الغلط فيا ولا فيهم ؟؟ حد يفهمنى ليه بيحصلى كده؟؟

[لولا]

فى حاجه لاحظتها فى المحاورات ... فى البدايه قلت يمكن متهيألى ..بعد كده قلت بس دى بتكرر

بعد كده اتأكدت منها تماما ............. ومازلت غير مستوعبه ليها بصراحه ......... :D

الحاجه دى انا بجد اتمنى حد يساعدنى افهمها نظراً لأن حدود فكرى الضيق استعصى على فهم

ليه بيحصل معايا كده :D

وعشان ما افضلش فى ظلمه كده طويلا قلت اجى هنا افضفض يمكن حد ينورنى .

الموضوع بقى عشان مطولش عليكم .... انى لا حظت انى لما بدخل باب (هدى الإسلام )

واشارك فيه بيحصل الآتى ........... بيبقى فى ناس مش متفقه معايا فى طرح معين

او معترضه على حته من كلامى او كلامه كله مش فارقه .... المهم بقى فى الموضوع

واللى انا جايه هنا أسأل عنه ... غالباً جدا جدا الناس دى مش بتقتبس من كلامى وتوجهلى

خطاب مباشر ............ بمعنى الأخت لولا . او الفاضله لولا ............. او الزميله لولا.....

او الكريمه لولا ............... او لولا حاف حتى :blush2:

دول بيبقوا بيتكلوا ويناقشوا كلامى فى المداخله والواحد منهم بيبقى بيرد عليا بس من غير

ما يخاطبنى اصلا او ينطق اسمى من قريب او بعيد ......... :110:

يعنى بيقى الرد دا انا عارفه انوا على كلامى وليا انا بس ...عايم !!... كأن الكلام اللى بيترد عليه

مالوش صاحب ليه اسم . اللى هو (لولا :wub: )

وبعد كده لقيت ان الموقف بيتكرر فى اقسام تانيه مع نفس الناس .... لو اتقابلنا فى اى موضوع تانى .

انا قلت يمكن فى حد فاكر انى اسمى بيعض :110:

بس بعد كده جوزى قاللى على حاجه مش قادره استوعبها .......... وهى ان الناس دى هنا

واللى حصلى معاهم كده بيعاملونى انى بنت والكلام مع البنات حرااااااااااااااااااااااااام ولا ايه ؟!!

هو انا هنا عوره ولا فتنه ولا الكلام معايا عيب ولا اسمى عيب ولا ايه بالضبط :sad:

محدش يقوللى انى متهيألى انا بقول الجاجه دى بعد مواااااااااااااااااااااااااااااااااااقف عده حصل فيها

نفس الأسلوب .

انا بس كنت عايزه افهم اصلى انا فاهمه لغايه دلوقتى ولغايه ما حد يزيل الغمامه من على عينى

اننا هنا افكار وشخوص اعتباريه وليس رجل ومرأة... ومحمد وساره ، وعمرو وعلا !!

حستنى تنورنى لو كانت ليا معزه عندكم :110:

لولا

[لولا]

اذا ما اعتقد احدهم ان الموضوع لايوجد فيه ما يزعج ...فأتمنى ان يتخيل كل شخص

هنا فى المحاورات كيف سيكون احساسه لو تم التعليق على مداخلته بدون اقتباسها

وبدون توجيه خطاب لصاحب المداخله . او فى اسوأ الظروف اقتباس المداخله دون التحاور

مع صاحبها ؟ بمعنى اصح تعمد التجاهل مع سبق الإصرار والترصد .

حقيقه هى مسأله مزعجه لأقصى درجه وفيها اهانه شديده للمرأة وحط من شأنها وشأن

قدرها وفكرها هنا على المحاورات التى تلتقى فيها العقول والأفكار والثقافات .

احيانا اتخيل ان افكارى حتى يفترض لها ان ترتدى الحجاب فلا تمر من أمام أحدهم

فيرى فيها فكر انثى قبل ان يراه انه فى المقام الأول ........ فكر !!

هل الفكر رجل وامرأه ؟

هل الثقافه رجل وامرأه ؟

هل القلم رجل وامرأه ؟

هل ساحه المحاورات هى رجل وامرأه ؟

هل للخطاب المباشر مع الأنثى شروط تقتضى ان يكون فيه اسمها مسبوقاً بكلمه ( أم )!

انا صدقاً لا استوعب الصوره بوضوح تام ... حقا لا افهم لما يحدث معى ذلك ؟؟

اضع كل الإحتمالات ولا اعرف ايهم السبب الرئيسى .

لولا

[Emo]

لولا الغالية..

اعتقد رأي زوجك ااقرب للصواب..

يعني بيبقى شخص مش حابب انه يوجهلك كلام باسمك عشان مايبقاش شخصي..

هي وجهة نظر..(تُحترم) حتى لو ماتقبلنهاش..

يلا دومي بفرح..

[se_ Elsyed]

عفواً يا مدام لولا إنتي فكرك راح بعيد شوية ..

هانفصص الموضوع واحده واحده

هل كل اللي بيردوا من غير ما يذكروا إسمك .. كلهم رجالة ؟

لا اعتقد

ثانياً : الموضوع في أوله وأخرة يتعلق بأفتقاد البعض لأدب الحوار ....

ولا علاقة لهذا بموضوع رجل أو إمرأة أو عورة .... لإن زي ما حضرتك قولتي نحن مجرد كلمات وحروف

وبعدين الحل بسيط جداً .. اللي بيعمل كده حاول تتجاهليه أيضاً ...

واعتقد إن إقتباسه لكلامك والرد عليه لن يُزيد او يُنقص من قيمة أفكارك ...

[لولا]

لولا الغالية..

اعتقد رأي زوجك ااقرب للصواب..

يعني بيبقى شخص مش حابب انه يوجهلك كلام باسمك عشان مايبقاش شخصي..

هي وجهة نظر..(تُحترم) حتى لو ماتقبلنهاش..

يلا دومي بفرح..

العزيزه emo اشكرك كثيرا على اهتمامك وردك ولكن المحاورات اصلا وتلك المواضيع التى اتحدث عنها

هى مواضيع حواريه فكريه بالدرجه الأولى وليست مطروحه فى قسم المواضيع الشخصيه...

بمعنى هى تناقش فكر .......... وعندما تجدين ان كل الردود تتم بإقتباسات ردود اصحابها والتعليق

عليها وبدء ذلك بكلمه الفاضل/الأخ/الزميل فلان ماعداك فمن الطبيعى ان تشعرى بالإستياء

خصوصا عندما تستوعبى ان ذلك حدث معك لأنك لولا ......... مش متولى :D

تحياتى العميقه لك ايمو. :wub:

لولا

[لولا]

عفواً يا مدام لولا إنتي فكرك راح بعيد شوية ..

هانفصص الموضوع واحده واحده

هل كل اللي بيردوا من غير ما يذكروا إسمك .. كلهم رجالة ؟

لا اعتقد

ثانياً : الموضوع في أوله وأخرة يتعلق بأفتقاد البعض لأدب الحوار ....

ولا علاقة لهذا بموضوع رجل أو إمرأة أو عورة .... لإن زي ما حضرتك قولتي نحن مجرد كلمات وحروف

وبعدين الحل بسيط جداً .. اللي بيعمل كده حاول تتجاهليه أيضاً ...

واعتقد إن إقتباسه لكلامك والرد عليه لن يُزيد او يُنقص من قيمة أفكارك ...

ايييييييييييه يا سي السيد فكرتنى يأيام الكريمات والشامبو :wub: .

المهم بقى .

صدقنى يا استاذ س.س ان ادب الحوار المفقود هذا لدى البعض _ لا شيئ يحتمل التعميم_ هو قائم

لأن الفكر المطروح له صاحبة وليس صاحب ... فيتم التحاور مع الآخرين

بأسمائهم ونقاشهم وتجاهل احترامى بتعليق مباشر للنقد او الإستيضاح . ودون اى مبالغه ذلك لا يحدث

سوى من الرجال فقط . لأن فى تلك اللحظه تختفى فكره اننا هنا حروف وفكر أثناء التعامل معى .

معك تماما فى ان اقتباسه لكلامى من عدمه لن يزيد او ينقص من قيمه فكرى او كلامى .... ولكنه

تصرف يحز فى نفسي يا سي السيد ان يصل الفكر لهذه الدرجه والتعامل بهذا الأسلوب.

نصيحتك على العين والراس وحتما قرار التجاهل هو الحل ....... ولكنى آثرت ان افهم جيدا منكم زوايا

الرؤيه المختلفه للموضوع لأن تكرر مراااااااااااااات عده فى الشهور السابقه ويستحيل ان ابنى الحكم لو كان

ذلك قد حدث فى موقف او اثنان ولكنه متكرر ومن فئه معينه لا تتحدث فى اى مجلس الا بآيه وحديث.

اشكرك كثيرا على الإهتمام :D

لولا

تم تعديل 18 نوفمبر 2008 بواسطة لولا

[a m ghazi]

الاخت الفاضله الغاليه لولا

كلام سين سين عين العقل

انا معاك انها حاجه تغيظ

وده حصل معايا حاجه زيه كده

وواحد قالي

اعمل الخير وارميه البحر

وعلي راي دبور

كبر الجي وروق الدي

واللي يتجاهلك بالشكل ده تجاهليه وخلاص

الحمد لله انا كده برائه :110:

محدد انا بكلم مين اهو :D

:D :wub:

تقبلي تحياتي

[Diab]

بصراحة يا بختك يا لولا ع الوقت اللي بتلاقيه عشان تكتبي كل ده :wub:

اشتركتي في يونيه ووصلتي ل 1500 مشاركة

انا كملت 3 سنين ولسة موصلتش للألف

:D

تم تعديل 18 نوفمبر 2008 بواسطة Diab

[لولا]

الاخت الفاضله الغاليه لولا

كلام سين سين عين العقل

انا معاك انها حاجه تغيظ

وده حصل معايا حاجه زيه كده

وواحد قالي

اعمل الخير وارميه البحر

وعلي راي دبور

كبر الجي وروق الدي

واللي يتجاهلك بالشكل ده تجاهليه وخلاص

الحمد لله انا كده برائه :blush2:

محدد انا بكلم مين اهو :sad:

:D :110:

تقبلي تحياتي

يعنى انتا رايك كده يا ( ايه ، أم ،جى اتش،ايه،زد ، اى) :D انا قلت اخفف من حده توتر الإسم

خصوصا ان النسور كانت بتبصلى شزرا :wub: ....... الا هى النسور بتفرق بين البنت والولد فى الشزراً دى :110: .

والله يا اخى الف شكر على اهتمامك وردك لمساعدتى فى استيضاح الصوره الا انى لم افهم

كيف حدث معك ذلك هو انت ... اقصد انت يا هذا الست مذكراً ( وش عادل امام فى مسرحيه مدرسه المشاغبين :110: ) يعنى يا استاذ لم يتجاهل احد قيمتك الأدبيه ويتعمد عدم التحاور المباشر معك

لأنك أنثى ... ما حدث فى حالتك ان الموضوع الذى قدمته فى قسم الكمبيوتر استفاد منه بعض الأعضاء

دون ان يقدموا اى تعليق ............ مما يعنى ان وضعك مازال افضل من وضعى يا اخى أ.م .غازى :D .

تحياتى لك اخى الكريم ولأهتمامك وردك .

لولا

[hyyyr]

الفاضلة لولا

اعبر نفسي الان بعد مرور شهور قليلة على معرفتي ومشاركتي بالمنتدى متابع جيد له وللعناصر الفعالة فيه امثالك وسي السيد والكثيرين

وفعلا كلامك مظبوط تماما وشئ واضح لكن ليا رأي يمكن يكون غريب شوية وهو اعتقد سبب التعامل معاك بهذا الاسلوب من فئة معينه اعتقد والله اعلم السبب في الصورة اللي في البروفيل بتاعك رغم ان ده تخلف جامد لو كان سبب حقيقي .

عموما يا ستي بلاش تبقي حساسة زيادة عن اللزوم وعديها.

[لولا]

بصراحة يا بختك يا لولا ع الوقت اللي بتلاقيه عشان تكتبي كل ده :P

اشتركتي في يونيه ووصلتي ل 1500 مشاركة

انا كملت 3 سنين ولسة موصلتش للألف

ايه دا ... انا هنا فين :blink: ؟ انت مين :blink: ؟؟

يا عم دياب باشا الأسيوطى حفيد الخديوى باشا الدرملى انتا الظاهر التبس عليك

عنوان الموضوع ... انه يا عزيزى لولا مستأه من التجاهل :closedeyes:

وليس لولا مستنيه حد يدخل يقر عليها وعلى مشاركتها اللى وصلت ليها بمجهودها

الشخصى اى والله ... (حياه كلها تعب وشقا smk: ).

يعنى يا باشا لو كنت بتشد حيلك فى السنين اللى فاتت مكنش دا بقى حالك :closedeyes: .

عشان كده لو سمحت شد حيلك ووضحلى انا زى اختك برضه وميصحش تسبنى مش عارفه كوعى من بوعى

هو انت رايك ايه فى الموضوع ؟؟ يعنى انتا مع ولا ضد ؟؟ موافق ولا معترض ؟؟ تؤيد ام تشجب ؟؟

هما بيتجاهلونى ليـــــــــــــــــــــــــــــــــــه ؟ :sad:

المُتجاهله لولا .

[MZohairy]

يا لولا الفاضله

الدنيا دي مليانه اصناف من الناس اللي بتتعاملي معاهم في حياتك

صنف مضر و بالتالي لو تجاهلك يبقى خير و بركه و لازم تفرحي بكده

و صنف مفيد لو تجاهلك يبقى ضرر ليكي و لازم تحاولي تحلي الموضوع

و صنف لا يتزعل منه ولا يتفرح بيه و ده لو تجاهلك مفروض متحسيش بيه اصلا

حددي الصنف الأول و بعدين ردي عليا

تحياتي

مظهيري

[لولا]

الفاضلة لولا

اعبر نفسي الان بعد مرور شهور قليلة على معرفتي ومشاركتي بالمنتدى متابع جيد له وللعناصر الفعالة فيه امثالك وسي السيد والكثيرين

وفعلا كلامك مظبوط تماما وشئ واضح لكن ليا رأي يمكن يكون غريب شوية وهو اعتقد سبب التعامل معاك بهذا الاسلوب من فئة معينه اعتقد والله اعلم السبب في الصورة اللي في البروفيل بتاعك رغم ان ده تخلف جامد لو كان سبب حقيقي .

عموما يا ستي بلاش تبقي حساسة زيادة عن اللزوم وعديها.

استاذ (اتش ، واى تلات مرات ، آر ) ردك دا جميل فى رقبتى طوووووووول العمر

تسدق بالله ... هى عوامل متكامله ... يعنى اسباب متداخله فى بعض يا استاذنا ( مش حقدر اعيد الإسم تانى اصله طويل :closedeyes: ) يعنى انا مقتنعه بكلامك على فكره هى الصوره على التوقيع على افكارى

على كلامى على وجودى ككل عامل حساسيه للبعض ... بدليل لو كنت ( ام عبد الرحمن ) والتوقيع ( آيه او حديث ) ولا علاقه لى باى مشاركه فى ركن الأدب والشعر كانت الوضع سيكون غير الوضع .

ولكن انا اؤمن ان الإسم والصوره والتوقيع والفكر كلها انا ... كلها تعكسنى انا بعمق شديد جدا

فإذا كان ( أنا ) يسبب حساسيه ( لأنا آخر) فيقرر ان يتجاهلنى ويقلل من قدرى فماذا اقول؟

ماذا افعل ؟ كيف اتجاهل ما يحدث وكأنه لا يحدث ؟؟ لهذا انا هنا لأتحدث معكم ؟؟

بيتجهالونى يا جماعه !!!!!!!! :closedeyes:

والسبب بااااااااااااااايخ .

لولا المتجاهله ... بس مش فارق معاها :blink: .

[فركيكو]

يعنى بيقى الرد دا انا عارفه انوا على كلامى وليا انا بس ...عايم !!... كأن الكلام اللى بيترد عليه

مالوش صاحب ليه اسم . اللى هو (لولا )

وبعد كده لقيت ان الموقف بيتكرر فى اقسام تانيه مع نفس الناس .... لو اتقابلنا فى اى موضوع تانى .

لولا

الاخت الفاضلة مدام لولا .

أولا تحياتى

ثانيا واضح ان فية حد مختلف معاكى فى رأية فبيعمل كدة لكن أكيد محصلش كدة فى 1555 مشاركة بتوعك !..... مش كدة ولا أية ؟

عموما يا سيدتى اللى يطنشك طنشية زى ما قال سى السيد انا رأيى كدة برضة و كفاية الناس اللى بتقتبس وبتقول لولااااااااااا.

تحياتى لكى و لزوجك مع خالص تقديرى و احترامى لرأية .

و ياريت ما تاخديش الحجات الصغيرة دى على أعصابك لان فى حاجات كتييييييييير تانية بتتعب الاعصاب :closedeyes:

بس ممكن تقتبسى انتى من اللى انتى حاسة انة بيعمل كدة و تردى علية يقوم يتغاظ اكتر :closedeyes:

[لولا]

يا لولا الفاضله

الدنيا دي مليانه اصناف من الناس اللي بتتعاملي معاهم في حياتك

صنف مضر و بالتالي لو تجاهلك يبقى خير و بركه و لازم تفرحي بكده

و صنف مفيد لو تجاهلك يبقى ضرر ليكي و لازم تحاولي تحلي الموضوع

و صنف لا يتزعل منه ولا يتفرح بيه و ده لو تجاهلك مفروض متحسيش بيه اصلا

حددي الصنف الأول و بعدين ردي عليا

تحياتي

مظهيري :closedeyes:

مظهيرى اخويا ...ابن حتتى .. المتجاهل بعض الأحيان :blink:

لماذا ؟

لماذا؟

لماذا هذه الأسئله يا مظيهرى يا اخى بارك الله فيك ؟؟

لماذا تضع الوقود بجانب الحطب ؟؟ لماذا تسكب البنزين على النار خلينى كاتمه ارجوك :closedeyes: .

حتى اكون صادقه جدا يا زهيرى يا اخى هذا الصنف الذى يتعمد التعامل معى بهذه الطريقه

هو صنف يحكم على بشكل سطحى بحت من مجرد الإسم والصوره والتوقيع فتجده متحفز نحوى

بشكل غريب ويظهر ذلك فى ردوده التى تفوح منها رائحه الإزدراء .. طبعا هذا التصرف يصدر من صنف

يلبس ثوب الدين بأفق فكرى ضيق والحقيقه لا انا اتفق مع فكرهم بشكل مطلق ولا هما يحترمون

فكرى من اساسه وذلك هو الفرق بينى وبينهم انى لا احقر من كلامهم ابدا غالبا ارى له زوايا كثيره

صحيحه ولكنى ابتعد دوما عن الدائره للنظر بشكل اوسع للأمور دون ان اغلق فكرى عن مجرد السماع

والتحاور والفكر لأنه لا يدور فى دائره لها حدود بلون وسمك وقاع واحد.

باختصار هم جماعه لا ارى الأمور بنفس مقاسات نظاراتهم ... ودوما وابدا يكونون رجالا من اصحاب

الحوار بآيه وحديث .

غالباً يا زهيرى لا اتعامل مع اى فكر انه لا يهمنى حتى عندما تكون الفجوه بينى وبين الفكر اآخر

كبيره احب حقا ان يحدث حوار راقى محترم مهذب بينى وبينهم ... لا افرض عليهم نظارتى

ولا احب ان يفرضون على نظارتهم ولكن الحوار يوسع المدارك بعمق ويضيف دوما قيمه للفكر حتى لو كان

هناك فجوه اختلاف .

اهتم ان تسود الحوارات والإختلافات لغه رقى واحترام لفكرى وقلمى وشخصى ككيان اعتبارى هنا

يملك حقوق ادبيه لا احب ان ينتقص منها لمجرد انى انثى . اجد فى ذلك اهانه وتخلف فكرى

جاهلى يثير حفيظتى احياناً واتجاهله احيانا اخرى ....

ولكنى حقا اتعجب ان يحدث ذلك هنا فى عالم افتراضى ؟؟

هل لو ذهبت لأحد الشيوخ لأسأل واتحاور سيتعامل معى بهذه الطريقه يا زهيرى ؟؟

اعتقد انك تفهم ما اقصده هنا.

تحياتى لك اخى الكريم .

لولا

[Diab]

لو كنتي قريتي بين السطور كنتي فهمتي قصدي

تحياتي

[الباشمهندس ياسر]

الاخت العزيزة الزميلة الفاضلة لولا

طب يا لولا بسم الله ماشاء الله من غير قر وانما نظره :closedeyes: كده ع الماشى

مواضييعك بيقراها 2 مليون ونص و يرد عليها ييجى 3 الالاف نفر

نفر يخبط نفر :closedeyes: و يمكن يعوره كمان

انما الغلابة زى حالاتنا ان حد قرالهم ........مممممم ... قليلين اللى بيردوا عليه

طب ده الموضوع اللى الناس رديت عليا فيه هو

ابويا عياااااااان ادعوله

يعنى لا يمت للفكر ولا الدماغ ولا اى حاجة خالص

يعنى اولع فى نفسى ولا اعمل ايه

عموما

ببساطة تامة علاء الاسوانى قال فى احد اجمل مقاااالاته

الرجل انسااااااااااان حدث انه ذكر

المرأة انسااااااااااان حد انه انثى

و شكرا خلص الكلام على كده

يعنى الفكر مالوش دعوه او دوعه حتى

و كماااان هو فيه حد يزعل من النص الحلو فى حياتنا

و يارب يا لولا متكونيش زعلانة يا اختشى

و ميكونش الموضوع ده مأثر على نفسيتك خالص

و اخيرا انا بقى كاتبت مداخلة فى اخر موضوع و باقتباس ليكى

و انت طنشتينى ومردتيش عليا

ازعل بقى والا افتح موضوع

لولا طنشتنى يا جدعان :blink:

و بعدين يا لولا ما اجمل كلام زهيرى

وردة لزهيرى اخويا اللى لسه مشفتوش لغاية دلوقتى

[~Heba~]

لولا انتى بتهزرى

هو مين دا اللى يتجاهلك

و انتى كده اشهر من نار على علم و من انشط الاعضاء هنا لا و مش نشيطة فى اى مواضيع انما الموضوعات الفميدة فعلا

اللى بتجاهلك ده هو الخسران

يمكن يا ستى عدم ثقة فى نفسهم لانهم مش هيقدروا على الدخول فى محاورة مباشرة معاكى

طيب اقولك التجاهل ييجى ايه فى اللى حصللى انا

آدى اللى حصللى لما قلت رأيى فى موضوع

مجرد رأى

ارى ان كثيرا ان الذين يهاجمون السعوديه ينقسمون الى اقسام:

اولا: مسيحيون فى هذا المنتدى او فى المجتمع المصرى ولا ادرى ما سبب هذا الكره والحقد للسعوديه وهل هو نابع من كرههم للاسلام وللمسلمين.

ثانيا: شيعة فى هذا المنتدى وفى مصر ايضا ونحن ندرك سبب كرههم للسعوديه وكرههم لما هو سنى.

ثالثا: تاييدا لرأى بنت فى المنتدى وكانه موقع للشات وليس للراى الحر.

رابعا: ناس لا ليهم لا فى التور ولا فى الطحين وغاية الهجوم هو كلام وخلاص.

خامسا: رجل فعلا تعرض للظلم وللغبن فى السعوديه وهذا له الحق ان يهاجم.

سادسا: اناس ذوى افكار معتدله يفكرون ويقارنون ويكتبون كلامهم عن درايه وعلم وربما يهاجمون وفى بعض الاحيان يدافعون وهم قله فى هذا المنتدى وهؤلاء احترم رأيهم.

سابعا: ناس بتهاجم عمال على بطال ودول لازم ليهم دوافع وليس كلامهم مجرد رأى بل فيه دافع وهدف يريدوا ان يصلوا اليه.

ثامنا: ناس يعملون فى السعوديه ويدافعون عنها لان الله جعلها سبب فى رزقهم ولم يتعرضوا لظلم فيها ولا اخفى انى من هؤلاء ولكن هؤلاء لن يهاجموا لمجرد معلومه لن نعلم مدى صحتها او مدى تفاصيلها.

ادعوكم لنناقش الموضوع بحياديه ونكون على درايه بكل الاحداث او لنغلق الموضوع تماما

ارجو الا يتهمنى احد بالعماله او بعدم الانتماء.

وياريت ماحدش يزعل من كلامى وياريت الساده المشرفين مايحذفوش المداخله لانى اكتب رأيي

حذرى فزرى بقى البنت دى تطلع انا

طبعا انا اتفضل بالشكر لسيادة المشرف على انه استجاب لرغبة اخونا و لم يحذف رأيه

[أبو محمد]

الإبنة العزيزة "لولا"

هونى على نفسك يا بنتى .. إسمعى كلام جوزك .. وما تسمعيش كلام حماتك .. معلش .. أصل الهون بتاع السبوع لسه بيرن فى ودانى :blink:

أنا برضه ساعات باقابل نفس التعمد للكلام عن مداخلة لىَّ دون اقتباس ودون توجيه الكلام إلىَّ .. يعنى مش انتى لوحدك يا "لولا" :closedeyes:

بس إحمدى ربنا .. لأن ساعات فى ناس بتوجه الكلام لىَّ .. وبتقول لى يابو محمد .. بس باحس وهما بيقولوها كأنهم بيقولولى يابو لهب :closedeyes: .. يعنى الموضوع مالهوش علاقة بكونك سيدة أو بكونى رجل .. أقولك إيه تانى بقى بعد اللى قالوه زمايلنا ؟؟!!

[nash]

فى حاجه لاحظتها فى المحاورات ... فى البدايه قلت يمكن متهيألى ..بعد كده قلت بس دى بتكرر

بعد كده اتأكدت منها تماما ............. ومازلت غير مستوعبه ليها بصراحه ......... :blink:

الحاجه دى انا بجد اتمنى حد يساعدنى افهمها نظراً لأن حدود فكرى الضيق استعصى على فهم

ليه بيحصل معايا كده

وعشان ما افضلش فى ظلمه كده طويلا قلت اجى هنا افضفض يمكن حد ينورنى .

الموضوع بقى عشان مطولش عليكم .... انى لا حظت انى لما بدخل باب (هدى الإسلام )

واشارك فيه بيحصل الآتى ........... بيبقى فى ناس مش متفقه معايا فى طرح معين

او معترضه على حته من كلامى او كلامه كله مش فارقه .... المهم بقى فى الموضوع

واللى انا جايه هنا أسأل عنه ... غالباً جدا جدا الناس دى مش بتقتبس من كلامى وتوجهلى

خطاب مباشر ............ بمعنى الأخت لولا . او الفاضله لولا ............. او الزميله لولا.....

او الكريمه لولا ............... او لولا حاف حتى smk:

دول بيبقوا بيتكلوا ويناقشوا كلامى فى المداخله والواحد منهم بيبقى بيرد عليا بس من غير

ما يخاطبنى اصلا او ينطق اسمى من قريب او بعيد ......... :blink:

يعنى بيقى الرد دا انا عارفه انوا على كلامى وليا انا بس ...عايم !!... كأن الكلام اللى بيترد عليه

مالوش صاحب ليه اسم . اللى هو (لولا :closedeyes: )

وبعد كده لقيت ان الموقف بيتكرر فى اقسام تانيه مع نفس الناس .... لو اتقابلنا فى اى موضوع تانى .

انا قلت يمكن فى حد فاكر انى اسمى بيعض :sad:

بس بعد كده جوزى قاللى على حاجه مش قادره استوعبها .......... وهى ان الناس دى هنا

واللى حصلى معاهم كده بيعاملونى انى بنت والكلام مع البنات حرااااااااااااااااااااااااام ولا ايه ؟!!

هو انا هنا عوره ولا فتنه ولا الكلام معايا عيب ولا اسمى عيب ولا ايه بالضبط :P

محدش يقوللى انى متهيألى انا بقول الجاجه دى بعد مواااااااااااااااااااااااااااااااااااقف عده حصل فيها

نفس الأسلوب .

انا بس كنت عايزه افهم اصلى انا فاهمه لغايه دلوقتى ولغايه ما حد يزيل الغمامه من على عينى

اننا هنا افكار وشخوص اعتباريه وليس رجل ومرأة... ومحمد وساره ، وعمرو وعلا !!

حستنى تنورنى لو كانت ليا معزه عندكم :closedeyes:

لولا

شوفي يا لولا ببساطه شديده.....ممكن يكون هناك سبب اخر بعيد تماما عن كل ما ذكرتيه....

قد تكون أرائك مختلفه عن الاراء التي ذكرت في موضوع ديني فقهي خلافي..... وقد تكون في نفس الوقت صادمه لهم....وبالتالي يحدث نوع من الإمتعاض ثم التفكير في صاحبه هذه المداخله التي لم تؤمن ( بالشده ) علي كل ما يقولونه ولم تقل آمين ..وبالتالي تصبحين بالنسبه لهم رجس من عمل الشيطان..وتجاهلك صدقه يتقربون بها إلي الله..وكيف لا وانتي تجاديلينهم في العلم الذي يحملونه وجرؤتي علي ذلك....

أما إذا كنتي من الأول وافقتي علي كل الأطروحات وشديتي علي الأيادي واظهرتي أنبهارك الشديد بكل ما يتفوهون به ..ستنالين الحظوة والتكريم بل والإشاده بكل ما تكتبينه حتي ولو كان كلمه ( صباح الخير ) فقط..

هذا من واقع خبرتي المتواضعه في المنتديات التي أغلبها علي نفس الشاكله وبالتأكيد ليست مصريه...

ماتضايقيش نفسك وعادي خديها بروح رياضيه ....

تقبلي تحياتي