اقتراح بتجمع المحاوريين فى الرياض

[أبو زياد]

هذه الفكرة رائعة

وأشارككم بقلبى و عقلى

واعتذر عنكم لظروفى الصحية

كما أرجو تبليغى بكل نتيجة او تطور فى محاورات الرياض

وأرجو منكم الدعاء

تم تعديل 24 نوفمبر 2008 بواسطة أبو زياد

[abo_sameer]

أبو زياد

هذه الفكرة رائعة

وأشارككم بقلبى و عقلى

واعتذر عنكم لظروفى الصحية

كما أرجو تبليغى بكل نتيجة او تطور فى محاورات الرياض

وأرجو منكم الدعاء

الف لا باس عليك, وعواتنا ليك بالصحه

شفتو فائده الاجتماعات نسال عن بعض ونشوف بعض

انا موافق واحاول احضر الاجتماع رغم ضروف عملي

لكن احاول ولو ما حضرتك اكيد الاسبوع التاني اكيد ان شاء الله هكون اول الحاضرين

تم تعديل 25 نوفمبر 2008 بواسطة abo_sameer

[essamalshaaer]

صباح الفل .............. إقتراح ..........

ما تيجو نصلي الجمعة مع بعض ...... وتبقى بداية

ونتفق على مكان مسجد قريب لينا كلنا ......

[النجم الثاقب]

ممكن موضوع تجمع المصريين فى جدة يفيدكم

بالتوفيق إن شاء الله .

[عبدوو]

والله الكلام اللي هاقوله ده ما هو تريقة ولا تكسير مأديف

بس ابقوا قابلوني لو حد اتقابل

الموضوع ده هيحصل فيه زي ما حصل في السوق العربية المشتركة :rolleyes: :rolleyes:

انا آسف اذا كنت متشائم ومحبط ...........

بس ده حال كل العرب ......

راجعوا موضوع محاورات المصريين في قطر وصلوا ل 257 مشاركة ولسه ماتفقوش هايتقبلوا ازاي ولا فين

انا اسف لتشائمي مرة خري

ممكن موضوع تجمع المصريين فى جدة يفيدكم

بالتوفيق إن شاء الله . ha)

وفقكم الله وسدد خطاكم ..

اتفضل عندكـ كمان

اللقاء الثاني للمصريين في جدة ( دعوة عامة )

وانا شايف لو حد مش عاجباه الفكره بلاش يكسر مقاديف الناس مصداقا للحديث النبوى الشريف : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ (( مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلَا يُؤْذِ جَارَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيُكْرِمْ ضَيْفَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ )) أخرجه البخاري ومسلم

تم تعديل 26 نوفمبر 2008 بواسطة عبدوو

[هشام عبد العزيز]

المصريين في الرياض ليهم تجمع اسبوعي في نادي المصريين بالرياض

ياريت تشرفونا تجدو ما يسركم

بالامس كان موجود حمص شام مصري جميل

و عزومة كبدة اسكندرانية

وسيمنار مفتوح ماذا تريد تريد من نادي المصريين بالرياض

تقريبا متوسط من 80 الي 120 اسرة اسبوعي كل يوم جمعو بنشوف بعض

المكان ثابت بقالة اكثر من سنتين

[النيل حبيبي]

المصريين في الرياض ليهم تجمع اسبوعي في نادي المصريين بالرياض

تقريبا متوسط من 80 الي 120 اسرة اسبوعي كل يوم جمعو بنشوف بعض

المكان ثابت بقالة اكثر من سنتين

شكراً حبيبنا /هشام

اين مكان التجمع ؟كنت سمعت عليه ولااعرف مكانه

[essamalshaaer]

سلام عليكم

فين التجمع ده ..............ده انا جالي أحباط علشان نجمع الناس

المهم ... يفضل يكون عائلي مكان مفتوح ............سلام مؤقت

[actiniumer]

أخي الكريم هشام

يا ريت تقول لنا مكان التجمع ده ورقم تليفون أي شخص نقدر نتصل بيه علشان ننضم ليكم

[هشام عبد العزيز]

التجمع ده كل اسبوع تقريبا

يوم جمعة فقط

من بعد الصلاة مباشرة الي 10 مساء في الشتاء و في الصيف الي الساعة 2 فجرا تقريبا

---

المكان السلي

وانت جاي من الدائري الشرقي متجه للجنوب

بعد مخرج 17 تستمر في الطريق لكن خليك اقصى اليسار

تلاقي نفق ادخل فيه

في نهاية النفق ب كام متر تلاقي طريق يسار

ادخل فيه

اول اشارة اسمها هارون الرشيد

كمل فيها

ثانى اشارة اسمها اسطنبول ادخل يمين معاها

تفضل ماشي الي ان تصل الى محطة بنزين اسمها بن طالب

بعد محطة البنزين مباشرة ادخل اول شارع يمين

تمشي الي نهاية الشارع تقريبا 200 م

في نهاية الشارع ادخل يمين تلاقي سيارات كتير واقفة

الاستراحة على ايدك الشمال

اسمها الاستراحة الكبرى

تليفون اشرف العصفوري

0503278085

[هشام عبد العزيز]

الاستراحة مساحتها كبيرة

فيها مساحة مخصصة للنساء فقط

ومساحة اسر

كل اسرة تجلس علي ترابيزة

والملاعب الرياضية

يوجد 2 حمام سباحة مغلقين الان علشان الشتاء

يوجد مدرب كارتية و حصل ابنائنا علي الحزام الاصفر

حضر مندوبو الاتحاد السعودي للكارتية لتقيم ابنائنا في النادي

وحصلو على الشهادات

يوجد مدرب كرة قدم ايضا للابناء

يوجد مدرب سباحة علي اعلى مستوى في الصيف

ترابيزات تنس طاولة عند الرجال

و ترابيزة عند النساء

بيبي فوت للاطفال

في فترة الصيف كان يوجد مدربة لياقة بدنية ايروبتك عند النساء

ويوجد حفلة الجمعة بعد القادمة غالبا يحضرها وفد من القنصلية

تحيها فرقة عشاق مصر الفنية

ياريت نشوفكم في اليوم ده

من اسبوعين كان فيه انتخابات لمن سيدير النادي و الانتخابات دى سنوية