اقتراح بتجمع المحاوريين فى الرياض

[سكر]

الاخوة المحاوريين تحية طيبة وبعد

انا مشترك فى المنتدى منذ اكثر من عام ونصف

وتقريبا يوميا لازم اشقر عليه

واعرف ناس كتير لكن بالاسم الحركى فقط

كنت بسال هل من الممكن عمل اقتراح لتجمع بسيط لجميع الاخوة فى الرياض فى الاجازة الاسبوعية

للتعرف شخصيا وبقرب عن بعض

اكيد فى التعرف على الاشخاص استفادة لكل الاطرف

الموضوع مفتوح للمناقشة

[Diab]

طيب ايه علاقة الموضوع بباب مسائل اقتصادية

[قديم]

طيب ايه علاقة الموضوع بباب مسائل اقتصادية

عشان فيه رسوم للاشتراك ولا كان في منتدي الاجتماعيات wst::

[سكر]

والله من الصبح بحاول اكتبة فى باب المغتربين لكن دائما يطلع مشاكل للموضوع الجديد

ان اسف حرمت يا محاوريين

[قديم]

والله من الصبح بحاول اكتبة فى باب المغتربين لكن دائما يطلع مشاكل للموضوع الجديد

ان اسف حرمت يا محاوريين

واللي دفع عربون مشاركه .؟؟ طارت بلوشي wst::

[سكر]

انا واخد تريقة من الصبح على الموضوع

الظاهر ان الموضوع مش عاجب الناس

[essamalshaaer]

صباح الفل أولا ........... والله يا ريت انا من نحيتي ما عنديش مانع

بس انت عارف اه المشكلة ..... ما فيش تجمع لينا كمقيمين في الرياض في المحاورون

يعني متلقيش حد دعى لكدة ..... عندك سي السيد واحد من الزملاء موجود بالرياض

ومع انه شخصية قيادية وصاحب مشاركات وردود لا غنى عنها لأي حد .... مفكرش مرة في انه

نيجي مرة نتجمع في يوم خميس .... ننزل استراحة ننجمع فيها ونقضي يوم عائلي مع الأسرة كده

طيب بلاش دي تعالى يا سيدي على كافيه في العليا و لا في أي حتة .... لأن ممكن تكون راسم صورة لأحد لأشخاص

على النت بشك معين .... بعد متلاقيه وتتعرف عليه تلاقيه واحد تاني خاااااااااااااااااالص

المهم .... يمكن تلاقي بعض الأخوة بياخدو الموضوع ده بتحفظ شوية ..... وما بيفضلوش الحتة دي.

المهم انا معاك قلبا وقالبا ودعواتي للجميع بالتوفيق.

[se_ Elsyed]

..... عندك سي السيد واحد من الزملاء موجود بالرياض

ومع انه شخصية قيادية وصاحب مشاركات وردود لا غنى عنها لأي حد .... مفكرش مرة في انه

نيجي مرة نتجمع في يوم خميس .... ننزل استراحة ننجمع فيها ونقضي يوم عائلي مع الأسرة كده

طيب بلاش دي تعالى يا سيدي على كافيه في العليا و لا في أي حتة ....

يا عم عصام ربنا وحده اللي اعلم بظروف كل واحد ... وسي السيد مش هايحارب لوحده في المعركة ...

و

ولا بلاش

[essamalshaaer]

عزيزي سي السيد ............. صباح الفل

بداية أشكرك على الرد ..... وأن شاء الله يكون لينا فرصة نتجمع فيها

مع اني والله بكلمك وانا في قمت الزحمة ..... بس مش مشكلة تدبر ان شاء الله

طيب ما انت مقلتش أه أقتراحك .... ؟؟؟؟؟

في أنتظار ردك

صباحو ورد

[abo_sameer]

فكره جميله جدا

ونا مع الفكره والتنفيذ

لكن فكره الكافي اضن مش مناسبه لو العدد كبير عشان المكان والصوت

انا مع انو يكون ف استراحه بسيطه بدون عائلات اول مره

او في سكن احد الاخوه العزاب ,بشرط اعفاء العزاب ما يعمل اي كلفه لاننا هنتكلفل نحن المتاهلين بكل حاجه وكل واحد وهو جاي يجيب معاه ف ايده اي حاجه

عشان الصيف الايام دي ولا كنت قلت الحدايق كثيره والمنتزهات . وطريق المطار والثمامه

ايه في الاماكن العامه الصحراء مش الناس بتقعد ع الرصيف وكوبري المنيب هههه

خدو الموضوه ببساطه جدا جدا

ممكن نستعين بفكره الزملاء في جده والدمام والكويت وابو ظبي ازاي تم التنسيق وتنفيذ الفكره

[elshafey]

والله الكلام اللي هاقوله ده ما هو تريقة ولا تكسير مأديف

بس ابقوا قابلوني لو حد اتقابل

الموضوع ده هيحصل فيه زي ما حصل في السوق العربية المشتركة :lol:

انا آسف اذا كنت متشائم ومحبط ...........

بس ده حال كل العرب ......

راجعوا موضوع محاورات المصريين في قطر وصلوا ل 257 مشاركة ولسه ماتفقوش هايتقبلوا ازاي ولا فين

انا اسف لتشائمي مرة خري

تم تعديل 22 نوفمبر 2008 بواسطة amelshafey

[abo_sameer]

والله الكلام اللي هاقوله ده ما هو تريقة ولا تكسير مأديف

بس ابقوا قابلوني لو حد اتقابل

الموضوع ده هيحصل فيه زي ما حصل في السوق العربية المشتركة

انا آسف اذا كنت متشائم ومحبط ...........

بس ده حال كل العرب ......

راجعوا موضوع محاورات المصريين في قطر وصلوا ل 257 مشاركة ولسه ماتفقوش هايتقبلوا ازاي ولا فين

انا اسف لتشائمي مرة خري

مع اننا من اشد المؤيدين للفكره , وكنت اتوقع انها لن تتحقق لاننا مش عارفين ازاي نلتقي ,لازم نتقابل كلنا مع بعض وادا صعب جدا جدا

انا بقول راي واقتراحي للزميل الفاضل تامر وكل مين عايز يفكر بالاجتماع

فيحدد مكان اي مكان ان شاء الله على الطريق الصحراوي طريق الدمام ولا طريق مكه الساعه .؟؟ يوم ...... واللي عايز ييحي اهلا بيك وما ينسي يجيب معاه واحده من الحاجات ديه فقط واحده ممنوع ثنين

1_ ربع كيلو مكسرات او لب

2 _ طبق كيك من البيت مش عايزين من برا

3_ مجموعه متنوعه من الفطائر الصغيره لاتزيد عن عشر حبات بالكثير من البيت مرفوض من برا

4_ حافظه شاي ( الترمس) مع اربع كاسات فقط سكر برا

الي عايز يجلس على الارض يجيب معاه فرش ارضي واللي بيفضل يقعد على كرسي يجيب معاه كرسي عشان يقعد عليـه

اقترح يكون مساء يوم الخميس او الجمعه القادم في طريق الثمامه التخصصي . قريب من الشاليهات . بعد الميدان (الدوار) الاول

اللي يحضر الاول يعلق اي لون عشان نعرف او يقول لينا عربيـته ايه حاجه .

اضن بكدا نكون سبقنا مصريين قطر :king: في التحضير السريع . ولما نحضر يبقي نرتب للقاء التاني والثالث

[elshafey]

والله الكلام اللي هاقوله ده ما هو تريقة ولا تكسير مأديف

بس ابقوا قابلوني لو حد اتقابل

الموضوع ده هيحصل فيه زي ما حصل في السوق العربية المشتركة :closedeyes: :blink:

انا آسف اذا كنت متشائم ومحبط ...........

بس ده حال كل العرب ......

راجعوا موضوع محاورات المصريين في قطر وصلوا ل 257 مشاركة ولسه ماتفقوش هايتقبلوا ازاي ولا فين

انا اسف لتشائمي مرة خري

مع اننا من اشد المؤيدين للفكره , وكنت اتوقع انها لن تتحقق لاننا مش عارفين ازاي نلتقي ,لازم نتقابل كلنا مع بعض وادا صعب جدا جدا

انا بقول راي واقتراحي للزميل الفاضل تامر وكل مين عايز يفكر بالاجتماع

فيحدد مكان اي مكان ان شاء الله على الطريق الصحراوي طريق الدمام ولا طريق مكه الساعه .؟؟ يوم ...... واللي عايز ييحي اهلا بيك وما ينسي يجيب معاه واحده من الحاجات ديه فقط واحده ممنوع ثنين

1_ ربع كيلو مكسرات او لب

2 _ طبق كيك من البيت مش عايزين من برا

3_ مجموعه متنوعه من الفطائر الصغيره لاتزيد عن عشر حبات بالكثير من البيت مرفوض من برا

4_ حافظه شاي ( الترمس) مع اربع كاسات فقط سكر برا

الي عايز يجلس على الارض يجيب معاه فرش ارضي واللي بيفضل يقعد على كرسي يجيب معاه كرسي عشان يقعد عليـه

اقترح يكون مساء يوم الخميس او الجمعه القادم في طريق الثمامه التخصصي . قريب من الشاليهات . بعد الميدان (الدوار) الاول

اللي يحضر الاول يعلق اي لون عشان نعرف او يقول لينا عربيـته ايه حاجه .

اضن بكدا نكون سبقنا مصريين قطر في التحضير السريع . ولما نحضر يبقي نرتب للقاء التاني والثالث

نسيت حاجة مهمة ......

هات معاك راديو او كاسيت بحجارة عشان تسلي نفسك وانت قاعد لوحدك

صدقني ماحدش هينفذ

اسف مرة اخري للاحباط ولكن هذا ما سيحدث وما يحدث دائما مع العرب جميعا وليس مصر فقط

عدم الاتفاق علي رأي ...

ومتهيألي لما عملوا جامعة الدول العربية كانوا عندهم شوية سخونية

اسف مرة اخري بس انا دايما في الموضوعات اللي شبه دي بتشائم من نجاحها

ويارب تخيبوا ظني و تجتمعوا والله هفرح جدا .........

وهبطل التشاؤوم .... واكون انسان جديد ... ومن اول يناير .... خلاص هشيل حديد .... ويييييييييييييييييييييييييييييييييييييييييييييييييييييييييييييييييييييييي :wub: :blink: :)

تم تعديل 23 نوفمبر 2008 بواسطة amelshafey

[abo_sameer]

نسيت حاجة مهمة ......

هات معاك راديو او كاسيت بحجارة عشان تسلي نفسك وانت قاعد لوحدك

صدقني ماحدش هينفذ

اسف مرة اخري للاحباط ولكن هذا ما سيحدث وما يحدث دائما مع العرب جميعا وليس مصر فقط

:closedeyes: :blink:

فينك يا تامر ... يخبر كدا يا تامر ,..

اهلا بيك amelshafey ونورت الموضوع , طب ممكن نقلب الموضوع الي موضوع ثاني

ليه وايه اللي يمنع اننا تجمتع , سؤال للناس الي ف الغربه وبردو يسمح بمشاركه الاعضاء الي مش في الغربه لان الموضوع للمصريين جميعا

تم تعديل 23 نوفمبر 2008 بواسطة abo_sameer

[سكر]

انا موجود والله وكل يوم بحاول اقول يمكن فى امل

ومازلت مصر على الامل بس عندى صدمة نفسية من االمداخلات الاوله لاعضاء

بس احنا ممكن نقول ان اية هى المعوقات الى معظم المحاوريين بيفكروا فيها دة لو قراء الموضوع اصلا

1- الكسل

2- القناعة التامة بانها ملهاش فايدة

3- اية يا عم الصداع دة خليك فى حالك احسن

4- الشعور بعدم الاحتياج لاخر

5- مشاكل الحياة العامة لاتدع فرصة من الوقت لبناء علاقات جديدة

6- مفيش هدف محدد من اللقاء

7- غياب ثقافة التيم ليدر فى العالم العربى

انا بقى عايز عكس كدة وعندى فكرة جميلة

انا عايز بس 5 افراد يوفقونى على اللقاء يوم الخميس القادم

ومحدش لية دعوة بالباقى بس 5 افراد يقولوا انهم مستعدين يوم الخميس القادم بدون الدخول فى التفاصيل

[عصام أبوالفتح]

شكرا اخى altaamer على الفكرة

حديقة سلام مكان رائع شبه مجانى وممكن تستوعب الجالية كلها لو اجتمعت .

مقترحى هو :حديقة سلام - تراك الخيل والسيسى-يوم الجمعة القادم- الساعة 4 بعد العصر - طاقية زرقاء كبيرة ونظارة شمس

انا وولادى هنكون هناك ان شاء الله ..

[سكر]

الاخ عصام انا متشكر جدا على التجاوب السريع بس بعد اذنك

انا نفسى فقط فى اول 5 اشخاص يتشجوعوا معايا يوم الخميس القادم بعد صلاة العشاء

فقط هذا مطلبى الاول

وان شاء الله كرة التلج هتلف وتكبر بس الاول حد يدى زوبه زقه

[عصام أبوالفتح]

الاخ عصام انا متشكر جدا على التجاوب السريع بس بعد اذنك

انا نفسى فقط فى اول 5 اشخاص يتشجوعوا معايا يوم الخميس القادم بعد صلاة العشاء

فقط هذا مطلبى الاول

انت كده اكيد عازب يا جميل .. يعنى اللى معندوش دوام الخميس بالليل تفتكر هيفكر يخرج عياله فى المعاد ده .. وفى الشتاء !!!

بعدين فى نقطة تانية .. من خلال خمس سنين مشاركة فى المنتدى تعرفت على بعض القليل من المعلومات الشخصية التى تساعدنى على بناء علاقة اجتماعية مع عدد محدود جدا فى المنتدى .. لكن الباقى حتى معرفش اسمائهم .. تفتكر هاقابلهم ازاى وليه ؟

العملية متجيش كده لو رجعنا للصح .. العلاقة الحقيقة تبنى على الواقع

من خلال عملك وجيرانك تقدر تبنى زى ما كتير بيعملوا العديد من العلاقات الاجتماعية القوية مع المصريين .. وهذا هو الاساس فى رأيى

ومجمل القول ان الانترنت لا تبنى علاقة اجتماعية بمفردها .. ولا يمكن ان تصلح كبديل عنها .

[essamalshaaer]

أنا جاهز الخميس إلي جاي ....... حدد المكان والزمان يكون بعد العصر

[سكر]

الحمد الله ربنا رزقنى بذبون essamalshaaer

وان شاء الله الرزق قادم

على فكرتة يا اخ عصام ان متجوز ومعايا اولاد بس هما فى مصر wst::

ويمكن كلامك صح الميعاد يناسب العزاب اكتر

لكن نبدا عزاب وبعد كدة نتجوز مفيش مانع

انا موافق على بعد العصر بعد العشاء مفيش مشكلة يا essamalshaaer

المهم نحقق الهدف الوليد

5 افراد فى اول مقابلة