توزيع بطاطين الشتاء على الفقراء

[moslemah]

السلام عليكم و رحمة الله و بركاته

بدء فصل الشتاء ببرودته و امطاره و التي نشعر بها جميعنا داخل بيوتنا و التي قد يجد بعضنا ما يقينا منه - و لكن هناك من لا يجد ثمن بطانية تقيه برد الشتاء هو و أفراد أسرته سواء كان شيخ او امرأة أو طفل صغير

لذلك نرجو منكم المساعدة في توفير البطاطين اللازمة لحماية هذه الاسر من برد الشتاء وهذه الاسر موجودة في القاهرة (( البراجيل - روض الفرج - عين شمس )) و في الزقازيق والاسكندرية والمنصورة و الغربية

للمساهمة في ثمن البطاطين لهذه الاسر - سعر البطانية حوالي 30 جنيه - يمكن الاتصال بالأرقام التالية : من القاهرة رقم 0102751386 أو 0106822685 أو 0103395660

من الإسكندرية 0102917717 أو 0107800996

من الغربية 0122827846 أو 0181417882

من المنصورة 0106784287 أو 0101302863

من الزقازيق 0127642944 أو 0126648759

[لماضة مصرية جدا]

السلام عليكم و رحمة الله و بركاته

انا لسه طبعا بكتشف عالم المنتدي الرائع

و لقيت الرسالة دي

و متهيالي ده وقتها عشان نحطها للرفع

تذكرونا في صالح الدعوات

ملحوظة يا ريت الفكرة تبقي في كل مصر

[sarmar]

هذة الدعوة موجههة لمن يريد ان يسدد ثمن البطانية اللة يجزاهم كل خير

طيب واللى مثلى ومحتاج بطانية تعييننى على برد الشتاء ومرارة السؤال وعدم اراقة دماء الوجة كيف اتحصل على واحدة منها بدون ان ازاحم او اتزاحم مع الناس ؟

كيف احصل عليها وانا لااعرف اى شخص يعمل فى هذة الاماكن ؟ وكيف احصل عليها وهى اصلا غير متوفرة ولما تتوفر يكون الشتاء انتهى

اتمنى من كل قلبى ان يكون هذا العمل لوجهة تعالى وان يحصل عليها الانسان الذى يستحى او يتعفف من الطلب

[لماضة مصرية جدا]

السلام عليكم و رحمة الله و بركاته

الحقيقة انا عندي اعتقاد ان الحاجة هي اللي تروح للمحتاج... مش العكس

بس برضه انا مبعرفش في شغل الجمعيات دي كتير.... لكن انا مؤيدة للفكرة... و استكمالا لها احب افكر معاك (معاكي) بصوت عالي و هو ان النشاط بيتقسم ل 3 مجموعات

المجموعة الاولي: ناس من اهل المنطقة التارجت اللي احنا عايزين ندخلها و نوزع فيها عشان هما اللي بيقولولنا فعلا علي الحالات الاكثر احتياجا

المجموعة التانية: بتطرح الفكرة علي مستويات مختلفة عشان تتأكدمن توفير الدعم الكافي... و بيبقي مهمتها التنسيق بين المتبرعين...و كمان انهم يجيبوا بطاطين بالجملة بجودة كويسة و بسعر معقول (ملحوظة البطانية ام 30 جنيه متنفعش في برد الشتا خاااااااالص)

المجموعة التالتة: و دي بالتعاون مع المجموعة الاولي بتعمل زيارات منزلية للاسر في بيوتها و من غير زيطة و زمبليطة

ع فكرة الحمد لله ربنا قدرنا ان احنا نطبق الفكرة دي و كنا مجموعة اصحاب يعني لا جمعية و لا وزارة شئون و لا الليلة دي

و ربنا كرمنا كتير اوي

بس خلاص

[se_ Elsyed]

هناك كثير من الجمعيات الخيرية لديها داتا بيز عاليه قوي عن الفقراء المستحقين للمساعدات وعارفين هما بيعلموا ايه ...

ومن تلك الجمعيات " جمعية دار الأورمان " اللي عامله مشروع دلوقت لبطاطين الشتاء .... ولهم تليفون موحد وهو 19455 تتصل يصلك مندوبيهم الرسميين لكي يستلموا التبرعات المخصصة لبطاطين الشتاء ... وعاملينها بقيمة رمزية قدرها " 35 ج "

وممكن طبعاً تتبرع بثمن 10 بطاطين او أكثر او أقل حسب مقدرة كل شخص

وبالمناسبة ... البطانية مش بهذا السعر .. ولكنه سعر تشجيعي عشان الناس تتحمس وتشارك في هذا العمل الخيري ... زي بالظبط لما كانوا عاملين مشروع الاُضحية أبو 800 ج ... وطبعاص ما فيش حاجه أسمها خروف بهذا السعر

بصراحه ...

مشاريع هايلة وأفكار عظيمة وجنود مجهولون بالالاف يعملون في صمت وغالبيتهم شباب جامعات صغير السن يُبشر بالأمل ....

[لماضة مصرية جدا]

السلام عليكم و رحمة الله و بركاته

ميرسي لحضرتك كتير انك رفعت الموضوع مرة تانية

احب اضيف اسم جمعية "رســـــــــــــــــــــــــــــالة"......كانوا شلة شباب من هندسة و معاهم استاذهم اللي لسه راجع من بلاد بره.... امكاناتهم قليلة.... لكن احلامهم كبيرة طارت و لمست السما

دلوقتي بقي فيه مبني ...... و مشروع مرتقب لدار أيتام..... مش عارفة كمل و لا لسه

ميرسي مرة تانية

اللهم اجعلني أراك في كل شيء