الأفضل من دول الخليج !!

[Ambitious]

السلام عليكم ..

أنا عضو جديد نوعا ما فى المنتدى الرائع ده واللى بجد استفدت منه جدا ودى أول مشاركة لي ..

انا لسه حديث التخرج من كلية الهندسة - قسم اتصالات دفعة 2008 وكنت بخطط لحياتى وبجمع معلومات قدر الإمكان ..

قريت عن الهجرة لكندا واستراليا وامريكا ونيوزيلندا .. وقريت عن دول الخليج ومعيشتة ومشاكله .. وتوصلت فى النهاية ان اللى يناسبنى

حاليا هو السفر للخليج لأن هدفى تحويش مبلغ يساعدنى على انى أبدأ حياتى .. أخوكم هيبتدى حياته من تحت الصفر بشوية :lol:

وعاوز الموضوع ده يكون مرجع ليا ولغيرى قبل إتخاذ قرار السفر للخليج وتحديد وجهته .. فياريت الناس الجميلة اللى هنا وعندها خبرة

وتعامل مباشر مع دول الخليج محتاج منهم وصف لأوضاع المعيشة فى البلد اللى هما فيها ..

السعودية - الإمارات - الكويت - قطر - عمان - البحرين ...... وباقى الدول ...

متوسط الرواتب

السكن للعازب و الأسر

الأكل للعازب والأسر

المواصلات

المستلزمات الأخرى

وضع البلد وناسها

الإحتياجات اللى البلد عاوزاها فى الشخص عشان يشتغل فى مكان كويس

الحاجات اللى مفروض الواحد يتصف بيها عشان يتكيف مع البلد دى

شكرا مقدما لكل اللى هيشارك بمعرفته .. ويارب ألاقى التفاعل اللى بطمح إليه

تم تعديل 17 نوفمبر 2008 بواسطة Ambitious

[osmel33]

بخصوص قطر إدخل على محاورات المصريين فى قطر وهى هاتفيدك جداً

[شاب مصري]

UAE

تم تعديل 18 نوفمبر 2008 بواسطة شاب مصري

[MZohairy]

مفيش دوله افضل من دوله

فيه عقد افضل من عقد او فرصة عمل افضل من فرصة عمل

بس بشكل عام

السعوديه هي ارخص البلاد الخليجيه من حيث السكن بينما المتع الحياتيه فيها قليله جدا بمقارنتها بالامارات مثلا

بس حتلاقي الامارات و دبي وابوظبي بالذات من اغلى الدول في تكلفة السكن

غير كده باقي الاسعار في الخليج تقريبا واحده

[Ambitious]

بخصوص قطر إدخل على محاورات المصريين فى قطر وهى هاتفيدك جداً

أنا متابع محاورات المصريين فى قطر من فترة للتانية فعلا .. بس الفكرة انى حابب الموضوع ده يبقى مركز على الجوانب اللى ذكرتها فى كل دولة من دول الخليج بدلا من البحث فى المواضيع .. عامل الموضوع عشان أفيد بيه نفسى وأفيد غيرى توفيرا لعناء البحث فى مئات المواضيع وإختصارا لعشرات المواضيع اللى بتتفتح للسؤال عن الحاجات دى :D

[Ambitious]

UAE

مالها ؟ :D

[Ambitious]

مفيش دوله افضل من دوله

فيه عقد افضل من عقد او فرصة عمل افضل من فرصة عمل

بس بشكل عام

السعوديه هي ارخص البلاد الخليجيه من حيث السكن بينما المتع الحياتيه فيها قليله جدا بمقارنتها بالامارات مثلا

بس حتلاقي الامارات و دبي وابوظبي بالذات من اغلى الدول في تكلفة السكن

غير كده باقي الاسعار في الخليج تقريبا واحده

شكرا للمرورك وإضافتك للموضوع ..

أكيد انا لا أتكلم عن دولة أفضل من دولة و إلا كنت دخلت السؤال ده مباشرة .. أنا عارف إن العقد مهم جدا عشان كده سألت عن متوسط الرواتب بحيث مقبلش عقد يهضم حقى فى أى دولة من دول .. وسألت عن تكاليف المعيشة المختلفة عشان أبقى مقدر هعرف أوفر قد إيه .. وسألت عن طبيعة المجتمع وازاى أقدر اتكيف معاه عشان مروحش وألاقى نفسى فى وضع مش عارف أتلائم معاه .. طرحت الأسئلة دى كلها وأعتقد إجابتها هتبقى مرجع كويس لأى حد عاوز يسافر الخليج ويختار على حسب ظروفه وعلى حسب السبب اللى مسافر ليه :wub:

نورت الموضوع .. واستئذنك لو فيها غلاسة تجاوبلنا على الاسئلة اللى سألتها فى المكان اللى حضرتك فيه :D

جزاكم الله خيرا ..

[شاب مصري]

UAE

مالها ؟

حلوة :closedeyes:

[الباشمهندس ياسر]

UAE

مالها ؟

حلوة :closedeyes:

فعلا حلوة :closedeyes:

[Ambitious]

UAE

مالها ؟ :h!!!h:

حلوة :unsure:

فعلا حلوة :blush2:

ياسلام بقى لو تبقى مشاركتكم إيجابية أكتر شوية صغيرين وتقولوا حلوة فى ايه ووحشة فى ايه ؟ :happy:

[Tolbas]

انت عشان تخلي المشاركات ايجابية لازم تعمل اطار للموضوع بمعني انك تحدد نقط المقارنة ,مثلا :

1-متوسط الدخول

2-متوسط اسعار العقارات

3-الموصلات

4-حالة الطقس

5-متوسط الاجور في مجالك(مثلا المبرمجين بيخدو اكتر في الكويت و الامارات)

6-الظروف الاجتماعية و الاقتصادية لكل بلد

بس انا عندي نصيحة اخوية , ياريت تبص بصة علي منتدي الهجرة و العمل في كندا و تفكر كويس عشان هناك بجد حتحقق كل الى انت عاوزه,و خد بالك ان الحياة مش بس فلوس و كرامت الانسان متساويش كنوز الدنيا

يارب تكون فهمتني

اخوك احمد

[alaashabana]

Ambitious مشاركة بتاريخ أمس, 11:00 PM

إقتباس(الباشمهندس ياسر @ Nov 18 2008, 06:41 PM) *

إقتباس(شاب مصري @ Nov 18 2008, 04:46 PM) *

إقتباس(Ambitious @ Nov 18 2008, 02:39 PM) *

إقتباس(شاب مصري @ Nov 18 2008, 08:45 AM) *

UAE

مالها ؟ blink.gif

حلوة whistling.gif

فعلا حلوة laugh.gif

فعلا حلوة اوى

[se_ Elsyed]

موضوع صعب جداً وصعب أكتر إنه يؤخذ مقياساً لبناء أو إتخاذ قرار ..

فعلى سبيل المثال .. لو جينا نتكلم عن متوسط الدخل ؟

يبقى لمين بالظبط ؟ للدكتور ولا المهندس ولا المحاسب ...إلخ

طب لو للدكتور ... يبقى الجراح ولا طبيب العيون ..... إلخ

قس على ذلك السكن اللي بيختلف من منطقة إلى أخرى .. وهكذا

لكن ممكن أقدر أفيدكم في هذا الموضوع بزيارة الموقع التالي Gulftalent

[Ambitious]

انت عشان تخلي المشاركات ايجابية لازم تعمل اطار للموضوع بمعني انك تحدد نقط المقارنة ,مثلا :

1-متوسط الدخول

2-متوسط اسعار العقارات

3-الموصلات

4-حالة الطقس

5-متوسط الاجور في مجالك(مثلا المبرمجين بيخدو اكتر في الكويت و الامارات)

6-الظروف الاجتماعية و الاقتصادية لكل بلد

بس انا عندي نصيحة اخوية , ياريت تبص بصة علي منتدي الهجرة و العمل في كندا و تفكر كويس عشان هناك بجد حتحقق كل الى انت عاوزه,و خد بالك ان الحياة مش بس فلوس و كرامت الانسان متساويش كنوز الدنيا

يارب تكون فهمتني

اخوك احمد

نورت الموضوع يا أبو حميد .. أنا فعلا محدد نطاق المقارنة كالأتى :

متوسط الرواتب

السكن للعازب و الأسر

الأكل للعازب والأسر

المواصلات

المستلزمات الأخرى

وضع البلد وناسها

الإحتياجات اللى البلد عاوزاها فى الشخص عشان يشتغل فى مكان كويس

الحاجات اللى مفروض الواحد يتصف بيها عشان يتكيف مع البلد دى

بالنسبة لموضوع الهجرة لكندا .. الموضوع ده قعدت متابعه ما يقارب من شهرين .. الفكرة فى أولها مبهرة جدا .. خصوصا إن أول موضوع طبيت عليه موضوع د/التهامى ومن بعده د/ الشامى .. بس بعد تأنى ودراسة أكتر للموضوع بقرأة تجارب أخرى .. قرار الهجرة مش سهل أبدا يتاخد .. وهيحتاج مصاريف صعب أى حد لسه بيبدأ حياته يوفرها .. قوم اييييييييه بقى ؟؟

فكرت قولت أجل التفكير فى موضوع الهجرة دلوقت وكده كده .. انت لازم هتنزل الخليج ولو ترانزيت تظبط أمورك بشوية ريالات تبدأ بيهم حياتك وتفكر فى حكاية الهجرة .. على الأقل يبقى معاك فلوس تغطى عملية الهجرة لو أخدت قرار بيها .. بس wst::

[Virus]

للأسف فإن التباين في الخليج بين الوظائف المختلفة كبير جداً ..ومن العبث أن نعطيك أرقام محددة..حتى لو اتكلمنا على مهندسين الكهربا ونفس سنين الخبرة هتلاقي ناس بتكافح كمندوبين مبيعات ب 4000 ريال وناس شغالة في شركة موبايل مثلا وبتاخد شيء وشويات

لكن في نصايح عامة..مش عارف إن كانوا الأخوة يتفقوا معايا عليها..

1-في العموم القطاع الحكومي أحسن جداً من القطاع الخاص..يستثنى من هذا الشركات الدولية وشركات القطاع الخاص الكبيرة ولا تفكر ابداً في الشركات التي يملكها شخص واحد أو عائلة

2- لازم تشتغل في مصر شوية وتجمع خبرة ولغة وكومبيوتر على قد ما تقدر..لو جيت من مصر من غير خبرة كفاية غالب هتكون وظيفة ضعيفة زائد إن مش شرط تتعلم هنا حاجات جديدة

3- معروف إن السعودية أقل أسعاراً بكتير ولكن أيضا مرتباتها أقل..لو عرضين متساويين في السعودية وغيرها تختار السعودي فوراً

ها أقولك انطباعي عن دول الخليج باعتبار إن جربت كذا دولة..وطبعاً أكيد في ناس هتختلف معايا لأنها أذواق في الآخر...

1- الإمارات

مميزاتها: دولة رائعة ..نضافة ونظام في كل شيء وتشبه جداً الدول الأوروبية...أبوظبي مدينة تحب تعيش فيها طول عمرك، دبي زحمة جداً وتنفع للفسح أكتر، الإماراتيين شعب متحضر وأغلبهم بيحترموا الناس لكن هم حاسين بنفسهم شوية..أمان حقيقي على نفسك وأسرتك

عيوبها..غلاء رهيب في المعيشة والسكن والخدمات الحكومية..السكن في أبو ظبي مأساة والسكن في دبي بيكون في الشارقة وده معناه ساعتين الصبح وساعتين بالليل عشان تروح وترجع من الشغل...كمان فيها كمية انحلال عنيفة ولو عازب يبقى هتعاني من المناظر اللي هتشوفها...

2- قطر

مميزاتها: الأمان..دولة صغيرة وملمومة وبتنهض بسرعة جدا ..فرص الشغل فيها معقولة بالذات في أي حاجة ليها علاقة بالإنشاءات الشعب القطري(مع العماني) أطيب شعوب الخليج ومعظمهم محترمين ومتواضعين..عندي انطباع إن المرتبات هنا أعلى قليلامن الإمارات..لسه محافظين على أخلاقهم ومفيش انحراف علني زي الإمارات

عيوبها: بلد مملة شوية..مفيهاش غير الدوحة والدوحة أصلاً مملة..البلد كلها مصارينها طالعة برة ويببنوها من الصفر..نفس مشكلة الغلاء في المعيشة والسكن..مفيش رقابة كافية في الدولة على الكفلاء بتخلي بعضهم طايحين حبتين

هكملك الباقي لاحقاً لحسن تعبت من الكتابة

[ahmedkamal]

نقطه الخبره ده مهمة جدا وانت بتقول انك حديث التخرج وبالتالي البدايات مهمة جدا هنفترض روحت اي دوله المهم مش تحوش كام لان معلش ف الاول لازم تبني نفسك صح الاول واوعى تستعجل القرش هتتعب بعدين المهم اسال نفسك هتعلم ايه ولو فيه دخل كويس يبقى شيئ جميل مشكله الخيج انه عاوز حد شبه جاهز ولو انت محظوظ تقع ف مكان يتبناك ول هنفكر بكده يبقى انت هتوفق ف مكان هيستغل انك حديث التخرج وهنفترض انه ممتاز وهيعلمك ده طبعا هيجي ع حساب المرتب المهم هتكمل معاهم لحد ماتجمد وهتلاقي فرص ساعتها افضل تظهر مشكله انك تنقل من مكان للتاني وهنا هتكون الامارات افضلهم السعوديه متعبه جدا جدا جدا وقطر يعني مش بسهوله تروح مكان تاني الامارات ميزتها العرض فيها كتير وانت اتصالات والمجال ده ع اشده ف الامارات احدث افكار هتلاقيها هناك صحيح هتتعب شويه وهتتزنق ف الفلوس بس لو شبكت ف حاجه ومسكت الطريق هترتاح قوي هتكبر جدا فرصه انك تكبر ف الامارات افضل بكتير من اي دوله تانيه واللاهم من ده انت هتروح ازاي لو بصيت ع الامارات اسهلهم ف الدخول عن طريق تاشيره زياره وتعملمقابلات هناك وزي ماتيجي يبقى نقطه دخول البلد ده مهمة لان الباقي هيعتمد ع انك تشتري فيزا وده مكلفه ف السعوديه او الكويت غير بقى شويه كلكعه تانيه

اهم شيئ مكان تاخد منه خبره صدقني نصيحه ضحي بالفلوس الول الاهم الخبره

وماتنساش مجالك مليان منافسه من الهنود والفلبين

[dongol]

ما حدش اتكلم علي البحرين ليه

انا شغال في الامارات و جايلي عرض في البحرين بضعف الراتب اللي باخده في الامارات بس بصراحة انا مش عايز اسيب الامارات لانها بلد مريحه للغرب علي الرغم من الغلاء الفاحش في كل شئ

يا ريت لو حد شغال في البحرين يقلنا علي السكن و الاكل و المواصلات اخبارها ايه هناك

[شاب مصري]

ما حدش اتكلم علي البحرين ليه

انا شغال في الامارات و جايلي عرض في البحرين بضعف الراتب اللي باخده في الامارات بس بصراحة انا مش عايز اسيب الامارات لانها بلد مريحه للغرب علي الرغم من الغلاء الفاحش في كل شئ

يا ريت لو حد شغال في البحرين يقلنا علي السكن و الاكل و المواصلات اخبارها ايه هناك

ليا أصدقاء كانوا عايشين في البحرين

و أعرف عنها انها بلد جميلة وهادية لكن فيها انحراف خلقي جامد جدا

خمرة ودعارة وكدا

لكني مرحتش هناك أبدا

ربنا يوفقك .

[dongol]

ما حدش اتكلم علي البحرين ليه

انا شغال في الامارات و جايلي عرض في البحرين بضعف الراتب اللي باخده في الامارات بس بصراحة انا مش عايز اسيب الامارات لانها بلد مريحه للغرب علي الرغم من الغلاء الفاحش في كل شئ

يا ريت لو حد شغال في البحرين يقلنا علي السكن و الاكل و المواصلات اخبارها ايه هناك

ليا أصدقاء كانوا عايشين في البحرين

و أعرف عنها انها بلد جميلة وهادية لكن فيها انحراف خلقي جامد جدا

خمرة ودعارة وكدا

لكني مرحتش هناك أبدا

ربنا يوفقك .

شكرا شاب مصري علي ردك بس بصراحة انا ما يهمنيش موضوع الخمره و الدعاره ده لاني ماشي جنب الحيط و اهم حاجة اخلاق الواحد حتي لو عايش في لاس فيجاس مش البحرين

[Ambitious]

Ambitious مشاركة بتاريخ أمس, 11:00 PM

إقتباس(الباشمهندس ياسر @ Nov 18 2008, 06:41 PM) *

إقتباس(شاب مصري @ Nov 18 2008, 04:46 PM) *

إقتباس(Ambitious @ Nov 18 2008, 02:39 PM) *

إقتباس(شاب مصري @ Nov 18 2008, 08:45 AM) *

UAE

مالها ؟ blink.gif

حلوة whistling.gif

فعلا حلوة laugh.gif

فعلا حلوة اوى

خايف لتكونوا بتتريقوا :big_boss: