مشروع ذاكرة مصر المُعاصرة

[se_ Elsyed]

وأنا اشاهد بالأمس حلقة العاشرة مساءً وتحدثوا عن هذا المشروع الذي تقوم به مكتبة الإسكندرية .. إنبهرت جداً وهتفت فرحاً من داخلي وقمت على طول بالدخول على الموقع اللي بتنفذه مكتبة الإسكندرية الان ليكون بمثابة مرجع مهم لتاريخ مصر من عصر محمد علي باشا إلى عصر انور السادات ..

أينعم المشروع طور التنفيذ لكن يُمكنك الإطلاع على مخطوطات ومعلومات وصورة وأفلام وخُطب غاية في الأهمية ..

وأسمحوا لي أُثبت هذا الموضوع في باب الثقافة لإني متأكد إنه هايكون مرجع لناس كتير جداً

وهذه نبذة عن المشروع

إن مشروع ذاكرة مصر المعاصرة هو محاولة لإنشاء أكبر مكتبة رقمية للمواد ذات القيمة الثقافية والتاريخية المتعلقة بتاريخ مصر المعاصر، بداية من عهد محمد علي في ١٨٠٥ ونهاية بعهد الرئيس السادات في ١٩٨١.

تم جمع ورقمنة المادة من مجموعات المكتبات الخاصة بكبار السياسيين، والكتاب المصريين، كما تم الحصول على مواد من مؤسسات ومجموعات خاصة عديدة متعلقة بتاريخ مصر المعاصر خلال المائتي عام الماضية إضافة إلى الأرشيف التاريخي لمكتبة الإسكندرية.

تطمح المكتبة الرقمية في أن تكون المصدر الرئيسي للمواد التاريخية المتعلقة بتاريخ مصر، ومن ثم فقد تم تصميمها بطريقة تُتيح إضافة مواد جديدة كلما وُجِدت.

تحيا مصر ..

وده الموقع

ذاكرة مصر المعاصرة

وانا شايف ناس بتقرأ الموضوع وتقولي : طب واللي بيحب مصر القديمة .. يعمل إيه ؟

ولا يهمك يا سيدي .. عشان خاطر مصر القديمة والدرب الاحمر والسيدة زينب كمان ...

خد يا عم

موقع مصر الخالدة

[حسام يوسف]

خالص تحياتى يا عزيزى س س على الهدية دى

ربنا يكرمك والله

حقيقى الموقعين تحفة :D

تم تعديل 18 نوفمبر 2008 بواسطة حسام يوسف

[أسد]

لما تنزل مصر ..

روح اسكندرية ..

وزور مكتبة اسكندرية ..

ماتنساش تاخد عمر وباقي الفريق معك ..

كلكم حتتبسطوا جداً ..

[الباشمهندس ياسر]

الله يكرمك يا عم س س

هو ده الكلام

تسلم ايدك

[se_ Elsyed]

وعندك موقع مكتبة الاسكندرية وصلحه

دوس عالصورة بحنيه

[~Heba~]

محدش يكلمنى بقى انا انهارده اكون نزلت اكتر من 4000 كتاب من كتب المكتبة يعنى حوالى 15 جيجا من الكتب كنوووز بجد كنوز

ربنا يسهل و اقدر انزل الكتب ال 19 الف كلهم و انا شكلى حشترى لهم هارد مخصوص

موضوع ذو صلة

http://www.egyptiantalks.org/invb/index.php?showtopic=47162

و ده فهرس للكتب كلها و يقدر اى حد ينزلها لانها ليس لها حقوق طباعه و نشر

من هنــــــــــــــــــــــــا

اما الكتب التى لها حقوق يستطيع زائر الموقع تصفحها بنسبة 5% لتعرف عى محتواها

تم تعديل 22 نوفمبر 2008 بواسطة ~Heba~