الحقوني بسرررررعة...

[Salwa]

شانا حبيبتى..

انا لسة شايفة الموضوع ده دلوقت ...

وبرضه حقولك ....انا ليه وجهات نظر غريبة شوية ...

الشخص ده مش حنين .........يعنى معندهوش حنان .

ابعدى عنه ياشانا ........اسمعى كلامى .

شوفى لما شاف الطفل الصغير .......ولا كأنه هنا ........طيب ازاى؟؟

فاقد الشىء لايعطيه يا ابنتى .

ده اى ../ بنى آدم .../ يشوف طفل يجرى يلاعبه ويسلم عليه ويعاكسه ...

ده باين عليه ......بخيل حتى فى عواطفه ...وبعدين لو هو كدة مع الاطفال .......انسى انه يكون عنده رأفة او رحمة .

اما حكاية انه عاوز يضحك على عقلك .....بكلمتين فى الدين ....فى ايميل .....ده كلام برضه؟؟

هو بيستعجل حكمك عليه .....وبيدخل من اقصر طريق .....الدين.

ياابنتى دى عشرة عمر ........وابسط حاجة كان زى ماهو عاوز دكتورة .

الدكتورة هى كمان عاوزة ......انسان .....مش آلة حاسبة ..

وعلى ايه بيملى شروطه ؟........عجبت لك يازمن ..

سلامى .

[Cleo]

معلش يا شنشن كنت مزنوقة فى البحث بتاع ال@__%&@%@_% الدبلومة (وش واحد مستعد يسقط فى الامتحان بس يلخص و ياخد الأجازة بأة)

مع احترامى لجميع الأخوة اللى دافعوا عن "الأخ"

من غير ام نحمل الكلام أكثر من معنى و من غير ما نحاول نلتمس الأعذار لواحد مانعرفوش... خلينا ناخد بالظواهر... الراجل قال ما بيبحبش البخيلة.... يعنى ممكن جدا يكون مستنى منك إنك تتكفلى بيه و بالبيت و لو ماعملتيش كدة تبقى بخيلة ووحشة و هاتروحى النار.. الكلام واضح زى الشمس

تانى حاجة... المسألة مش مسألة مظاهر و سطحيات.... لكنها بتعكس درجة اهتمام الراجل بالموقف... يعنى ده واحد واخد العملية باستهتار....

كونه أول مقابلة عمال يتكلم وحش عن خطيبته الأولانية و إنها كانت بتزعق فى العيانين دى حاجة مش ظريفة... كأنه بيسبق و يدى مبررات لفشل الخطوبة و يلقى الوزر على الخطيبة....

شانا.....

الموضوع ده قلق أوى ولغاية دلوقتى أنا مش شايفة ولا مبرر يخليكى تاخدى المجازفة و صوصا إن دى جوازة صالونات مش جوازة عن حب أو سابق معرفة... يعنى لازم من ألأول يكون فيه حد أدنى من القبول و الطمأنينة و الإغراءات المادية و النفسية و ده أنا شايفة إنه مش متحقق فى الحالة دى (طبعا إنت تشوفيى الحاجات دى أكتر منى)...

عموما أديكى استشرتى الناس....

عليكى دلوقتى غنك تستخيرى ربنا و هو يقدم اللى فيه الخير بإذن الله

[بنت شعنونة]

ماما سلووووووووى وحشتيييييييني جدا والله

كليوووووو

انا كنت مستنية راي الانااااااث ف الموضوع دا بفاااارغ الصبر

والله يا جماعا انا مش عاوزا اكون مفترية وفي نفس الوقت مش عاوزا اوهم نفسي بحاجا مش موجودة

انا عمالة اخلي بابا يقرا ردودكم كللللللل يوم

عشان لما يقابله النهاردا يبقى واخد باله

وموضوع لبسه عشان ما ابقاش مفترييييييية بس "وش محرج"

الراجل في اخر اللقاء اعتذر عن بهدلته (ولما بصيت مطرح ماكانت ايديه بتشاور وهوا بيعتذر لقيت بنطلونه فيه قذارة ) وهوا قال انه عربيتته اتعطلت وهوا طالع من الشغل..."وش مش فاهم ايييييي حاجا"

اما موضوع بخيلة

فيا استاذ صعيدي اللي خلاني اخاف

انه كللللللللل كلامه كان على المادة وحالته المادية

!!

مع اني قلتله انا ما يهمنيش المادية قد ما يهمني الأنسان نفسه ودينه

راح قالي انا الحمدلله متدين وبصلي وما احبش اغلط لكن انا فلوسي كذا كذا كذا ورجع تاااااااني يتكلم عن الماديات

وغلط لمدة ثانية انه في النصصصصص كدا قالي اصل انا رومانسي شوية

(دا كان بعد ما انا كنت بكلمه عن انه البنات رومانسيات وبتاع)

ادي بابا ها يقابلة الليله

وربنا يكشف المستوووووووووورر

"الليلة يا عمممممممدددددة"

[Katamando]

أختنا العزيزة شانا

من الواضح أن العريس لم يلقى قبولك حتى المبدئ كشخص ولكنك تحاولي ان تجدي سببا قوياً للرفض

أهم الأسباب مما ذكرتي أعتقد هو عدم التوافق الأجتماعي من حيث البيئة المحيطة اجتماعياً وكيفية النشأة

وعليه يمكنك التغاضي عن الأسباب الصغيرة كشكل الملبس والأعتناء بالمظهر وإن كانا ضروريان ولكن ليس بها يقاس المرء

أما بالنسبة لقوله أنه يتمني أن تكون شريكة حياته (مش بخيله) هل كان يقصد بعدم البخل في الأحاسيس والمشاعر والمعنويات أم كان يعد ويحصي الماديات (يمكن التأكد من ذلك بمراقبة نظراته وأنطبعاته عن منزلكم مثلا وكذلك تعليقاته على الأمور) فإن ثبت اليقين بأهتمامه المادي فهذا سبب قوي وأقوى من عدم القبول

ممكن أسأل سؤال

هل تم السؤال عنه ولو حتى عن طريق من أتى به اليكم؟

يعني مافيش أي معلومات عن الشخص ده غير اللي هو بيقوله عن نفسه؟

بالنسبة لموضوع 1500 جنيه طبعاً يفتحوا بيت ولكن بشكل لا يرضيكي بالتأكيد

مع أمنياتي بالتوفيق

[Cleo]

معلش يا كتاماندو.....

ممكن تفهمنى التوقيع بتاعك..؟؟؟

"وش محرج من جهله"

[بنت شعنونة]

يا كتامندووووووووو

والله انت ظالمني

حكمت علي اني رفضاه منين بس؟؟

ولو كنت رافضاه ما كان انتهى الموضوع في سعتها وما كنتش احترت الحيرة د كلها

المشكلة اني (للأسف) خرجت من اللقاء متعادلة يعني لا شبطانة فيه ولا مش طايقاه

ممكن نقول مرتاحه

فيما عدى النقط للي قلتها للي كانت "قلقاااااااااني" فقلت اسال

هل دا طبيع والا انا عشان معقدة قبل كدا ف حساسة حبتين؟

اااااااد كل لموضوع والله

وبعدين لا بسا ما سالناش عليه

نسال عليه من دلوقتي؟؟؟؟؟؟؟؟؟؟

مش لسا بدري كتير؟

كل معلوماتنا دلوقتي منه هوا شخصيا ومش من اي حد تاني...

وبعدين تعاااااااااالللللللللى هنا

انت قلت..

1500 " جنية تفتح بيت بس مش يلشكل اللي يرضيكي بالتاكيد"

؟؟؟؟؟؟

هوا انا فافي خالص كدا؟؟؟!!!!!! "وش محرررررررررج " "وش جاله اكتئاب بجد يعني"

انا كل اللي عاوزاه اني ما ابقاش بحلم عشان لا اظلمه ولا اظلم نفسي

يعني اكون بالعقل احكم على قدرتي الأنسانية في العيش ها اعرف اتصرف واتحمل والا لا

عشان ما اقولش اه انا جدعه

وبعد اول شهر اقول يا طلاق او اقوله اتصرف وهات!!

رحم الله امرءا عرف قدر نفسه

انا لو هوا انسان يعرف ربه كويس ومحترم وشاريني (انا كانساااااااانة)

والله لو كان كل ما يكلكه في الحياة هما ال 1500 جنيه دول اكون شاكرة فضل ربي عليا

غلط كلامي؟ "وش محرج تاني وكئيب برضه"

[Katamando]

الرد بالدور

أولا أرد على سؤال الأخت كليو:

بيض صنائعنا : يعني أعمالنا بيضاء (بالصلاة على النبي)

سود وقائعنا : يعني وقعته سودة اللى أمه داعية علي ونكرهه أو نعاديه

خضر مرابعنا : يعني بلادنا خضراء نضرة تسر الناظرين

حمر مواضينا : المواضي جمع ماضى وهو وصف للسلاح كالسيوف والسهام وحمر أي أننا أعتدنا القتال بشجاعة وتكون لنا الغلبة في نهاية الأمر

أعتقد أن الجزء الآخر من التوقيع واضح ومفسر نفسه

ثانياُ: للرد على شانا

1500 جنيه مش حيفتحوا بيت بالشكل اللي انت ترضيه بمعني أنك سوف تحرمين من أشياء كثيرة تعودتي عليها وتعتبر من المسلمات في حياتك مما يدخل الأنسان في دوامة عدم الرضا وبلاش الأفكار المثالية الخيالية بتاعت عش العصفورة ولقمة صغيورة يكفونا لأن الدنيا مش سهلة ومش صعبة قوي برضه

يعني كل ما هنالك أن انت فيما أعتقد لن تتعايشي مع وضع اجتماعي أقل مما تعودتي عليه طول حياتك في بيت اهلك وهذا حقك الشرعي

وانا مش بأقول عنك ( فافي ) ولا حاجة بالعكس أنت جدعة وكل حاجة بس محتاجة لشوية ارشاد

مش كده ولا أيه؟؟؟

[بنت شعنونة]

عيييييييين العقل يا ماندو والله

ودا نفس المنطق الليي بفكر فيه والله

يالله براااااااااااءة عفونا عنك "وش بيضحك"

[kokowawa1979]

لكن يادكتورة انت ماقلتيش : ياترى انطباع الوالد عنه كان إيه في أول جلسة ؟؟؟؟

وبعدين لا بسا ما سالناش عليه 

نسال عليه من دلوقتي؟؟؟؟؟؟؟؟؟؟ 

مش لسا بدري كتير؟

وبعدين كان لابد من السؤال عنه قبل قعدة الليلة برضه لمعرفة بعض الأمور عنه من بعض من يعرفونه لأنه واضح انه مفيش معرفة سابقة

[الطفشان]

وبعدين لا بسا ما سالناش عليه

نسال عليه من دلوقتي؟؟؟؟؟؟؟؟؟؟

مش لسا بدري كتير؟

كل معلوماتنا دلوقتي منه هوا شخصيا ومش من اي حد تاني...

أيوة طبعا

و من قبل ما يدخل البيت كمان

أمال بس تقعدي تحكي حكاية الشاب اللي عنده شقة و داير يخطب و يغرر ببنات الناس؟

أسألوا عليه من اول لحظة

وشاريني (انا كانساااااااانة)

يشتريكي كانسانة منين بس من الاول و هو ما يعرفش عنك حاجة

زي مانتي ماتعرفيش عنه حاجة

لكن يادكتورة انت ماقلتيش : ياترى انطباع الوالد عنه كان إيه في أول جلسة ؟؟؟؟

نقطة هامة جدا

[بنت شعنونة]

ما هوا يا استاذ كوكو بابا لسا ما شفهوش

اول مرة كنت انا وزوجة ابي بس

والنهاردا بابا واخويا ها يشفوه لآول مرة عشان يقرروا

هل نديه فرصة اننا نشوف هوا عامل ازاي عشان نكمل

والا كفا الله المؤمنين شر القتال وكل شيء قسمة ونصيب

[sos]

الاخت/ شانا................

ارجو من الله ان يوفق الى اتخاذ القرار الصائب.....

حقا لا يمكن ان يضاف بعد هذا الكم الهائل من النصائح والتحليلات...

اسمحي لى ببعض الملاحظات من خلال عناصر مختصرة:

1- 1500 كافية لفتح بيت (اذا لم يكن منها ايجار شقة).

2- معرفة البخل ليس بالامر الهين الذى يظهر من اول لقاء.

3- موضوع اللبس والهندام امر سيظهر بسهولة فى المرة الثانية (اللقاء مع الوالد).

4-لابد من السؤال عنه بشكل دقيق( خاصة اصدقائه)..

5-من يعمل فى المستلزمات الطبية...مشغول طوال اليوم...

6-لا تتعجلى .....خذى الوقت الكافى....قبل الرفض او القبول...

7-صلاة الاستخارة ...

والله الموفق...........مبروك مقدما....

[بنت شعنونة]

بابا شافه هوا واخويا

وكان رايه

اذا كان هذا الرجل مخبره زي مظهره

يبقى هوا دا الأنسان او الراااااااجل الذي نرضى دينه صحيح

عشان كدا قرر انه يديله فرصة

والحظ انه النهاردا جه على سنجججججة عشرة الصراحا

ولما بابا ساله على الأولاد قل انه بيبحهم جداااااا ودا سبب انه عاوز يتجوز طبيبة!! عشان تربيهم كويس جدا

وما جابش سسسسيرة ماتكونش بخيلة دي خااااااالص

يعني بصراحا لو المقابلة دي كانت اول واحدة كنت واقفت عليه على طول

المهم انه والدي تحفظ على حالته المادية

والتى هي

انه مش ها يدفع مهر ولكن ها يشارك في العفش

واقصى امكانياتة في الشبكة هي 3000 جنيه

بعد تفكير انا قلت لبابا

والله لو كان كل اللي حيلته فعلا 3000 وما استخسرهمش فيا ف انا موافقة عليه

انما لو عرفت انه في امكانة يديني اكتر واستخسر فيا يبقى مايلزمنيش

واتفقنا اننا نديلة فرصة لو طلع فعلا راجل محترم زي ما هوا مبين كدا

يبقى انا موافقة على ال 3000 دي و الكفاح معاه مدام راجل وها يصوني

ايه رايكم؟ "وش محرج"

[بنت شعنونة]

اخي سوس

انا فعلا سعييييدة بردك عليا ونصيحتك ليا "وش سعيد جدا"

وبجد فعلا انت اخ راقي "وش محرج جدا"

وانا سعيدة ان لي اخ مثلك ومثلكم كلكم

ربنا يخليكم ليا جميعا يارب

[الطفشان]

شوفي يا شعنونة

ما تاخذيش قرار بسرعة

لازم تاخذوا فرصة تعرفوا بعض

يعني تتقابلوا مع العائلات

و كل واحد يكون راي على مهله

مش من قعدة

قابلتوا عيلته؟

جه ابوه؟ امه؟ اخواته؟

ما هم دول أجداد و اعمام عيالك

ما تهمليش النقطة دي

و في نفس الوقت اسألوا كويس قوي قوي قوي

مش اي واحد جاي نقول اة او لا كدة

و بالتوفيق ان شاء الله

والله لو كان كل اللي حيلته فعلا 3000 وما استخسرهمش فيا ف انا موافقة عليه

انما لو عرفت انه في امكانة يديني اكتر واستخسر فيا يبقى مايلزمنيش

الموضوع دة احنا مش فصصناه و شرحناه قبل كدة؟

و قلنا اللي تطلب كدة تستاهل اللي يجرى؟

و حيقال انها داخلة على طمع

و ان الراجل بيفكر ان عنده التزامات و اولويات و بيفكر لقدام و المستقبل و الشغل؟

مش ممكن يديلك اللي معاه!

[بنت شعنونة]

لسا يا عم الطفشان

هوا انا ها تجوز بكرررررررراااا

كل دا مع الأيام الجايا وحدة واحد كدا هايبان كل شيء بالتدريج

وانا ها اقعد معاه افهمه الأول وبعدين نشوف عيلته بعد كدا

وبعدين موضوع الأستخسااااااار داااااااااا

فيه خلالالالالالالالاف

عشان انا قصدي

انه لو هوا من النوع اللي لو معاه 10 ها يديهاني وانا مراته عشان اجيب بيها حاجا لازماني لآن مقدرته عشرة انا راضية وسعيدة

انما مقدرته يشتريلي ب 20 و يدين عشرة بس بدون سبب مقنع (من وجهة نظررررري)

يبقى لا

حد فاهمنيييييييييي "وش مفروس"

وبعدين 3000 جنيه دي هنا دي لالالالا تذكر اصلا في الشبكة

[الطفشان]

لسا يا عم الطفشان

هوا انا ها تجوز بكرررررررراااا

يا ستي ربنا يوفقك في كل حاجة

يعني لو كملت او اتفركشت

كله توفيق ان شا الله

انه لو هوا من النوع اللي لو معاه 10 ها يديهاني وانا مراته عشان اجيب بيها حاجا لازماني لآن مقدرته عشرة انا راضية وسعيدة

انما مقدرته يشتريلي ب 20 و يدين عشرة بس بدون سبب مقنع (من وجهة نظررررري)

يبقى لا

معلش

انا شايف دة غلط

و اظن اننا اتكلمنا في موضوع زيه بالضبط سابقا

و مافيش داعي نكرر الكلام

[impossible]

شنشن يا حبيبتى محدش لاقى اليومين دول عرسان(جمع عرسة)ههههههههههه

الواحد يفضل وافق قدام باب الجمعية بس فين وفين على ما يلاقى

وهو ضل راجل ولا ضل حيطة

بالنسبةلموضوع العائد المادى انا اعرف ناس كتير فى بداية حياتهم ممكن يدوب يوصلو للمبلغ دة بس انا بجد عايزة اعرف يفتحو بيت ازاى ؟؟؟؟؟؟؟؟؟؟؟انا اخواتى الكبار تقريباا بيقبضو نفس المبلغ او اقل كمان

بس دة كدة ميكفيش فواتير النت لوحدة يا شانا يا اختى

انا معرفش اقول اية لانى ممرتش بتجربة زى دى ولا اتقدملى اى حد انا شا للة يقبض 1500 تعريفة

لا تستفتى من ليس فى بيتة دقيق يعنى من الاخر متخديش بكلامى

والخيرة فيما اختاااارة اللة

بالتوفيق

[بنت شعنونة]

القرار الأخير

فرررررررررككككككككككككششششششششششش

[ســيد مرزوق]

ممممممممبببببببببررررررررررررروووووووووووووووووووووكككككككككك

ربنا عاينلك الأحسن منه قريبا إن شاء الله

اللي يستاهل شانا .