك تأمن نفسك بتعاقد محترم

[ahmed amen]

يا عم أحمد كل البشرية دى بتقولك ماتسافرش وأنا قولتلك لو عدلت الوضع شوية وكمان كان الإمتيازات الأخرى مكتوبة فى التعاقد لو عملت كده يبقى أنا باقولك ساعتها سافر لكن موضوع الراجل طيب ووزع مش عارف أيه سيبك انت من كل الكلام ده أنت بس علشان متحمس للسفر وزهقان من انك تستنى فى مصر، دول الخليج منطقها غريب فى التعامل مع البشر والله ممكن حظك يطلع كويس وتلاقي ناس كويسة وممكن العكس فكل المطلوب قبل ما تسافر انك تأمن نفسك بتعاقد محترم

طيب يا عم osmel33 بعد إذنك إذاي يكون التعاقد محترم .. بمعنى آخر إيه اللي يتكتب في العقد يخليه تعاقد محترم .. ويا ريت لو عندك صورة عقد ترسلها لي .. لأن للأسف موضوع إني أشتغل في المكانين في مصر أصبحت معدومة لأني عند سؤالي في عملي الحكومي قالو لي أنه لابد من تقديم استقالتي للعمل بهذا العمل الآخر .. وجزاكم الله خيراً

[roka]

أسمح لى أقولك رأيى أنا مش مغتربة انا زوجة مغترب يمكن مش باقاله كتير لكن طبعا أستفادنا من الفترة اللى فاتت كتير

أنا من رأيى أقبل ما اى واحد فينا يقول رأيه لازم تصلى صلاة إستخارة سواء للسفر بره أو حتى الشغل الأخر فى مصر وبعدين شوف الأمور هتمشى أزاى لأنك هتلاقيها لوحدها تأخد مسارها بس تكون مؤمن أنى الخير اللى ربنا هيكتبه ليك أى كان

وده عن تجربة يعنى انا سفرية زوجى طلعت فيها مطبات كتير لكن أنا وهو راضيين لأنى ربنا هو اللى كتبها لينا

نيجى لتانى حاجة لازم تحسبها كويس بمعنى انى المشكلة مش ماديات وبس لأ انت هتبعد عن مراتك وأولادك ولو هما متعلقين بيك يبقى أنسى متسافرش إلا وهما معاك لأنى مهما بعت فلوس مش هايسحوا بيها بالعكس ومن ناحية تانية متحسبهاش على نفس الوضع وانت معهم يعنى مثلا لو البيت وأنت موجود كان بصرف 100وانت مش موجود هيصرف 200لأنى فى حاجات كتير هتظهر

علشان كده انا شايفة من رأى الجميع انها مش مناسبة وربنا يكتبلك الخير

وفى الأخر كل شئ فى الحياة قسمة ونصيب أما بالنسبة للعقد أوعى متكتبش حاجة فى العقد كل فسفوسة متفقين عليها أكتبها زيادة زوجتك لما تيجى الوضع هيكون أيه وأقرى العقد كويس جدا وأفهم كل نقطة فيه وأسأل

وربنا يوفقك للخير ويرزقك يا رب

[ozoozo]

علي فكره سهل جدا انه يطلع مراتك معاك .......

بس عارف هاتيجي ازاي

ممكن يعملها استقدام كعامله منزليه وتكون لها الاولويه لان زوجها هو سائقه الخاص حسب الورق لو ترضاها لمراتك اتكل علي الله

وبعدين 2500 هاتصرف علي الاقل 1500 اكل وشرب بس وعلي الاقل لو هادخل اولادك كتاب مش مدرسه هاتصرف علي الاقل 500 الي 700 في الشهر ده علي افتراض ان الكتاتيب بتدي شهادات

انت في مصر لو بتاخد 2000 ومابتحوش منهم حاجه يبقي احسن من هزا العرض

[شاب مصري]

بلاش